地產論壇
登入名稱
密碼
頁數:
移民公司侮辱香港人
瀏覽人次:16589    回應:6

移民公司侮辱香港人

 

湯文亮博士

紀惠集團行政總裁
2021年9月13日

  有老友早一陣子打算移民去英國,在英國海邊買間屋,日日去吓釣魚,食塊牛扒,享受退休生活。我問點解要食扒,老友話超市牛扒很便宜,為了食塊平牛扒而移民,我老友都算是怪人。

  近日唔聽到老友講移民,在追查之後,原來老友去移民公司聽移民講座,移民公司話俾打算移民英國的香港人知道,在英國很容易搵工,揸貨車有5萬鎊年薪,做裝修、理髮有3萬鎊,做倉務員、超市收銀就少一些,但都有2萬鎊,比香港的中位數為高。

  老友聽完之後話有無搞錯,如果要做那些工,使乜要移民去英國,移民公司介紹那些工作簡直是侮辱香港人,而事實上,除非移民本身有特別問題,否則移民去英國的人都是陪子女讀書,得閒釣下魚,周圍行吓,五年後入籍之後再回香港,移民公司應介紹英國景點,著名餐廳,旅遊路線,而非基層工作,否則,反而嚇壞香港人唔敢申請。

移民公司侮辱香港人
2. 引刀一快
2021-09-13 13:46
得閒釣吓魚,四圍行下,不如去大灣區仲好喇,係衰在牛扒唔平,平嘅唔靚啫。
喺大灣區釣魚,野釣麻麻地,要去好偏遠嘅地方先有名物巨物,城市裡面釣嘅基本唔敢食,羅非魚、埃及塘鲺、琵琶魚為主,雖然近年河道整治成績斐然,以廣州為例,好多流溪河嘅魚,依家流到末段都仲可以生存,但係水生態遠未達標,而且多年累積河底淤泥污染物難以清理,所以啲魚係白釣。
當然,俾錢釣嘅又唔同,以前喺越秀公園、流花湖公園,俾錢可以釣魚,依家就只有私人經營釣魚池。近年有超大海鱸,大星鱸,同沙巴龍躉可以釣。
3. 西周器
2021-09-13 17:25
個人在港較喜歡到街市钓活魚。牛扒則少吃,不會計較平贵。至於公園,因為生活多花款,通常都係大半年才醍起巡视一下。

5. 十一哥
2021-09-13 21:19
刀刀千祈唔好貪平食D坑渠魚呀!出海去遠D嘛…
6. 引刀一快
2021-09-14 04:25
十一仔,坑渠魚好食呀,清熱墜火,唔係坑渠捉嘅我唔食㗎。新鮮買返嚟嘅魚,我都要喺坑渠養返十日八日,就係貪佢抗體多。

估計,求其一條好食過楓葉國啲急凍魚。
8. 十一哥
2021-09-14 09:13
刀刀食坑渠魚下火都仲咁燥、不如去3沙啫、果度冇坑渠魚、最重要冇痕大…唔會中招…實瞓得到。
11. 引刀一快
2021-09-14 13:52
哇哇哇,乜十一仔呢頭擦阿爺鞋,果頭就暗諷大陸,動作好滑稽。

坑渠魚係要廣州嘅先好食,好多加拿大移民都返嚟揾坑渠魚食,你啲鄰居冇益你咩?睦鄰關係要做好啲,喺香港就話認屎認屁啫,出到去唔好呀。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。