地產論壇
登入名稱
密碼
頁數:
俄烏戰後,世界反而得到和平
瀏覽人次:14674    回應:18

俄烏戰後,世界反而得到和平

 

湯文亮博士

紀惠集團行政總裁
2022年2月28日

  我相信一般人,甚至是軍事專家,都想唔到俄羅斯揮軍入侵烏克蘭,不少人擔心會引致第三次世界大戰,老實說,美國如果不出手,就冇可能引致第三次世界大戰,但如果咁容易為了冇關係的烏克蘭出手,美國又冇可能成為超級大國,又如果俄烏戰爭沒有引致第三次世界大戰,在未來一段長時間,世界反而得到和平,因為大家已經認清了美國真面目,唔會因為美國話支持而得罪其他大國,立陶宛睇到今日烏克蘭結局,真的是抹一額汗,不過,就算沒有軍事衝突,中國的半制裁亦令到立陶宛的經濟損失相當沉重,如果俄烏戰爭發生在台灣正名之前,立陶宛一定唔會讓台灣以台灣名字在立陶宛設立辦事處。

  有不少人唔明白,雖然話有美國支持,烏克蘭點解咁夠膽向俄羅斯挑釁,加入北約明剃俄羅斯眼眉,老實說,如果普京唔出兵,烏克蘭加入北約,不出三年,美國就會要求在烏克蘭設核武,如果到那時候俄羅斯才揮軍入侵烏克蘭,俄烏隨時可以出現核子戰爭,美國就得其所哉,不費吹灰之力,用烏克蘭解決俄羅斯,以後可以一心一意對付中國,首先將台灣正名,一定會有一個國家提出讓台灣加入聯合國,到時候中國就有麻煩,烏克蘭出事,中國統一是事所必然,不過不但不會是武統,甚至是台灣人要求統一,如果是真的話,真的是世事如棋。

  今次烏克蘭事件,五眼,G7,歐盟,北約全部袖手旁觀,不少人不明白,任何一個聯盟都可以擊敗俄羅斯,點解唔出手救烏克蘭,有政治家話,所有結盟的國家都睇到美國只是在場外吶喊助威,不會卷入漩渦,如果強出頭,隨時都會俾俄羅斯亂彈打死,不如跟美國玩下制裁,慳水慳力,有乜事都有美國大哥頂住,安全很多。

俄烏戰後,世界反而得到和平
1. 引刀一快
2022-02-28 11:21
照咁講,中國最蝕水,因為我地中國講明不搞霸權不侵略,世界變成誰大誰惡誰正確之後,我地中國得個大字。
2. 十一哥
2022-02-28 12:00
刀刀早早行路北上係有先天原因嘅,留喺山旮旯扎個草蘆打下座4野冇乜人…仲可以扮扮孔明,番嚟就真係冚唔住乜7都唔明,講明…講極都係唔明㗎嘞…智商…一切都係智商問題。
3. 十一哥
2022-02-28 12:06
刀刀最難得係…保持住初生嘅初心,人之初性本惡…
4. 十一哥
2022-02-28 12:36
約咗埋枱講數,雙方就一定冲頭,毛子早就杭定砂炮哂定冷扮嘢最多一鑊熟,呢頭洋基佬吖瀬就冇限量派架撐比儍強壯膽,似足社團…講數一定要先哂馬,其實大家都怕痛先會約埋枱講數。
阿爺早早就明白…打好自己鐵桶嘅江山,係行走江湖嘅根本,發哥話齋…點可以比人用槍指住個頭…焗住毛子洗濕個頭…而家係要睇住阿爺面色行事嘞。

5. 引刀一快
2022-02-28 12:38
喂,十一仔,你都係大陸落嚟嘅,乜你真係以為大陸人咁蠢嘅咩?哈哈哈哈
6. 引刀一快
2022-02-28 12:43
自我陶醉兄

隻砲後馬又出嚟喇,十一仔知道捉錯路轉口風喇,賽後評論當賽前預測,仲話人地啲性能力好惡喎,哈哈哈哈
7. 自我陶醉
2022-02-28 12:50
引刀兄

呢班豬頭丙出嚟獻世係為咗娛樂大家,人哋要跳草裙舞又好,跳土風舞又好,只要唔係跳脫衣舞影響我哋食慾,咪由佢跳囉!

依家跳嘅兩頭蛇舞,擺嚟擺去,擺到連佢自己都頭暈,一僕一碌個衰樣,幾有娛樂性呀! 哈哈哈!

8. 自我陶醉
2022-02-28 13:00
引刀兄

其實諗落都幾好笑,一班唔識玩21點嘅豬頭丙,成日扮晒軍師話人個庄好有錢,一定冇得賭,牌都未派就日日叫人投降輸一半,真係笑爆咀! 賭得就預咗輸,咁驚輸人哋就唔會坐落去賭啦,超低B! 哈哈哈!

9. 識唔識架?
2022-02-28 14:57
博士問:點解美國、5眼同北約唔出手救烏克蘭?
答案係:啱啱喺阿富汗逃命,氣都未透順;惟有精人出口,笨人出手(俾人揼);唔係咩呀?哈哈
10. 北約
2022-02-28 15:22
又想博士點評論俄羅斯過去為何申請要加入北約,是三次申請
11. 難評估
2022-03-01 00:10


俄烏戰後,世界反而得到和平???   世界政治局勢千變萬化......平民難以評估....




13. 俄已輸
2022-03-01 03:55

傳統中立國瑞士在經過幾天的考慮後,決定採納歐盟對俄羅斯的所有制裁。

瑞士制裁措施無例外適用於所有制裁對象:五個寡頭已經被禁止進入瑞士,包括總統普京和外長拉夫羅夫在內的歐盟制裁名單上所有336人的銀行賬戶,將被立即凍結。

據信,瑞士銀行持有數十億美元的俄羅斯資金。

瑞士領空對俄羅斯飛機關閉,而瑞士的航空公司已經取消了飛往俄羅斯的航班。

這毫無疑問對瑞士來說是巨大的一步,因為這個堅持中立的國家經常苦惱於中立的實際含義。

今天,瑞士總統卡西斯(Ignazio Cassis)明確表示:攻擊烏克蘭就是攻擊自由和民主,是絶不可以接受的。「在侵略的把戲中游走並不是中立」 ,任由瑞士倡導的日內瓦條約遭到踐踏而袖手旁觀也不是中立。

14. 軍事家
2022-03-01 10:18
烏克蘭總統要俄羅斯嘔返已吞併地區, 及即時加入歐盟, 這場扙看來烏克蘭會變成另一個阿富汗, 將沒完沒了. OPEC 成員國和中國都大力支持和美國對著幹, 油價一年半載都不會回落, 有別於 QE,美國必須大幅度加息壓通脹.
15. 引刀一快
2022-03-01 11:05
十一仔,嗱嗱嗱,依家戰況有變,係想買俄佬贏就依家落注,咪過幾日先話俄佬輸頭注係神機妙算乜乜七七早就計好嚟裝烏克蘭。

你太多賽後揭盅馬後炮前科喇。
買定離手喇十一仔。
16. Laurence
2022-03-01 11:29
烏克蘭戰爭,世界啓動拳頭模式,全球軍事競賽更加激烈,內卷所謂中立國家。個個都有武功,好勇鬥狠,世界變得更加不安全。
17. 十一哥
2022-03-01 11:45
刀刀搵乜嘢嚟賭…最叻就係把口…成日幫11哥擼,留番160蚊責袋啦!輸埋就真係座喺草籚食草㗎嘞…唉!兩隻乸真係好鬼痴纏。
18. 引刀一快
2022-03-01 12:05
十一仔,乜咁早就認輸呀,冇得收一半喎,哈哈哈哈
19. 燈神
2022-03-03 12:40
樓市終於有救了, 燈神蕭若元預視 7月1日樓市大變天, 那樓市終會  GO GO GO.
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。