地產論壇
登入名稱
密碼
頁數:
有什麼條件才可以封城
瀏覽人次:20517    回應:16

有什麼條件才可以封城

 

湯文亮博士

紀惠集團行政總裁
2020年1月26日

  武漢因肺炎封城,其實是非常危險動作。就算蘋果日報都用上史無前例,大家可能不知道,中國省市鎮領導,在他們上任前必須要到北京重新學習,不但要了解即將到任的省市鎮民風,而且還有一項非常重要的事,就是預上突發事件,各省市可以自保,甚至獨立運作。不但要有糧倉,而且後備資源要充裕。今次武漢封城,大家可以睇到並沒有出現民變事件,最低限度是糧食日用品充足。否則,如果冇得食,一定會暴動。美國睇到今次武漢事件,可能會嚇了一跳,美國與中國一樣,有很多人口超一百萬城市,而武漢人口超過1,000萬,仍然可以封城。而美國從來未試過封城,原因封城可能會出現民變。換句話說,封城可以證明中國現在的經濟與政治相當穩定,封城咁大件事都可以做得到,這是任何美國總統都不願意見到的事。或者,美國在過去幾個月太過關注香港,而忽略了中國,竟然唔知道武漢出現肺炎病毒,沒有趁機會做文宣工作,相信美國會好好整頓在香港的關注中國小組。

有什麼條件才可以封城
1. 封城
2020-01-26 10:41
封城唔係禁止出外,家家戶戶有車,冇汽車有單車,市內內循環冇變喎。
2. Ben
2020-01-26 12:32
樓上,看來你真不明白博士的意思。要封一個城,先要保傽全市物資供應無問題,否則就會有人搶,現在中國就是有這個能力,即使要打扙,某城市中了彈,其他城市還可以繼續反抗,不易對付。相反,美國就未必有些能力。再講,Internet就是以這概念發明出來。
3. 真真薯片
2020-01-26 12:48
封城係唔準民眾出入,跨區物資同政府車輛仍然可以出入

林鄭唔敢封關,但佢老細北京率先封關自保,今次習帝一星期內兩次親自公開下旨,大鑊程度絕對史無前例,林鄭唔封關中門大開,依家問題只係今次死得人多定沙士多,件事完左之後,每個省市既死亡人數就係最直接既KPI, 駱主任全程睇住,今次冇得呃,睇下事後林鄭點樣同習帝交代
4. 看來你真不明白
2020-01-26 14:49
我明白,香港都存六十五日米啦,唔好玩咁多電話上咁多網,自己唔先亂起來就好。
5. 大鄉里
2020-01-26 17:31
中國咁多鬼城做士啤,有乜依郁搬城都仲得。
6. 引刀一快
2020-01-26 18:21
廣州內部都已經大規模封村喇,邊條村出病例就封,香港?等住啲X-men出現喇。
7. j
2020-01-26 18:33
集裝箱搬曬D疑似個案到鬼城隔離觀察?
8. 真真薯片
2020-01-26 18:41
繼北京後,上海都封關

睇黎封關係要省市領導夠高級先可以做,潮汕唔夠高級就封唔到

香港其實級數唔低,中聯辦主任係部長級,同上海書記同級,但一國兩制下駱主任唔方便出招,林鄭on99, 我估佢等緊睇澳門,澳門敢做,佢先敢做,或者要有非常強既理據,例如日日死幾十年,咁佢就封關啦
9. 引刀一快
2020-01-26 18:47
日日死幾十人先至封?
10. 引刀一快
2020-01-26 19:38
11. 引刀一快
2020-01-26 19:40
佛山廣州都斷咗,依家廣東已經內部逐個城市進行隔離。
12. 引刀一快
2020-01-26 20:09
應該話,係逐個城市,裡面逐個區域進行隔離
13. 逐個區域
2020-01-26 20:21
非洲豬果時已經預演過啦,現在動真格啦。
15. 真真薯片
2020-01-27 01:56
大部份城市都封關,有一個城市唔封,而果度醫療最先進,而免費,如果你有病,你會去邊?

唔洗旨意其地城市幫你截龍,佢地恨不得你死快d,偏偏你自己又“唔好意思”封關

有個咁既特首,今次真係仆街了
16. 如果你有病
2020-01-27 02:17
其實你都知封無可封的
例如油尖旺有,封左
跟住到何文田太子佐敦西九有,又封埋
咁哩幾個封區是否可以融合先?如此類推
17. 引刀一快
2020-01-27 17:33
個人自封,冇大件事咪出街
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。