地產論壇
登入名稱
密碼
頁數:
茶餐廳亂話(405)現在買樓的人很容易做輸家
瀏覽人次:23650    回應:12

茶餐廳亂話(405)現在買樓的人很容易做輸家

 

湯文亮博士

紀惠集團行政總裁
2018年10月13日

  今早去到茶餐廳,老闆話收到一個筍盤,打算落訂,問我要不要鋤價。我睇到價錢,知道這個的確是筍盤,本來可以直接落訂。不過,有一個不利之處,就是樓層不算太高,只是中下層。如果買入之後,有人用同樣或更較少的價錢,買到更高樓層,老闆立即會變成輸家。所以,如果老闆一定要買的話,就必定要大力鋤價,千祈唔好覺得不好意思,淡市鋤價是天經地義,賣樓業主亦有這個心理準備。所以,沒有打算賣樓的業主,千祈唔好攞物業到市場試價,否則會一殼眼淚。

  有不少在較早前買了新樓盤的人亦有類似情況,地產商加推不加價,其實代表買了該新樓盤的人已經是輸家。因為地產商通常留一些比較優質的單位在日後加價推銷,目的是保障以前買了該新樓盤的人不會撻訂,同時令到買了樓的人以為賺了錢,心理上會好過一點。本來,地產商是不會加推不加價,但現在形勢有變,各地產商亦不會理會那麼多。如果現在不賣樓,以後可能要大幅減價以及付新樓空置稅。所以,現在買新樓的人基本上可以等到樓盤促銷了兩三次之後才買,不但可能會有意想不到的收穫,最低限度不會立刻做輸家。

茶餐廳亂話(405)現在買樓的人很容易做輸家
1. 智明
2018-10-13 11:33
有冇識得D人一對夫妻沒有兒女人工不錯但外父在大約多年前有筆錢買左樓然後把他們住收低於市價住到現在
2. 望東樓
2018-10-13 11:43
查實小弟一啲都唔介意即買即輸。係淡市入面慢慢揀、同賣家周旋真係好爽,因為個市向上行緊你慢慢睇基本上係同自己個荷包過唔去。一句到尾,最緊要係水位鬆動,有位可守。不過絕對唔係而家呢啲水位。
3. 十一哥
2018-10-13 12:19
玩地產…全世界最安全…香港 ! ! !

美帝…客仔唔掂、丟低條匙、拍下蘿友行咗去…完。

老表大孖沙想跳樓變現…冇得 ! 之前客仔玩維權…勝在叠馬又搏命、前線賣樓真係要揾命搏。

客觀香港地產梗吃香、話哂大城大埠…貴咗頂得住…始終有望見到家鄉。


4. 望東樓
2018-10-13 12:48
近年好多所謂世家都喜歡起棟樓之後用嚟做啲所謂服務式住宅。憑外觀似乎出租率一般,不過物業本身就已經deep in the money。我反而好有興趣睇下佢哋下一步點玩。一個唔覺意有三、五個出嚟玩重置資產就精彩喇。
5. 跌到你唔信
2018-10-13 13:45
連跌六週
細價樓帶動下調 CCL(中小型單位)累跌6周達1.59%
https://ps.hket.com/article/2181932?r=cpstni
6. 真真薯片
2018-10-13 15:40
空置稅2020年先要交,仲可以左手租比右手,理鬼得佢,反而新樓每次推盤要推至少20%,呢招遠遠辣過空置稅
7. 公屋小子
2018-10-13 19:34
正在接受申請中的今期居屋是否也變成冇咁抵買 , 應否等多2至3期後的居屋樓價跌定才申請居屋?
8. KC ko
2018-10-14 08:41
大陸已有很多人中招,新樓越賣越平,本來賣15000 減到5000 搞到D人要XX。
9. 引刀一快
2018-10-14 11:42
早幾個月我就話大陸樓已經唔筍喇,不過,點都好過買細價樓好多
10. 引刀一快
2018-10-14 11:58
東樓兄

唔使問喇,誇大其詞啫。
11. 望東樓
2018-10-14 12:03
八樓,請問喺邊度呀?佢哋應該學下星架坡枱底減(結果搞到銀行中伏).
12. 引刀一快
2018-10-15 04:46
如果依家大灣區有新樓樓盤賣五千,基本上係浩劫。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。