地產論壇
登入名稱
密碼
頁數:
成立搵地小組真正的目的
瀏覽人次:23378    回應:7

成立搵地小組真正的目的

 

湯文亮博士

紀惠集團行政總裁
2017年9月15日

  政府成立30人搵地小組,好似一塊石頭投入水塘,令水塘起了漣漪,不少自命是有識之士未被納入搵地小組而顯得酸溜溜,近幾日各自發表對土地政策,甚至有學者話搵地小組冇料到,而我認為,政府根本是胸有成竹,搵地小組只不過是一個棧道兵,轉移市民視線,林太只給予十八個月完成一個不可能完成的任務,與當日劉邦限令樊噲在一個月內修復棧道一樣,章邯等三人知道樊噲這個任務是不可能完成而疏於防範,原來韓信已經暗渡陳倉。

  搵地小組對於有很多物業的業主來說是好消息,也是壞消息,好消息即是政府向外宣佈,沒有足夠住宅用地,樓價會繼續上升,而壞消息就是政府用一個未合資格的團體搵地,其實已經有足夠土地供應,樓價反而會有下調壓力,林太雖然給予搵地小組十八個月完成任務,但未夠一星期,主席向外界發表第一份報告,但並不是提及搵地的大方向或者搵地如何艱難,而是向外界表示,政府準備推出首置上車計劃,事情就已經很明顯,政府是有把握搵地,但過程是會有不少阻力,因為小組有很多成員根本是反對開發土地,現在將他們納入搵地小組,將那些阻力化為助力,我相信這是成立搵地小組真正的目的。

成立搵地小組真正的目的
1. 真真薯片
2017-09-15 10:37
其實正苦出辣招7年, 搞呢搞勞, 7年過去, 8逆被包按破解, 正苦只係叫消委會建議市民小心(同財仔句口號一樣), 私樓供應被發展商囤晒, 仲要免佢差響兼頒發大紫荊, 居屋供應維持係每天年2-3千, 保證對私樓市場冇影響

睇左正苦7年黎既表現, 正苦對方地霸明打暗幫既態度其實非常明顯, 但係竟然仲有人寄望正苦會做到野, 實在神奇

在下唔係話港樓唔會跌, 如果大陸缺水, 深圳樓價跌, 或者包按盤爆煲, 港樓必有壓力, 但係呢d係市場壓力, 同正苦冇關囉

講到底, 自從董伯腳痛後, 冇任何特首夠膽真係打樓價, 極其量只可以為樓價下跌提供條件, 例如出定一大堆辣招之類, 但係要跌只可以由個市自己跌, 正苦繼八萬五後就唔敢自己出手推倒樓價了, 所以只可以狂吹東風, 唔敢點火
2. 十一哥
2017-09-15 10:38
揾地小組行先…收地小組跟尾、陀地屯咁多農地…政府放任丟空、富豪閑時玩樂波地唔郁、隔離基層作息之地…政府強收、陀地再唔積極農地補地價起樓…政府都好難再側側膊、 使Q整色整水…扮嘢揾地、富豪平民一樣…平等機會…強收之可也 ! 




3. 腥港人
2017-09-15 10:56
公私營合作起其實都係政府出雞,地霸出豉油
劃地果陣包左一大塊官地嫁,你以為地霸浪得虛名咩
4. 十一哥
2017-09-15 11:16
小心啟德地霸籌旗阻滯、對上升緊嘅樓價…唔多唔少有負面映響、大孖沙放數走貨…輸嘅一定唔會係有錢佬。

投資…有錢佬…有力嘅…先至可以講長遠戰略、老散…托番嚟…玩地莊…一定要短線戰術行先、識執生最重要 !




5. 向飯民說不
2017-09-15 11:55
新地老细话,农地改变用途,政府松手左。地增加了。

在次正常猪西的金主就是地产佬。
8. 揾笨小組
2017-09-16 15:26
目的是搵港人笨。只有白痴才相信這個小組可以搵到地。
9. 小文員
2018-10-18 10:30
2018年返黎,博士呢鋪中曬, 黃遠輝2018年十月先講唔知自己係棧道兵, 如果佢真心就真係真心膠... 博士好野
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。