有老友一向唔睇好香港，十幾年前已經移民美國，在紐約生活，佢大把錢，一世唔做都冇問題，但最近回流，一班老友都覺得很奇怪，原來老友話在美國生活得冇尊嚴，話說有一個星期五，他請一班外國朋友食午飯，有人問點解咁得閒，唔使去唐人街排隊攞救濟品，那人雖然立刻話講笑，但老友覺得被侮辱，於是決定回流。 其實那人講得冇錯，現在每逢星期五，紐約幾個唐人街都大派救濟品，不少中國人排隊，令外國人覺得，中國人是很窮，只識得攞救濟品，慢慢地睇唔起中國人，間接連老友那樣的小富豪亦睇唔起，老友話，其實已經有不少有錢包括香港在內的中國人離開，唐人街有很多吉舖，不能走的大多數是經常攞救濟品的老人家，試問外國人又點會尊重中國人，現在在外國生活很難獲得合理尊嚴，倒不如早日回流。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
App下載
