地產論壇
登入名稱
密碼
頁數:
投資者對香港股市失去興趣
瀏覽人次:19446    回應:4

投資者對香港股市失去興趣

 

湯文亮博士

紀惠集團行政總裁
2021年12月20日

  今早股市又跌,大家都已經麻木,甚至有投資者話對股市失去興趣,我雖然成日講股市下跌,是給予投資者低價買貨的良機,已經講了很多次,講到我自己都唔信。

  有老友問,點解香港人會對股市失去信心,理由很簡單,好消息又跌,唔好消息又跌,投資者輸到冇晒興趣,即是好似我們做學生時追女仔,約來約去都約唔到那些非常標青女仔去街,久而久之,大家都失去信心,那些靚女反而冇人約,在接近節日時,那些靚女就麻煩,隨時會答應一些不合格男仔約會,冷手執個熱煎堆,我亦試過。

  當大家對股市冇信心時,不少優質股票的股價亦非常低殘,如果手頭鬆動,隨時冷手執個熱煎堆,如果已經輸得太多,不如收拾輸包等過年。

投資者對香港股市失去興趣
1. 引刀一快
2021-12-21 04:16
不如等大灣區樓冧仲好喇,依家福建龍岩市區樓都過兩萬一方,大灣區大把幾千蚊一方,再冧一冧就筍到唔得掂。
唔夠錢買港樓嘅年輕人,早早關注大灣區,大灣區嘅平樓,觀念未轉嘅人形容為cheap,將來就一定叫做“抵”。
2. 十一哥
2021-12-21 10:32
刀刀真係調極教極都冇有學識、D山旮旯幾千蚊一方…好難引到交替㗎、買嚟搏下…來世變裂得穿咩!長期見習老千都冇進步...正正經經行番老正啦…

3. Hongkong People
2021-12-21 11:40
博士嘅比喻生動有趣! 不過,香港股市係冇人約嘅靚女,但美股就係宗教信仰,國家分裂都要升!
4. 引刀一快
2021-12-23 00:10
十一仔,咪重重複複陳詞濫調,回應咗先喇。


下面係你寫嘅:

“財不入急門 ! 第一注買樓…自住要方便揾食…出租又要夠冚皮費、後生又要香港揾食…大灣會縛住第一注錢種。

第一注錢,買港樓算你借九成,算你買平啲,60萬,大灣區有啲屋已經係成千呎兼fullpay,要錢用可以按返俾銀行,供港樓同唔使供安安樂樂有大屋,兩碼事。買大灣區點都唔會好似供港樓綁得咁死。講到好似買港樓唔使個個月俾錢供咁。
何謂急門?買港樓就唔急門?供一間港樓唔使收入審查?




投資搏升值就要審時度勢、大灣就要睇清楚係乜契、有前景…長年期先好制、否則守得到開花食唔到果。

虛無縹緲,講咗等於冇講。唔通買港樓唔使睇時勢?

投資磚頭唔同起祖屋…一定要大城大埠講路畸唇、好多死慳死抵守成世…到得煙花瀾漫時…他在泥中笑。

又係講咗等於冇講,大灣區有平有貴,有十幾年冇發展,亦有穩步發展,更有一飛沖天,睇下沙井啲升幅喇,不如咁喇,十一仔,你又講講大灣區邊區得邊區死吖。”
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。