真實個案，我有個80後朋友月入約40K，他有個 5球幾港島東單位，約400實呎兩房。

因為佢今年初要結婚，未婚妻都有3XK月薪，俩囗子本來想換同區三房，約9球！

講到呢度，心水清嘅人就知，佢咪就係打房政策嘅受害者囉！

換唔倒唯有租人三房結婚啦，咁唔該月租約兩皮八！

舊居要使五六皮執執佢，才租俾人幫補，每月約皮八嘢！

 

現在同佢計算下他兩公婆點被政府搵笨！

 

1）你有樓出租咁「富貴」？唔該納稅！

2）你租人樓住，咁你名下物業即係非自住啦，咁嗰層樓每年幾皮嘢利息支出，無得用自住理由扣稅啦！

3）仲要支付下列使用⋯⋯舊屋裝修費（自己無得享用）、兩間屋租樓地代佣金、抬拾幾個俾銀行以符合打靶金管局指引！

 

你政府緊係當呢啲人已經解決咗居住問題啦，但事實係點呢？請答我！

 

我呢位朋友，佢層樓買咗幾年，首期係他家人提供嘅，而他又「叻仔」到去㨂P－來供樓，每月利息支出多人一倍！

佢要換樓，唔通又問家姐伸手借？前世欠佢咩？

咁屋企得佢一個丁，老人家想開枝散葉都正路啩！

佢舊區老過佢，又只是兩房，換樓其實正路啲，唔通生細路之後又搬來搬去？

 

根本政府嘅打房政策，就係針對呢班人來玩，講到呢度大家就火到來！

 

我有幾個親戚朋友都係咁俾政府玩殘！

1）幾年前用9成或9成半上件幾百呎。

2）叄拾過外未生細路。

3）人工升咗唔少，呢幾年又儲倒百零個。

 

但想一房換兩房或兩房換三房，都計唔掂以下幾條數：

 

1）低、中價樓按揭成數鴻溝。

 

2）DSD～先沽後買，傢俱放去邊？又有冇業主肯在此時此刻簽短期租約？咁此路不通，唯有先買後沽啦，但唔該先付十幾二十萬額外SD，而且市場靜過鬼，半年內買出賣入有困難！

 

3）做開嘅按揭，唔少係H十0·7，放棄咗會變相加重息！

 

兩公婆住沙一395，咪攪到人家女人成叁拾多歳都唔敢生囉！

 

早前人口政策咨詢咪話贊助人哋做人工受孕嘅，睇怕呢様最貼身啦，過幾年大把高齡又想有BB的中產用得著呀！

 

未婚一支公，住兩百呎，頂得順！

結婚之後兩個人，四百合理啦！

有細路又要請工人，你呢個打靶政府仲要人住四百呎嗎？你班友係咪跌親個頭呀？

 

現在我們手上唔係冇現金！

層樓唔係套唔倒兩叄球！

每月唔係無幾皮嘢去供樓！

點解我哋唔怕高買高賣去樓換樓，而你政府又同我哋去驚乜驚物呢？你CY咁有計劃，又唔見你間測量師行做到豬籠入水？

 

而要走來做凸手，去服侍我哋呢班刁民？

香港勝於新加坡，星洲人普遍財富只集中在幾個家族，民間財富不多。
但他們熱愛自己的地方，常誇獎自己的政府，這點香港人應該學習。
不是樣樣都反，總是做反對者是令人討厭的。  

香港人太自由不是好事，誰的聲音都要聽非一定正確，像八十歲老太太沒什麼讀書，是否也要接納她們的意見？
民主社會裡，有貢獻有才能的人是比較大聲一點，他們的意見也較可取，這點並沒有偏頗。

筆者內容豐富

像香港一樣已步入高收入的城市，仍住得沒尊嚴細小的居住面積，何有為榮之感呢？民調指出，連行房之樂空間也没有，又有何羨慕之情? 相信筆者活在少數1%富人群內，又怎能理解99%平民之苦。

凡事過量不宜

To: 5 楼

请找数据看，香港有100万美金流动资产的人有多少，拥有2个物业的人有多少， 拥有一个物业并已还清楼按的人有多少！

99% 是穷人是政治人渣的宣传口号！ 又且看看贵价食店大排长龙，香港真的有那么多穷人吗？

I love Singapore. Their government has wisdom to manager the city and makes the city so energetic. Singapore is more livable.

星加坡社會較平等，人人都有尊嚴？

你俾人打藤打得少？

作為一個香港人我認為居住佔好不好有好大因素，因為一個人連居住都唔好，咁有工做都不太有用，因為現家人返工主要係為有一個居住環境咁連屋都冇得住，而新加波就有照顧到居住問題所以我都係覺得新加波比較好。

願意為奴為婢者，星架玻是首選，那裡沒有累積財富的空間，是萬稅之邦；香港生活須苦，但肯拼肯捱，累積資本創業還有很多機會，祇有那些掌握不到半點技術的人才會空喊苦苦苦。

一個地方成功與否，並不只看居住面積的大小，否則內地農村都變成了幸福之都。香港擁有健全的法制和自由的言論，加上港人投資有道，財富不斷增加，都令外界十分羨慕。 

For HK year 2012 was HK$20,700

For Singapore year 2012 was S$7570 (HK$47,161)

??..

香港基層市民冇工作唔緊要,有公屋和綜援和免費醫療教育等等,已不比新加坡基層市民差,勝過內地中產階級,香港人,值得自豪!

好同意作者所講的,香港人要學會讚美.

"只要大家常懷感恩之心，滿足擁有的一切，學星加坡人那樣，雖然財富不多，但總是讚美自己的國家。 "

新加坡已超越香港,香港還在加辣於地產,人家已準備退市,誰作為領導者較聰明一些?

我們己經輸給新加坡了，原因可能好簡單，我們的政府沒有主人翁的態度，撈個位子坐，以為只要向中央表現得像奴才一樣就行了，不須進取；新加坡鼓勵向上進取，我們鼓勵向下流：一無所有，一無是處就是公義的代表，就最應該得到重視象！努力向上，負責任的，無論是中產或富有者都是政府和民粹針對的對象，中國人的劣根性在這裡開始彰顯！香港己經不談對內地的貢獻好久了，我們需要的變成是被照顧了！

from Wikipedia, GDP per capita:

Singapore US$51,709 (2012)

Hong Kong US$36,796 (2012)

香港竟然淪落到要靠房屋才能至富!?笑咗!筆者是否叫不需讀書和工作,只靠炒樓就能至富,又笑咗

香港高樓價令小業主身家膨脹,出外旅行消費特別闊綽,小業主地位得以提升,都算一件好事.

香港係一個城市,冇需太多產業,高樓價令市民財富增加,本人作為一名小業主,感到滿足,過去努力儲蓄買樓,總算沒有白費.

TO：19/F 寄生虫

有幾淪落？凡事有兩面，有好必有壞，有得必有失，冇話可以贏晒。香港行低稅率，退休就要靠自己，呢個喺冇辦法。好多人投資物業收租，只喺為咗退休後有個保障，唔喺老來邊個養你？靠仔女？退休金？強積金？啶喺呢世都唔使旨意實現嘅全民退休保障？如果冇咗呢啲自力更生嘅物業投資機會，恐怕今日窮老人家嘅數目多到政府養唔起！

你有乜資格講乜嘢寄生虫？唔該你尊重一下人地，尊重一下自己，有手有腳走去呃綜緩呃公屋果啲先至喺真正嘅寄生虫。你以為唔使努力讀書，唔使努力工作，可以咁易買樓上車，投資至富？我就真喺笑咗！

上車從來唔容易，幾十年嚟都喺咁，唔喺今日特別難啲。不過如果唔肯努力讀書，一畢業就要丟棄父母去花錢租劏房，又要 enjoy life，又要年年換手機，年年去旅行，唔穿名牌冇面見人，揀樓又嫌地方偏，咁唔好意思，呢世都唔使旨意上車，怨乜嘢人地？我當年大學畢業，人工仲低過今日啲管理員，我上車果陣，响正九七高峰期，揀嘅地區，當時只喺個超級荒蕪之地，咁又點？

我地呢啲物業長線投資者，之所以有今時今日，年青嘅時侯犧牲咗好多，唔喺個個都含金鎖匙出世。

上車要靠自己努力，先苦後甜，機會嚟到當然一定唔會放過，但從來唔會希望災難降臨嚟益自己咁黑心。果啲日日喊住要政府去割自力更生者嘅肉去幫自己上車，或求神拜佛要乜嘢新沙士或金融風暴快啲嚟臨果啲人，唔單止唔使旨意發達，仲要小心後尾果幾年。

以前香港以獅子山下 精神,為自己努力,改善生活.

好多人投資物業收租，只喺為咗退休後有個保障，唔喺老來邊個養你？既然收租養老即是不會賣樓,更不希望買第二,三.....層時樓價不斷双倍價買入啦,抑或你所謂的長線收租,只是因被綁三年等崧綁炒樓呢!?這才是你的所謂長線收租,笑咗!叫年青人努力讀書和工作只為了有更多成本買賣物業(炒樓),是否只是想以滿足物業代理佣金收入?又笑咗

你的朋換唔到同區港島東單位,還有港島西,南與北,就算全港島都換唔到還有九龍和新界可以揀的.還記得不久前在這平台你亦曾串過類似你明友的個案,現在是否正在自打嘴巴,又笑咗

To: 24 楼

对住惯港岛D人来说大围已经系新界！香港得果一千平方公里，佢地嘅眼光就系得港岛东！

Yawning! 继续讲又话要住近阿妈，住近返工啦！

樓上

to:寄生虫:

難道買賣樓只為了地產代理生意?買樓賣樓是人生重大決定.不應該同經紀扯上關係,否則是以偏概全,香港樓價高由來已久,沒什麼大驚小怪.

 

香港樓價高由來已久?樓價高冇問題!問題係高過通脹高過加薪速度幾何级地速度增長,冇問題咩?萬一再整多个沙士乜風暴物海兆樓價大跌到時又如何!?

到時又會有人話今日低價就是明日的破頂價,但要等十年喎,人生由置業起又有幾多個十年?

本來一支公層樓快供完無債一身輕,現在要組織家庭,燈油火臘用多咗唔在講,還要生一至兩名化骨龍,夫掃月入7萬幾老婆都要在職肯定要請埋菲傭,工資數仟又支出多咗又唔在講,還要用多咗地方俾佢置身,本來自住樓已是一生人最大的負債資產,現在有人教佢用5球換9球單位,簡直火上加油叫佢去火坑!!

to:寄生虫:

深圳樓價每呎@4000人民幣,貴過屯門元朗了,閣下仲蒙查查,世界已經變緊,面對現實吧!

好.顶寄生虫

呢D叫劣生学，新加坡是优生学:P

我有（远房）亲戚等到蓝田、红磡，启德D公屋至要啊！又要市区，又要校网喔！100个顶！！！！仲每人生两件！

在香港（很多其他的地方一樣）有自置物業不是人生的全部，有幾個物業也很難說是成功人仕，但是有一個物業可是成功試卷的第一道題，當然有很多人因多種因素終生都完成不了這一道題！希望他們在其他題目都滿分了！不然考試時間到了，怕會是很狼狽的！

有5球都話換唔到大啲單位住,冇言咯!除非佢只想享用而並非住用囉!組織一個家庭未來還要龎大的資金負擔,有人只為了有更多的佣金收入,叫人去用未來錢推人落火坑,又笑咗

現在9球樓最多借得5球，咁你要買一間九球之首期連使費就要準備約5球！

都話咗重點係5球換9球仲要一定同區添

TO：38/F 亮劍

閣下真喺好有耐性，可以同果條乜嘢寄生蟲周旋咁耐，我早就投咗降。

亮劍兄，我都喺响果邊覆你。

香港不比新加坡差,新加坡人冇錢,住屋大一些沒意思.

新加坡人冇消費力,得個講,正是自我感覺良好!

如果只说住，7-9球在新界可买整栋村屋，9球买市区楼的都是博升！

 

我始终唔明点解“他有個 5球幾港島東單位，約400實呎兩房”仲唔可以结婚？ 1个房做炮房，1个做BB+工人房，够晒未来5-7年用！

如果人人都系咁，只有公屋户可以结婚乎？

呢D自己有楼又去用“月租約兩皮八”租人3房楼才结婚又要呐喊嘅中产同几年前嘅医生律师夫妇有咩分别？

地产代理最中意呢D‘成日觉得好烦嘅中产’！

我嘅朋友都系80后中产，结婚租住大围2房1皮，两公婆月入6、7皮，刚买咗元朗新楼2房实用530sq.ft., 明年中入伙，月供1皮几，不知几轻松！有咩咁烦呢？

不过你朋友连 H 和 P  嘅分别都唔识(你早早又唔教佢），又真系有排烦啊！

又,原本一支公已做好準備在結婚前三年買咗樓,現在夫妻月入7皮幾一家三,四口生活輕鬆樂在其中,層樓現值5球想換大單位,同區同级的要9球,雖然換到,但在末來一家人就要節衣縮食生活拮据,仲要欠下外母一球人情債!

喺幾拾年前，一家八口一張床，我哋香港嘅上一代唔係未試過，大家咪亦係咁，但你政府現在都話公屋住户要俾夠每個家庭成員佰弍呎啦！

唔通住私樓嘅人又好商與啲？可將之屈塞在間幾佰呎嘅樓裏面？

我哋無借、欠、拖、爭你 CY 斗零，我哋交足由土地攪出來嘅稅喎！

在香港兩房同三房，普遍來講爭條走廊位，呢度講緊幾拾呎起錶，即你買大弍佰零呎，多一間房咋！平均市區每呎万零，咁就叁佰啦。

當三年多前，個案主角剛學成歸港，得屋企人幫忙借出 50 多萬首期，再用 9 成按揭用 P- 上咗一個約 3 百零萬嘅港島東上車盤，嗰陣鬼識分P-同H+係乜咩，他只知嗰度好近屋企人，可以連飯都可以回老家食啫。

 

初初佢人工萬零，考曬試升埋職現加薪到四皮，與未婚妻夾埋家庭月入將會係七万幾。

如果在以前，層樓上到 500 多萬，在扣除樓按餘額約 2.6 M，仲剩餘成 2 M 幾，加上與未婚妻兩人儲倒百零个，點解政府喺度玩嘢？

 

你揾得万零兩万，大西北都無計啦，但人哋可拿出成四佰個首期連稅費，為何要牽著人家鼻子走？

考慮到工作前景，雙方家長居住地點，第二時細路仔讀書安排，倆公婆工作地點交通遠近，我同拒計真係同區最合理！

 

呢呢條『700萬 - 1000萬之住宅物業貸款成數至6成，但最高貨款金額為500萬』，絕對玩殘好多呢種只係揾得嗰十万八万嘅家庭！

負債與資產都末識分,仲要教人去投資,笑咗

但在末來一家人就要節衣縮食生活拮据,仲要欠下外母一球人情債？？

如果政府唔係玩嘢，9 M 樓可借 6 成半，咁首期連洗費，365 M 啫，你有 4 球喺手，淡定有錢剩！

借銀行 585 万，以現行利息 2.15 厘計，分 25 年還月供 25,224.90 元， 30 年只係月供 22,064.18 元，咁樣都只是佔家庭總收入之 36 或 31.5%，使唔使節衣縮食生活拮据？

做埋壓測加三厘以 5.15 厘計，分 25 年還月供 34,711.71 元， 30 年都係月供 31,942.53 元啫，咁樣都只是佔家庭總收入之 49.6 或 45.6%，過埋壓測！

人哋嘔咗 3 球過外出來做首期，你銀行同政府還要驚人走你麽？

欠下外母嗰一球人情債，肯定要還翻俾老人家，咁襯現在美國政府ＱＥ停不了，正好拿來一用，每月省下供款嗰 9 K 幾，就用來還債！

Agree with 50:

果D80后中产中哂‘邦X’+ 地代毒，借钱好容易，唔使还咩！

From day 1 已经话佢地最啱做我地嘅租客！

請注意現在你九球嘢係可以買乜樓先，如果你話呢個係市區天池兩仟呎過外，咁我要俾一半首期，無所謂！

但現在銀紙唔見使，你 9 M 畢直，太古城三房七百零實呎咋，呢啲點講都係中產換樓盤啫，你政府點解要嚴打先？

有人話點解四百呎唔住得？唔可以迫迫哋咩？

咁我又問句，我哋有無叫你政府資助呢？

你放鬆 DSD 半年換樓限制變一年，同埋鬆一鬆自住樓換樓按揭成數，你政府一分錢都唔使出，幫倒我哋忙啦！

自己荷包有幾多錢，本人最清楚！

銀行唔驚你還唔倒錢咩，拒哋會亂來嗎？

買樓呢啲嘢，涉及嘅銀碼唔細，大家成年人當會心中有數，唔使別人費神！

http://hk.on.cc/hk/bkn/cnt/news/20131108/bkn-20131108121313716-1108_00822_001.html

現場為太古城高山臺對出行人路，今晨6時03分，上址地底一條直徑300毫米的鹹水管突然爆裂，大量鹹水夾雜沙泥湧出路面，受影響範圍約20米，警方接報到場，通知水務署人員到場閂水掣，並封鎖英皇道西行10多米行車慢線。水務署發言人表示，現時太古城及西灣河一帶鹹水供應受影響，預計於黃昏6時20分完成搶修。

Yeah 等你地成日 location, location, location 啦！

唔开发大西北，大东北，有排爆呀！

老婆私己加外毋助拳有一球，自己呢幾年儲下嘅B仔有幾十個---

未婚妻做咗幾年嘢剩落幾拾，未來外母主動幫助幾拾，有何不妥？

點可以叫負債？女仔嗰邊有份住喎！

當然阿媽養到個女咁大，阿女點到要死翻呢幾拾個出來啦！

呢度又點可同財仔雙題並論？

B 仔喺呢度除咗講正常嘅公司花紅，亦包含美國Ｑ姨送你呢幾年低息，這幾年個個業主都有份收，以正路係 5 厘息計，三年收少過十万者，應該喺度狂揼！

讲來讲去，最开心咪佢个业主lor，咁嘅SB仔真系好难揾啊！

工作已经咁大压力，D塘边鹤仲想佢死快D！

真系为佢好就叫佢储 D钱傍身，减压，否则换咗同区3房都要睇精神科！仲讲生仔？

有排你捱啊80后，恒生银行N年前嘅广告：有时思无时啊！

Andy兄，政府要佢拿5球出來，才有得玩！（包一年按揭供款準備），他要再儲多兩年錢！

游戏唔系得一种玩法嘅！

又唔教得你地咁多啦!

me: 由上海去台北系咪一定要经香港?

台湾朋友：又不一定，你看什么网站？

me: 国泰网站，想用飞行里数换。

台湾朋友：国泰希望你从虹桥机场去浦东机场都经香港！

人生有很多可能性，不一定只买楼！那位80 后中产朋友没有梦想的吗？

亮劍兄，我一早就已經睇出，你同果條乜嘢寄生虫糾纏，只會沒完沒了，點解你唔聽我講？依加仲加埋個 Andy！佢地喺响度浪費緊你啲時間。

佢地從來唔會針對你嘅重點同你傾，只會借你題，發佢揮。

你喺話，果對夫婦喺有實力以市價响同區換個大單位，依家喺政府嘅廢策搞到佢地本來應該換到變成換唔到。佢地就話，點解一定要同區，換入新界唔得咩？呢兩個根本就喺唔同嘅問題，雞同鴨講，點會拗得完？

你嘅重點，喺針對政府嘅廢策；而佢地，就將個問題轉移到果對夫婦嘅個人選擇上。人家鍾意，又有能力，又唔介意犧牲一啲佢地認為相對地冇咁重要嘅一部份生活質素，咁點解政府唔俾佢地換同區？而更過份嘅喺，果條乜嘢寄生虫同埋個 Andy，無端端將呢啲消費者個人取捨，歸咎於地代身上。就算唔益同區嘅地代，都會益新界啲地代啦！佢地鍾意換邊度，最終都喺個人選擇，咁樣老屈啲地代，好卑鄙啫！

呢種手法，一開始交手就睇穿咗佢；佢地同地代有仇，又唔妥啲物業投資者，你講乜嘢，佢地都會拉到果啲立場度。你中佢地計，佢地就借題發揮，踩多幾腳。

亮劍兄，唔好再浪費時間啦！

多謝60樓助拳⋯⋯

喂！你識唔識航空條例架。
唔識唔䋜要，但要認衰。
乜野叫相互直航？
要航空公司註册地去簽？
國泰又係边到註冊？
就算由上海去台海要直航，
㨂華航或中航，，，，奌会㨂香港航空公司？
就算國泰有線都要香港掂地後才可、
即叫做中途轉客点、、、、問下人哪！
講D港視唔发牌理論，可能跟大話英一樣。
掩耳盗玲自己呃自己，重以為有人信添？

本來唔貪十皮佣金已經袋袋平安,係都要收十八皮,誰知推人落火坑都收唔到,笑咗!現在仲要去賴政府令佢做唔成交易,又笑咗!政府就是針對這種食人唔撂骨的地代,成日推波助瀾助長炒風推高樓價,現在面臨冰河時期真係咎由自取,抵死兼笑爆咀

你呢啲咁既新人二打六,我寄生虫怕買咗你哋怕,你哋一唔夠人講最叻就是冒名抹黑對方囉,再唔係就洗版,我年幾前睇得太多咯!個名叫做珍惜香港喎!有幾珍惜呀!真係笑死人,我醜醜地都有寄生虫名吖

TO：66/F 寄生虫

既然閣下如此不滿，我就姑且回應一下；莫說我對你不尊重，這次我就以書寫覆你。

這裡是地產網，不是普通的博客，在此留言之常客，不論是新人舊人，都很用心。他們有收集數據，做市場分析，也有分享經驗，發表意見。我不是要抹黑誰，但人家是做足功課回應你，他們如此認真，閣下同意與否，也應該針對對方的重點回覆，而不是斷章取義。人家說東，你就說西，就是不尊重人，浪費對方的時間。

我一向老實不客氣，應該是「很」不客氣。你可能會覺得我太認真，不過買樓置業，並非玩泥沙，不能胡吹。這是地產網，的確會有人參考這裡；我們的意見，不一定是對，甚至可能有錯，但必須要憑良心。我從不說假，不想公開的，就寧願不提。我很少不回覆別人，話說不覆你，卻借回亮劍兄為名已對你作了回應，你自己不看，無話可說。

與其說我抹黑你，倒不如閣下自己反省一下，為何要抹黑那些地代。地代也是自食其力的一群，而每一個行業，都有它的價值和貢獻，必須予以尊重。有很多香港人，寧願付高樓價都要住市區，這種堅持很普遍；希望同區換樓，更屬正常心態。買樓要上百至千萬，若有能力，為何不可以堅持？買樓一住就數年至十數年不等，人生有多少個十年？政府不應該阻止有能力選擇的人作出自己能力範圍內之選擇，而這些消費者個人選擇，亦不是地代可以隨便左右。說地代推人落火坑，實太不公平，況且地代生存是靠成交量，而不是靠樓價。

我從今年九月底起在此留言，只用一名，亦從不冒名。作為一個專業網站，設計成可以冒名實在是一大缺陷。不過每個留言者都有自己的風格和基本立場，有心人很容易就識穿誰是冒名者。

閣下如慾斷章取義回覆，就請不要再回，我亦不會再浪費時間。

講者施凌詳細分析本港樓市升跌基礎因素, 澄清坊間一些誤解, 深入淺出, 值得細看。 
影片簡單總結：

- 香港樓市表現只受三項因素影響：貨幣升跌(即通脹因素)、供求會否失衡、本地經濟表現。
- 政策/辣招只能短暫影響樓價, 對中、長期樓市效用輕微。


http://www.youtube.com/watch?v=qgjP0k61gRU

[影片時間0:28]"經濟表現"最主導樓市
影響樓市升跌最重要因素=>「經濟表現」, 而一般講"經濟表現"包含2個分析指標："GDP" 及 "失業率"。今日香港GDP維持一定增長及低失業率, 正正就係樓市向上之中流砥柱。


[影片時間2:03]加息後樓價真的會跌？
好多人話等加息樓價就跌, 呢個根本係一個誤會...利率政策根本冇能力可以將整個經濟環境扭轉。

[影片時間4:00]供應 vs 需求
香港樓房向來一直供不應求,香港呢個集中地有如"北京/上海"、"曼克頓"or"倫敦", 但此類國際金融城市通常面積都大好多, 稍為冇錢市民就自然搬去偏遠外圍較平地區。  可是香港情況不同, 不單面積細, 可以起樓地皮又有限, 市民又唔會搬去深圳來回過關咁麻煩, 形成香港窮人及富人都去互相競爭有限資源, 並以市區最貴為中心, 向外伸延新界地區一浸一浸樓價跟著升。 

[影片時間6:15]政府政策可以反轉今日趨勢？
答案係唔可以！樓市升跌睇最重要因素仍然係經濟狀況。強如8萬5政策亦不是98年樓市爆破原凶, 當年樓市爆破主因都只係亞洲金融風暴。

[影片時間7:25]貨幣貶值探討
今日港幣每年以6-8%貶值速度, 四年幾來美國QE港幣至少跌左三成。市民問邊個還番30%比我先？ 我唔投資落實物資產e.g.磚頭, 唔通等政府$6000咩？ 所以政府出極招都係冇用架, 大前題：邊個賠番果30%損失比我先？(聯匯又唔會脫勾), 所以樓市晌貨幣戰爭下係仍要繼續升！

[影片時間8:20]供樓負擔比率分析
97年供樓負擔比率升到100%以上極不健康水平, 但今日比率都仍然健康約為4-5成, 但因為M-型社會因素故只當作參考用。

[影片時間9:25]政府辣招盡出, 樓價會跌嗎？
-印花稅只會令供應更加減少。
-收緊壓力測試、DTI(供款佔入息比率)令真正用家無法入市...引證數字兄理論！
-因港元貶值、經濟繼續向上, 供求繼續失衡下, 投資者仍選擇買樓保值。
-聯匯不脫勾, 供應睇唔到大量增加, 唯一就只有經濟轉差才可令樓市大跌。

[ 本帖最後由 剎那F 於 2013-11-4 10:24 PM 編輯 ]

                                                                                                                                

月入6皮就要住600萬樓月入7皮幾又話要住成仟萬樓,咁若果月入六七十萬豈不是要住過億豪宅,賺幾多住幾多以為這是身份像徵咩,除咗樓仲有傢俬電器日常生活,全部都以月入而定的話,這樣洗錢賺多多錢

“當然儲蓄首期是個頗大的難關”真系废话 ！咁点解target 600万楼呢？