地產論壇
登入名稱
密碼
頁數:
怎樣才算是大好友或者大淡友
瀏覽人次:23482    回應:19

怎樣才算是大好友或者大淡友

 

湯文亮博士

紀惠集團行政總裁
2018年10月15日

  在電視上看到文字介紹,我竟然被稱為是大淡友,我真的不明白,唔通發表一些對樓市比較審慎言論,就是大淡友,其實,有不少公開發表睇好樓市的評論員,他們連一個自住單位也沒有,也沒有被稱為是大淡友,原來現在只要發表一些不利樓市的言論,就會被稱為是大淡友,反過來說,就算沒有物業,只要發表有利樓市言論,就是大好友,我覺得單憑言論來分別,未免不夠仔細,應該從行為方面來判定誰是大好友或者大淡友。

  不少人認為要分別很簡單,賣樓的人是大淡友,買樓的人是大好友,如果是以非黑即白的方法去分別,反而是黑白不分,樓價太高,有經驗的投資者會趁市道最好的時候賣走手上最差的物業,這是投資策略之一,絕對不能因為賣樓而認定他們是大淡友,而事實上他們是大好友,因為他們打算長期投資物業,要做到這一點,必定要經常進行磨行優化,在適當時候賣走非優質物業,亦要在適當時候補充一些優質物業,要不斷進行,才可以在物業投資行業裡長時間生存,說他們是大淡友似乎不合適,但他們亦不是大好友,只是一個正常的投資者。

  做大好友有一個先決條件,就是未夠資格但仍然去做才可以稱得上是大好友,例如現在有很多買樓的人,他們未有能力付首期,甚至不能夠擔保每月供款,但他們仍然採取地產商的高成數按揭或者向財務公司借錢買樓,那些人才是大好友,以這個條件來看,我的確不是大好友,但我亦不是大淡友,因為,在沒有財政壓力之下將自己手上優質物業以低於市價出售才可以稱得上是大淡友,我在這兩三年,一個物業也沒有出售,只不過是比以往買少了一些,怎可以叫我做大淡友。

怎樣才算是大好友或者大淡友
2. 真真薯片
2018-10-15 10:48
在適當時候賣走非優質物業,亦要在適當時候補充一些優質物業,要不斷進行


咁玩法:,唔洗幾個cycle,手上應該盡是優質物業?
3. 香港土著
2018-10-15 10:52
今日香港,多人講就係道理。地霸食物鏈共識就係,唔唱好就係淡友。博士唔接受都要接受。
7. 望東樓
2018-10-15 13:26
真真,幾個cycle係經歷好多好多年,而且優、劣唔係永恆嘅。
8. 引刀一快
2018-10-15 13:36
東樓兄

同意,三十年河西,三十年河東。


9. 引刀一快
2018-10-15 13:48
香港土著兄

唔唱好就係淡友,唔睇好就係負能量,唔係獨孤一味買樓就係傻仔,唔係唔睇價入市就唔係男人,唔係買咗唔賣就係投機。

總之,唔係好友就唔係好人。

哈哈哈
10. 真真薯片
2018-10-15 15:19
簡單講,斷人米路就係殺父仇人
11. CD ROM
2018-10-15 18:06
所謂 [沒有最好, 只有更好!], 優化可以不斷做, 重點在於timing~~~
12. CD ROM
2018-10-15 18:06
所謂 [沒有最好, 只有更好!], 優化可以不斷做, 重點在於timing~~~
13. 自我陶醉
2018-10-15 18:50
9樓 引刀兄,

中肯而全面,好!  果然係資深會員。

還想請教:呢度的磚家話,千祈唔好買股票,因為股票專收叻仔! 咁係咪即係叻仔先去買股票?

咁樓市又專收咩仔呢? 
14. 仍然有效
2018-10-15 19:23
11. 回自己陶醉 2018-03-31 01:59:39
從1967年暴亂計起,過去五十年香港的確有好多樓市盲好是靠買樓,買鋪,買工廈,買車位發達。所以香港人叫樓叫做磚頭,而股票就叫做牆紙。股市專收叻人,最怕你唔認叻!

香港是地產港,揸磚頭會發達是常識。香港男仔冇樓揸手,去未來外母家連都冇得入。
15. 真真薯片
2018-10-15 19:28
越換越好,理論上可以由太古城慢慢拔上半山,佩服
16. 引刀一快
2018-10-15 19:48
自我陶醉兄

我睇係以下兩類:

樓市肯定係收D驚青仔、怕執輸仔,俾人嚇得兩嚇,就一頭鐘埋去果D,如果俾呢D人入股市,連“收”字都未用得上。
第二類收嘅就係大安主意嘅人,有些少物業在手就對社會變遷麻痺鬆懈,驕傲自滿,別人講兩句忠告話就以為人地黑心妒忌想人死,真係想人死就笑瞇瞇谷人買D物非所值嘅嘢喇。

叻仔都有三衰六旺啫,話股市專收叻仔,一係就俾股市收完自認叻仔,一係就唔抵得人叻仔,自問未係叻仔,但係會用心努力去學叻仔,睇下將來邊個收邊個。
17. 引刀一快
2018-10-15 19:59
真真薯片兄

如果咁都斷到人米路,條米路都好脆弱,網主咁好俾個平台大家討論,有論點有資訊日日新鮮,有人同意有人反對,我覺得呢D先叫米路,如果一版全部都係廣告,免費報紙都冇人攞喇,又如果個個哈腰點頭只講恭維說話,冇火化又何來思維刺激?冇刺激邊有行動力?
某些人睇唔通啫。
18. 引刀一快
2018-10-15 20:04
CD-ROM兄

你呢個講法,已經抵觸咗兩條好友戒條:

1,唔睇價入市
2,買咗唔賣

以此推斷,timing喺樓市用唔上嘅啵。
19. 求救於湯博士
2018-10-15 20:36
博士財多學博,但不明白大多草民生活,一生積蓄在於一層樓。怎能接受一兩個月少了成百萬。二手已有十多巴仙回落,可否寫正面信訊給市場?中美戰已過度影向市民信心。傳媒又唱淡!我們平民怎裝備備自己,跟美佬打? 林太又逼新樓平價賣出, 香港民粹主義太重, 有天會學 英國被迫脫歐, 學美國選出害人總統,。博士請出手啦!
20. 自我陶醉
2018-10-15 21:23
引刀兄

講得啱! 嗰啲係自認叻仔,唔係叻仔。

計我話,股市專收傻仔就真,呢啲傻仔,在個市平嘅時候就唔買,貴到傻就不顧一切都要買。

在樓市,唔見得呢啲傻仔少,叻到為咗每年嗰兩個巴仙租金,交兩成稅俾政府都照買。我都搞唔清楚邊個先係叻仔?

哈哈哈!

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。