近半年我讲井喷嘅有几篇,但我好似冇话今年会有井喷喎!(我认为大跌市之前一定会井喷乃事实)
亮剑 2014-05-02 12:04:39
现在各地产商点喺香港玩地产:-
长和系-----拒哋应该估计於 2017 - 2019 年应爆煲,但在此之前应有井喷出现,咁他们的做法,应该系唔好入嗰啲要搅几年才卖得嘅地皮;扣实快将落成嘅楼盘睇位卖;将其他到价嘅资产陆续沽出或分拆。如果我估计冇错的话,小超会於临爆前嗰段井喷期,就大手出售下楼宇,然后顺手来个世纪大供股筹,补充弹药以便在災后執平货。
亮剑 2014-02-10 10:47:06
现在当港楼只有十个人玩,其中五个已经系业主,四个有政府关愛住公屋,咁中间那一个乜都无嘅,我称之为「敲起丧钟的一人」!
好奇怪每一个政府都对呢条友特别「关照」!
例如97前后,香港就起夾屋、搅租者置其屋及发放首次置业贷款帮佢哋迫上车!
而美国就整次按、日本就玩供三代!
而呢一个人,又通常系边缘置业人仕,他们游走於买同唔买楼之间,咁你政府帮到手罗喎,咪赶埋呢架尾班车啦!
但喺绝大多数情况下,呢条要接受政府政策支持先上倒车嘅友仔,通常都系低佢唔买,反而到咗就来爆嘅高位先嘈,话要乜要物,要生要死,咁政府俾人迫埋墙角,咪整个白居2出来止咳攞彩当做咗罗!
楼房週期大约十几年,其实只有最终嗰年多先系高危期,因为喺呢年几就会玩喷泉式上升,九成升得好急,成交又好大,啲买家又最多烏下下盲抢之徒,同埋杠杆普遍做到好尽!
咁搅法就算有小学六年班学历,都知价又抢高,杠杆又高,仲有连最后买家都出埋,咁边有下手接货?那么嗰市唔死唔爆都无天理!
咁现在香港有无人孕育牛三井喷的土壤?
敲起丧钟的一人出咗未?
买紧楼嘅人有无乞当借搏尽非理性?
如答案系「三点不露」,咁要跌五成绝对有难度,但呢度并不包括那近一千个白居2买家以及其余於呢年零飞扑入咗居屋嘅人兄,无论系白表、绿表、补左或未补价!
亮剑 2013-12-27 16:36:58
年时,有用家在美国以1万枚Bitcoin买两块价值约25美元(约195港元)的薄饼;事隔三年,德州4月初一名用家以竟以300枚Bitcoin购入一辆总值3.9万美元的保时捷Cayman S跑车,升值能力叫人吃惊。
喺今年 12 月初 Bitcoin 俾中国大媽炒到 1240 美元,即系一辆总值3.9万美元的保时捷Cayman S跑车,你用 32个Bitcoin 就可买下,或如果你用1万枚Bitcoin,就可买成百万件薄饼!
咁从任何角度来睇,呢啲唔系泡沫系乜?
咁香港楼市有无泡沫?请睇睇拾多年前发生咗乜事先!
喺 1996 年头,CCL 做 55.81 ,全年计CCL平圴约65.3。
在 1997年 10月, CCL去到 102.93 先爆,全年计CCL平圴约 93.05。
即CCL可以一炮过由 96年低位,经 22个月,升足 84.43 % 俾你睇!
就算计 96年平均,都升足 42.5 %,如此升幅,才叫井喷!才可叫泡沫!唔爆无天理!
后市点睇?首先你知我系好友底,由今年初开始,我走去问过唔少收紧租嘅老友,咨询拒哋收租情报,他们绝大部分都话,下一条约会加租,有D 仲狼到加两成几(但仲系低过市价)!
呢几年我身边唔少朋友唔听我话,他们狼到走去沽空自住楼,然后转做租客搏低位平仓,拒哋为保留多点弹药,有 D 由三房有套厕变两房,有 D 由西半山转北角,有 D 由东半山转西环尾,但不约而同他们都喺呢几个月问我点搅点再上车!
事不寻常跟著我个群组就走去调查下各区地代2手放盘情况,点知结果好令我哋咋舌,嗰 D中小型匙、实、到价盘全面性急跌,同他们老板公开的言论南辕北辙,有古怪!
我又睇倒 + x 哥将拒 D 就来拆棚嘅盘,死扣烂扣,发售日期一再押后,呢镬冇嘢?我死都唔信!
再结合我们成班人同政府计计他们有几多土地弹药喺手,结果已经由 PP 公报,因此我哋一致认为政府呢镬杰等爆边!(即反覆上升最少一成)