地產論壇
登入名稱
密碼
頁數:
為波蘭政府的政治智慧鼓掌
瀏覽人次:19802    回應:15

為波蘭政府的政治智慧鼓掌

 

湯文亮博士

紀惠集團行政總裁
2022年3月12日

  早幾日,蔡英文聽到一個消息,成晚都瞓唔著,美國政府話打算將總值35億美元的舊F16戰機轉送波蘭,條件是波蘭要將手上的米格29戰機,轉送給烏克蘭,據二手軍備公司估計,波蘭手上二手米格29戰機總值不到3億美元,如果交易成功,台灣蝕大本。

  光棍佬教仔,冇咁大隻蛤乸隨街跳,波蘭如果將手上米格戰機轉送烏克蘭,一定會同俄羅斯結下樑子,北極熊是惹不得,但如果不照美國意思去做,可能會被美國制裁,凍結波蘭人在美國資產。當大家以為波蘭政府今次一定死梗的時候,波蘭政府發揮他們的政治智慧,波蘭願意送出所有米格29戰機,不過是送給美國,而非烏克蘭。由美國再轉交烏克蘭,美國竟然唔敢要,老實話唔想同俄羅斯有正面衝突,難道美國人唔知道,己所不欲,勿施於人。

為波蘭政府的政治智慧鼓掌
1. 有對等資訊的人
2022-03-12 10:33
波蘭入北約的一天,已得罪俄羅斯,波蘭與俄羅斯是永遠的敵人,不會認賊作父的。
3. 曾代理
2022-03-12 10:42
歐盟唔敢在烏克蘭切禁飛區,美國又唔敢直接將米格戰機送給烏克蘭,烏克蘭總統還打什麼?盡快和談停火,免烏克蘭國民變難民。
4. 大鄉里
2022-03-12 13:17

烏總統就蠢過隻豬。

完善歐中俄橋樑角式,食三家茶禮,本可發過豬頭的。

5. 2022
2022-03-12 14:41
6. 2022
2022-03-12 14:47
應該叫做「精人出口,笨人出手」或「各懷鬼胎」。
7. .
2022-03-12 15:27
偉大的民主自由國家英國,為幫助解決數十萬難民,已給50名烏克蘭難民簽証。
真想知該50人是甚麽人。

8. Hongkong People
2022-03-12 16:18
大鄉里兄,

Zelenski 不過係傀儡,開戰前,德法領導奔走議和,佢一早就口氣鬆動,原可避免戰爭;一同美國通電就改口風; 暫時來講,和唔和談,佢身不由己,睇美國態度,佢姿態一軟,美國就有方法收拾佢,一時放風佢係美國嘅豪宅同巨額存款,一時就有烏克蘭主和派嘅談判官員被告殺, 一時就話設計好Zelenski死后嘅烏克蘭情況. 佢邊有咁高情操為國家利益,犧牲自己!

作為美國消耗俄羅斯嘅棋子,烏克蘭任務未完,繼續努力,可憐無辜百姓,俾呢位猶太人總統綁上戰車.
9. 引刀一快
2022-03-12 17:37
大鄉里兄

非常同意你講法,不過人浮於事呢。

中港同質化,同俄烏同質化,都係一直發生緊嘅事情,只不過進程不一樣,背景不一樣。食幾家茶禮呢樣嘢,終係會落幕。
10. 引刀一快
2022-03-12 17:45
呢鋪拜登夠道行,明嘅就戒急用忍,暗嘅就做咗幾多外界冇正式數據,俄佬摸唔到石頭,過唔到河。


11. 大鄉里
2022-03-12 18:00
引刀兄
 
世事真難料,但似乎天時地利都不及人和重要。

可能俄烏戰後,北约解散,中歐俄大聯盟,排除英、美也未定。

12. 引刀一快
2022-03-12 22:36
大鄉里兄


中歐聯盟就夠,歐洲鬼相對禮貌啲,黐住俄咁耐,你講我知幾時好過?

點解侵侵連任唔到?舞弊與否,一個在位總統點會完全冇乎?點解事前毫無反應?每個平反動作都係欲言又止,淺嘗輒止,點解侵侵俾人告通俄?空穴來風啊。

我最初以為侵侵係生意佬迷信,傳說歷任0結尾年度當選美國總統都在位死,依家打咗呢場仗,有多少頭緒嘞。

佢早就知道普京計劃,或者話普京早就通水佢知,所以侵侵放水俾拜登上,避開同普京正面交鋒,只要下次侵侵當選總統,拜登對俄佬所有制裁就會終止,侵侵放普京,普京幫侵侵制住中國。

我好耐之前講過,大大修憲無限期,就係要頂住彼得大帝。
13. 大鄉里
2022-03-13 00:23
引刀兄
俄國從中國以和為貴歷史角度看,不會感到中國軍事威脅。
從實力上看,普大大和中國不對抗,合作共赢才是上策,是凹凸配。
俄聯美抗中不智,只會損已利美,自取滅亡。
今次再看德、法反應,
和美國只能到處碎碎念式吹號角,
中欧俄和平共嬴,未必無機會,亦最合歐亞大陸板塊的利益。

14. 大鄉里
2022-03-13 00:35
hongkong people 你好

Zelenski 惡魔,是罪人。

今次看到西方傳媒、文宣,全是政治工具
誰掌握話語權,誰就是真理。

15. 一元
2022-03-13 08:45
刀兄,

你应该日日俾公知冼脑!亦或想洗人脑!

俄罗斯给人逼到入墙角,剩下揽抄一招。

!!王重阳装死

吓一吓西毒。
16. SYB
2022-03-13 13:17
更多正直,愛好和平的智慧在世界各地。不只現時烏總統「有智慧~四處撩交打」
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。