地產論壇
登入名稱
密碼
頁數:
樓市的危機與契機
瀏覽人次:6005    回應:54
2021年11月24日

樓市的危機與契機

 

蔡志忠

亞洲地產創辦人
香港專業地產顧問商會會長
香港東區工商業聯會首席會長

  世界局勢變幻無常,有時就像天氣那樣東邊日出西邊下雨,樓市也不例外,這回是輪到東方不景氣。國內一連串的行業整頓和地產監管,使整體樓市成交萎縮,買賣兩閒,地產商資金回籠緩慢,經營陷入困境,不少在香港上市的內地地產公司,其股票和債券價格均大跌。

  筆者於一年前已看出端倪,多次提醒讀者,內地許多二三線城市房屋供過於求,呈現有樓無人住的情況,籲大家購買時要謹慎。果然不出所料,上半年内地樓市還甚為熾熱,到下半年有大型地產商資金鏈斷裂,引發整個地產業出現衰退。如今,除了一線城市房屋需求仍在,其他區域普遍出現樓盤滯銷情況,減價或優惠促銷到處可見。

  中國改革開放四十年,今天已全面建成小康社會。在第一個百年奮鬥過程中,土地改革,地產發展起了非常積極作用;如今進入第二個百年奮鬥目標,要實現社會主義現代化強國,因此一系列反壟斷、網絡監管、地產收緊等等政策推出,目的就是要縮窄貧富之間差距,朝著人類共同富裕的道路前進。

創造共同富裕 仍需依靠地產

  認同應該讓低下階層有更多上游機會,創造一個均富和諧的社會。然而,房地產業仍需要扮演重要角色,仍是國庫重要收入來源,基礎設施、城鄉改造、住房建設等等,是整體社會發展不可或缺。正是這個原因,筆者估計經過今年下半年的行業整頓,一些壟斷和暴利的行業作出公平調整,到明年初國家政策將有所改變,慢慢由緊變回鬆,逐漸恢復以前的模樣。而房地產業也會出台支援措施,畢竟樓市大跌對整體經濟影響深遠,相信中央政府也不願意見到。

  樓市的危機即是契機,如何借力使力,化險為夷?香港和內地息息相關,疫情之下近兩年不能通關,經濟嚴重受創,商廈與商舖價格急挫,似乎又到了趁低吸納之時,近期商舖價格及交投率先反彈,從上半年成交金額一般在三千萬以內,到現在出現不少大額成交,一個商舖售出三、五、七億元已是平常之事。加上即將通關的利好因素,零售、飲食、酒店和旅遊等行業初見曙光,此刻投資商舖,也許就是最明智的選擇。

樓市的危機與契機
1. 留名等插9叫淡
2021-11-24 11:43
入來啦。
2. 有排心
2021-11-24 14:57

樓市的危機與契機......高追者有排心煩煩...



3. 正確
2021-11-24 16:09
蔡老闆的確好文章,仲好有眼光,好彩呢兩年冇買大陸樓,否則唔見兩三成.
4. 正確
2021-11-24 16:10
倘若聽引刀兄講,即出事.
引刀兄10幾年前買落,當然冇問題啦.
5. 東成
2021-11-24 17:30
所以點講都係香港好,一國兩制成功,香港人得益,大家努力製造和諧社會.
社會穩定,樓價就平穩向好.
6. 那些年
2021-11-24 20:07
樓市淡友將要大失望,香港有外資投資,樓價唔會大跌.一邊係內地財困,另一邊印銀紙水浸,風水輪流轉.
7. 小心爆煲
2021-11-24 20:15
危機好似四伏,經濟有隱憂,唔好得意忘形.
8. 十一哥
2021-11-24 21:08
正確 ! 以前買落…揾唔到交替就真係要守到當遺產 。

9. 引刀一快
2021-11-24 22:30
正確兄

乜你咁講嘢咁唔識大體,就算再怕啲人投資大灣區,你都唔能夠講大話㗎,係咪?
大灣區一線,2017升一倍,2020局部升5成,我係2016年初開始叫人留意大灣區,信我嘅,幾乎跑贏地球啊。哈哈哈哈
10. 正確
2021-11-25 00:06
引刀兄:

宜家內地地產的確出事,開發商都唔掂,中肯講,內地二三線城市供應過剩,並唔係誤導,
11. 樓唔爆煲
2021-11-25 00:10
正確講得喏,咁先似人話.
12. 十一哥
2021-11-25 10:31
刀刀 成日都有平過市價幾成嘅筍嘢、唔理乜貨色…山旮旯住舊磚就可以招積、寄之…真係自住就唔知點揾食、出租唔夠收番時起漬、結果越窮越易信老千…呢鑊越平越貴…
13. Hongkong People
2021-11-25 11:10
而家內地樓市風向有D混亂, 兩三年前我上網check咗下係深圳層樓屋苑二手叫價,呢排內地地產風暴,似乎一片哀嚎,我又上網check 下叫價,諗住keep倒之前嘅價就嬴,結果居然係較兩三年前升咗三成,喜出望外! 有時睇香港新聞真係同現實有D脫節!

二三線樓嘛,睇大灣區指數, 普遍算平穩,有升有跌,如果調整得勁嘅都係因為之前升得勁! 其他省市就唔清楚,冇follow!
14. 正確
2021-11-25 17:05
引刀兄:

邊個大話呢?閣下唔係2016年叫人買大灣區樓,而係宜家日日叫人買,[2017升一倍,2020局部升5成]真唔真呀?
準確講,宜家日日叫人買至係誤導呀.
15. 說真話
2021-11-26 00:14
現在買大陸樓,好似唔合事宜,良心講,睇定啲,半年後可能平幾成.
16. 過境客
2021-11-26 05:42
事勢唔穩,現金為王.
睇定後市唔衝動了.
17. 得意正面人生
2021-11-26 08:42
無樓,就係廢淡最佳回報。

講乜都假。
18. 專玩踢爆
2021-11-26 09:20
地產版一日有廢淡嚎叫,一日樓市都好健康,未上到車嘅假淡係樓市未來支柱。


19. 一元
2021-11-26 09:27
大家都忘記一件重要的事:

大灣內地區是在政府大力整治下,才稍為收臉。如果由得市場去炒,整個內地的資金,唔知再昇多少。

政府推行“房住不炒”,因炒楼的结果

1.吸别人的血
2.自已等死

國家高人都講到明,解決房屋问题!
 
!!!靠樓市發達的梦,别发了!
20. 鳥6
2021-11-26 10:54
香港樓掛牌一星期已经賣出。大湾区物业要賣出套現難好多,要勁劈價才能賣出。賣出後啲錢亦都不容易滙番出嚟。

港樓嬴在有liquidity, 租金回報比大灣高幾倍,而且管理質素高好多。

大灣業主衰在唔啥得俾管理費,香港新樓管理費平均要30至50港元一平方米,而大灣管理費只有十分之一都可能冇,所以大灣啲物業同大灣啲人一樣,殘得好快。 
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。