地產論壇
登入名稱
密碼
頁數:
茶餐廳亂話(1673)賣了樓的初次置業者證明政府枉作好人
瀏覽人次:11939    回應:5

茶餐廳亂話(1673)賣了樓的初次置業者證明政府枉作好人

 

湯文亮博士

紀惠集團行政總裁
2022年12月10日

  今早去到茶餐廳,老闆話今次政府枉作好人,樓價連續下跌,而賣樓的大多數是不用繳付辣招稅,又可以採取高成數按揭的初次置業者,政府想盡辦法幫助那些沒有樓人士上車,誰不知那些人在上車之後又賣走唯一的自住單位,甚至蝕本都賣,咁樣做代表唔領政府人情,今次政府都可以算是枉作好人。

  我反而覺得那些蝕本賣了唯一自住單位 的人是非常好脾氣,畀著係我,一定會鬧政府點解要幫助我上車,如果唔幫而又上唔到車,現在就不用蝕本賣樓,這還未夠,幫我上車之後又用SSD鎖死三年,如果樓市好似今年下半年咁跌法,三年之後就一身債,今次真係被政府害死,老闆話對對對,在茶餐廳內,有不少初次置業者真的話今次畀政府害死。

茶餐廳亂話(1673)賣了樓的初次置業者證明政府枉作好人
1. 輪打赢要
2022-12-10 09:36
呢D(首置者)擺明係輸打贏要,當時日日嘈話後生仔難上車,政府出政策令其上到車後,現在又嘈坐了艇話政府跣佢。

大佬呀乜你地唔係想置業安居?原來係嘈冇份從樓市賺錢?乜買樓包賺㗎?自己承受唔起風險咪租樓囉。
2. 買樓包賺
2022-12-10 11:54
買樓包賺係地代同炒家同置業者講。佢地話香港樓市係“龍市”,只會永遠上升不會下跌。
3. 輪打赢要
2022-12-10 13:36
牛唔飲水唔撳得牛頭低,買樓咁大件事會係第三者三言兩語可以左右的?賭輸就賴人,贏落又唔見分番D畀人?

別忘記地產舖是買家自己行入去的,唔係地代報夢叫佢買的,想做(老襯)都要有條件先得吧,第一點要有首期,第二點要過到銀行壓測,豈是普通人做得到?

淡友成日吹話AA為開得成單氹人落水,業主為求甩貨猛吹有樓幾咁好,講到首置者係傻仔同受害者咁。

我有對50年西電300B想揾人接,點解地產網冇人落叠嘅?


4. 向饭民说不
2022-12-10 15:12
楼价要升,就要睇特首抢企业,人才和资本的能力了。
5. 劍聖
2022-12-11 20:52
香港樓價是炒家和地產商吹捧來,當太高而美國正式加息高於租金回報沒人願意接,便下跌,所以幫首次置業者,應該政府要重新define,如果以前買過物業,但現時雖然沒有物業在手,便不能再為首次。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。