歧視大過天

　　在外國讀大學時，有一晚與同學去酒吧飲酒，識得幾個靚女，兩個人應付不來，立刻叫多一個同學到來，同學嚟到，大家都很奇怪，話哂那一間是高級酒吧，有兩個大隻佬守門口，以同學衣著，大隻佬點會俾佢進入酒吧，同學話大隻佬的確唔准佢入酒吧，不過同學問是歧視佢，抑或歧視中國人，大隻佬立刻放行，歧視大過天。

　　做營銷的人知道，歧視是一個非常好的銷售策略，有多少似激將法，回港後我有時去一些名店食飯，見部長推銷一些普通菜式，例如梅菜扣肉，姜汁介蘭給一些暴發戶，被暴發戶問部長是否睇佢唔起，部長當然話唔敢，於是燕翅鮑齊上，加條老鼠斑，半隻炸子雞，炒碟菜，暴發戶反而滿意，部長同我講，如果他一早介紹那些菜式，就會被暴發戶問是否當他是暴發戶，反而會叫一些普通小菜，歧視是不是很有效的營銷手法。

　　新冠變種病毒在菲家務助理族群大爆發，香港政府於是強制在香港的菲律賓家務助理接種疫苗，基本上已經有不少反對聲音，但政府知道，如果不強制執行，倘若疫情在菲家務助理族群大爆發，政府又會畀人話抗疫不力，明知新冠變種病毒在菲家務助理族群大爆發，都唔敢強制她們接種疫苗，正當政府進退維谷之際，菲律賓外長話香港政府歧視菲家務助理，既然用到歧視，什麼也不用說，林鄭立刻順水推舟，容許菲家務助理不用接種疫苗，若果唔好彩疫情日後在菲家務助理族群大爆發，隻鑊就由菲外長去孭，我相信菲律賓政府亦知道關鍵所在，唯有在內部推動菲家務助理接種疫苗，菲外長的歧視，間接解決了香港政府的困境。