地產論壇
登入名稱
密碼
頁數:
21. 隨機應變
2014-05-27 13:21
to 17
真係有佔中,樓股大跌 當然係入貨時候,如果閣下睇好後市,只不過到時,銀行唔做按揭,周圍環境,D價錢一件平過一件未知幾時到底
閣下準備全額現金,當然大受歡迎。
不過小弟認為香港人只會為個人利益而上街
如果佔中真係搞到樓股暴跌,一定會引發更多既利益受損者暴動搞掂班佔中。有麵包才有民主。
22. 法子
2014-05-27 13:27
回6樓 珍惜香港兄,

請多多批評。聽到你的批評,感覺心曠神怡。
23. 39人各持逾百物業
2014-05-27 13:42
富者愈富 買樓投資者大增39人各持逾百物業

【明報專訊】香港貧富懸殊,不少家庭無力買樓自住,政府最新數字顯示,截至去年3月底,全港共有154.8萬人擁有一個單位,僅較2010年輕微上升0.5%,不過同期持有5個或以上單位的人則增加逾2000人,至逾4.2萬人,升幅達5%,反映富有階層更積極地買樓投資。理大建築及房地產學系教授許智文認為,香港有錢人較看重物業,較多選擇購入物業為資產增值。

財經事務及庫務局回覆立法會議員質詢的文件披露,稅務局以2012年3月31日計算,香港共有201萬人以個人名義持有物業,當中包括和別人聯合持有。154.8萬人只持有一個物業,較2010年同期微升0.5%;持有兩個物業的則有29.5萬人,上升0.3%。同期比較,持有5個及持有6至10個物業的人數都大升逾5%,分別有1.6萬人及2萬。

持5伙或以上 增逾2000人

此外,有6102人持有超過10個物業,當中有39人更持有超過100個物業,較前兩年增加了兩人。文件顯示,持有5個或以上單位的的人,由2010年的40,725人增加逾2165人至逾42,890人,升幅達5%。

 

24. 三寶
2014-05-27 13:46
http://hk80captain.blogspot.hk/2014/05/blog-post_27.html?m=1
25. 山高雲低
2014-05-27 15:16
要以高過售出價購回單位,確實須要極大的勇氣。不是一般人做得到。  
因為,高於售出價,即等於到手的利潤又要拱手送出。同時,又代表之前做错决定,萬一買入後又跌, 豈不是左一巴右一巴。 
不過,只有不理短期波幅浮動,時間是會證明你的决定明智。
人的敵人,不是别人,是自已。
自己認為对的,就不要回頭,等时间為你證明。
26. CD ROM
2014-05-27 15:49
曾經, 李生話 "自住的話, 負擔到就買", 我都係其中一個XYZ話廢既一人... 

身為80後, 眼見身邊所有朋友, 就上唔上車糾結左3,兩年, 先驚覺呢句說話真係大智慧... "o答落有味"... 再加上博士今日用起跑線這concept更具体的present左出來~~~ 
27. DVD ROM
2014-05-27 15:52

To 26

真係架, 計黎計去, 租就係咁俾, 機深禍更深, 上車才是硬道理.

28. to 12/F 花生友
2014-05-27 16:33

同意, 基本上同誠哥對賭輸硬, 兩年前買半山2號個的而家走都仲要輸.

但唔好忘記, 半山2號係賣貴市價兩成, 雖然佢地輸, 但唔代表樓市有跌.

但今次誠哥係貼市價賣, 若果買家都要輸, 則代表個市一定落. 至於誰勝誰負, 唔使多講喇卦?

29. 小師妹
2014-05-27 16:43

"對於重新起步的人,起跑線更加是一個心理關卡,試問有幾多人在賣走他們的自住物業之後,以高於出售價回購,那些人的起跑線通常是低於以往售出他們物業的價錢,所以,很多人在出售他們自住的物業之後,再也不會置業,因為,他們已經失去了起跑線,唯有繼續租樓住,唯一解決辦法就是忘記過去,重新起步,因為,只有重新起步,才會有起跑線。"

Can't agree more!

我有個親戚係09年賣了自住物業之後一直租樓至今, 其間搬了三次越搬越底層。佢最後做了決定話無論是升定跌明年都會上番車.....

30. 80 後求生隊長
2014-05-27 17:00

辣招結構性改變樓市


經過左由2010年出的第一招SSD,時至今日大家都好清楚三辣招的效用,而大部份所謂的炒家,應該都已經收晒皮。沒有海外(大陸)買家或炒家的市場,呢幾年主要的樓市參加者就只剩下用家或長線投資者,對於呢一個結構性的轉型,樓市又會變成點呢?


根據番一年前的明報新聞,我地得知:


----------------------------------------------------------------------------------
154.8萬人只持有一個物業
29.5萬人持有兩個物業
1.6萬人持有5個物業
2萬人持有6至10個物業
6102人持有超過10個物業
39人更持有超過100個物業

持有 5 個或以上物业嘅人,由2010年的40,725人增加逾2165人至逾42,890人,升幅達5%。

http://www.mpfinance.com/htm/finance/20130406/news/ec_goa1h.htm
----------------------------------------------------------------------------------

數據反映出黎的,係以2012年的數字,但並沒有反映出一個trend,而呢一個trend就係三辣招下的樓市,已經迫左好多炒家變成左長線投資者。變成一個長線投資者對比起做一個炒家,在長線對樓市有很不一样的作用。


從前,炒家目標只係超短線操作,基本上可以話無打算長楂,無打算出租,因為佢地要食的野,係樓市上升的升幅,所以佢地有買亦有賣。但長線投資者就唔同,大部份只少從買樓果一刻的目的,就係為左食租金收入,多多少少長線投資者係會諗住坐貨,甚至坐好多好多年貨,中間佢地只係食租金,而當樓價升左而財力許可的情況下,長線投資者就等於亞米巴變型蟲咁加按一開二,二開四,四開八咁。簡單D講,長線投資者就等於玩大富翁遊戲,最好就買晒成條街等收租。


好啦,玩過大富翁的人都知,地就係得咁多,但如果個個人都不停咁買,又唔賣,老實講個樓市就會好屈機地谷住爆邊。本來係辣招出之前,其實個市場的參與成份係比較自然,有炒家有長線投資者有用家,而當中我肯定可以講一個健康的樓市一定有比較弱的炒家,比較弱的長線投資者,所以佢地係樓市中會不定期佔據一些貨后,又不定期放番貨出黎,提起潤滑作用。


三辣招後,咁多按揭的調控,加上唔小心坐左貨無走到的,比你坐左三四年,又無得繼續炒,好多炒家已經回晒氣,手上資金已經開始異常充裕。長線投資者呢幾年更加係休養生息,無風無浪又食左3幾年租。食開租食慣左,加埋手上資金經過三年后的增長,我諗最弱果批炒家同投資者都應該無乜貨,本身弱弱地果D都大幅增強實力,而強者就當然更強,而更重要的係,以前唔食開租果D就嫌細雞細米,但呢家食左幾年又發現原來幾和味,一路食下去都已經係不敗之身。唔信,你諗下呢家買樓收得租,最大機會都係5成,偷雞果D人都7成,比你食幾年租連埋租金的升幅,都應該大約食番1成番黎,而呢幾年長線投資者自已亦理應有自己收入搵到下食,變相呢家坐貨牌面4成-6成的野,自己手裡又有1-2成資金,反正無得炒,個市教育左佢地收租,自自然然就會繼續食租。


一個變左只有長線投資者同用家參與的樓市,相當於只有買家,沒有賣家,而供應上你一年都係一萬幾千個單位,但你睇下呢家如果計,當有5個或以上單位的人係長線投資者,即係有40725個呢D買左唔會賣的人不停係度食個市,仲未計有29萬個人只有兩個單位但想轉做專業收租佬,well,香港就係得咁大,政府不停教人焗人曲線教育人做長線收租佬,從呢一個角度睇,我相信樓市的供求係未來十年會繼續一面倒失衡。






Posted by 12:22 PM No comments
31. 錯就要認
2014-05-27 17:32

賣左之後發覺唔對路都要買返架啦 !

同錢鬥氣無好下場,賭錯邊咪認錯買返囉,好過一直輸落去。

32. 惜緣
2014-05-27 18:12
我隱約覺得新一輪的全球性印紙幣行動如弓在弦:
(1) 歐洲: 投資者憧憬歐洲中央銀行下月初會議將有措施刺激經濟, 最近歐股的表現已經反映.
(2) 美國: 最近經濟數據欠佳及樓市疲弱, 我諗過去一年的退市是假退市, 未來將用其他的措施(其實都是印紙幣)刺激經濟.
(3) 日本: 就不用說了, 除了印紙幣還有其他方法嗎?
33. 小陽
2014-05-27 18:33
再上車無問題嘅!
如果想心裏舒服D,那買遠D平D細D的單位,不要再返回原本屋苑,接受新環境新事物有多好!
34. HK
2014-05-27 18:48
十年內有沒有供求失衡----是看供應-- 郊野公園面積放寛?
2,同大地產商交換條件? 十年漫長路,一定有坐下來談心的機會。

求--- 香港競爭力,中國進步快過香港,
35. 蜕变中嘅懒人
2014-05-27 18:58

TO 80後求生隊長

睇完兄台篇文章,如果你係睇相先生,懒人嚟幫襯你占卜未來樓市走向,不過為咗考考你嘅功夫仔得唔得,我會要你大約講講我之前喺樓市嘅搞作係點,走啱定走錯,當然,如果你企圖套我料,我會好自然咁點你遊花園,如果你真係入咗花園賞花,懶人就會讚你係惜花之人,跟住放底相金走人;但係如果你照呢篇文章咁讀俾我聽,我就真係當正兄台係再世賴布衣,佩服到五体投地,因為懶人俾兄台中咗幾野,最妙係变形蟲嘅比喻係跟環境蜕变嘅意思;加按又加按係我之前嘅慣技,到咗政府噤銀行同出3D,唯有收租呢招变長線投資,供息底租金多成倍,愈來愈肥,不過我要繼續蜕变,因為我估17年辣招撤退前係入市良機,13年頭己經套定資金到時再衝,如中途有变自行執生。

懶人唔會俾所謂炒家害人論,長線投資至係正道,賣自住樓係沽空,供樓係樓奴,業主係壓榨租客魔鬼,淡友咀咒,業主要BBQ,租樓無束缚等等嘅言論影响,只會將之當作一門生意看待,賺蝕自我承担,蜕变適應求存,尊重每一位有樓或無樓朋友,人生如戲,角色有機會更替係永恆,手中無樓,心中想有亦係好友;手中有樓,時時想住計數變現亦係淡友,好友淡友無所謂好壞,無想過害人利己就係好友。

36. HK
2014-05-27 19:35
TO珍惜香港兄,

我只是居安思危,我都非常贊同閣下説香港是安全和自由城市,但是當香港有危,但視而不見,有點兒那個。之前nobody 兄說會計行業要一早淘汰,心裏一酸,香港以前有廠家,現在已逐漸消失,因為不夠內地人狠和狼,剛剛讀完信報方卓如的專欄,他完全講出本人心聲。

2014年5月27日

方卓如 方如玉帥

死做爛做死梗

有報道說隨着中美罵戰升級,中國政府下令國企不能夠聘請美國顧問公司。繼會計師之後,又有一行有可能因為行政命令失去...

37. HK
2014-05-27 19:44
Nobody 兄

我很欣賞閣下講出香港和大陸velocity 的不同,大陸太多行政成本丶政策改變成本丶關係成本等等,但是香港有沒有keep住這個優勢呢!

政策成本----遊戲規矩改變,3D政策
地監處---  改圖宣傳都要嘈
行政成本--- 黃維基事件
關係成本-----摩通方方,廉署老友宋林
等等
38. to 19/f, 20/f
2014-05-27 22:29
你估如果香港暴動百萬業主贏機會率高d定幾百萬低收入人士贏機會率高d?唔好玩啦!
我驚到時香港變左越南,所以私樓變左中國廠
39. nobody
2014-05-27 22:42
Money velocity is a term in monetary economics, not to confuse with administrative velocity.
The "velocity" of China is actually the velocity for rent-seeking, the higher it is, the less competitive the economy will be.
當然,政府做野快,又咁啱pick winner中左,咁都係有優勢的,但現實係政府pick winner瓜多過菜,例如日本既analog HDTV, 台灣既重工業,都係用左納綐人好多但最後影都冇。
(韓國既mp3都係有小成既,但最後高端比apple食哂,低端就益左大陸)

中國pick winner其中一個例子係太陽能板,例果產生左最大既民企破產(尚德),重後後來既超日,說穿了就係呃政府補償既工具。

40. 你出來玩吓啦
2014-05-27 22:53
你估如果香港暴動百萬業主贏機會率高d定幾百萬低收入人士贏機會率高d?唔好玩啦!
我驚到時香港變左越南,所以私樓變左中國廠..........
在香港亡命之徒沒有多少個???唔信你出來玩吓啦啦隊!!!!!
香港廢柴多...........
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。