地產論壇
登入名稱
密碼
頁數:
茶餐廳亂話(408)流標代表地產商也鋤價​
瀏覽人次:22137    回應:10

茶餐廳亂話(408)流標代表地產商也鋤價​

 

湯文亮博士

紀惠集團行政總裁
2018年10月17日

  今早去到茶餐廳,老闆問以文輝道咁靚地皮,而且參與投標的地產商個個都有頭有面。點解會流標?是不是地產商知道政府搞「明日大嶼」計劃。在在需財,於是搞一個「今日大鑊」計劃,參與投標的地產商聯手出低價。  

    我話老闆想多了,現在買樓的人,如果不鋤價,基本上對唔住業主。有一些業主不等人鋤,自己自動劈價,所以近日出現不少低價成交。地產商是頂級生意人,如果在樓價開始下調的時候用高價買地皮,不是今日而是明日大鑊。在這個情況下,又怎會不鋤價?而且鋤得很深,令到政府不得不收回地皮。所以,現在買樓的人鋤價是毋須內咎,鋤價是天經地義的事,地產商有板你睇。不過,大家要記著一件事,交易不成仁義在。鋤價是一種合法的商業行為,不能為此交惡,地產商與政府官員當然知道。

茶餐廳亂話(408)流標代表地產商也鋤價​
1. 引刀一快
2018-10-17 10:33
惠州樓日日新鮮價,大陸嘅情況,冇理由香港完全唔受影響。
2. 望東樓
2018-10-17 10:52
都係唔明。眾地霸囤積大量存貨,公開鋤低政府幾口價,佢哋嘅存貨可能需要大幅減值?原本以為佢哋會聯手合資超高價頂之栽。為廣大樓好打多一支現時最需要嘅強心針。啦啦啦、睇下睇下,麵粉都十萬蚊呎喇,而家唔買遲啲你連劏房都買唔起呀。可能只可以買到劏房嘅下架咋。
不過話時話,唔鋤可能都要減。
3. 十一哥
2018-10-17 11:19
正苦有冇估到會流標哪 ?  一定冇估 !  根本就係特登玩流標、咁大笪頂級山頂地皮…timing…規模…銀碼…真係會天價有人哽 ? 老表托唔到水冇得再攪亂檔!陀地大錢袋個個鉄打江山、邊有咁7前景末明…出哂汗高價去㩜個砂炮。
超豪宅市道好睇…IPO…嘅氣氛、好多冇現金嘅公司…IPO成功、即刻成倉五金…換咗現金、成個團伙(細細地起碼都有十零二十個)係smart街、袋咗現金起碼都整件豪宅…一將現金打椿…二就彰顯身份、而家IPO乜環境  ?  而家超豪市場好唔明朗!

4. 十一哥
2018-10-17 11:22
有心賣…一定係切細幾份賣。

5. 現實
2018-10-17 14:03
咁大笪地,即是要係山頂起屋邨,有錢人要住洋房先顯示身份,十幾萬一尺住大廈,國內富豪冇興趣。
6. 走得甩咩
2018-10-17 14:11
豪宅爆煲了
7. 馬前炮
2018-10-17 15:25
你地唔搶, 改起公屋,租二千. 香江人人平等. 誰也可住山頂
8. al70
2018-10-17 17:17
5明白,甘多年黎,无論升市跌市,新楼既買家点解都5講价。。
系甘比地產商襟住搶。
地產商佢开3-40000高溢价,还佢15000*
賣就賣*5賣由去。。
如果个个落力同发展商锄价,新楼价边有托到几万蚊甘高。
除非发展商自己做几个单擋托价。
所以中元指数信5过。
45000蚊每呎,買221呎,过仟万纳米,真系甘睇好天价纳米?

过時过節買楼慶祝下!!得閒有钱就買,仟零万,5貴!你信?

其实買新楼合约,定力5夠話,个度分分钟几个sales对1个客,太容易比人hardsell.错误買入高溢价楼。

我覺得新楼應該比个1一3个月冷静期条款,可以取消合约。

冷静期再加空置税比起加税有效。





9. 小文員
2018-10-18 10:20
香港新樓定價由一班精英定, 由需求, 同區二手, 溢價, 按歇, 地產佣金, 到數量等等, 計好曬先出, 同埋無乜hold 貨成本, 再加埋d 媒成交, 幾時輪到買家出聲
10. 十幾萬一尺住大廈,國內富豪冇興趣
2018-10-18 11:04
一棟棟大廈咁買黎住, 點會冇趣味?
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。