地產論壇
登入名稱
密碼
頁數:
如果美國撤銷制裁俄羅斯,參與制裁的國家就大鑊了
瀏覽人次:18930    回應:26

如果美國撤銷制裁俄羅斯,參與制裁的國家就大鑊了

 

湯文亮博士

紀惠集團行政總裁
2022年3月7日

  有消息傳出,只要俄羅斯撤出烏克蘭,美國會取消所有制裁,消息唔知真假,又唔知道其他國家會不會跟隨,如果消息屬實,那些急不及待制裁俄羅斯的國家,例如比利時,瑞士,日本,星架坡等就大鑊了,尤其是星架坡,根本唔關佢事,點解要強出頭,唔講大家未必知道,星架坡的填海工程差不多是由俄羅斯一手包辦,唔使反轉豬肚,日本就不用多講,領土問題一定冇得傾。

  俄羅斯現在開始制定一份反制裁名單,曾經參加制裁俄羅斯的國家要小心了,其實,點解要跟隨美國制裁,地球還有一個聯合國,今次俄羅斯侵入烏克蘭的確唔啱,但跟住美國制裁,與捉了一個小偷下私刑沒有分別,私刑啱唔啱,大家心裡有數,點解唔由聯合國解決,如果嫌聯合國太慢,搞得嚟俄羅斯已經解放烏克蘭,不如將聯合國關閉,大家慳返一些會費。

如果美國撤銷制裁俄羅斯,參與制裁的國家就大鑊了
1. Hongkong People
2022-03-07 09:53
制裁都算啦,肆意充公扣留俄人係西方嘅私人財產,呢下真係乜嘢道德遮羞布都丟埋,露出強盜本性!  好事來的,中國真係要多謝俄羅斯出兵烏克蘭,對中國富豪上咗寶貴一課!
3. 十一哥
2022-03-07 15:19
開條人道走廊…如果D人盾散咗水,毛子就會是是旦旦咁襟掣….烏佬點肯放人走。
4. Hongkong People
2022-03-07 15:59
烏克蘭 Neo Nazi 城市巷戰方式,坦克開入打穿嘅地下層,平民被趕上二三樓做人盾,頂層埋伏snipers.  佢哋係咪想話俾世人知,俄羅斯軍在乎烏克蘭平民嘅生死,佢哋唔在乎,所以可以隨便挾持烏平民做人盾!
5. 十一哥
2022-03-07 16:39
停火比條路話名講人道,再嚟個歐添尾氹…投降係唯一選項,毛子烏子兩老表點會唔清楚乜嘢底。
6. 又有5毛
2022-03-07 18:13
4樓,好心你啦,你在現場咩,講到自己係戰地記者咁。你幫俄羅斯講說好話,記得周圍同人講呀。
7. 一元
2022-03-07 20:36
屁股盍了西鬼文明章的奴才,

你又在現場?你見到的还不是西毒梅的文宣!叫油管,非死不可,开放俄罗斯的电视台先啦!

乌克兰新纳粹在联合国是有议案的!
8. Hongkong People
2022-03-07 21:07
多謝一元兄嘅正義發聲!

真唔明,D人有好好嘅中國人唔做,甘為奴!
9. 保持理智
2022-03-08 02:25
烏克蘭總統是猶太人,他的爺爺是蘇聯士兵,曾經參與對抗德軍的戰爭。烏克蘭人以大比數選了一位猶太人做總統,然後普京說烏克蘭有很多新納粹分子,是否合邏輯呢?
10. 引刀一快
2022-03-08 03:31
唔係嘛?Hong Kong people 姐

俄佬對付烏克蘭同對付中國係同一個手法,對付中國仲殘忍啲,點解你有好好嘅中國人唔做,陪呢啲俄國奴做拉拉隊呀?
12. 又有5毛
2022-03-08 07:59
為正義發聲?你地為鐵鍊女發聲嗎?
13. 一元
2022-03-08 08:02
正常人思维是

!!引刀一痛

俄罗斯倒下,世界對付isa操控的民主僵屍就少了一大份力!

乌黑烂的啟示

1.被isa以民主洗脑操控的国家,会兄弟自残

2.西方黑媒有强大的洗脑能力,传染力強过新冠

台湾,香港,全世界的中华儿女要看清楚。我们有五千年的文化

!!令我们好好活下來

那是疫苗,抵抗西毒!
14. Hongkong People
2022-03-08 12:00
刀兄,

你成日講埋D老遠嘅嘢,俄佬可能講我哋嘅蒙古族鐵騎將佢哋踏在腳下幾百年!以你邏輯,日本仔應該同中國最大仇口, 清朝就搶晒我哋嘅錢,近代就殖民中國,入侵中國,無限殺害國人, 但你又咁鬼哈日,何解呢?

我就比較簡單, 一切以中國長期利益為依歸,個人覺得俄羅斯不能倒, 俄羅斯淪陷,美國帶住北約下一個目標就係中國.我並唔想我哋會成為今天日嘅俄羅斯人.  

老實講,係西方國家嘅俄羅斯富豪們,你估佢哋唔親西方嗎?你瞪大眼睇下佢哋嘅下場,西方而家撕下文明,露出強盜本色,明搶!

所以你同自醉係度媚西方,係非常時期, 唔可以成為你地嘅保命符,都係早D認清事實,企係歷史正確嘅一邊啦!
15. 十一哥
2022-03-08 12:24
9樓 根正苗就紅…入咗骨,問人哋冇喺現場…咁閣下是否身歷其境呢?其實大家都係隔聽風…吹水…唔好以自己嘅信仰當正邏輯…
16. 自我陶醉
2022-03-08 12:45
“成日講埋D老遠嘅嘢?? ”

話緊半毛嗎?

“媚西方? ”

 不如檢討下自己筆名先啦! 哈哈哈!

17. 自我陶醉
2022-03-08 14:38
引刀兄

啲毛毛真係弱智無極限,過去幾百年都係俄佬侵佔我哋土地,如果我哋反俄算係媚外,呢班垃圾直頭係通敵呢!
18. 引刀一快
2022-03-08 16:10
自我陶醉兄

我依家已經唔再用邏輯思維去陪佢地“討論”,雙重標準、偏執、戾橫折曲、一葉障目、言行不一、偷換概念、胡扯,無限loop,乜都齊。
求其噏幾句算喇。
19. 引刀一快
2022-03-08 16:12
十一仔

“9樓 根正苗就紅…入咗骨,問人哋冇喺現場…咁閣下是否身歷其境呢?其實大家都係隔聽風…吹水…唔好以自己嘅信仰當正邏輯…”

你自己就日日隨口噏,人地就要現場直播先算數,呢下真係唔高。
20. 引刀一快
2022-03-08 16:48
Hong Kong people姐

刀兄,

你成日講埋D老遠嘅嘢,俄佬可能講我哋嘅蒙古族鐵騎將佢哋踏在腳下幾百年!

蒙古係外族,蒙古同清朝、民國、解放後,邊個近啲?俄佬近兩百年,到目前,依然不斷蠶食中國疆土,唔係舊事,係現兜兜。


以你邏輯,日本仔應該同中國最大仇口, 清朝就搶晒我哋嘅錢,近代就殖民中國,入侵中國,無限殺害國人, 但你又咁鬼哈日,何解呢?

我點哈日法?舉例唔該,日本仔當然係深仇大恨,但係依家佢係得個釣魚台有爭議咋喎,同俄佬奪咗三分之一個中國,差好遠。而且,我從來都支持保釣,哈咩日?

仲有,俄羅斯奪海參崴嘅時候,連驅逐原中國居民都慳返,直接屠殺廿幾萬平民,日本仔對敵人殘忍,而俄佬根本就冇當中國人係人,你又講講你點解哈俄哈的落手。

我就比較簡單, 一切以中國長期利益為依歸,個人覺得俄羅斯不能倒, 俄羅斯淪陷,美國帶住北約下一個目標就係中國.我並唔想我哋會成為今天日嘅俄羅斯人.  

呢個講法有問題,俄佬帶住印度同越南圍中國呢?你知唔知依家全世界最威脅中國就係佢地,俄佬串埋一線就係壓製中國,俄佬搶地,佢兩個搶生意,一旦扶植起佢地,中國前途非常受威脅。
美國帶住北約,點對付中國,唔該你講講。

老實講,係西方國家嘅俄羅斯富豪們,你估佢哋唔親西方嗎?你瞪大眼睇下佢哋嘅下場,西方而家撕下文明,露出強盜本色,明搶!

親唔親有冇標準?唔好估嘅就當成理據去討論,佢地有冇貢獻西方多過蘇聯?啲有錢佬,個個都係為自己,呢鋪俾蘇聯累啫,咁佢地啲錢又係點喺蘇聯度揾返嚟?千絲萬縷理唔清,反正我唔會同情佢地。

所以你同自醉係度媚西方,係非常時期, 唔可以成為你地嘅保命符,都係早D認清事實,企係歷史正確嘅一邊啦!

我同自我陶醉兄從來乜都唔媚,只看黑白對錯 ,冇諗過要咩嘢嚟保命,有道理就講,冇道理嘅就駁,人上有天,保命方法就係信天。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。