地產論壇
登入名稱
密碼
頁數:
老友千祈唔好打天九,夾錢買樓
瀏覽人次:18854    回應:2

老友千祈唔好打天九,夾錢買樓

 

湯文亮博士

紀惠集團行政總裁
2021年8月26日

  有老友問,在酒樓飲宴,准打麻雀,唔准打天九,是不是因為天九牌很容易變成賭具,打打下天九, 見人多,就轉打牌九,我話這是一個小理由,因為麻雀亦可以變成賭具,現在有麻雀牌九。

  我認為政府在設立這條法時,一定是考慮到打天九很容易令到老友反目成仇,在飲宴場合,出現火爆場面就唔係幾好,至於打天九點解會令到老友反目成仇,如果識得打就知點解,如果唔識,就算我大費唇舌都未必會明,大家知道結果就可以。

  我唔講大家未必會留意,除了打天九之外,夾錢買樓亦會令老友反目成仇,樓價上升,有老友話要賣,但亦有老友話唔賣,樓市會繼續上升,倘若冇賣,話唔賣的老友就會話好彩冇賣,贏了牙骹,打算賣的老友當然冇話可說,這是一個最好的結局,倘若樓價下跌,打算賣的老友一定會埋怨那位唔肯賣樓的老友,話有錢都唔識得賺,最後可能連老友都冇得做。

  雖然有不少人批評政府壓抑樓市的辣招,但大家可能想不到,辣招令到不少老友不會反目成仇,因為如果老友夾份買住宅樓,因為就算揸十分一股權,都已經喪失了首置配額,買第二個單位的時候就要付15%印花稅,辣招無形中令到很多老友不會夾錢買樓,亦減少老友反目成仇的機會,算不算是錯有錯著。

老友千祈唔好打天九,夾錢買樓
1. 引刀一快
2021-08-26 12:59
大灣區最好喇,啲樓咁平,唔使夾。
不過,自用就好,房住不炒。
2. 向饭民说不
2021-08-26 13:47
夾錢買樓不要說朋友,就是兄弟也會反目成仇。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。