地產論壇
登入名稱
密碼
頁數:
各國沒收俄羅斯人資產應交給烏克蘭
瀏覽人次:19169    回應:10

各國沒收俄羅斯人資產應交給烏克蘭

 

湯文亮博士

紀惠集團行政總裁
2022年3月23日

  早幾日我搞錯,以為瑞士人在維也納廣場支持烏克蘭人,正確的是奧地利人支持,至於點解奧地利人支持,原因是奧地利沒有沒收俄羅斯人資產,如果有沒收的話,澤連斯基有機會打蛇隨棍上,要求支持他的國家將沒收俄羅斯人資產轉交比烏克蘭,畢竟烏克蘭才是真正的受害者,冇理由烏克蘭受苦,其他國家得益 ,在情在理,各國沒收俄羅斯人資產應該交給烏克蘭,唔好口惠而實不至。

  唔好講第二個,單講車路士,班主阿布早已表明將車路士出售,所得款項全部送給烏克蘭作為賠償,但英國政府急不及待沒收車路士,下星期會出售,但我又冇聽到英國政府會將出售所得款項轉送給烏克蘭,換句話說,英國政府搶了本來由阿布送給烏克蘭的錢,今次俄烏衝突,雙方都損失慘重,受惠者原來是支持澤連斯基打仗的人,政治是很殘酷,澤連斯基為他人作嫁衣裳。

各國沒收俄羅斯人資產應交給烏克蘭
1. 引刀一快
2022-03-23 17:03
轉成軍火,計平啲咪得囉。
2. SYB
2022-03-23 17:10
硬消老舊武器?高招,全部炸斕,再收一次重建費?
3. 引刀一快
2022-03-23 21:01
真係好奇怪,烏克蘭做過對唔住中國嘅事?冇喎!烏克蘭對中國唔好?幫中國好多喎!
4. 自我陶醉
2022-03-24 09:37
國破家亡都無忘納錢,係博士先諗得到。 哈哈哈!

5. 自我陶醉
2022-03-24 09:48
引刀兄

武器日日源源不斷運到烏克蘭,幾新都有,最近聽到嘅有星紋肩射防空飛彈,遲下仲有新開發嘅天劍防空系統,俄佬啲飛機大砲打下一架打下又一架,可能唔夠靶畀佢打呢,又無聽過要收錢喎!要收錢都問俄佬攞啦!


6. 引刀一快
2022-03-24 10:48
自我陶醉兄

好期待,俄佬幾時可以出狐蝠呢?如果普京出動狐蝠,唔好怪我幫狐蝠打氣啊,哈哈哈哈
7. 自我陶醉
2022-03-24 11:12
引刀兄

你講嘅狐蝠係咪米格25? 1960年代科技啦喎! 

今次俄佬請客做實彈軍演,又睇下佢畀錢買嘅飛彈勁啲,定係佢啲飛機大炮勁啲啦!咁唔知算唔算以子買之矛,攻子之盾呢? 哈哈哈!

8. 引刀一快
2022-03-24 23:13
自我陶醉兄

係呀,就係米格25,以前有部電影叫做狐蝠,梁普智導演,據說係香港開阜以來第一部中外合資電影,好睇呀。
中意隻狐蝠啫,唔係話佢厲害。
9. KS
2022-03-25 09:50

引刀兄,狐蝠 (Foxbat) 是1977年上映的新浪潮電影始祖,主題曲由鄭少秋所唱,香港演員有伊雷,黃錦燊,陳欣健等。

我有看,感覺耳目一新。

10. 引刀一快
2022-03-25 17:59
KS兄

呢部電影嘅原聲黑膠大碟,仲可以揾得到。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。