地產論壇
登入名稱
密碼
頁數:
茶餐廳亂話(719)BNO計劃害了哪些人
瀏覽人次:13237    回應:11

茶餐廳亂話(719)BNO計劃害了哪些人

 

湯文亮博士

紀惠集團行政總裁
2020年7月3日

  今日在茶餐廳食午餐,有熟客話今次畀BNO計劃害死。我不明白,原來熟客做移民仲介生意,在港區國安法出台之前,有不少香港人打算移民。根據統計局數字是70萬,有三成移去大灣區,移去其他國家大約有50萬人。熟客知道以後生意一定會滾滾而來,於是大展拳腳,擴大寫字樓,增聘人手。如果做得好,可以申請上市,淨係隻殼都值幾億,想起都開心。但英國佬突然放寬港人移民政策,令到290萬BNO護照持有人根本不用搞移民,直行直過可以去英國。至於其他非BNO護照持有人亦不用擔心,澳洲日本亦會對香港人放寬移民條件。換句話說,搞移民根本不用搵仲介,他見財化水。

  老闆話不用擔心,英國佬只是用咀炮做人情,口惠而實不至,英國根本自顧不暇,不但硬脫歐在即,而是失業人數不斷上升。英國網民已經表示不歡迎香港人,人未離鄉已經賤,唔會太多香港人去一個唔歡迎自己國家。其實英國是計錯數,愈艱難移民去英國,香港人才會有興趣,任人去反而興趣不大,結果可能仲少過BNO計劃推出之前。不過,叫做贏了口碑,又盡了前宗主的責任。

茶餐廳亂話(719)BNO計劃害了哪些人
1. 龍虎豹
2020-07-03 14:19
英國根本自顧不下……(自顧不暇)


叫做贏了口啤……(贏了口碑)

2. Admin
2020-07-03 14:25
謝謝1樓指正, 文章已修改。
3. Fisherman
2020-07-03 14:41
第一等大英白人,第二等BLM,第三等前東印度殖民地子民,第四等下等人。
如果唔介意做下等人,咩過去囉!
4. BNO
2020-07-03 14:51
Britain? NO...
5. biu1 你有冇呀!
2020-07-03 15:21
如果香港人移民數據係真的話,咁就對留港定居的市民是一件好消息囉!又加上疫情不知道幾時才能斷尾,到時旅客流動量同現時一樣鬼形都唔多一隻,將來街上沒有咁多人行街,都不知幾爽呀!
6. 魚片
2020-07-03 17:11
調查期係上年第二季(2019年4月),當時世界一遍美好,結果未必反映現在狀況。
7. 世界一遍美好
2020-07-03 17:46
七老八十的本土鄉講人親眼見到英帝叫老人病人有病自己醫響屋企等死, 仲會唔會去?
8. 引刀一快
2020-07-03 18:26
去英國,最好就係留學,威過去美國,因為感覺上更有文化氣息底蘊,如果可以免費過去,唔好走寶。
去大陸讀書,係另一種選擇,大陸211、985高校,裡面臥虎藏龍,被強手環伺,亦係一個非常好嘅磨煉。

只得三成人選擇大灣區,似乎少咗啲,我覺得應該一半一半就差唔多嘞。
9. 去英國,最好就係留學
2020-07-03 18:44
但係留學最好又唔係英國喎
10. 雲在青天水在瓶
2020-07-03 19:06
雲在青天水在瓶  
未來樓市CCL必定創新高,供應不足之下,本港房屋需求大,利息低,美國無限QE,大量熱錢湧入,樓市必漲
11. 引刀一快
2020-07-05 10:10
To 9樓

咁你認為邊度最好呀?

其實邊度留學好,同所讀學科以至個人條件都關係好大,我話英國好係好片面咁,比較彰顯文化氣質啫。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。