地產博客 > 樓市乾坤 返回
瀏覽人次:16718    回應:54
樓市乾坤

執笠易揾食難時代來了

 

何熊輝

2022年9月17日

  近月來疫情反反覆覆,防疫政策似鬆仍緊下,經濟活動仍大受限制,零售飲食業仍苦苦經營,雖然商界大疾呼須盡快全面通關,但情況未有改變,不少企業已開始向現實低頭,索性關門大吉,來一次痛快的解脱。

 

  近期有間曾經受益於自由行的零售店舖,其主耍負責人全被債權人申請破產。這消息的傳出,似在說明一個時代的結束。話說未完,又有一間連鎖餅店在長期虧本下,宣佈結業。事實上,去年至今,陸續結業的零售飲食店舖,多不勝數。破產結業潮與移民潮可說是已浪接浪。

 

  這次結業潮受傷最重的,是一些中小企的老闆,他們的大規模的結業,已導致商舖租售價大幅下跌。

 

  持續不通關,金融業亦逐漸低調撤離香港,香港甲級商厦的空置率已達百分之十,其中美資及歐資公司減少租用的比率最高。甲厦的租金已連跌三年,跌幅已達三成。

 

  零售飲食業結業潮不斷,破產老闆將舆日俱增,少了中小企老闆,就業空缺減少,打工仔也不好過。

 

  現時的中產人士,並非這次結業潮的風眼,所以一般的私樓住宅售價未致大插,租售市場亦未致癱瘓,但豪宅商舖及商厦,則是另一個世界。

 

  一般情况下,基層最易失業破產,但這次疫情,令不少老闆首當其衝,最終被迫結業收場,打工揾食的,也因此愈來愈艱難。

 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 鬆绑叩沽少賺 2022-09-17 20:10:12
二手樓價弱,有3年前買入新盤的業主,在額外印花稅(SSD)3年限期「鬆綁」後即時沽售單位。將軍澳日出康城MARINI剛錄得首宗二手成交,有中層1房單位以665萬元賣出,原業主賬面獲利68.6萬元離場。
2. 陳啟宗看地產 2022-09-17 20:42:11

恒隆集團及恒隆地產刊發中期報告,董事長陳啟宗於致股東函中,除了談及外國宏觀局勢變化帶來的影響,亦對中國情況表達憂慮。他直言內地處理疫情的方式讓全世界困惑,「最近上海的疫情防控措施足以說明一切,此舉的經濟後果十分嚴重。」香港方面,他形容政府的抗疫措施繼續令本地經濟與外界隔絕,市民不能自由前往內地或世界其他地方,肯定不利營商,包括旗下的物業租賃業務。

陳啟宗指出,損害內地經濟增長的另一項因素,是許多地產商快將或已倒閉,萬一處理不當,這個經濟問題可能會擴散至其他領域。他說:「地產業若出現災難,往往要由銀行來背黑鍋,各地皆然。由於中國大多數主要銀行都是國有的,北京政府可能有一天不得不為其買單,經濟增長從而會進一步被壓抑……恒隆幸好沒有涉足內地的建房業務,所以沒有因現時的亂況而直接受損。

3. 賣樓後買英磅輪死 2022-09-17 21:22:39

我有個朋友去年賣樓後,因睇好英鎊,去年以10.5水平,大批買入,但在這一年以來輾轉下跌,近日兌港元更曾跌穿9.0水平,真係輸到甩褲,佢買入500萬,現已輸了70萬。

越來越多的英國經濟衰退跡象與美元的堅挺表現之下,英鎊跌至近40年來的最低水平。英鎊/美元昨日一度下跌1%,最惨係仲有得跌。

4. 自我陶醉 2022-09-17 22:31:42
3樓

你識計數冇? 你位朋友真醒目,中原指數一年跌咗10%,英鎊跌14%,但英國樓市按年升15.5%,人哋實質賺到笑喎!隨時仲由香港租金回報兩厘,升到英國租金六厘,乜佢冇話你知咩?哈哈哈!

5. 揸英國樓好過揸英磅 2022-09-17 22:51:15
朋友因睇淡港樓才沽,佢睇好英磅但沒有移民,更沒有買萸國樓,尼點佢棋差一着,就係冇買英國樓對冲,不過甘升法,現在買英國樓也未遲。
6. 有對等資訊的人 2022-09-18 12:58:25
3樓真搞笑,人地輸閑$,咁緊張做咩?宜家處於水深火熱的係咩人?係偽中產,移民無資格又無技術,儲蓄又不多,宜家要食2餸飯果批慘D!
7. 23年衰迡來臨 2022-09-18 21:37:10
世界銀行發表報告警告,各國央行激進加息可能令全球經濟明年面臨衰退。該行預測,2023年全球國內生產總值(GDP)增速放緩至0.5%,人均GDP更收縮0.4%,倘預估成真,將符合全球經濟陷入衰退的技術定義,亦意味去年經濟破紀錄擴張後,尚未回復疫前水平,復甦之路便告終。
8. 零售商户水深火熱 2022-09-18 21:45:11

連鎖餅店Crostini日前突結業,老闆歸咎疫情打擊生意,以及政府的暫緩追租安排於7月底結束後遭業主追租所致,業界擔心同類事件陸續有來。零售管理協會主席謝邱安儀透露,粗略估計有30%至40%零售商戶,在政府暫緩追租安排下申請延遲交租,絕大部分屬中小企,形容情況不容樂觀。

此外,政府周五公布,再度延長政府物業租戶及地政總署轄下短期租約和豁免書的75%租金或費用,為期3個月至12月31日,估計將令政府收入減少約7億元,相信可惠及約2.4萬個租戶。有關寬減原定於10月1日屆滿。

9. 基層移民話甘easy 2022-09-18 23:10:38
係偽中產,移民無資格又無技術,儲蓄又不多?
申請BNO差不多係冇難度,去英國吾使技術,最低工薪差每個鍾不多一百港元,高過香港2倍,揾野做吾難,吾使好多储蓄,英國基層好過香港偽中產。
10. 引刀一快 2022-09-19 04:17:55
兩餸飯事小,豉油送飯事大。

唔使咁悲觀嘅,文明社會越來越少餓死人呢類事情發生。
11. 自我陶醉 2022-09-19 09:37:04
9樓 說出了事實,好野。 在倫敦以外地區,生活費其實唔貴,都有近10鎊最低工資,就算唔買樓,租樓都平過香港,起碼唔洗住劏房,間房仲大幾倍,買餸又唔貴,英國脫歐後,大量勞工離開,要搵工基本上冇難度,問題只係捨唔捨得,自己深愛嘅地方和人,其次是有冇勇氣踏出自己嘅comfort zone。



12. 向泛民说不 2022-09-19 09:46:19
甘仲要割你肉的養父母,你仲愛吾愛。87年到97,黄狗養父開啟了割你肉的步驟,和你脫鈎,吾技術轉移,仲要養走狗拖你產業升級。令你覺得,生意淡泊,不如賭博,high tech hi 野,low tech 佬野,結果你就全職炒股,炒樓。然后你主子就在這10年高位割你肉,到97出現金融危機。你突然發現自己系度裸泳。究竟系吾系愛你,or 害你。
13. 一元 2022-09-19 10:37:37
醉鸠,

某程度上,如果你服侍惯英鬼,你有一定道理。 香港人基本上被地産吸乾。但这也是你声称“所愛”香港的本质,近百年很多人靠地産业过活。

七一,習大大都爲香港定調了,房屋问题有望5-10年内解决。
14. 有對等資訊的人 2022-09-19 10:52:01
9樓及11樓,好多偽中產20萬儲蓄都無,做導遊,化妝品sales, 玩5+1所有費用連6個月生活,機票及什費,用十萬,佢地身家的一半以上,會捨得嗎?
15. 自我擔遮 2022-09-19 11:18:23
香港男男女女咁鍾意擔遮,怕被月光哂親.
去到唔怕被白人篤口篤面鬧,冇落兩擔咩遮.就OK
16. 自我陶醉 2022-09-19 13:02:48
14樓 父輩嚟香港嘅年代,大把人只帶著一個籃球,一條泳褲,一個夢想,莫講20萬,20蚊都冇,前題係能否戰勝自己comfort zone。
17. 有對等資訊的人 2022-09-19 14:48:19
16樓,當年人人無選擇,現在偽中產只想食好西,租偽豪宅,點會捱?英文又差,點去英國,所以咪在HK焗住食兩餸飯,等政府通關。
18. 洗碗不求人 2022-09-19 21:45:39
好多偽中產20萬儲蓄都無,做導遊,化妝品sales, 玩5+1所有費用連6個月生活,機票及什費,用十萬?
叫得中產,無論真或偽,有100萬以上,閒閒死。十萬就可移民,一般基層都有,現在香港失業率上升,食肆不斷結業,想揾洗碗工都冇,甘不如去英國,個度洗碗每個鍾100元。
19. 年底前將加兩次P 2022-09-19 21:52:26
本港與樓按相關的1個月港元拆息(HIBOR)上周五已升至2.35厘,高於2018年9月香港銀行業上調最優惠利率(P)時的水平,港銀本月加P機會大增之餘,未來美息倘續上揚,勢令港息再跟升。綜合業界預測,年底前香港起碼要調升兩次P息,合共介乎0.25厘至0.5厘,幅度較上一周期的0.125厘為大。
20. 新加坡搶辦馬拉松 2022-09-19 22:17:38
國際龍舟賽改去泰國舉行,渣打馬拉松又改左去新加坡舉行,香港仲搞O十3,趕走哂國際盛事,香港仲可搞甚麽?
21. 自我陶醉 2022-09-20 07:56:14
每個人嘅適應力、學習能力都唔同,人各有志,有自己選擇好正常,有決心的話,26個字母都唔識嘅人,一樣可以移民,唐人街廚師,一世唔識英文都生存到。 何況香港咁多外資公司,大把人一早就習慣同鬼佬做同事,呢啲人移民根本唔係問題。 而且,咁多香港人去,必定有人做生意,可以做返香港公司,也可找些多香港人同事嘅公司,所以千祈唔好低估香港人在逆境嘅生命力, 尤其做開嘅公司或者行業,都開始走頭唔玩,行頭只會越嚟越窄,走唔走有時亦唔到自己控制。
22. 向饭民说不 2022-09-20 08:40:17
忠犬果然是败类,竟然想割香港人肉,黄狗系香港就躺平,去英国就做蓝领,步兵。
23. 自我陶醉 2022-09-20 10:57:11
17樓

我都幾同意18樓講,連一百幾十萬存款都冇,點會算係中產? 你講嘅偽中產,即係唔係中產啦! 佢哋一係住公屋,一係住劏房,邊有能力住偽豪宅呀? 其實住公屋嘅人,消費力一啲都唔弱,不過佢哋現在要面對執笠潮帶嚟嘅失業問題,香港現今失業率比英國還要高,生活壓力的確好大,有兩餸飯食已經唔錯,起碼好過沙士年代要去food court食二手飯。

至於中產,可能你離開香港已經一段時間,唔太清楚香港嘅情況,一百幾十萬我估九成半以上中產家庭都有,用唔用只係價值觀問題,唔係能力問題。
最近我帶隻狗做一次CT scan同驗血,收兩、三萬都要排長龍,有間診所仲大支嘢到冇預約唔會睇,所以唔好太低估香港人嘅消費力。

24. 有對等資訊的人 2022-09-20 11:44:25
23樓,我只係講偽中產,中產在香港仲頂到。因為之前D偽中產好風光,以為自己好本事,成日笑D真中產讀屎片,讀咁多書都賺得比佢少或同佢差唔多。
25. 自我陶醉 2022-09-20 12:02:25
22樓 狗飯專家

我只係幫你宣傳下咋喎,你成日叫人唔睇好香港就快啲走,乜你唔係好想人走㗎咩? 

諗深一層,你講得冇錯架,在香港躺平,絕對係lose-lose,走對雙方都有好處。 在香港做黃狗,同在英國做步兵比,你覺得邊樣好啲呢?

26. 引刀一快 2022-09-20 12:38:01
向飯呢啲形容詞都幾得意,原來移民係割香港人肉🥩,咁向飯移民美國失敗,係咪叫做割肉不遂?c3m2
27. 向泛民说不 2022-09-20 13:31:29

两只忠犬,现金社会全世界都是抢钱,抢人才,抢年轻人,抢技术,鼓励移民等于是送钱,送人才,送年轻人给外国。本来自由社会,想走就走,想返就返,好正常,不过忠犬就不要去帮外国人割香港肉啦。

还有现今港女不结婚,不生仔,那么双非,150其实都是香港人借肚生仔,虽然不是最好,但是好过无,唔同香港要变南亚人的香港咩。最近香港,南亚人,真系梗有一个系左近。有学校避免被杀校,已经将自己变成南亚人的学校。


28. 自我陶醉 2022-09-20 13:42:11
引刀兄

不是,因為他的肉已經割了,沒有不遂,佢嘅情況應該叫做割肉送到上門都冇人吼,所以佢先變得咁偏激。 哈哈哈!
29. 一元 2022-09-20 15:18:51
易經,英文是book of change。

當二世祖死都要死在“蘇格蘭”,是一個勢,一個苗頭。

易經叫知機。現在,還要“鐘”個頭入去,不是傻就是痴。
30. 自我陶醉 2022-09-20 16:35:28
24樓

公平的講,讀幾多書同能力又的確無絕對關係喎,有啲人好似Bill Gates, Steve Jobs咁,大學都未畢業,一樣可以叻到爆燈,有啲話自己讀到博士,思維、分析力,同一般五毛、中小學生水平差唔多,真係好難一概而論喎!

暴發戶全世界都有,只係有啲國家多啲,有啲國家少啲啫,呢樣嘢同人品、修養有關,同能力冇咩關係,所謂暴窮惡抵,暴富惡睇,冇能力嘅人,吹到幾叻都冇用,樣樣都一事無成,好快就打回原形,時間會證明一切!正面啲睇,呢啲人存在其實未必冇好處㗎,當啲唔識投資嘅盲毛,日日教你買股票,你就short定都冇咩走雞嘞,通常百發百中,有時還要多謝佢提點啊!哈哈哈!

31. 0十7香港重生 2022-09-20 21:52:23

本港近日不同界別均有聲音,要求政府將入境檢疫放寬至「0+7」。港大感染及傳染病中心總監何栢良認為,若本港實施「0+7」方案,屆時每日或會有數萬人入境本港,建議旅客在機場可自行做快速檢測代替接受核酸檢測。何栢良在電台節目表示,如果入境檢疫方案放寬至「0+7」,相信除了吸引更多外地旅客來港,本港市民也可能會外出旅行「放疫監」,本港應汲取外國經驗,以免機場出現排隊採樣人龍。

32. 通關樓市有救 2022-09-20 22:26:55
通關後,大陸資金落黎買樓,d樓一定升番啦,仲有d高官又吾會俾樓價跌落去,d樓佢地都揸吾少。
33. 移民幫香港 2022-09-20 22:32:31
现金社会全世界都是抢钱,抢人才,抢年轻人,抢技术,鼓励年輕人移民去外國學習,如香港好,尼的年轻人自然回港。本来自由社会,想走就走,想返就返,好正常·,叫年輕人出國,長遠計係帮香港储人材。
34. 冰火三重天 2022-09-21 21:03:03
繼連鎖餅店Crostini結業後,餐飲聯業協會表示現時市面約8000家食肆正被業主追租,佔全港食肆多達六成,反映政府「禁追租」措施只能為業界短暫止痛續命,未能治本。實際上,餐飲業現時面臨「冰火三重天」,大批貴價餐廳的預約「爆」到2023年,同時「兩餸飯」等草根食肆亦客似雲來,最重傷是位處「旺區」貴租地段、依賴遊客及商務客的中檔餐廳。而最終有幾多食肆結業,很大程度視乎租客與業主的微妙角力,有可能「經濟愈好愈多執笠」。
35. 按息加幅可控 2022-09-21 21:07:56
本港本周將迎來近4年首次加最優惠利率(P),拆息反覆上升,目前實際按揭利息達2.6厘,較今年初高逾1厘,若果再加息0.25厘,也只是3.85厘,只要不高出5厘,市場仍可接受。
36. 香港失國際航空中心地位 2022-09-21 21:20:21
香港國際機埸第二季的客運量只有59萬人次,同期新加坡則有730萬,即香港不及其十分一,香港國際航空中心樞紐地位已正式消失。
37. 一元 2022-09-22 07:30:00
樓上,

地鐡停運,d人走去搭巴士。
你的理解是地鐡執粒?
38. O十O 2022-09-22 10:27:45
面對全球各國大幅放寛入境政策,爭相搶旅客生意,但香港目前仍是行「3+4」(三天檢疫酒店加四日醫學監察),政府早已放風稱欲改行「0+7」,酒店業界眼見檢疫生意沒以前的穩定,陸續有檢疫酒店提早退出計劃。有酒店業界稱不介意做不了檢疫生意,寧願政府「0+0」、全面放寛,讓他們重拾本業,服務旅客更佳。
39. 機師走佬潮 2022-09-22 11:03:01
新冠疫情下,近日商界及醫學界陸續呼籲復常,政府短期內會公布放寬「3+4」(3日檢疫酒店+4天醫學監察)檢疫限制,不過航空業復常或存暗湧,影響對外開關後的航班供應。一份國泰航空的內部文件,顯示今年第三季機師人數較2019年12月減少900多名,至2412人,減幅約27%,其中較有經驗的機師長流失逾四成。國泰機師工會代表稱機師離職潮仍持續,形容平均每日均有兩名機師離職。另空中服務員人數亦大減。國泰未有否認人員流失問題,重申已啟動全面招聘計劃,承認重建航班運力需要一定時間。
40. 自我陶醉 2022-09-22 11:51:36
半毛,住南丫島,點知隻船停運三年,最弊係唔知仲要停幾耐,咁同執笠有咩分別? 唔通等搞南丫島內循環咩,傻仔? 哈哈哈!
41. 一元 2022-09-22 12:57:30
醉鸠,

南Y岛人流不足,所以船停運。你走去和浦台岛,東坪州商討0+0通关?船就可以復航? 甲醇上腦?

有冇读过庖丁解牛?南辕北辙?
42. PAULA 2022-09-22 21:26:42

China's move away from the rest of the world – embodied by the restrictions imposed under its COVID-19 policy – indicates that, at the moment, ideology is trumping the economy. If China persists with this approach, the business environment will continue to become more challenging," it said.

The COVID restrictions have had a crippling effect on the attraction and retention of foreign and Chinese talent. The travel, visa and permit restrictions have caused an exodus of EU nationals, as well as those from Japan, South Korea and the U.S.

In the first eight months of this year, EU exports to China declined by more than eight per cent from a year earlier. China's exports to Europe rose almost 19 per cent in the same period.

43. 加息冇走雞 2022-09-22 21:31:06
匯豐上月H按封頂已加了0.25%,今次P加0.125, 新造按揭已加了0.375。大家樂焗豬扒飯都係逐蚊遂蚊加,等供樓人仕慢慢適應。
未來可能月月要加息,最遲十一月十二月都避不了。
44. YU4Y嘉民3億買貨 2022-09-22 21:49:05
工廈物業受外資基金追捧,由大鴻輝集團主席梁紹鴻等持有的九龍灣大業街59號三湘九龍灣貨運中心1樓全層,面積約6.97萬方呎,以3.68億元易手,呎價約5,279元。據悉,買家為澳洲基金嘉民亞洲,該基金過去一年,已數度購入該廈全層物業及車位,包括6、7樓,另購入2樓部份樓面,涉近13億元。
46. 0+0迫埋身 2022-09-23 08:08:06
港府傾向「0+7」,據報最快下周公布方案,之後再逐步放寬,但種種跡象顯示,香港離開放「0+0」的死線已不遠,若然遲過10月底開放,隨時返魂乏術。
47. 自我陶醉 2022-09-23 09:18:46
南Y岛人流不足?  停運? 哈哈哈哈哈哈哈...

你出過城未呀? 哈哈哈!
48. 香港金融中心地位跌至第四位 2022-09-24 05:41:10

新加坡金融中心排名超越香港!英國智庫Z/Yen和中國發展研究院編制的《全球金融中心指數(GFCI)》最新排名顯示,香港在全球國際金融中心排名跌一位至第4,新加坡就連升3級,升至第三位,僅次於紐約和倫敦。

報告以5大範疇評分,包括「營商環境」、「人力資源」、「基建」、「金融業發展程度」和「聲譽及綜合」,紐約和倫敦在全數五項都排名首兩名,香港除了金融業發展程度排名從第11升至第7外,其餘排名都有所下滑,香港在營商環境、人力資源排名第8,基建評分排名第6,聲譽及綜合由第3跌至第9。

香港在兩次同類調查中都排在第三位,而今次則被新加坡所超越。雖然新加坡排名超越香港,但評分只比香港高一分。


49. 高銀金融70億售出 2022-09-24 10:34:56

由潘蘇通旗下高銀金融持有作為總部的九龍灣高銀金融國際中心終於賣出!據了解,成交價近70億元,低市價近3成。迷信的潘蘇通在大廈門口放置尤如「滙豐獅子」的仿製雕像、平台安放四面佛看守、大堂再來賽馬奔騰的商廈,最終在財困下要低市價賣出。

位於九龍灣啟祥道17號的高銀金融國際中心是高銀於2011年以34億元投得的商業地皮,2016年入伙,一直作為該集團總部及收租用途。大廈總樓面約92萬方呎,每層約3.5萬方呎,出租率約7成,呎租約27至33元。

50. 英磅跌至37年新低 2022-09-25 20:17:16
英國新政府推出50年來最大規模的減稅方案,卻打擊市場對英國資產的信心,英鎊匯率上周五急跌,每英鎊兌美元上周五跌至1.08水平,為1985年以來低位,英國富時100指數亦曾一度跌穿7000點,收市跌約2%至7018點。彭博引述德銀全球外匯研究主管George Saravelos表示,在英鎊急跌及債息大升的情况下,英倫銀行本周需在正規會議以外大手加息,以穩定市場信心。
51. 恒大中心招標放售 2022-09-26 11:07:45

第一太平戴維斯宣布,獲委任為獨家代理,承接管人(安邁企業諮詢)委託公開招標出售中國恒大中心全幢物業,以現狀連租約出售,截標日期為今年10月31日正午12時。

物業位處灣仔告士打道一塊佔地約23021方呎的三面單邊樓面,物業擁有27個樓層,政府批則總面積約為34.54萬方呎,內含寫字樓大堂、商店、主席樓層,寫字樓層的每層面積介乎1.2萬至1.4萬方呎,物業同時提供55個車位。

 

52. 金管局托市 2022-09-27 09:05:04

多家銀行在上周輕微上調最優惠利率(P)八分一厘,為香港3年多來首次加P;上周五金管局突然放寬按揭壓力測試的要求,行動被市場解讀為托市。是否托市無從查證,值得討論的是,措施對市場會否有正面作用。

壓力測試於2010年推出,原版的要求是按揭申請人在「當前利率加2厘」的條件下,按揭還款不多於月入六成。2013年2月金管局把要求調升成「當前利率加3厘」,按揭還款不多於月入六成。至上周五,金管局再把要求調整回「當前利率加2厘」。

53. 舖租跌到反艇 2022-09-28 12:54:06
特區政府實施「0+3」新檢疫安排前,個別市區巨型食肆舖再錄減租個案;其中在油麻地經營多年的花園酒家連雀會5層巨舖,早前續租6年,首年月租僅86萬元,較續約前租金大減近四成之餘,甚至低於9年前水平。
54. 差估署指8月樓價跌2% 2022-09-29 09:46:45
樓價指數跌勢未止,差餉物業估價署(下稱差估署)公布的官方樓價指數,8月整體售價指數報368.2,創2019年2月錄得367以來約3年半低位,按月跌2.26%,連挫3個月共約4.49%;今年首8個月整體住宅樓價累計插6.52%。業界普遍預期,未來數個月樓價將進一步滑落,今年全年樓價降幅勢超過10%。
55. 英磅跌到心碎 2022-10-01 00:27:15
在一年前今日,每7.8港元依舊換到1美元,換1英鎊就要11港紙;現在每7.8港元仍可兌到1美元,換1英鎊卻只需約8.5港元。事關英國新首相卓慧思重新奉行半世紀前「涓滴經濟學」(Trickle-down Economics)理念,短期內勢必加劇通脹,猶如「火水救火」,拖累英鎊滙價急瀉,兌美元跌至接近「一算」