【珍惜香港】呢篇留言，其实喺较早前我响
汤博士果边留言嘅详版。今次重复，喺因为同大家嘅分歧太大，所以真喺要强调一下。关於
长和系重组，本来冇谂过要写啲乜嘢，而我亦觉得个 PICTURE 已经好清晰，冇乜嘢好写。但呢度嘅反应，同坊间嘅一样，都喺咁负面，实在令我感到太惊讶。就好似
梁隼话，长和系呢个动作，实际上，喺一个巨型嘅
散货行为；连
汤博士都话，今次分拆
长地上市，即喺对大家讲，
香港地产唔喺长和系嘅优质资产喎！
唔通一个
黄虫之患，真喺搞到大家 SHORT 咗？今次长和系重组，我完全唔觉得有乜嘢负面。尤其喺响楼市方面，首富根本冇睇淡后市，只喺认为地产呢盘生意嘅模式，
应该由进取，转营为保本，喺对香港
楼市体质有信心嘅表现。人地都冇话要退，
就算喺退，都只喺退休果个退啫！我话过，首富讲嘢，一定要睇 Original，睇足本。因为啲传媒同学者，次次都将重点放响啲鸡毛蒜皮度，关键嘢就 SKIP 哂。如果仲未睇过足本嘅，就唔好咁懒，CLICK 下面睇清楚先啦：
长和系重组记者会答问足本记者会里面，有人问首富，点睇今年香港嘅楼市，佢话会
好安定，因为美国今年应该加唔到息，就算加都只会加好少。但呢个唔喺最重要，重点喺，
香港，今时唔同往日啦！以前，地价贵过建筑费；今日，好多新界地方，
建筑费仲贵过地价。佢冇再进一步解释，但喺呢样嘢，佢近年讲过好多次，而今次讲地产，对起楼之类嘅连提都唔想提，反而多次强调集团嘅
庞大租金收益。即喺话，
以发展商模式经营地产业务，已经过时，应该转营至一个长线持有资产，以稳定租金回报为利润嘅
保本经营模式。
营商之道，薄利嘅话，就要多销。今时今日，做发展商，成本又高，毛利薄，量少，回报期又长，搞咁多嘢，都喺一次性卖咗去赚你果少少；倒不如
人地起，自己买，你起楼赚果啲，我俾埋你又点？长线收租赚番突啦！所以将来嘅
长地，会不断购入优质资产，
多买少卖，以长线收租为主。呢种退休式嘅保本业务，同进取型企业管理模式截然不同，甚至喺相反，所以一定要分拆出嚟，先至唔会影响非地产业务嘅发展。
企业萌芽期间，以保本业务支持，无可厚非，但到企业发展成熟之后，呢种支持就会变成宠溺，令企业走下坡。将转营至保本模式嘅地产业务，脱离成熟发展嘅非地产业务，本身就喺一个
顺理成章嘅商业决定。而迁册，亦只不过喺基於技术考虑，一个
与时并进嘅普遍做法啫。将呢啲嘢，渲染成乜嘢对香港冇信心、睇淡楼市、撤资之类，根本就喺废 UP。
我反而认为，
首富将地产业务分拆，转营至保本经营模式，喺对香港有信心嘅表现。确认本地物业为优质资产，先至会长期持有，唔会因为现价嘅升跌，随便变卖。因为
优质资产，喺睇价值，唔喺睇价钱；而物业嘅价值，就喺基於佢衍生
稳定、长期现金流嘅能力。
如果要搵一个比较中肯嘅撮要报导，可以睇
经济日报呢段片。
其实人地年纪都唔细，整合企业，
为退休、为后人铺路，有乜咁出奇，何必谂得咁复杂？营商都要
与时并进，而香港嘅政治体制都喺一样；到记者会最后，当然唔少得专诚留一段时间，同大家强调一下，一人一票选特首，喺佢同全港七百多万人嘅意愿，
千祈唔好原地踏步啦！
App下载
