地產論壇
登入名稱
密碼
頁數:
茶餐廳亂話(1263)俄羅斯教曉中國用不友善國家名單
瀏覽人次:21337    回應:8

茶餐廳亂話(1263)俄羅斯教曉中國用不友善國家名單

 

湯文亮博士

紀惠集團行政總裁
2022年3月12日

  今早去到茶餐廳,有客人話北極熊好嘢,對在俄烏衝突中制栽俄羅斯的50個國家發出不友善國家名單,令到有一些唔知乜頭乜路的國家想打退堂鼓,老闆話,不少國家知道普京夠惡,所以只得50個國家參加制裁,加拿大在聯合國誣蔑中國在新疆進行種族滅絕,隨隨便便都有接近50國家支持,那些國家知道一件事,即使中國唔滿意,都只會話強烈譴責,堅決反對,根本無傷大雅。

  雖然今次俄羅斯教曉中國,可以用不友善國家來反擊那些參與誣蔑中國的國家,但我認為中國不必用,因為今次那50個俄羅斯不友善國家之中,已經有不少非常惶恐,被俄羅斯點名,都唔知道結果是怎樣,所以,即使有再國家提出譴責甚至制裁中國,參與的國家都不會太多,北極熊太犀利了。

茶餐廳亂話(1263)俄羅斯教曉中國用不友善國家名單
1. 自我陶醉
2022-03-12 09:14
北極熊太犀利了,一聽到有自己分,我諗大家都好驚驚,從來冇諗過上榜。 一於付諸行動,唔好得個講字,同時向50個國家宣戰,一顯普京大帝嘅霸氣呀嘛,哈哈哈!
3. 大鄉里
2022-03-12 15:05
飯局未完,至多搶下食,一旦反枱,又唔冋講法喇。

好快會見金仔發火,導彈示威,隊住南韓剎得系统。


4. 引刀一快
2022-03-12 17:52
自我陶醉兄

我依家好驚呀,我驚普京再立啲咩俄安法,列引刀為不友善賬號,點算呢?
5. 引刀一快
2022-03-12 17:57
列舉不友善國家呢招,唔適合中國用,俄佬爛仔開,亦唔要面,人地忌咗佢。但係中國一向講明唔搞霸權,友善待人,對啲乞衣國家一直用布施政策,莫講唔兇得佢地,俾少啲都作反,玩殺雞儆猴都唔知揾邊個開刀。
6. 自我陶醉
2022-03-12 18:35
引刀兄

如果“北極熊太犀利了” 呢句係我講,又會俾人話我:
崇拜“八國聯軍”嘅文化打手,只係奴才白痴上腦,膜拜強奸佢阿媽嘅強盜,仲要沾沾自喜,真係無恥至極!

咁俾人話我仲驚啦!點解嗰個網友依家又失咗蹤呢? 不過佢又唔係完全冇道理喎!

話時話,張名單水蛇春咁長,煩過對六合彩,如果可以改為列出友善國家名單,應該慳番大家好多時間呢! 哈哈哈!

7. 引刀一快
2022-03-12 18:43
自我陶醉兄

友善國家俄佬公佈咗喇,出兵侵略之後兩日,咪公開話中國係好朋友囉,淨係拖我地中國一個落水咋,幾尊貴呀,錫住越南印度費事佢地難做呀。
8. King
2022-03-13 01:45
呆灣有幸可以同世界各主權國家同時出現係名單上,開心到氹一聲
9. 自我陶醉
2022-03-13 08:55
引刀兄

係喎! 差啲唔記得咗嗰個靚女話俄羅斯有很多朋友,就是中國、中國和中國㖭! 咁都係寫番不友善名單好啲,無謂話畀人知佢咁孤立無援啦! 

玩串個party,搞到全世界經濟雞毛鴨血,竟然仲有朋友,北極熊太犀利了。 哈哈哈!

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。