地產論壇
登入名稱
密碼
頁數:
怕鬼都唔好話俾人知
瀏覽人次:70661    回應:76

怕鬼都唔好話俾人知

 

湯文亮博士

紀惠集團行政總裁
2014年6月10日

  有一段時間我住在肇輝台,有朋友問我點解要住肇輝台,日日夜夜望到跑馬地墳場,乜我唔驚,我覺得很奇怪,究竟驚什麼,就算晚上望到跑馬地墳場有影像,咪當佢係人影,如果驚,人都可以當係鬼,唔驚,鬼都可以當係人,就算係鬼,都唔會無端端犯人,除非人犯佢,不過,就算怕鬼都唔好對人講,因為鬼最鍾意玩怕他們的人,你唔怕佢,佢就唔玩你。

  我當然唔係講鬼故,在現實生活,人同鬼都沒有分別,政府出招,其實我驚到暈,唔知政府會點做,民粹抬頭,要打擊資本主義,地產霸權,差不多全部官員都說,一定要將樓價下壓三成,這是一個非常容易完成任務,好彩,曾蔭權並沒有把握到關鍵所在,認為單以SSD便可以將樓價下壓三成,如果他有參考2008年,金融海嘯時樓市在短期內下跌三成的原因,他便不用出招,照板煮碗便可以,SSD並未強迫樓價下跌,只是有一些人認為SSD會令樓價下跌而將自住物業賣走,所以,SSD的確令樓價下跌,不過跌幅輕微,稍後亦急速反彈,如果當時曾蔭權指使金管局要銀行收緊按揭,就算到達現時程度,我相信有不少人將會不能夠通過壓力測試,在無其它辦法之下唯有出售他們的物業,小業主及物業投資者有見及此,一定會一窩蜂出售他們的物業,結果是怎樣大家可以想像得到,我相信樓價下跌五成是最樂觀看法,我唔知道曾蔭權失覺抑或宅心仁厚,他沒有用這種方式打擊樓市,否則,樓市早已一沉不起,何需再出BSD與及DSD,現在回想起來,我仍然由有餘悸。

  在2008年,所有物業投資者都最怕收到銀行追差額電話,當時,測量師不斷將物業價值減值,投資者手上的物業在年初與年尾之間竟然被減值一半,銀行為確保他們的放貸可以安全收回,當然是不斷向投資者追收物業減值後的差額,而測量師之所以將樓價估值減半,其目的與今天物業代理行說樓價會大跌一樣,希望客戶出售手上物業,他們可以多做生意,不過,測量師所用的是硬功,代理行則是柔說,唉,人不為己,這亦是無可厚非的事。其實,當時差不多每一位物業投資者都面對銀行追數問題,不過,大家亦知道,就算驚,都不能夠讓銀行知道,所以,大家沒有一窩蜂出售物業,沒有突如其來的大量供應,樓價在下跌三成之後便急速反彈,問題亦迎刃而解,如果當時銀行知道投資者彈盡糧絕,便會加速追收差額,在無可奈何的情況下,投資者唯有出售物業來償還銀行欠款,到那時候,樓價不大跌五成也不行,好彩,銀行唔知道投資者已經驚到腳軟,否則,結果就不同,所以,就算驚,都唔好話俾別人知道。

怕鬼都唔好話俾人知
1. 小陽
2014-06-10 09:36

因為鬼最鍾意玩怕他們的人,你唔怕佢,佢就唔玩你。------ RIGHT !!!!!!

like !!!! 

2. 支持吳光正
2014-06-10 11:13

昨天吳光正的論點真發港人心醒。香港只是中國一個高度(非絕對)自治的(特區)城市吧。我們由1997年至現在已浪費了16年11個月作無聊的政改普選爭拗。

尤記得早幾個月前班泛民議員怎樣投BSD SSD票, 小業主還會在政改問題支持那班泛民。

3. 欣賞曾鈺成
2014-06-10 11:40

立法會主席曾鈺成這幾天的說話代表了香港現實狀況的問題:

1. 保皇黨因必定要投贊同票所以從不投放資源作政策研究。

2. 泛民派因永遠是立會少數派也從不投放資源作政策研究。

3. 梁振英為特首的特區政府政策確有不少可以改善的空間。

4. 梁振英特首與現時的立法會的關係為歷屆政府以來最差。

4. 自我陶醉
2014-06-10 11:40
鬼故事同樓市有何關係?  個人認為有好多同通點。

心信有鬼嘅人 = 心信樓市會升或會落的人 ~ 
他們看到同佢哋信念一致嘅消息或新聞, 還未分析,就已經心信不疑

不信有鬼嘅人 = 不信樓市會升或會落的人 ~ 
他們看到同佢哋信念不一致嘅消息或新聞, 就會用盡佢哋嘅小宇宙能量將別人嘅論點一一推翻

昨日故事中嘅警察同驗屍結果, 就係大家相信嘅專家同報告, 相樓市升嘅覺得博士係權威, 信跌嘅好自然覺得陸東同埋大C最可靠喇。

信有鬼嘅人見到有鬼雖然會驚, 但一定沒有曾經殺害過人嘅人咁驚, 因為呢啲人心中早已有鬼, 亦相信啲鬼一定會害佢, 所以無論真鬼假鬼都咁驚。

同樣手持重貨嘅人或幾年前已沽樓嘅人, 就如後者一樣, 因為他們嘅心理壓力關係, 對持相反論調嘅人都有敵意, 因為佢哋相信呢啲人一定想害佢, 其實只要心中無鬼, 眼裏又點會見到鬼呢?  正如博士講: “唔驚嘅,鬼都可以當係人。”
5. 小陽
2014-06-10 11:47
Ck 同個個關係差, 有錢人 丶中產丶商人丶連窮人都隒佢幫唔夠,兩頭唔到岸
6. 從金融角度看佔中
2014-06-10 12:12
香港是世界上三大金融中心之一, 我們應從金融角度看佔中及最近的6月22日什麼投票活動。其實很易發現他們選擇6月22日作什麼佔中電腦投票日實在別有用心。因為6月20日正是滬深300期指結算日, 亦是美國6月份每季的期指期權期貨的三重結算日。而6月27日周五將會是香港恆指及國指期指結算日。如果話沒有外國勢力撐佔中運動真是痴人說白夢, 香港的商業罪案調查科理應盡快介入調查。
7. 從金融角度看ck
2014-06-10 12:40
Ck 的bsd dsd 限奶令、樓市大跌三成言論,自由行減兩成, 嚴重阻住自由經濟發展,阻住HK轉,比佔東更可怕! 佔中只係阻住中環,cy 政策阻住全香港! 


8. 人人
2014-06-10 12:42
去唔到中環返工,未去觀塘返或者work from home囉! 
9. 順民
2014-06-10 12:48
6樓﹐外國勢力當然無時無刻地存在﹐全世界任何一個國家或地區那個沒有外國勢力 ﹖就等如我們日常生活中賊人和壞人都無時無刻地存在著我們身邊一樣。但若我們把一切怯懦﹑失敗都歸咎於賊人和壞人(外國勢力)。那又豈止是痴人說夢 ﹖那是一個連說夢的痴人都不如。
10. 小陽
2014-06-10 12:55
To6樓,
你去報警,要等警察查太久了,

你應該結合全香港,澳門丶中國的內部勢力和有錢勢力,炒高個A股和香港股票市場,等佢地沽空盤補貨補到破產,那麼佢地那有心機佔中。

叫番任總、DT打這場硬杖
11. 順民
2014-06-10 12:59
自醉兄﹐請容許在下對你所講的第二項作一點補充。不信有鬼嘅人﹐是會用自己的理智﹑常識﹑閱歷去獨立思考判斷事情的真偽。但也並不一定要將別人的論點推翻的。
12. 小陽
2014-06-10 13:04
內部勢力要團結,一齊炒高個市,反高潮,
恆指炒到三萬點,個個魚翅撈反
13. 小陽
2014-06-10 13:09

to 6th FLOOR

部勢力要團結,一齊炒高個市,反高潮,

恆指炒到三萬點,個個魚翅撈反
 
14. 小陽
2014-06-10 13:09
內部勢力要團結,一齊炒高個市,反高潮,
恆指炒到三萬點,個個魚翅撈反
15. 小陽
2014-06-10 13:20
To6樓,
你去報警,要等警察查太久了,

你應該結合全香港,澳門丶中國的內部勢力和有錢勢力,炒高個A股和香港股票市場,等佢地沽空盤補貨補到破產,那麼佢地那有心機佔中。

叫番任總、DT打這場硬杖
16. 小陽
2014-06-10 13:23
infocastinfocast2時42分前

獨立股評人David Webb表示,港府推出多項「辣招」無助降低樓價,反而令成交銳減,對本地就業有一定影響,是港府施政的重大失誤。他指出,政府應明白物業價值並非由成交量而定,而是取決於未來租值,以及利率。

他又提到,針對內地客及外地買家的買家印花稅(BSD)亦應該撤除,因為辣招實施前內地客買樓佔整體成交宗數不足1成,而隨著內地經濟冷卻,內地客來港置業意欲亦大大減低

17. 亮劍
2014-06-10 14:11

我做人的宗旨,係有嗰句、講嗰句,「世事豈能盡如人意,但求無愧我心」,就是我的座右銘。

本人身邊有些朋友,都成四十幾歲人,但為何俾拒攪足十幾年都上唔倒車,或落完車之後都再上唔翻車?

根據小弟觀察,唔係他們揾唔倒、無首期或供唔起,而係佢哋心術不正!

道理真係一字咁淺,某些心地唔好嘅租住等 / 淡等 / 淡淡每天擰開電視機,最希望看到是甚麼新聞??

唔使我開估,大家都知當然係大陸 D 經濟福佳含包散;地區債務爆大鑊;中國GDP 跌到變負數啦!

世界 D銀行就輪流出事破產;美國十年期債息就爆升到十幾弍拾厘!

香港的恆指跌到不似人型剩下幾仟點;啲自由行旅客就消失到無影無蹤!

地產商資金鏈相繼斷裂,旗下嘅新樓賣唔去要劈到百零万一間清貨!

各大小業主大範圍地失業,餐餐要去老麥食 2手包,跟住要跳樓、燒炭同割脈!

全港業主都要不問價沽自住但求甩身-----

如此這般呢班友咪可將風險轉移,自己上車嘅風險便可減到最低!

咁攪法如同將自己的幸福,建立在別人的痛苦身上!

要是咁樣都成世界,那天理何在?

你要是每日都想埋呢 D 衰嘢,自身就會充滿負能量,那好運又怎降臨在你的頭上?

天作孽猶可恕;自作孽不可逭,天理循環,報應不爽!

共勉之------

18. Reply by 6 to 9,10,11,12,13,14,&15
2014-06-10 14:39
一句說完, 你們智商太低無必要再跟你們爭論。
19. Reply by 7 to 18
2014-06-10 14:48
撐你又話人吔智商低,口號式係冇用,要不就做對香港大陸經濟和股市好的事,話之你內部定外部勢力!!
20. 順民
2014-06-10 14:54

剛食完晏回來﹐睇到亮劍兄段貼文後拍案﹐媽的鬧得好 ﹗

小陽靚女亦講得無錯﹐98年索羅斯呢個外國勢力曾經大舉入侵﹐必要時搵翻任總同DT出來同佢再片一鑊勁囉。

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。