地產論壇
登入名稱
密碼
頁數:
茶餐廳亂話(909)世界上最辛苦工作
瀏覽人次:18089    回應:16

茶餐廳亂話(909)世界上最辛苦工作

 

湯文亮博士

紀惠集團行政總裁
2021年2月24日

  今早去到茶餐廳,有客人話準備移民,不過,到埗之後不打算做工,會做一些小生意,就唔怕比人岐視,老闆問客人,知唔知世界上最辛苦工作是什麼,就是做生意,不但要出錢,仲要出力,返工通常是最早一個,放工就會是最遲,打風落雨,反例堵路,伙記可以唔返工,老闆一定要返工開舖,疫情下,政府帶頭work from home 就算伙記在萬般不願之下返工,都會話老闆不知民間疾苦,冇生意,伙記一樣照支人工,正是你有你死,佢有佢返屋企,好啦,生意有錢賺,伙記就會話是他們的功勞,在外國做生意,最擔心的就是伙記工傷,賠錢賠到連本都賠埋,如果買保險,賺埋都唔夠俾保費,唯有狠心一些,請一些什麼都不包黑工,在這方面又不用擔心,有咁多人移民,黑工不會短缺。

  客人問,移民之後最好做什麼,老闆話,最好乜都唔做,租一間屋或者一層樓,將帶去的錢慢慢搣,覺得唔開心就返香港,老闆話冇點佢,不少移了民的香港人最後的歸宿是香港,客人問,咁樣點解要移民,客人可能唔知,這叫做時尚。

茶餐廳亂話(909)世界上最辛苦工作
1. King
2021-02-24 09:09
去大灣區先叫享受,西人嗰套,傻仔先信😏😏😏
2. fat唇
2021-02-24 09:15
fat唇既野,我真係識條鐵。。。呵呵
3. 龍虎豹
2021-02-24 09:15
將帶去的錢慢慢滅

4. Admin
2021-02-24 09:25
謝謝3樓指正, 文章已修改
5. 我是愛國者
2021-02-24 09:34
我未移民之前叫中國殖民,刁民,二等公民,香港小粉紅不要鬧,香港人是不能當兵及有中國護照的,一定係二等公民。移民後回港叫外籍華人,統戰部同你交朋友,客氣客氣,甚至叫你入千人計劃,好威好威。利申,本人親身經歷。
6. 元朗灣區人
2021-02-24 09:43
移民嘅心態,覺得香港靠晒班黃人,自己走咗,香港就琳了。

而家,很多heung gong 人都有咁嘅处事思维。
7. 十一哥
2021-02-24 09:56
銀両大舊…冇心多…用搣、3幾球…週身㽼…結果多數用滅 。

8. 向泛民说不
2021-02-24 10:39
5楼,黄人老作当事实啊,你凭什么可以做到千人计划啊。系咩人才,二打六装专家。
9. 忍者
2021-02-24 14:48
好多人唔滿意而家政府移民。不過世事既野好難講,林鄭可能突然唔撈,換咗過新特首,重組班底,深得人民愛戴,啲人轉頭又會心思思想返嚟,始終生於斯長於斯,有太多感情、朋友、親人係度。
12. 引刀一快
2021-02-24 17:56
滿唔滿意一件事,魚要過塘先肥,人係應該志在四方,唔好屈喺香港,一係外國,一係大灣區。
去得大灣區多,自然會四維走,個個省市去下,見識下。
13. 引刀一快
2021-02-24 18:00
移民嘅心態,覺得香港靠晒班黃人,自己走咗,香港就琳了

點敢呀!?,香港有烙鐵頭灣元,撐住三分一個天,仲有飯鏟頭向飯同兩頭蛇十一仔,鐵蹄打到北美洲,喺果度殖民㖭啵!
14. 元朗灣區人
2021-02-24 20:02
林引刀,

自認黃人,可以。

但要移民先,才來回應。

重伸,省城不是移民。移民要入籍的。都是中國籍,只能叫戶口遷移。
16. 十一哥
2021-02-24 22:04
招呼嘅條條都係大蛇頭、抵比刀刀欽敬。


17. 引刀一快
2021-02-24 23:30
灣元,搞到要考究移民一詞定義,冇嘢講呀?
18. 引刀一快
2021-02-24 23:31
兩頭蛇十一仔,早知你冇嘢好講喇。
20. 向飯,十一,湾元,窮迫們,葡萄嗎?
2021-02-25 21:11

港25歲公屋男護士家身1000萬 靠每月用2萬元薪金投資

有90後網民發文指自己25歲就超額完成家身1000萬的目標,他準備離開公屋,並分享投資心得。

一名90後網名「格爾」的網民,不時在討論區發表投資心得及個人見解,深受網友歡迎。他昨日於討論區發文表示,自己已超額完成家身1000萬、達到財務自由的目標,又表示他準備離開公屋,並晉身金融界發展。

「格爾」指自己「無父幹,無用槓桿」,所用的投資金額都靠個人努力工作,以及每月慳錢所儲的積蓄。他大方跟網友分享千萬身家的心得,「我中六畢業個暑假第一次買股票,當時用暑期工既錢買港股,跟巴菲特價值投資賺到少少。」

他在過去亦發表網上文章,指自己是公屋基層出身,絕對無任何家庭背景助他投資。他寫道「尊嚴,由細到大比人睇唔起的感覺富二代會明白嗎?從小富有的親戚總是對我們態度冷淡,每次家族聚會他們總是在對自己住的私人屋園和銀行存款大肆吹噓。」令他從小立志要靠個人努力而向上流動。

「格爾」表示,他分享個人心得並非為了「晒命」,而是想鼓勵其他出身基層的年青人,可以靠自己努力,亦有機會達成財務自由,但第一件事是要儲錢。「假設我月入2萬元,我都會每月投資起碼$5000,咁我依家都會有300萬元,夠去外國買車買樓。」

大批網民在他的貼文下留言,稱他為「革蛇」(格Sir的意思),又問他對不同股票的看法。不過「格爾」現已投身金融界證券分析員,表示不便解答相關問題。投資涉及風險,小編建議大家做足功課,千萬不要人買我買。不過「格爾」儲錢的堅持,相信值得年青人學習,大家又從「格爾」的故事學到什麼?

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。