地產論壇
登入名稱
密碼
頁數:
移民切忌騎牛搵馬
瀏覽人次:16449    回應:3

移民切忌騎牛搵馬

 

湯文亮博士

紀惠集團行政總裁
2023年2月21日

  星期日早上,收到一個年輕朋友短訊,多謝我的提點,他搵到一份非常合心水的工,估計要等5+1之後才會返香港。年輕朋友大約一年前用BNO去了英國,臨離開之前問我有甚麼指示,我當時話,指示唔敢講,但去到英國之後,千祈唔好拿拿臨去搵工做工,先休息一下,慢慢搵,唔合適千祈唔好做,除非他的財務未能許可,但據我所知,年輕朋友沒有這個問題,他去英國只是陪小朋友入學,安定之後或者會返香港,或者等5+1,所以,他是有能力唔做工。

  年輕朋友話我的講法與其他長輩不同,當中有不少叫他騎牛搵馬,甚麼工也做住先,融入當地社會,我話年輕人的長輩應該未在外國住過一段時間,如果甚麼工也做,連倉務員,外賣小哥都做,又怎樣可以融入當地社會,甚至以後頻頻撲撲就過了一生,既然財務冇問題,點解唔慢慢搵,況且那些工又唔會搵好多錢,如果將自己推向低端行業,很難再向上爬,不過,最緊要都是要有錢,如果冇錢就乜都要做。

  很多人都沒有留意,其實無論移民或者大學畢業之後搵工,都切忌騎牛搵馬,因為很難轉工,所以,有不少大學生在畢業之後去旅行,然後慢慢搵工,不過亦有期限,一定要在下一批大學生畢業之前就要搵到,否則以後很難搵到好工。

  其實第一次買樓也是一樣,不少非常心急買樓的初次置業者,將首置買了納米樓,浪費了自己的配額,現在面對地產商以較優惠價錢推出較大的單位,實在非常後悔,如果當日没有買納米樓,今日就可以很輕鬆買一個較大單位。

移民切忌騎牛搵馬
1.
2023-02-21 10:43
中華民族一直是現實主義的思维,

!!馬死落地行

但而家80/90後,就被西鬼毒到

!!落地托着未死的馬行

愛心满溢…文明得很
2. SYB
2023-02-22 10:15
15歲已到勞工處工作年齡,做什麼正常工作都好,以後也可適時學習一技之長。
3. 引刀一快
2023-02-22 16:45
其實一個人做咩工作都可以,最緊要做得開心,唔騎牛揾馬,可以一世騎牛,如果隻牛會唱歌氹你開心,已經不枉此生。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。