地產博客 > 文亮言 返回
瀏覽人次:19485    回應:24
文亮言

多做多錯,少做少錯,唔做唔錯

 

湯文亮博士

紀惠集團行政總裁
2020年1月29日

  香港回歸之後,推行所謂問責制,講的人大義凜然,又幾好聽,但實際做唔到。因為香港人,尤其是做官的人太醒目。如果要問責就不如唔做,唔做就唔會錯,就唔會丟官,事實上又沒有官員因為問責制而下台,問責制應該正名為不問責制。

  我初回港做工的時候,上司教我12字真言「多做多錯,少做少錯,唔做唔錯」,仲話如果唔用這個方法,很容易會被炒魷。我當時不明白,點解會有上司教下屬唔做嘢。後來我知道,上司知道我是一個威脅,如果我唔做嘢,就唔會威脅到佢。不過,他亦是這12字真言信徒,所以,不用太久就要移民。

  當我有下屬時,我也用12字真言教他們,不過有些少不同,就是「多做少錯,少做多錯,唔做全錯」。曾經有下屬以為我跣佢,其實不是,我解釋話做得多,工多藝熟,出錯的機會就會減少,做得少就工藝生疏,出錯的機會就比較多。至於唔做,的確沒有出錯,但亦沒有完成任務,其實是最錯。不過,香港官員不大明白這個道理,以為唔做唔錯,社會運動由警方揹鑊,什麼克警,獨立調查全部由警方承受。今次武漢肺炎,官員又採取同樣手法,以為疫情會突然消失,沒有做好防範工作,現在情況急劇轉壞,香港政府連最基本應變措施亦沒有準備,連口罩都要去信國務院要求國家支持。在這個時候還給中央政府添煩添亂,這算是什麼問責制。

  不過話分兩頭,林鄭回港後已經推出一些措施,例如限制湖北省人士入境,設立隔離營地,還有一些新措施,例如鼓勵在家工作。所以,在這個時候不應給政府添煩添亂,有醫護人員鼓吹現在罷工,除了要求政府封關之外,還要求加薪等。有外國朋友不明白,他認為在過去七個月社運,醫護人員贏盡世界輿論,大部分民意都是企在醫護人員那一邊,今次鼓吹大罷工可謂盡失全世界民心。我認為醫護人員先要放下成見,要求封關是可以,至於加薪最好不要提,警方做了七個月仍然未提出這個條款,無謂自己做醜人。另外有一些專家話政府已經失去了防疫先機,老實說,佢唔講大家都知道,講都冇用,甚至有失身份。我亦不滿意這個政府,但在這危難關頭,應該放下成見,黃藍不分,上下一心才有機會渡過今次難關。

  不過,以現時情況來看,封關是無可避免的事,政府亦不用太猶豫,趁武炎尚未大爆時封關是正確做法。我並不是給政府壓力,而是封關可以減少政府壓力。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. Philip wong 2020-01-29 11:32:20
搞了大半年,才知道"勇武者"是武漢肺炎,香港那些打砸燒吹的,統統見鬼去吧,如今誰主浮沉?惟有武漢肺炎!港府還不認清形勢,到頭來即使逃過中央的問責、逃過香港公民的問責,也逃不過歷史的問責,何教授話哉,如果認為道德和職業有沖奪,可以辭職。唔知有邊個官員收到這訊息!
2. 唔做唔錯 2020-01-29 12:02:29
平時用慣咗「按既定程序做」來做擋箭牌,一冇既定程序,咪捉蟲冇咗個擋箭牌囉。
3. 元朗真香港人 2020-01-29 12:02:46
封關要徹徹底底:
1.外地人出入都唔俾,所有國家。
2.香港身份証不準出境,入境隔离十四天。
3. 公共交通停市十四天。
4.除日常用品,全港商業停十四天。
4. 我所説 2020-01-29 12:16:36
計我話,首先應該成立一個叫做「檢討封關事宜委員會」,然後再成立一個叫做「口罩供應事宜委員會」,再然後應該成立一個叫做「應不應該帶口罩事宜委員會」。咁樣仲唔夠,仲要成立一個叫做「教導市民日常清潔事宜委員會」,然後再咨詢廣大市民,得到一致,尋求共識,最後推行。
5. 真真薯片 2020-01-29 12:26:51
依家最大問題係湖北省以外既感染數字有幾真,患者是否都已經隔離治療

假設所有湖北以外,例如北上廣深,既官方數字準確,而患者已經全部隔離,咁只要等14日,冇被隔離既人應該就係冇問題,然後再啟動反向春運,大家齊齊開工,帶埋口罩,就冇事

但如果今日北上廣深條數好似武漢封城前咁係假既,有事當冇事再啟動反向春運,咁就一定陷國產
6. 真真薯片 2020-01-29 13:36:47
全國除左武漢冇人敢問阿爺攞口罩,林鄭竟然寫信問阿爺攞,收信果位中央官員睇到唔知有咩感想
7. 十一哥 2020-01-29 13:39:14
4樓  程序做哂…問心冇愧、衹在乎做咗....不必在乎做好…

8. 引刀一快 2020-01-29 17:27:58
真真薯片兄

我過年之前,喺淘寶落十幾廿單嚟買口罩,全部唔發貨。
大鑊,個病一過,分分鐘產能過剩😂😂😂😂😂😂
9. 引刀一快 2020-01-29 17:32:34
呢鋪冇咁簡單,如果真係俄佬搞鬼,咁好快會出現幾個變種,幾個序列相似,病徵各異嘅感染源。
10. 我所說 2020-01-29 18:17:52
To 7樓:咁嘅筍工,全世界呢喥獨有。話唔定你同我去做呢份工,分分鐘仲叻過佢哋十萬八千倍。可惜我讀書不成,講嘢冇佢哋咁叻。
11. 鳥5 2020-01-29 18:47:13
刀兄,病毒唔同細菌,自然轉碼,冇一種科技可以搞掂…美國上年流感死八千人,美國都搞唔掂呀病毒..而家我哋已知嘅科學園好遠...放毒嗰個根本冇能力控制不過大部分病毒都係一層一層轉約,再次回歸自然...14 億人死..同7O億人死跟本只係時間分別.....係要出咗嚟先做到解約...
12. 鳥5 2020-01-29 18:48:02
刀兄諗多咗
13. 鳥5 2020-01-29 18:58:26
殺傷力同沙士唔同.沙士最堅嗰一層.個肺兩日就花曬
肺功能得返三成...今次就傳播呢好勁..殺傷力就約好多



14. 鳥5 2020-01-29 19:12:56
病毒戰係全書.唔係博弈..對手瓜.自己都死埋唔係七傷拳...唔係細菌戰細菌唔識轉碼
15. 鳥5 2020-01-29 19:19:48
刀兄...我比較接受你第一個答案...食嘢味....你第二個答案俄羅斯我就唔認同...
16. 真真薯片 2020-01-29 21:01:06
刀兄,疫情係一定會完,問題係完之前對全國既生命同經濟做成幾大消耗

錢我唔識計,人命黎講,如果每個主要城市死4,5千人,就有可能會動搖管治威信,死一千人以下係可以冚,如果死者家屬數以十萬計既話係冇得冚,所以全國省市領導今次一定要會做實事,全力將死傷減到最少

香港林鄭口罩又冇,封關玩擠牙膏,衛生署署長竟然仲話唔洗帶口罩,靠呢班人抗疫真係死十次都唔惦,計我話香港依家係靠廣東省,廣東省都全力抗疫當中,香港要睇實深圳,基本上深圳唔爆,香港就無事,深圳爆既話,大家可以打定輸數
17. 鳥5 2020-01-29 22:07:10
14日前既因今日見,我(認為)估2000人以下死亡率,活存率多於向後期.....16%為最高死率..總人數約4萬以下左右...頭段驚D..
18. 鳥5 2020-01-29 22:10:43
刀兄,今日當我點住你先又好,安慰你又好..我隨心直話
19. 引刀一快 2020-01-29 22:50:34
鳥5兄

上鋪係美國佬,今鋪係俄佬,呢樣係我睇法,你睇睇官方反應,對比前後兩次手法,慢慢會越來越多證據出現,不過,兩次阿爺都唔會公開,一定硬食。

20. 鳥5 2020-01-30 00:26:16
刀兄,我暫時都仲係相信你最初嘅觀點...兇手5係人係蝙蝠俠...
21. 鳥5 2020-01-30 00:28:09
人数史,只有細菌戰冇發動過病毒戰...最早係元朝
22. 鳥5 2020-01-30 01:36:59
其實高加索裔人沙士感染率低過話約幾倍,但唔係絕.對數字...同埋美國本身係雜種國家..所以其實王岐山上次嘅觀點係正確敵人員於大自然...
23. 鳥5 2020-01-30 01:41:54
刀兄,美國正式对全球病毒為美國安全國策,係aids..細菌戰就係731...不過而家國力哀退...流感都死七千畀個天佢做膽都唔夠膽玩呢啲嘢啦
24. 引刀一快 2020-01-30 15:51:10
鳥5兄

上次沙士,我係屬於知道最早嘅其中一個,因為我當時同學校嘅微生物實驗室做緊嘢,老婆係相關某體系,亦有師弟喺健民做嘢,2002年底已經聽到有大嘢,全程好了解,如果話係自然發生,咁就真係靈異事件,最明顯就係當年大陸出現個案,地理上唔係連貫嘅,仲有好多疑問,學你話齋唔講咁白。同期,美國佬打緊中東,無暇兼顧壓制中國,出陰招有乜奇怪。
呢鋪,手法高明好多,不過從利益角度睇,俄佬有動機,美國佬就應該唔會。如果真係野味有問題,全市禽畜批發都即時大清洗,點會係咁嘅應對。
至於流感死七千,其實美國人體質本來就同中國人唔同,食垃圾食品,糖尿心臟病死嘅人仲多,過敏又係高發地區,中國幾時會有食花生油食死人。