地產博客 > 文亮言 返回
瀏覽人次:17488    回應:4
文亮言

物業交易,銀行直接過數是否可行

 

湯文亮博士

紀惠集團行政總裁
2022年1月4日

  有消息指,金管局會做調查,如果可行,以後物業買賣的按揭款項以及餘額,將會由銀行直接過數,避免無謂損失,原因是較早前有律師樓被接管,損失過億元,估計將會由保險基金賠償,至於可不可以由銀行直接過戶到業主戶口,當然可以,不過有很多人不喜歡。

  首先是大律師行,他們的信譽較好,如果是大單交易,無論是業主或者買家,不少買家都樂於委托他們,如果款項由銀行直接過數,大律師行的優勢便會失去,而事實上,有買家是不願意聘請大律師行,收費較貴是其次,大律師行有的是堅持,即使交易不成都要堅持,到最後買家可能捉到鹿脫唔到角。

  有老友曾經問我,公司有咁多超十億買賣,點解只用一間中型律師行,唔用大律師行,是很危險,老友不明白,一單交易是關乎買賣雙方,以及買賣雙方律師,買賣雙方是沒有問題,但買賣雙方的律師是很麻煩,如果在買入時我用一間大律師行,一定會有諸多要求,不能說他們是錯,但做物業買賣,講一膽二力三功夫,沒有膽量,就唔好做買賣,用一間大律師行,就算有膽都會俾他們嚇到冇膽,最後是買唔成,如果唔聽他們講,大律師行又唔開心,倒不如用一間中型律師行,大家仲有計傾,很多時會答應對方條件,表面上是很軟弱,被人誤會是輸了,其實,輸贏很難分辨,如果贏了,即是買唔到那個物業,贏即是輸。

  如果由銀行直接過數,大律師行不但要對買家負責,更加要對出更多錢的銀行負責,銀行亦是相當保守,有一些條款買家願意接受,銀行不願意接受,結果交易又會告吹,老實說,如果因為一兩單律師行違規而更改現有制度,可能是得不償失,不過,探討一下當然是沒有問題。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 有對等資訊的人 2022-01-04 13:45:59
一定去馬! 有D律師,契都唔齊都想買家接貨Crazy!
2. 引刀一快 2022-01-05 08:34:14
大陸物業交易唔止唔使律師,依家準備連中介都飛起埋,不過估計唔會真正實行,中介係調控樓市一個關鍵工具,殺中介係雙刃劍。
3. 十一哥 2022-01-05 09:19:30
刀刀頂唔住雙刃劍哩…難撈就快D番歸啦!返嚟牛林先至答你…匿喺山旮旯教都唔會識嘅。
4. 引刀一快 2022-01-06 08:54:29
十一仔,姓琳定姓賴?定姓屈?哈哈哈哈😃
如果你自己提嘅講法,你自己都無言以對,咁係咪叫做鳩噏?

下面係你寫嘅:

“財不入急門 ! 第一注買樓…自住要方便揾食…出租又要夠冚皮費、後生又要香港揾食…大灣會縛住第一注錢種。

第一注錢,買港樓算你借九成,算你買平啲,60萬,大灣區有啲屋已經係成千呎兼fullpay,要錢用可以按返俾銀行,供港樓同唔使供安安樂樂有大屋,兩碼事。買大灣區點都唔會好似供港樓綁得咁死。講到好似買港樓唔使個個月俾錢供咁。
何謂急門?買港樓就唔急門?供一間港樓唔使收入審查?




投資搏升值就要審時度勢、大灣就要睇清楚係乜契、有前景…長年期先好制、否則守得到開花食唔到果。

虛無縹緲,講咗等於冇講。唔通買港樓唔使睇時勢?

投資磚頭唔同起祖屋…一定要大城大埠講路畸唇、好多死慳死抵守成世…到得煙花瀾漫時…他在泥中笑。

又係講咗等於冇講,大灣區有平有貴,有十幾年冇發展,亦有穩步發展,更有一飛沖天,睇下沙井啲升幅喇,不如咁喇,十一仔,你又講講大灣區邊區得邊區死吖。”