有两个黑社会的大佬, 彼此认识, 各自也有一只合心水的马。有一日, 两只马都分别同大佬讲想自己出去闯下, 且心意已决。两个大佬见尽世情险恶, 精通权术, 同样搅尽脑汁希望马仔回归。但两者与马仔的关系有点不同。一个以王者身分看他的马,视他为做野的马, 要他贴贴服服, 唔服都要佢服, 唔到佢拣。另一大佬本身由细睇住他的马大, 当他为世侄。前者於是搵出面的喽罗同靓妹同佢蒲, 氹佢索冰, 索左一排就同四围堂口大佬讲唔可以卖野比佢, 要买就返去搵自己大佬买。另一大佬就选择放只马仔走, 把口还是祝佢成功。最后, 第一个大佬的马返去大佬度, 也好快洞悉大佬条妙计, 但无奈上晒瘾, 又无其他路可行, 唯有先留著。另一个大佬的马出去闯, 当然不是话禁易, 一直都无所作为。有一次收到风有人要仆佢大佬, 佢知单人匹马赶去无用, 亦死梗, 但仍先赶去大佬度, 皇气黑气都call云, 结果大佬同马仔都排彩, 但保得住条命。两俊马仔, 一个马心怀不愤, 伺机发围, 另一个心怀感激。一个大佬当只马是牧羊狗,另一个大佬当只马是人。做大生意的老板, 若是人老豆的话, 会当自己的仔是人, 还是只牧羊狗。权术那人唔识, 唔懂识也可问到识, 但权术本质是好是坏, 各老板心知肚明, “驾驭”两只字罢了, 黑门路自然能达到目的, 但黑路绝不会引向白结果。