地產論壇
登入名稱
密碼
頁數:
目的已達,點解仲要加息
瀏覽人次:22494    回應:4

目的已達,點解仲要加息

 

湯文亮博士

紀惠集團行政總裁
2022年3月15日

  我自小有一個老友,唔算得一表人才,但從小到大,身邊都不知有幾多女朋友,而且不是普通的女朋友,是可以砰砰嗰隻,他的女朋友有一個共通點,就是非常貪錢,但又唔鍾意大家知道她是老友的女朋友。當時大家都唔明白老友如何運作,有一個星期六,老友良心發現,帶了一個朋友睇下佢點解有咁多可以人體與人體連結的女朋友。

  老友帶新相識的女朋友去珠寶店,揀了一隻價值成百萬鑽石戒指,即時開了一張支票,店員面有難色,老友話,支票放在珠寶店,鑽石戒指亦唔會攞走,待星期一過妥數才攞戒指,珠寶店當然冇問題。星期一早上,珠寶店通知老友,他的支票不能兌現,老友話,目的已達,支票點解仲要兌現。

  美聯儲局今個星期三議息,全世界都認為一定會加息,我話美國目的已達,美聯儲局點解要加息。

  很多人不明白,情況其實同我老友的手法差不多,美國欠債30萬億美元,美元疲弱,通脹持續,最好辦法就是令到世界不穩定,資金湧向美國,美元上升,物價自然下跌,通脹問題得到解決,美國亦不擔心持有美債的人兌現,甚至會有更多人買美債。

  俄烏本來是地區性衝突,但經過美英不斷煽風點火,澤連斯基七情上面,普京又按捺不住,話以核武侍候,隨時爆發第三次世界大戰,資金湧向美國,數量之多出乎美聯儲局意料之外,既然目的已達,美聯儲局仲點解要加息,我老友咁多年來,開了咁多次支票,但從未買過一粒鑽石戒指俾女朋友。

目的已達,點解仲要加息
4. 美股先係Priority
2022-03-15 23:29
逼資金流入美國似乎係爲佐維持美股在高位,多過壓低通脹。因爲一旦加息,美股爆破,美經濟將重創。理論上,越多熱錢流入美國經濟體系,當地通脹壓力越大。一面猛印錢,一面又係俄烏之間潑行火令資金流入美國,跟住又玩制裁俄中,同時又想要通脹回落,有難度。救美股同救通脹之間點揀?梗係救美股啦。通脹高D,可以忍受。美股爆煲,一切game over。美佬潑火,俄佬睇穿,乘勢打真軍蠶食老烏,烏佬傻下傻下。
5. D
2022-03-16 16:35
所以大行報告,評给公司全部不中立,全部為某國利益而做的。世界可能一分為二。
6. 十郎
2022-03-16 18:25


      我以前學師 , 加息會令股市跌 , 但是試過好多次 , 加息之後 , 股市倒升 , 壞消息出現左之後 , 就沒有壞消息了。睇下呢次靈唔靈?


7. 一元
2022-03-16 23:35
今年內,isa通帳將會超過20%。

學当年屋约克,加夠20厘,

!!都冇用

美国当年用粮食玩死苏联,俄罗斯是慕容復。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。