地產論壇
登入名稱
密碼
頁數:
美國早已捉住台積電痛腳
瀏覽人次:22010    回應:4

美國早已捉住台積電痛腳

 

湯文亮博士

紀惠集團行政總裁
2021年10月7日

  在美國限令台積電45天之內交出銷售,訂單,庫存等資料,我話美國早已知道有人囤積居奇,所以才要台積電交庫存資料,而台積電又表明唔肯交,這是無私顯見私,但有自稱業界的網友話,台積電是根據訂單而生產,不出現庫存問題,我只不過是以生意人的睇法去做分析,既然有業界人士話沒有,便是沒有庫存這個問題,其實,如果沒有囤積居奇,美國的要求是合理的,晶片的行頭很窄,邊個同邊個做生意,大家都知道,就是因為知道晶片短缺,所以才屯積居奇,尋求更高利潤,如果被美國佬捉到痛腳,今次就大鑊了,因為所生產的晶片不屬於台積電,是屬於晶片製造商,這是台灣經濟部長王美花確認,如果處理不當,台積電就會變美積電。

  台積電董事長劉德音話肯定有人囤積車用晶片,當然不會是台積電本身,而是有買家囤積居奇,是否與台積電有關,這便是今次問題關鍵所在,如果沒有關連,台積電應該支持美國商務部的要求交出有關庫存等資料,如果唔交,難免令人懷疑,我相信事情很快便會水落石出,台積電是否要交巨額罰款或者變成美積電,大家拭目以待。

美國早已捉住台積電痛腳
1. 十一哥
2021-10-07 10:15
帶狗…冇話狗帶、唔可以比狗帶…否則養唔熟、使乜捉住痛脚…衹係手中隻雀仔…生C由美癈鐘意、吠/跪…打個眼色郁下手勢都善解人意。
啱先兩方又埋枱傾偈、老表開宗明義劃定咗條清楚街拉、美癈就賣口乖…招牌衹認一個、不過你嘅家教我就係要嚕囌、尤其你門口隻狗我收養咗…亂吠係狗權…嚇親佢就冇有做得。
2. 引刀一快
2021-10-07 11:45
唔識狗就唔好用狗做比喻,詆毀咗隻狗。
3. 十一哥
2021-10-07 12:31
刀刀熟哂狗性哩、 講得啱…11哥真係唔識得狗。
4. 引刀一快
2021-10-07 12:59
熟,梗係熟。

唔熟狗性果啲,做人都麻麻地。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。