地產論壇
登入名稱
密碼
頁數:
匯控分拆如毒蛇被攞膽
瀏覽人次:13168    回應:7

匯控分拆如毒蛇被攞膽

 

湯文亮博士

紀惠集團行政總裁
2022年5月20日

  彭博記者問我滙控是否應該分拆亞洲業務,我反問點解要訪問我。記者話唔知,他們做了一個調查,有很多聲音希望彭博可以訪問我。訪問已經出了街,所以我才夠膽寫這篇文章,因為很多時訪問是訪問,是否會刊出是另一回事。

     滙控是否應該分拆是要看兩件事,首先是被訪者的持股量,如果只得一萬股,大多數會以漠不關心的態度話應該分拆,十萬股的是模棱兩可,持有一百萬股的股東大多數是不贊成分拆。因為持有一萬股的股東,分拆與否對他沒有影響,既然有咁多人話分拆,就應該順從主流意見,持有一百萬股的股東,對於滙控應該有相當了解,知道分拆在短期內或者可以得益,但不利長遠發展。

     其次是被訪問的人視野,如果是短視的,當然是贊成分拆,短期可以刺激股價上升,但當分拆進行的時候,大家就會發覺,滙控的資源將會因為分拆而漸漸流失,但已經冇得返轉頭,當完成分拆的時候,滙控的功能已經損失很多,就算匯控在分拆後做得很出色,結果又要擴展,有可能要買回現在分拆的業務,真的是搵嚟搞。

     贊成分拆的人最大理由是亞洲的利潤補貼滙控在英國歐洲的支出,其實這是一個錯覺。沒有英國的滙控就好似一條失去心臟的毒蛇,表面上是沒有改變,而事實上那條毒蛇命不久矣,沒有心臟的毒蛇亦唔值錢。

     雖然有很多專家贊成分拆,我唔敢話那些專家唔夠視野,問題是他們的持股量,如果太少,他們只是唔介意分拆,而不是贊成分拆,如果匯控希望要求分拆的聲音減少,是非常容易做得到,只要維持每年派息最少兩次,以及在適當時候作出回購,我擔保現在要求分拆的小股東有大部份會改變主意。

匯控分拆如毒蛇被攞膽
1. 十一哥
2022-05-20 13:31
老湯應該升呢….博導,指導下班財資界博士….
2. 毒蛇被攞膽
2022-05-20 14:18
好想攞佢膽,但係好驚被佢咬,九成一生.
唔好對號入座,亂估佢係乜水?
3. Yau
2022-05-20 16:41
作為匯豐小股東,我贊成的是遷拆回香港,尊注亞洲業務,歐洲業務如同雞肋
4. 十一哥
2022-05-20 18:54
當年着草係怕比老表挾住冇得自由攞著數,而家點計阿爺都唔會真心捉佢返歸,招牌哎喲都係鴉片佬嫡系…圍城留一缺,老表只係比個色勞海賊認清邊個係大老細,枱面夾埋做下戲,等鴉片賊唔好肆無忌憚,5仔管理層冇得扮左右做人難。
5仔冇咗而家齊整嘅身份,存在價值就冇咁重要。
5. 引刀一快
2022-05-20 20:43
十一座順嫂

咁妳為乜著草去楓葉國?又係怕比老表挾住冇得自由攞著數?

傻啦,咁驚都無謂嘅。
6. 十一哥
2022-05-21 10:11
孖Q真係挾住咗…好功夫刀刀十一嫂!
7. 引刀一快
2022-05-21 15:38
十一座順嫂

幾多嘢好玩,玩畸形人?
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。