地產論壇
登入名稱
密碼
頁數:
今年樓市小陽春變晚春
瀏覽人次:18499    回應:3

今年樓市小陽春變晚春

 

湯文亮博士

紀惠集團行政總裁
2022年2月9日

  有老友同我講,好彩那幾個外交抵制北京冬奧的國家,最後都派了大批運動員參賽,否則北京冬奧就浪費了。老實說,五眼現在已經無所不用其極,以種族滅絕為理由外交抵制北京冬奧,比莫須有更莫須有,即使不派運動員去參賽,中國亦冇辦法,但那些國家這樣做,將會浪費了他們運動的積極備戰心機,受損的是那些國家而非中國。其實,最壞情況,即使所有國家只派運動員而不派官員出席,中國大不了將冬奧變成春晚,有什麼好擔心。

  老友問今年樓市有冇小陽春,從陽曆來說,從立春之下五個節氣都屬於春天,直至5月5日立夏。樓市若果在這三個月銷售理想,按照慣例,大家稱之為小陽春,但我估計今年不會有小陽春出現,就算樓價上升,銷售量不足的假陽春亦不會出現,老友立即話咁即是乜春都冇,亦不能夠這樣說,如果趕得切在六月前局部通關。應該會有一個晚春出現,時間大約在冬季,有晚春好過乜春都冇。

  老友話,政府不斷供應,恐怕供過於求,令到樓市大跌,老友唔明白,這幾日的菜價貴到離譜,並不是菜農不耕種,而是受到物流影響,政府同菜農一樣,負責提供足夠供應量,地產商會因應需求出售住宅單位,市況不佳會減少出售,政府就算太多供應都不會影響樓價,反過來說,如果地產商知道供應不足,就會托高樓價,所以,政府在任何情況下,只要保持足夠供應量便算是盡了責任。菜農也是一樣,唔通見現在豆苗賣150一斤,立刻種豆苗,而事實上,豆苗與其他疏菜供應量是足夠,但傳媒不斷渲染話大量蔬菜滯留在關卡,都唔知幾時可以清關,令到零售商有菜都唔賣,齊齊玩卡塔爾式壟斷,將菜價不斷提高,不過,蔬菜是有時限,唔賣菜有機會變柳毅傳書(全輸),所以,等多幾日,蔬菜售價應該會回復正常,囤積居奇的菜農可能乜春都冇。

  樓價也是一樣,就算所有地產商好似菜農一樣玩壟斷,但政府的無窮無盡供應量,地產商始終要割價求售,做生意,最緊要是綠陽移作兩家春。

今年樓市小陽春變晚春
1. 含住碌狠出世
2022-02-09 18:58
根本就係,不過留意得樓市十個九個都係投資者,自住人士唔會太熱衷呢啲,利益共同體之下,樓升當然係對佢地有利,所以想搵個理智少少都好難。

發展商起好左唔放出黎賣,呢種行為如影響到民生,政府就一定要干預,記得港台有節目叫大學問,有一集請咗李澤楷上嚟,李澤楷曾經曾引述日本財務公司狀況,以前日本富人榜頭十有五都係做財務,今日唔見晒,原因在於佢哋嘅經營令到社會民生出現問題,最終逼到政府介入,到今日我終於明白所指概事。

統治階層只求穩定繼續統治,凡是影響到統治層面就會消除。

2014年講國進民退,房住不炒,同一時期無記錯的話。今日睇返,似唔似房住不炒,否則國進民退?內房如果真係要丫爺打救代價就係變晒國企。
2. 引刀一快
2022-02-09 20:03
大灣區係中港融合,上面大把地,依家仲係全國最高人口流入地區,大家應該趁未通關做定功課,一開關就上去睇喇。
3. 本地PT農夫
2022-02-09 20:59
玩囤貨居奇既唔似係菜農,因為d菜已經上左車。所以應該係供應鏈既中後部分既問題
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。