地產論壇
登入名稱
密碼
頁數:
21. 引刀一快
2019-02-14 14:50
自我陶醉兄

我睇應該係第一種情況幾會大好多,有DSD制約炒家,兼且樓價水位細,風險大,好難向上炒。
依家可能唔少人開始知驚,一放SSD,有冇三年都鬥快走。
22. 鳥5
2019-02-14 14:53
16F, 我知你好心 但係現實 ,人 可以 係為咗錢 係可以 扮 病 ,更何況 賭身家... 而家幾多人, 用阿仔個名買樓 ,定用老豆個名買樓 ,都唔都唔知呀! 現實就係事實
23. 香港土著
2019-02-14 15:11
鬆SSD,但唔加按契成數,好大機會推低個價。同時加按契成數的話,一手樓會好難出貨。兩種情況都為發展商所不願見。
25. 自我陶醉
2019-02-14 15:58
21樓 引刀兄,

呢樣嘢我唔敢講,要睇到時沽壓有幾大,好多人買樓係靠信念,唔用理智分析的,況且發展商同地代會同啲無知大陸人講,政府放寬壓抑樓價,一定會有傻人中伏。

16樓

你講嘅唔係理由,而係個人理財能力和風險控制能力出問題,買樓係長線投資,三年其實很短時間,當你買樓買到自己仙都唔仙,一啲應急錢都冇,已經係理財能力出現問題,預咁掹,負資產賣樓都唔夠填咁又如何? 住院、危疾、意外保障,係必須品,亦係風險管理的一部分,就算工作唔提供,自己都要買,呢樣嘢冇得慳,尤其是月月清的供樓人士。

26. 撤銷SSD
2019-02-14 16:00
撤銷SSD樓價就會斷崖式下跌。家下跌不下去好大程度因為舊年買樓既人唔賣得,無供應,單靠地產商減價先至有序下跌。如果撤銷SSD,人人都走,滾雪球死得仲多。
27. 普通香港人
2019-02-14 16:21
那些 KOL 其實有好大責任, 直到今時今日還有人只講片面, 例如只講美聯儲停加息停縮表會利好港樓, 但永遠唔講大陸經濟問題、港息可還追加、港樓供應量等等利淡因素. 分析得唔全面令人誤信妖言, 做錯決定.

28. 引刀一快
2019-02-14 18:26
To 27樓 普通人兄

猛吹好風嘅人固然脫不了幹係,但係投資買樓咁大件事,尤其係收入一般嘅平常老百姓,買不買應該深思熟慮,我一路都強調一樣嘢,料係人地俾,決定自己做。若然有承受唔起嘅風險,更要退一萬步諗清楚後路。
過去,呢度嘅淡友被人冠以各種侮辱性嘅奇怪外號,比如瞓天橋、害人精、太監、窮L、租一世樓、冇果度、說不之類,其實部分目的就係映射、暗示未能做決定嘅准買家,以侮辱性手法營造氛圍,左右佢地嘅判斷。試問,血氣方剛嘅社會初哥,加上女友面子,雙重壓力,又如何可以完全理性周全地作自身考慮呢。
29. 應該取消埋DSD印花稅
2019-02-14 19:52
應該取消埋DSD印花稅,有能力的投資者都會考慮接貨。
30. 引刀一快
2019-02-14 20:19
To 2樓 香港土著兄

“同住難”,係香港一大特色,香港人規矩多多,依家同朋友食飯都要公筷,咁兩個人一齊住,不斷互相冒犯嘅情況下,壓力自然大。
另一個原因,就係屋細,基本上冇條件各自保留私人空間,相信離婚率都會越來越高。
所以我一路提倡,唔夠錢喺香港買大屋嘅人,應該考慮大灣區,百零萬買千零呎,供又輕鬆,住又輕鬆。
31. 真真薯片
2019-02-14 21:15
我一早講左要鬆就先鬆SSD, 但唔可以全撤,全撤就會返去以前摸上摸上摸上摸既環境,一手樓就會好似演唱會飛一樣比人掃最後炒,唔惦,點都最少要有一年以上SSD
33. 引刀一快
2019-02-15 00:31
真真薯片兄

今時今日嘅樓價,除非有筍嘢,否則摸都有風險。
34. 腥港人
2019-02-15 00:56
問題既然源自不受金管局規則嘅呼吸plan,你話黑心又好,點都好,有人衰過下次咪少啲人中伏囉。陳總當時都叫人量力而為。

另外,嫌細就唔好買新樓,當年同樣價錢入市,自由公屋嘅居住空間一定好過納米樓一大截,係又無錢又要扮高級先造就呢啲納米豪宅。
35. lc1
2019-02-15 04:24
中美大戰死線壓後,好明顯係講掂數,如無意外中國九成㵴關稅,香港由零三年食到一八年既自由行,重會唔會落黎買因為中國關稅而令香港貨品平既貨品? 香港地價人工都比國內貴,如果同一貨品關稅,我諗香港解唔解ssd , 上左呼吸plan 既人都係要快走貨,多跌 5~ 10% 唔係出奇既事,中央可以求香港只有派錢,問題係好難好似自由行噤令噤多人就业,無水,咩剛性需求都係假,所以我諗跌 10 % 還是有可能,中央急於搞大灣區,就係想香港渡過E 個沖擊。也許放寬對國內國外人對香港房產投資,但一樣以一間為淮,調整是有可能,大跌就未必,只係調整最大影響既人,都係格梗上車既人。
36. 租樓日日賺
2019-02-15 08:32
平均租金回報率3.3%計,租三年樓損失等於樓價跌咗10%。

香港人長命,一個現年45歳的租租,如何面對未來40年480個月租金?

一個現年35歲的租租,恭喜你,你要交多50年600個月租金。


37. 租樓日日賺?
2019-02-15 10:04
租樓一派,其實好多都有首期,但就是不肯上車,認為自認為自己有本事買在最低點。

何謂最低點?其實太古城即使跌到300蚊一尺,好多淡友仍然覺得太貴,認為不如等跌到200蚊一尺才買。
38. 引刀一快
2019-02-15 11:15
To 37樓

太古城300蚊呎嘅時候,租會係幾多?
39. 八妹
2019-02-15 12:13

現在樓價 , 不是高這麼簡單,係操盤價十分離地 !


40. To 38 樓朋友
2019-02-15 12:37
租金有幾多只是其中一個考慮,個租客亦要計下數是否值得從25歲租樓租到85歲。50年等於600個月租。慘在交租交足50年層樓也不會屬於你。

香港不少中產眞的是長期租樓住,因為誤信政府及專家話樓價存有泡沫。

結果果然俾租都俾到嘔泡。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。