地產論壇
登入名稱
密碼
頁數:
北約增兵是防止烏克蘭軍隊離開烏克蘭
瀏覽人次:17485    回應:60

北約增兵是防止烏克蘭軍隊離開烏克蘭

 

湯文亮博士

紀惠集團行政總裁
2022年3月27日

  昨日中午在會所食午餐時見到有會友正在口水,佢話拜登去了歐洲,與北約歐盟等國家開會,拜登就風流快活,英國首相約翰遜就慘了,冇歐洲國家元首騷佢,一個人落落寞寞,不過在開完會之後,北約立刻向前華沙公約國家,包括波蘭,保加利亞,羅馬尼亞,斯洛伐克增兵四萬,準備幫烏克蘭同俄羅斯打仗,大家要提高警覺。

  會友可能誤會北約增兵的目的,不是準備進入烏克蘭打仗,而是防止烏克蘭亞速營以及新納粹分子在潰敗之後逃入上述四國,再擴散至整個歐洲,將會遺禍無窮,增兵是要上述兵團要戰至最後一兵一卒,由此可見,和談很快就會落實,再打落去,俄羅斯烏克蘭未死,歐洲其他國家先死。

北約增兵是防止烏克蘭軍隊離開烏克蘭
1. 引刀一快
2022-03-27 13:25
我到依家仲係懵懵然,烏克蘭做過咩嘢對唔住中國呢?賣航母俾中國、出口大量糧食俾中國、出口技術俾中國,大量科研人員係中國做嘢。
2. Friend
2022-03-27 19:58
阿A同阿B都係自己個friend.
阿A打阿B,咁自己繼續同阿A做朋友,又請阿B食飯。
唔通一定要同阿A絶交?
4. 引刀一快
2022-03-28 02:27
阿A一路打阿B,一路話你支持佢打,咁你遲早冇嗮friend。
阿A打嗮你啲朋友之後,一定打埋你。

5. 一元
2022-03-28 08:12
以普驚思维,

新纳粹必定要消滅!再以两个独立俄人区作缓沖。停火,不打乌西。

和談不容易! 

林引刀,和一个有6千颗核弹的隣居反面? 

!!引刀一快思维,真好笑。

你班大陆公知,“公公知識份子”!
6. 十一哥
2022-03-28 11:31
公公知識…刀刀….
7. 擺烏龍
2022-03-28 11:51


烏克蘭之俄烏戰爭是擺烏龍之戰......有可能俄羅斯之戰爭缺憾弱點被暴露......



8. 引刀一快
2022-03-28 12:15
寫啲咁嘢,即係我提出嘅說法無懈可擊,又win。
9. 十一哥
2022-03-28 21:43
刀刀一向都係有說法…冇圍發,搭個草蘆扮豬腳。

10. 老實講
2022-03-28 23:00
刀刀,

你懵咩啫?中國其實立場尷尬,冇話幫边位,立場中立!同俄羅斯只係生意照做啫,但都透過紅十字會捐物資俾烏黑蘭難民!

絕冇對唔住烏黑兰,莫非好似欧美國家咁送武器然後隔岸觀火,等俄烏打得勁D耐D先係對烏好咩?北約都唔夠膽落場,俾D咁嘅爛武器,烏黑兰會有机会嬴嗎?冇嘅話,咪即係推烏去死,安咩心?
11. 引刀一快
2022-03-29 07:32
To 10樓

1,我懵懵然係睇唔明,點解會有咁多中國人感情上會企俄羅斯一邊,國家點處理係另一回事。

2,你點知北約俾烏克蘭嘅武器,有幾多過時,有幾多精品?
提供武器係防禦,冇幫烏克蘭反攻喎,如果俄佬打人,個個都袖手旁觀怕咗呢條爛仔,遲早打到自己。成個北約剋住俄佬,咁中國就安全啲。
12. 一元
2022-03-29 08:11
林引刀,

你仍停留在苏联年代!苏联被解体,传闻我国都出了些少力。自从中俄边界签约后,两国再没乜冲突。

我国传统智慧

!!搬不走的隣居

还有俄罗斯有蒙古人血统,蒙古文化强化了俄罗斯战斗力,才有彼得大帝的扩张。

蒙元对於汉文化几乎零影响。除内蒙古外,和蒙古族最親的可能是俄罗斯。

现在我国都想和印度挌置领土争议,

!!始终这些解决不了的。

十四忆对十四亿,怎打? 大家都退出爭议区!北宋和辽国在现在的雄安区都玩过这招。
13. 引刀一快
2022-03-29 08:14
十一仔

你去楓葉國發圍,我去廣州發圍,咁廣東三寶就係陳皮老薑禾桿草,係草蘆㗎喇,好過你屋企草都冇條,俾你算死嗮,唯有𢲡塊楓葉遮吓喇,哈哈哈哈
14. 十郎
2022-03-29 10:48


      12樓1蚊 , 識唔識得解 , 乜野叫做“棋屎貪食卒”。

15. 老實講
2022-03-29 10:57
刀刀,

你又錯啦!中國人唔係企係俄羅斯嗰邊,只是係企係美國嘅對立面, 天下苦美久已,美國為禍世界數十年,陰質又霸道,做成咁多國家生靈塗碳,人道危險機; 今次, 俄羅斯不過係美國推去閹割歐盟嘅工具,唔只中國人,全世界幾十億人都心如明鏡,知道是非曲折,所以只有盎撤,歐盟D儍仔同時美殖嘅奴隸國先同美國企埋一邊,數盡唔夠十億. 你明嗎?唔關親俄事,只係仇美!

至於送防禦性武器, 送埋D打巷戰嘅武器,點防呀? 如果俄羅斯好似美國咁不顧平民死傷,狂轟濫炸一個月,防條毛呀! 班阿速營新納粹,綁架平民做人盾, 你話駛唔駛滅咗佢; 係黑暴時期,班友仲嚟香港教D暴徒點樣上升暴力,你話佢地抵死嗎? 講返D武器,完全唔可能返轉戰況,只係拖長D,打激烈D,多D人死傷,多D破壞,你話我知對烏克蘭有咩好處?

唯一對美國有好處,拖垮俄羅斯,打殘收割歐盟,等歐羅永遠無法挑戰美元!
16. 自我陶醉
2022-03-29 12:05
11樓 引刀兄

你諗多咗嘞! 北約只係一個防禦機制,即係人不犯我,我不犯人,對俄策略係圍堵,而不是主動攻擊,烏克蘭所謂的危害俄國安全,只係俄佬想實行蘇聯的偉大復興的偽命題。

北約現在係靠週邊盟國牽制俄佬,用烏克蘭消毫俄軍戰鬥力,如果一開始就用太先進武器,並唔符合打消耗戰原則,制到佢五勞七傷,打到佢半條熊命,先係最終目的,亦為往後十年的世界和平奠定基礎。
17. 海南人
2022-03-29 12:29
16樓!
你唔係阿!防禦機制????

打利比亞伊拉克阿富汗南斯拉夫等等........
18. 广东人
2022-03-29 12:38
1楼,

此乌克兰,非彼乌克兰。

当时卖航母,卖军事技术与中国的乌克兰,是由亲俄罗斯的总统执政。后来选出亲美国的总统。美国不允许乌克兰向中国提供军事技术。中乌之间所有军事合作在乌克兰颜色革命后已经实际上停止了。

若论卖军事技术与中国,则俄罗斯卖给中国的军事技术数量要超过乌克兰,尤其是空军。

但无论买俄罗斯军事技术,还是买乌克兰军事技术,前提是不能影响中国独立自主外交立场。可以真金白银俾钱买,不可以搭上本国外交利益,这是就官方而言。而民间同情乌克兰还是同情俄罗斯,就各行其是,现实是大部分中国人根本唔关心乌克兰和俄罗斯。

话时话,係开战前,普京已经讲到明,只要美国保证不接纳乌克兰加入北约,俄罗斯就放弃入侵计划。但拜登断然拒绝。

当其时,乌克兰嘅民选总统XX斯基,仍然有机会避免战争,方法系主动放弃加入北约,并且约束乌东地区的乌克兰军队和亚速营。但佢冇咁做。

可以话,今日乌克兰面对嘅一切,都係乌克兰人自己拣嘅,时间会证明这个选择是否正确。中国人,只能够尊重乌克兰人的选择,当然我们也尊重俄罗斯人的选择。



19. 老實講
2022-03-29 13:15
世界和平?莫非Afgan, Iraq, Syria, Lydia 戰爭係世人妄想出來的?真係一百歲唔死都有笑話聽! 
20. 引刀一快
2022-03-29 14:28
To 16樓自我陶醉兄

當所有害怕嘅人聯成一線,不再害怕,咁就係一種剋制,起碼對俄佬呢種完全不安分嘅國家嚟講係,我意思係咁解。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。