地產論壇
登入名稱
密碼
頁數:
武哥的「進取中保持克制」
瀏覽人次:22164    回應:15

武哥的「進取中保持克制」

 

湯文亮博士

紀惠集團行政總裁
2018年10月18日

  華懋賣朗城匯,武哥以「進取中保持克制」作為賣點,很多人都不明白,究竟什麼是「進取中保持克制」,是高於市價,低於市價,抑或是市價,加拿大有一個政黨,叫「進步保守黨」,我問黨魁究竟是什麼意思,佢話其實是保守黨,不過,比保守黨還要保守,所以叫「進步保守黨」,原來我誤會了,我以為是比保守黨進步,原來比保守黨更加保守,怪不得只是加拿大一個小政黨。

  我相信很多人以為武哥話開價「進取中保持克制」意思是開價仍然會高於市價,但保持克制,不會高出太多,我有不同意見,以加拿大的「進步保守黨」為例,武哥最初的開價已經保持克制,即使銷售情況理想,亦會繼續保持克制,就算唔減價都不會加價,如果其他地產商有著與武哥相同心態,樓市即使動盪,但仍然保持健康。

  香港地產商是頂級生意人,深深理解到囤積居奇以及奇貨可居的奧妙之處,就算新樓建成都不願意賣樓,這當然是囤積居奇,樓宇變成奇貨可居,就算賣都逐少逐少賣,樓價一浪比一浪高,買樓人士的負債一個比一個重,大家話這是政府的高地價政策令到樓價上升,地產商只不過是因緣際遇,在高地價政策下分一杯羹,老實說,地產商並没有講大話,所以,政府要解決房屋問題,必須在土地的供應上改克制為進取,大量推出土地,放棄高地價政策,如果不積極解決,賺錢的就是地產商,揹鑊的就是政府官員。

  林鄭知道,要令到地產商賣樓的速度改克制為進取,新樓空置稅是最可行辦法,如果一招唔夠,加多一招新樓開售,最少要有20%打算出售的單位,保證地產商會將銷售速度改克制為進取,售價則是進取中保持克制,今次華懋開售朗城匯,如果銷售成績理想,武哥是否繼續保持克制,我相信一定會。

武哥的「進取中保持克制」
1. 十月芥菜
2018-10-18 11:38
任誰做賣家, 一手又好二手又好, 今個月都一定好似棵菜咁
武哥除左可以講「進取中保持克制」
又可以講
「克制中保持進取」
「含蓄中保持奔放」/「奔放中保持含蓄」
「跪求中保持企硬」/「企硬中保持跪求」
「芥菜中保持冬瓜」/「冬瓜中保持芥菜」
...
2. 腥港人
2018-10-18 11:50
假設一個盤有10座,每座200伙,本來分兩期,每期1000伙,每次要賣200伙。

新政策下,分10期發展,每期200伙,一張價單40伙就得。依家唔係最少要賣幾多,而係點樣去貨
3. 真真薯片
2018-10-18 12:12
一樓真幽默

二樓,新政策應該係以售樓紙為界線,每次推盤數量唔可以粉於售樓紙總數兩成,地霸當然可以拆開黎申請售樓紙,但係正苦批售樓紙時可以玩野,市好,你第一張售樓紙既貨賣晒,第二張正苦唔批,你吹佢唔漲,正苦呢招的確盡享主動權
4. 一樓真幽默
2018-10-18 13:36
仲有
心急(悒)中保持淡(淡的幾個讀法都得)定
花巧(發姣)中保持矜持
克制(黑仔)中保持進取
5. 腥港人
2018-10-18 14:16
政府憑乜唔批?有哂程序跟足佢就要批,否則比人告到佢暈,依家空置稅一樣未正式行,但地霸一樣散貨,原因只有一個:睇淡

另外,林鄭上台拖時間搞大便論,又停埋盲搶地,咁地霸都識做,玩少啲嘢啫,唔代表政府完全無空隙比人鑽。
6. 真真薯片
2018-10-18 14:53
5樓,正苦批售樓紙不嬲都玩野,連長實樓神都公開話唔理想
7. 十一哥
2018-10-18 15:08
風聲緊…克制幻想克制大貪、想骹脚…進取…捨得减磅卸貨!

8. 鳥5
2018-10-18 16:38
十一哥有見地, 順勢者昌,逆勢者亡。。 邊個行家冇著褲,都未知 梗係減磅上策。。。 官字兩個口 ,又點賭呢!
9. 邊個行家冇著褲,都未知
2018-10-18 17:09
遲啲要公佈每家標價, 可以看看有沒有圍標行為嘅。
10. 十郎
2018-10-18 17:34


      我仍然堅持己見 , 跌剩3成。5信就問下侵侵。

11. 十一哥
2018-10-18 20:16
十哥   現價跌三成、逗份中位數人工嘅、要買層6百呎左右嘅居所、冇橫財都會有壓力。
跌剩三成 ?~要保番住份工肯定有難度、正府入息就一定唔夠洗脚唔抹腳嘞 ! 有咁嘅一日就真係冇得番身、今時唔同往日、阿爺D大城大埠已經萬商來朝…直接deal、買辦角色開始揾唔到食、香港如果自己唔生性…沉淪~阿爺未必會再咁肉緊。

12. 鳥5
2018-10-18 21:46
11哥, 又唔使咁擔心 十年後大陸啲人工都追到香港 阿爺又會畀啲嘢你玩下 餓你唔死
13. 十郎
2018-10-19 09:24


      阿爺d地方債 , 鬼城 , 銀行壞賬等等 , 係要來一個了結 , 這一趟能夠軟著陸就中國有運。中國行高樓價政策就死9梗。

14. 蔡粉
2018-10-19 09:53
朗城滙加推時會加價。
15. 十郎
2018-10-19 10:05


      11哥 ------ 我感覺上 , 阿爺已經冇咁肉緊了。理由不說太多 , 單從一個父親出發 , 如果亞仔生生性性 , 循規蹈矩 , 佢冇本事既 , 我養埋佢都仲得。現在出埋 " 支那 " , 戀英 , 吳三桂 , 自決 , 港獨。不殺之于萌芽時 , 幾希矣。陳勝 , 吳廣率八佰眾 , 能夠將統一六國的秦國弄至滅亡。所謂星星之火 , 可以燎原 。阿爺進行換血有理。

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。