地产博客 > 文亮语 返回
浏览人次:43165    回应:68
文亮语
 
 
我要回应
我的称呼
回应 / 意见
验证文字
 
回应 / 留言规则
  1. 禁止撰写粗言秽语、诽谤、渲染色情暴力或人身攻击的言论;
  2. 禁止以名称/昵称/绰号/同音字等批评或映射任何人士、机构、公司;
  3. 禁止发布有关招聘、推销、广告等内容;
  4. 禁止公开任何个人资料(如电话号码、电邮地址、即时通讯帐号等)。

敬请留言者自律。本网站保留删除/堵截任何留言的权利。

会员登入
登入ID 或 网名
密码
1. 经济专才? 2013-12-06 09:19:58

王冠一。

2. 木子 2013-12-06 09:55:56

我记得是王冠一

3. 有眼不识泰山 2013-12-06 09:59:47
我是谁也不知,俾左咭片你,只睇我姓乜,睇都唔睇我衔头身份,再当住大家面前问我身世哥利,真系打得少!
4. 租管浪费社会资源 2013-12-06 10:04:33
以前租管又分战前楼战后楼及豪宅又不受管。业主又只有权加租无权收楼除非收回自用。每两年才可以加租一次。问题是业主与租客必然对加幅各持己见, 最终为了相差其实每月不超过一二千元差价争拗告上土地审裁处费时失事。请问每月多或少一二千元在香港是什么钱, 何必要浪费到要去法庭判呢?
5. 巴黎的租管 2013-12-06 10:32:26

巴黎一样有租管,价格仲要超低。理论上刚毕业出来的大学生好容易租到。结果刚刚相反,呢班人最难搵房租,又求又跪,又要搵人做担保........结果?净系得女大学生比较容易搵到房租。点解.......画公仔唔洗画出肠啦!哈哈哈哈哈!

6. 胥胥 2013-12-06 10:54:13

王冠一并不是真名。真名曾有网友公开过。叫王X雄之类的。

据网友透露,王被怀疑是金融骗子。早前亦曾有公司被淋油之类的报导。

正所谓真亦假时,假亦真。

7. 租务管制原来不是糖衣毒药 2013-12-06 11:27:21
无啦啦提租务管制,莫非D炒家闻到味,政府会加棘,或将来会实施租务管制,所以作定文章想洗市民脑?

租务管制系打残炒家,保障小市民唔驶捱贵租的德政。
8. TO 7 楼 2013-12-06 11:35:50

话明炒家就紧系赚转手货钱。点会去收鸡碎咁多D租金。呢D观点就系脑残的表现。

你小心被人洗左脑就真。

9. 亮剑 2013-12-06 13:25:22

年几前水货客一条友带拾几罐奶粉过关,搅到新界北嘅奶粉成日断货,政府爱民如子走去做嘢出限奶令,谁知道此令一出,呢班水货客就变阵,由搬运工人边成收货佬,拒哋现在只系企喺边境嗰度,同过关人仕两罐两罐咁收!

那些要每日深港两边走嘅市民,现在过关唔带翻两罐奶粉帮补车费,真系有钱唔识执!

肯「蚀底少少」嘅过关人仕个个执一旧,大陆需求又无减到,请问乜水埋单?

唔好话我多事,你政府出租管,投资者买楼收租诱因就会减少,那么地产商卖楼花嗰阵,就难以一炮过清台,咁入伙之后系咪会留翻一批卖剩蔗?

咁除非呢啲单位系天汇或Opus,可以租拾零弍拾万以上嗰只,否则发展商边有可能将这些单位攞出来出租俾人?

有普通常识嘅人都知,寻常百姓收倒新楼唔自用都会出租,那会将单位空拒半年去等运到?

但发展商将落成咗嘅楼宇当存货,再吉佢几年真系大把!

所以嗰啲空置单位揸喺边个手,系根本性决定新增供应系落入市场度,定系泥牛入海嘅关键!

发展商存货多一来责实资金,冇力走货如轮转多投地皮,二来政府及地产商见空置单位多如牛毛,仲会搅多啲地皮同楼宇供应吗?

 

10. TO 9 楼 2013-12-06 13:59:35

教精你啦.

第一, 嗰啲空置单位唔卖咪收佢空置税, 仲好.

第二, 发展商存货多责实资金咪要烧炭价卖罗, 更加好.

所以推租务管制喺中正炒家弱点.

11. To 10楼 2013-12-06 14:30:05
教精你啦,
冇钱唔好学人住私楼,
排队攞公援算啦!

12. To 10楼 2013-12-06 14:30:13
教精你啦,
冇钱唔好学人住私楼,
排队攞公援算啦!

13. 好不明白 2013-12-06 14:57:59
「今日,就有不少人受租管毒害,我说的不是业主,而是租客...」<-- 点解可以o系无租管 ( 甚至无人提管毒 ) 既时候受租管毒害呀 ??
「不明白杀人的生意有人做,蚀本的生意没有人做的硬道理 ... 」 <-- 政府唔系正正要减少投资需求咩 ??
「若果政府实施租管,生意人见投资房地产无利可图,当然不会投资,直接令供应减少,楼价上升」 <-- 相信供应是来自卖方的,不是来自买方的,少人投资买楼令楼价上升系咩道理 ??
14. 为何梁振英每事都与民为敌 2013-12-06 15:07:21
我估梁振英每事都要与香港特区市民为敌的原因是他其实好想快过董建华落台。落台后就可以升做中国国家副主席之类级别。到时候虽然失宠於香港但就可以在北京或其他国内地方发围。你们不见他香港事务懒理话知你,但自己就每月外访内地省市多次打好国内各省市人际关系。利用现有香港特首地位为他自己日后在香港退下来时铺定在国内仕途钱途。
15. 煲浪追浪 2013-12-06 15:14:51
香港赖以成功既基石, 奉行简单税制, 依家都七国甘乱,重话凶至衰。 真系唔衰攞黍衰, 有时怀疑大话英系老美走狗。 佢要彻底搞死香港为目标。 将邓爷爷一国两制彻底破坏, 令就台海相信中国而靠近美国, 唔知邓爷爷在天之灵, 见到一国两制比大话英搞到体冇原肤会有何感想。 大话英好野,湿够英好野,香港特丑夸那那。 唔记得讲呀特丑要去广东添,免得有人又问佢菲律宾单制裁哪! 佢肯定又系一男子问题哪! 劲!
16. To 10 楼 2013-12-06 15:15:05
教精你啦,
政府税种何其多,
要否再提倡亏佬税Magnum Tax ?

17. 亮剑 2013-12-06 15:47:14

等我教精你先真,香港每年徵收嘅物业印花税,估计上百亿,如果攞嚟起晒公屋,真系 Fit 晒!

但因为政府要做啲嘢回应民粹,因此出三D机关枪狂扫!

CCL 真的疲不能兴吗??高位争持咋!

但后遗症系楼市交投大减、成交急冻,地代惨成炮灰被歼,而专业人士律师、手作仔装修及银行楼按部门就陪葬!

喺美国退市无了期按息仲低;银行水浸;供不应求持续;通货膨胀升温----购买力只不过是被拦截而不是被消灭!

 

高官紧系读得番书多,请看大禹点将他父亲鲧的「堵塞方法治水」拨乱反正,改为「以疏导方法根治水患」啦。

 

想当年领导人尧,推举了大禹阿爸鲧去解除水患。佢用的是「堙」、「障」等堵塞围截的方法,治水9年,劳民伤财,不但没有治住水患,反而越搅越大镬,周围水浸死伤枕藉,终於俾尧之继任者舜处死在羽山。

 

跟住舜揾鲧个仔禹去执手尾,他经过实地考察,制定了切实可行的方案:

他一方面要加固和继续修筑堤坝,另一方面,改鲧过去「堵塞」的办法为「疏导」来根治水患,终於完成了流芳千古的伟大业绩。

 

 讲到以疏导方法根治水患,长实拆售旗下葵涌和宜合道雍澄轩300多间酒店房,根本就系帮紧你政府同楼市降温---点解?

 

呢间酒店嘅附近,满布工业大厦,尺价同左近同系嘅雍雅轩相差无几,但管理费就多成倍,而又因为雍澄轩系商业契,银行只能做五成(发展商嘅二按要计P),最长做得十五年按揭,又要受长江多多限制,仲要俾你政府及传播媒介系咁揭疮疤,但都可以一Q清袋!

就系有人钱多到无路走呀!唔该大哥!!

现在有人想办法同你疏导闲置游资,请问有乜东东问题先?

致於啲人话惊业主搬入去自住,违反酒店乜嘢 28 日条例喎,你哋唔该咪玩啦!

请政府揾人去问一问地代高层,睇睇边啲人入咗货先嘈嘈闭先啦!

你叫上亿身家嘅人住工厂区??呢班友仔真系傻傻更更!

有啲人大安旨意以为 3 D 会整冧个市,但数字兄之前讲过:-

大跌市为何会出现?因为有大量业主贱价割爱。

为何贱价都要卖俾你?因为冇水。

冇水点解唔问人借?因为银行闩水喉。

大家必须记住,大跌市的出现,一定配合银行闩水喉。

如果好似而家咁,打2个电话就借10万,点解要贱卖层楼俾你?

那班人乜都唔信政府,包括政改、免费电视发牌、高官私德---

但唔知点解呢一剂政府打房,佢哋又咁信 CY 系忠唔系奸??!!

18. To 17 2013-12-06 17:30:23
你讲到去边度呀,叉到去又工厂区又电话借钱,喺咪有读写障碍呀你??  依冢讲话租务管制喺打残班炒家呀! CY快D推租管啦!!
19. 亮刀to 17 2013-12-06 17:54:32
2个电话就借10万,点解要贱卖层楼俾你?
息点计先,你冇脑抑或我冇脑定系以为人人冇脑你最有脑!
佢哋又咁信 CY 系忠唔系奸?
我只知点都好过商()人治港
20. 重温数字兄精彩文章 (11-11-2010) 2013-12-06 18:21:43

重温数字兄精彩文章 (11-11-2010)

每次睇完都有新领会...... 

1. 我可以系跌市买楼
一再强调,大跌市时虽然楼价平,但买楼第一炮所需的资金唔会按比例大幅减少。大跌市为何会出现?因为有大量业主贱价割爱。为何贱价都要卖俾你?因为冇水。冇水点解唔问人借?因为银行闩水喉。大家必须记住,大跌市的出现,一定配合银行闩水喉。如果好似而家咁,打2个电话就借10万,点解要贱卖层楼俾你?因此,在大跌市时买楼,你必须有心理准备估唔足价,同埋连7成都做唔到。例如200万跌剩100万,但银行只肯估80万,兼只肯做6成,那么你就要呕52万。如果你系谂住用10万经MC上呢个100万盘,可以返屋企训觉。
还有,要系大跌市时买平楼,你要有好多现金。我强调系现金,唔系股票或其他需要变卖既资产,因为你既股票系大跌市时一样会下调。
估价8折做6成,系非常乐观保守的估计数字,事实上,在08金融海潚时,部份银行在签按揭契前突然终止申请,1成会都唔俾上既个案真系发生过。另外,除非阁下系公务员,否则在大跌市时好难保证收入不会下跌。
结论:你需要持有目标楼价50%以上的现金。

2. 楼价一定会下跌
楼价在短期内有上落是事实,但另一个更重要既事实系,以30年为观察期的话,楼价只会上升不会下跌!03沙士价是香港近十年最低价,美孚的03尺价约为1600,但1600这个贱价仍然系美孚入伙价的10多倍!事实上,某时期的低价,通常都会比上一个时期的高价还要高。等楼价爆破的朋友,要有心理准备爆破后的楼价和今日的价其实差不多。
因此,如果你系用家,谂住长住20~30年,只要供款系能力范围内,就算97年买楼一样冇问题,因为楼价升跌不会影响你一早已计划好既供款,20年后楼价一定会超过买入价(请对比1983及2003的楼价)。
结论:以20~30年长线睇,楼价一定升。短期升跌只系为炒家而设。

补充:
有人质疑为何要用过去30年的升幅去推论未来30年,并表示香港的经济发展已到顶,没有可能重覆过去30年的升幅。
首先要搞清楚一样野,就系物价的上升和经济的发展不一定有直接的关系,事实上香港今天的经济规模虽然比1980年时大,但没有大20倍那么多(我指实际上,不是数字上)。「物价上升=经济发展」背后,最重要的因素是「金钱的产量是按经济发展的需要而增加」,例如10个人的劳动力产生了10件衫,社会就按这10件衫的价值(假设每件$10)制造$100的货币,分配给付出劳动力的10个人。社会因为有新增的价值(10件新衫)才去制造货币,因此「物价上升=经济发展」。
但现实是残酷的。自从上世纪70年代美国单方面脱离金本位后,全球的货币逐一跟随,今时今日世界上所有的货币背后均没有实物支持,纯依靠政府的信用进行发行。货币脱离了黄金的约束后,制造货币可以和经济发展完全脱勾,经济好时固然可以加印货币,经济差时更加要印。全世界现时在「没有新增价值」的情况下,却可以以火箭升空的速度加印货币,结果是经济没有大幅发展,物价却大幅上升。制造货币的特权阶级成为社会的大赢家,制造实物的劳动者却被社会严惩,扭曲了世人的价值观。衡量一个人的价值,不是看这个人能为社会作多大的贡献,而是看这个人能够从社会夺取的资源有多少。
货币脱离金本位30多年,因此过去30年的楼价走势绝对有参考价值。坦白说,今后货币的贬值速度能保持30年只跌95%,已经是非常幸运。

3. 迟早会加息
讲得呢句说话,即系话而家息平。系人都知迟早会加息,但重点系息口仲平既时候你还左几多本金?房贷好公道,本金少左,息会按比例减少,系低息环境下你可以好轻易就还几十万本金。即使加息,对你的实际影响极微。
结论:趁息平多还本金,点会怕加息!

4. 供30年楼系楼奴
我写包单,讲得出呢句说话既人学历不会超过小学6年级。世界上所有银纸现在均以每30年跌95%的速度贬值,简单来说,30年后港币的购买力,和现在的日圆差不多,即是说,今日我借港币100万,还到第30年就变左100万yen。当然,中途你系有不断供款,但你每期供款的购买力都会贬值,变相你可以用贬值后的货币购买未贬值的资产。幻想一下你可以用今日既身家,坐时光机回到1980年买当时既楼。因此,30年的供款期内,供款压力系会越来越低,因为你的债项不断贬值。头10年是最艰苦困难的,中间10年可以有闲钱去下旅行,后10年供款比饮茶钱还要低。
结论:供楼系会越来越轻松

5. 唔买楼可以租
供楼压力会随时间减弱,因为你用未来贬值后的钱,去还今日未贬值的钱。但租金就相反,你一定要用当时的钱去还当时的钱,即是说,当供款金额固定下来,租金却系会随时间不断上升,例如货币每30年下跌95%,租金就会同样以每30年升20倍的速度上升。当然,这是假设没有加息。但即使有加息,亦不见得租楼会有著数,因为业主会按成本加租,冇死错人。
租楼的另一个问题系,你和业主的财富差距越拉越大,假设今天你和业主身家都系100万,租了2年楼洗左20万,你的身家变成80万,业主就120万,差距系40万,亦即你现有身家的一半。当然,你投资有道,可以用呢80万本金赚超过40万,则另作别论。但假如你唔投资,纯做租客,你会白白将日后入市上车既资金送俾业主。租金回报5厘知唔知即系点解?即系话你租20年的话,你就送左层楼俾业主。多谢夹承惠。
结论:年轻人应该同阿妈住,省回租金支出。要2人世界可以租时钟。

6. 生活质素唔可以妥协
好多人唔接受旧楼、单幢楼、大西北,话唔会为上车而降低生活质素。请让本人告诉你一个残酷的事实,如果你的能力只能买旧楼、单幢楼、大西北,你冇资格讲质素。如果你系打工仔,每日可以系屋企既清醒时间唔会超过6小时,有乜质唔质素?训到朝早11点,然后先考虑今日返唔返公司打点一下,呢d就叫质素。
结论:先讲资格,后谈质素

7. 炒家炒高楼价
错!实际系「买家买高楼价」。冇炒家唔代表用家会平卖俾你,有人肯接炒家货,代表炒家有眼光,估计到未来楼价有水位,系先有购买力后有炒家。其实有买过楼都会知,买炒家货好买过用家货,议价空间比用家盘大,因为炒家系做生意,计好个ROI唔怕平少少卖俾你,但用家就皇帝女唔忧嫁,大不了住多2年先卖。再者,炒家买完一定卖,稳定供应,用家就有入冇出,炒家有时反而会有调低楼价的平衡功能。
结论:自愿的价就系市价

8. 市区楼抗跌力强
抗跌力是大跌市时业主继续供款的能力,因此,以下类别的物业抗跌力一定强:
一、        大部份业主已供断的屋苑(没有供楼压力)
二、        大部份业主的买入价都很低(供楼压力极低)
三、        业主真系好有钱(没有收入压力)
因此,老牌屋苑(第1类)、新界100万上下的物业、半山豪宅的抗跌力一定高,其中半山豪宅最强。而老牌屋苑如太古城、美孚新村都位於市区,故产生抗跌力强的假象。
以下物业抗跌力最弱:
一、        被发展商食尽溢价的一手楼
二、        业主多数是高收入打工仔(一旦失业很难在短时间内找到同样人工的工作)
三、        入伙日期接近爆破日期的物业
此三项条件可以同时出现。

9. 以外币代替房地产作为储蓄保值工具
QE配合部份准备金制度,令美元的流通量大幅增加,其他货币相对美元因此出现显著升值。身边有不少朋友考虑将港元兑换成人民币或澳元搏升值。
首先,我不反对将手头持有的少量现金换成外币对冲港币贬值。但若果手头持有数十万至数百万港币,楼与外币2择其一,则一定是选择砖头实物。
QE是联储局在帐簿上无中生有数以千万亿计的美元,其好处有四:
1. 刺激美国本土消费市场,改善失业,这个是官方解释
2. 用贬值后的美元偿还美国国债,借10蚊还7蚊,净赚3蚊
3. 削弱以美元作储备的国家之国力,尤其是与美国有大额贸易顺差的国家,如中国
4. 增强本国出口的竞争力,尤其农产品
显而易见,美国以外的国家为保出口贸易与及国家的整体经济,必须参与印银纸游戏令本国货币贬值。澳元、人民币和美元一样正在不断印银纸,尽可能维持现有的美元汇率,由於澳元、人民币不断增加货币流通量,令本土物价上涨,坊间因而指控美国「输出通胀」。澳元、人民币及其他货币正在不断印银纸,不断贬值是铁一般的事实,香港人之所以会产生澳元升、人民币升值的感觉,是因为美元港元的贬值速度更快。任何一个中国、澳洲的老百姓,在这一刻都会感到自己的货币在本国内的购买力越来越低,通胀猛於虎!
澳元、人民币等货币虽然在近期相对港币有显著大额升幅,但相对实物例如物业甚至日用品,澳元和人民币同样是不断贬值。将身家投放在澳元和人民币,只不过是由一条贼船跳去另一条,到最后即使外币有所斩获,对实物的购买力无可避免一定会下跌,因为货币的供应增加速度远超实物的生产速度。因此,我是极其反对卖楼买外币的投资方法。但我要强调一点,人在社会生存一定要有一点现金,购买贬值速度较低的外币作对冲我是赞成的。我所反对的是以外币作为主要投资/储蓄工具。
香港使用人民币作为储蓄工具还有一个严重问题,就是日限提款2万元的限制。即使你在滙丰、恒生、渣打、中银、东亚……等10间银行各开一个人民币户口,提款或转移100万仍需时5个工作天。显而易见,对香港人来说,以人民币作为大额储蓄货币现时仍然是不可行的。

10. 中国富豪的资金会彻离香港
要分析中国富豪为何在香港买楼买股,就一定要明白中国的国情。在中国要发财,一定要有人脉关系,所谓「关系」,说穿了其实是利益输送,行贿送礼送女人。这些行为虽然是中国商界的基本功,但名义上其实是犯法的。在中国要发财而又出於污泥而不染,基本上是没有可能,所有人都有犯法,甚至应说所有人都必须犯法。中国的富豪心知肚明中国是人治不是法治,都会怕有朝一日自己会变成第二个黄光裕或周正毅,突然有一天被人上门抄家,家财尽失,琅璫入狱。财产只要仍在中国国内,都会有被完全充公的可能,为保获家产,富豪必须将生意运作以外的钱偷运到境外(走资也是非法的),日后即是不幸在中国被抄家,仍然可以有资金行贿购买自由。否则一旦成为一无所有的阶下囚,则一定永不超生。
因此,中国的富豪千山万水把以千万计的现金偷运到香港买楼买股,你要他把钱送回中国即是要他的命。香港是中国富豪的保险箱,只要香港的法制仍健全,行政司法仍独立於中国大陆,中国富豪的资金是不会离开香港的。(国内同胞如欲转载,请自行和谐)

补充:来香港买楼的大陆人,不限於亿万富豪。根据我所认识的国内朋友的亲身经验(100%真实冇吹水,我甚至有陪同睇楼),一些身家数百万的小康之家,为求孩子能有香港身份证,又或者想追仔避开城管打胎,都会在大西北、北区购买低价物业作「生仔屋」给老婆养胎。这些生仔屋在完成任务后都会留在香港放租,不会变卖彻资,因为国内同胞不分贫富,都相信香港的法治精神能够保障他们的财产拥有权。很多一日投诉到黑的香港人其实生在福中不知福。

21. 寄生虫 2013-12-06 18:23:24
但因为政府要做啲嘢回应民粹,因此出三D机关枪狂扫!
无商有民粹!?
CCL 真的疲不能兴吗??高位争持咋!
你都识讲高位,即是太高啦,系咪应跌先?
但后遗症系楼市交投大减、成交急冻,地代惨成炮灰被歼,而专业人士律师、手作仔装修及银行楼按部门就陪葬!
除咗地代自己做衰揾嚟衰之外,其他系专业喎揾唔到食?乜你唔系成日话地盘有工无人做咩?
喺美国退市无了期按息仲低;银行水浸;供不应求持续;通货膨胀升温----购买力只不过是被拦截而不是被消灭!
香港都转型M世啦,银行都系时候转下型咯,咪成日只识做楼至得格,汰弱留强做唔掂咪摺埋佢罗!

22. 路人丙 2013-12-06 18:35:55
依家真系打电话都唔使,日日都有海量电话打嚟喺信用咭提钱都系2-3厘多D。
23. to22 2013-12-06 18:39:27
日息呀?
24. 路人丙 2013-12-06 18:41:07
实际年利率。
25. 煲浪追浪 2013-12-06 18:41:29
全世界所有政府都希望自己管理既地方值钱,
每省每县都做紧同一样野,
包括美国,直情铺埋红地毡欢迎。
当全球有钱人投资於该处为不动产,
人可走但财不可走,型成资金聚集池。
地方政府再推行利民政策提供本土人民福利。
正所谓有钱易辨事,,,,
正正因为此种因素,多国均欢迎置业投资移民。
好罗!家下伟大而湿狗既特丑大话英。
反其道而行,有钱既就唔比移民香港。
反而中门大开,每日150件攞综援既就无任欢迎。
甘叫做为香港好,哈!哈!
有少少智慧都比条粉肠英笑谂死。
谂样英好野。
26. Hongkong People 2013-12-06 18:52:37
寄生虫:  呢个世界并不是髙就要或应该跌,不跌就是大经济气候不容许跌,髙或低其实是相对性,今天的高,可能是明天的低。

聪明的投资者都明白一个道理,髙髙未为髙,低低亦可未为低,大气侯未到时并不是个人的主观愿望可改变甚么,亦非你在此讲赢甚么人就可逆转甚么。

如果你有心改变你现在寄生虫的状态,就要虚心及客观分析各网友的分享,所纳良言、为已所用;如果你安於现状,那就自便吧!有心机同你舌战的人都上咗岸,日常毋须为两口奔驰,只当是日常的误乐罢了,解解闷罢了。

言尽了,祝好运!
27. 人在江湖 2013-12-06 19:21:02

人在江湖???身不由己???行政会议通过议决案???谁的好主意???

梁振英重申不推租管

2013-01-18 07:06:00 来源: 香港成报
核心提示:本港楼巿畅旺,近年租金亦大幅上升,有市民昨日向特首梁振英申诉租金高昂,并批评政府未有加以管制,只顾推地建屋,直言对《施政报告》感到失望,更形容是「输政报告」;不过,梁振英回应该名巿民时表明不会实施租金管制,而他下午出席立法会答问大会,回应议员质询时,重申不会有租管措施,因为恐怕令业主封盘,造成反效果,害苦其他的租客。
28. 亮剑 2013-12-06 19:36:52
3年前数字兄发文嗰阵,你有5%首期,俾按息1厘,仲唔使仿压测已经可以上车!
根据屯门地胆汪敦敬话,在大约3年,屯门有成2千几个2M楼下嘅单位放盘,而现在只得翻6拾几个。
如果睇完数字兄呢篇文章,又听佢点,7到8皮嘢首期税费乜到够,而供一厘7到8千银有冇难度?
29. 法子 2013-12-06 20:59:41
26楼所言甚是。
30. 回21楼寄生虫 2013-12-06 21:43:36
回应你第一条提问……

社会只分有能用和冇能用人仕,
你属於哪一种?


31. 寄生虫 2013-12-06 22:57:44
呢个世界并不是髙就要或应该跌,不跌就是大经济气候不容许跌,髙或低其实是相对性,今天的高,可能是明天的低。
但末有辣招前真系高(升)到太急,高到港人内地人以为抄楼可至富,系咪应制止先!

聪明的投资者都明白一个道理,髙髙未为髙,低低亦可未为低,大气侯未到时并不是个人的主观愿望可改变甚么,亦非你在此讲赢甚么人就可逆转甚么。
若果人人都系智者你哋就冇得写嘢咯,正是因为羊群心态居多,咪要出招制止抄风罗!

如果你有心改变你现在寄生虫的状态,就要虚心及客观分析各网友的分享,所纳良言、为已所用;如果你安於现状,那就自便吧!有心机同你舌战的人都上咗岸,日常毋须为两口奔驰,只当是日常的误乐罢了,解解闷罢了。
其实楼市有冇你哋讲得咁Q复杂恐布呀?讲到好似股市升跌市咁,一时又解读某人某官讲过D乜,一时又危言耸听放风去吓市民,用几百个买咗层仲要被你哋讲到好似玩股咁,倒不如去抄股好过啦,抄乜鬼楼吖,攞嚟辛苦!楼,只是用嚟安居乐业咋,好心你哋咪鬼成日吓人咯!
我都一早上咗岸发咗小达,现在总够食够三代都够住,正做谓发财立品都要顾下一代是否买到楼既!


32. 亮刀 2013-12-07 00:09:54
31楼所言甚是,嘻嘻
33. Hongkong People 2013-12-07 01:02:30
寄生虫兄,下一次能否买楼,都要靠自已长进,做好准备,机会来才能把握; 楼市亦会有自已的起跌循环,现在贵就努力工作、储蓄,得跌浪时上车; 每曰仇富,打倒地产霸权都无补於事,人哋穷咗都唔代表你会好咗,要认清呢个事实,不要做无谓事。
34. 法子 2013-12-07 08:39:21
同意33楼。

Honh Kong People

用口改变不了自己的命运,但香港现在,这类人多了。

只有改变自己的思维,才能改变自己的命运。

最客观的标准是「你的思维为你带来了你想要的处境吗?」听你上面所讲,你的思维已为你带来你想要的处境。

我们闲来到这说出心得,但不明白的人还是不明白。他们还只会认为他们的失败是社会的错,只懂以「嘻!嘻!」
去令自己的心灵搅得自己赢了。

人很难改变自己的思维。

也罢,去叹茶算了。
35. 亮剑 2013-12-07 08:49:04
喺香讨传统淡友通常都系:
 
有几个单做紧业主---未补价公屋、居屋或夹屋都叫有楼嘅!
投资有道逢赌必胜---一定揸重 700 ,仲要系几拾银嗰阵入!
大公无私我为人人---希望楼价狂插,后生仔可以平价上车!
鬼鬼祟祟成日分身---预测楼市长期唔中,转新 A/C 再来过!
零主见剩揾人错处---毫无观察力,分析力,讲亲都系废话!
 
36. Hongkong People 2013-12-07 11:27:55
法子: 有时苦口婆心都只为略尽绵力,他们只有一句听得进,都可以为他们一世所用,都做一份公德。亦为寄生虫所谓的发财立品,虽然我并非很发,但无忧亦须感恩。
37. 废剑 2013-12-07 11:44:29
喺香讨传统好友通常都系:
 
有一个或几个单位的业主---私楼、未补价公屋、居屋或夹屋都叫有楼嘅!
炒楼有运逢赌必胜---一定揸重货 ,一系几拾银嗰阵入!一系高位嗰阵追入!
自私自利的人---希望楼价狂升,后生仔不可以平价上车!想上车一定要同佢地高价罗货!
鬼鬼祟祟成日分身---唱好楼市,长期托市,转新 A/C 再来过!
零主见剩揾人错处---毫无观察力,分析力,剩系识系地产网做打手,讲亲都系废话!
38. 法子 2013-12-07 13:38:32
回36楼,Hong Kong People,

对!所言甚是。但你看37楼,就知到我们的说话并没有太大的用途。

自己的处境是自己的思维所带来的。

改变自己的思维很难,每人也觉得「我对你错」,包括我和你。所以要有客观的准则,就是「你满意你的思维为你带来现在的处境吗?」如果自己不满意自己现时的处境,何不换一换自己的思维。

和你几啱倾,有机会出来叹茶。


39. Hongkong People 2013-12-07 14:20:40
"自己的处境是自己的思维所带来的。"

绝对同意。37楼可能收唔倒,但可能有很多没有留言的小朋友收倒呢?不要灰心,就算没有一个收倒也不应停止我们做好事的心!

有空叹茶。
40. 亮剑 2013-12-07 14:21:31
你去学游泳,会搵个有牌嘅教练,或连水都唔识游嘅人玩纸上谈兵?
有人长期讲亲都中,又有人连续几年讲乜错乜,你又信边个?
自私自利的人?楼价若要上升,一定要经济好,失业率低,咁有乜唔好?反之大淡日日望业主烧炭食2手饭,最好香港海啸爆核电厂,沙士乜流感日日发生⋯⋯以便佢哋低吸业主跳楼货!边个自私自利先!
鬼鬼祟祟成日分身?我之前用王先生,呢两年叫亮剑,我讲事实又中咗七八成,仲要换名?
有没有观察力,分析力,公道自在人心!

41. 寄生虫 2013-12-07 16:23:23
寄生虫兄,下一次能否买楼,都要靠自已长进,做好准备,机会来才能把握; 楼市亦会有自已的起跌循环,现在贵就努力工作、储蓄,得跌浪时上车; 每曰仇富,打倒地产霸权都无补於事,人哋穷咗都唔代表你会好咗,要认清呢个事实,不要做无谓事。
真的能长进就可买楼?你的意思是否说买不到楼的就是不长进?若果楼价升到比人长进速度还快,试问香港又有几人真的能长进就可买楼呢!?正如你所讲真的要等大跌市才能上车咯!
我仇富?抑或是你仇穷呢?与你持反对就是仇富,咁你看事物都几客观下喎!?

42. BC 2013-12-08 08:30:39
回法子兄、亮剑兄:
在香港有智慧及能力的人不少,但肯分享自己成功经验及不为自己荣誉的人就不多。我相信有不少的读者好似我一样每天也看你们的文章。世界上总有不同看法,如果满足自己的现况就没有原因去改变自已想法、投资行动及结果。请不要太在意反对的声音。谢谢你们的分享!
43. Hongkong People 2013-12-08 11:30:44
寄生虫兄: 我出社会工作时,楼价一路爬升至97年髙位,那年代就算你父母帮你俾首期,年息12厘,供款亦非两个大学生夫妻所能负担,我们那一代适婚人仕都觉得非常絶望,以你的意见,你觉得应该你们绝望点还是我们更应觉得绝望。

但我们的态度俾现在年青人很不同,我们都只是努力工作,努力储蓄,坦白说我们当时努力储蓄的目的已非为买楼,因为经济下行,加上政府政策错误,经济及楼价正如我所谓的低低未为低,就算你是大学生或硕士,在那时都少不免被炒一两次,然后揾返份工但人工被减一两成至两三成,所以储蓄是为防饥。捱得过,储蓄倒,楼价低时又有胆色上车,再投资,就奠定我们这一代上岸的一群,所有成果都得来不易,有我们的血与汗。


44. Hongkong People 2013-12-08 12:00:37
续:我们这深受政府政策之苦,有时真不愿下一代受同样的苦;香港经济无疑是很受地产影响,不很健康,但现况亦非谁人可改,喜欢不喜欢都要接受。政府不顾一切打击楼市,在市底厚时尚可支持,如果不适时收手,楼价跌时所带出来的下行动力,亦非政府可以逆转。

现在的人要求政府出招,在我们看来有"找死" 的意味,而我们这一代眼见上一代经历97信贷过度的失败后,投资渐趋保守,以本人为例,信贷只占总资产的两成左右,所以经济或者楼市下行对我们的冲击,远远比不上对一般年青人的冲击,我们只是账面上的损失,不影响生活,年青人可能就是生计的问题了,到时别旨意政府救你,政府会财赤,会告诉你要加税及开徽销售税,公共医疗不能维持要加价,到时就上帝保佑你们。非危言耸听,十几年前才刚发生。


45. 亮剑 2013-12-08 12:15:39
我本身系一个60后,同学、朋友及同事年龄相约,佢哋唔少都有下一代,过多十年八年都会面对啲细路置业问题。

我看到一种情况好值得攞出来讲,通常到咗4到5拾岁,衰啲讲句,死就一世,唔死半世,你有乜家当终老,定咗七八成!

我身边同龄人仕,如果神早买咗私楼嘅,现在资产净值无一千都六七八。咁第二时啲细路要买楼俾首期,系咁2攞层楼去按,唔信几拾个都班唔倒!

买咗居屋夹屋情况亦唔弱,不少人供甩咗楼,就算仲供紧者,两叄仟都系有限钱,那么以后啲细路要上车,帮手几拾个,勉强都能负担!

有人船头惊鬼,船尾惊贼,所以选择租楼,咁呢二十多年佢哋嘅业主咪多谢他们帮手供楼罗,啲钱去晒业主嗰度,莫讲帮手俾首期,随时连自己嘅退休计划都要有故讲!

后生就立志上公屋嘅人,情况就比较尴尬,佢哋当中有啲系本来有能力上公车或私家车,但他们本著食得唔好嘥精神去攞间公屋,咁呢二十多年交少咁多租,应该剩埋唔少,可能因此发埋达添⋯⋯
但更大部分嘅个案,系因为他们处於唔需要竞争嘅环境,就好似动物园嘅动物一样,彻底失去求生本能,现在佢哋人到中年,屋又冇,钱亦少,心情几难舒畅。
而佢哋嘅下一代耳濡目染,亦抱公屋系权利嘅心态,激进反对派有咁多支持非常合理!

但他们有冇想过,佢哋有今日,系边个害佢哋?
46. 寄生虫 2013-12-08 16:44:43
我们这深受政府政策之苦,有时真不愿下一代受同样的苦;香港经济无疑是很受地产影响,不很健康,但现况亦非谁人可改,喜欢不喜欢都要接受。政府不顾一切打击楼市,在市底厚时尚可支持,如果不适时收手,楼价跌时所带出来的下行动力,亦非政府可以逆转......
唉!讲来讲去你都希望楼价大上大落好等你再执到第二桶金,其实你已在97后的楼灾执到第一桶金,就应该好好利用这些钱去发扬光大,唔应该守株待兔式,想再用同一方法去揾第二桶金,政苦出招对炒家确是痛苦,但对用家对楼市长远计是良药,想楼市急升急跌去赚钱绝不会受社会认同的!!
47. DC 2013-12-08 18:26:18
因为你地已经唔属於香港呢个地方,香港将来会变成摩纳哥既蒙地卡罗,人圴收入将会越来越高,中国富豪众居此地,腾讯主席马化腾一买就买石澳,可见穷人只能越搬越北,最后搬离香港。香港消费物价指数会随港元贬值越来越高,大陆富人攻陷香港只系时间问题。人民币不断升值之下,香港人的确无计可施,但至少现在香港穷人仲有机会买到中国二三线城市既楼,但过多十几廿年之后,佢地将会发觉中国地方虽大,却无处容身,到时候莫讲话香港楼,甚至连大陆楼都买唔起既时候,就真系非常之悲哀。
呢个现象其实都出现在很多欧美国家,当大城市居民没能力负担高消费之时,佢地搬到阜仔居住其实系好常见既事,只系现在所谓既香港人活在当下,唔能够接受呢个事实,因为曾经贵为香港人既佢地,绝无想过有朝一日佢地连做香港人既资格都冇。香港未来竞争力会将会每况越下,高端服务业工作机会不断流失,惰况就好似加拿大既温哥华,冇工做,生活指数又高,楼价又贵,但一样有一班有钱人住系当地,穷人则搬到阜仔找工作并且定居。
当贫富差距越来越大既时候,正所谓长贫难顾,香港政府到时也爱莫能助,终有一日会放弃呢班穷人,而佢地亦将续渐消失於香港。不管你接唔接受都好,呢个系趋势,亦都系事实。所以我只能同买唔起楼既香港人讲声,祝君好运!
48. 珍惜香港 2013-12-08 19:30:47
珍惜香港TO:亮剑、法子、Hongkong People

忙咗几日返嚟睇下个地产网,咦?乜果个寄生虫又搞到大家咁热闹?其实各位响度苦口婆心,倒不如先睇睇我同佢之前嘅对话,再谂谂有冇需要再浪费时间响佢度啦!

佢话喎:香港竟沦落到要靠房屋才 能至富,至富不需要读书和工作,只靠炒楼就能。
我就话:低税率退休要靠自己,物业投资都喺自力更生,年青时牺牲好多,没努力读书工作怎能上车。

佢咁讲:叫年青人努力读书只是满足地代佣金收入,又话地代为了有更多佣金收入叫人用未来钱推人落火坑
我就说:地代也是自食其力之行业,必须予以尊重;买楼置业非玩泥沙,是消费者个人选择,不能迁怒地代。

讲到辣招,佢话:辣招就是令买楼成本增加楼价升幅亦慢了,辣招的目的亦已达到。
我就咁样回应佢:辣招只喺对买家起作用,而卖咗又买唔番,如果唔喺辣招,个市价仲冇依家咁高。

佢提到加息:试下现在定期做八厘供楼十几厘吖,睇下仲有冇供不应求的现实;一手定价又关租值乜Q事。
我就回覆佢:息口只喺间接,真正影响个市嘅喺供求;一手二手都喺响度睇紧个市场,而租值对市场喺好关键。

佢见我用加租做例,就发我难:珍惜香港就要为香港未来年轻一代着想。
我赶住要闪,就轻描淡写覆佢:「珍惜」同「宠」,喺两回事嚟嘅!

但有样嘢佢真喺逗得我好开心,就喺我后来串佢喺井底寄生虫,佢就话自己收租嗰阵我仲响度食紧奶喎。我从来都觉得自己只喺个o靓仔,有人争住咁认老,我真喺好 LIKE!不过,佢咁唔妥啲物业投资者同收租佬,又话自己收租四年可平平地 full paid 买多层细楼;坦白讲,响呢度留言,边句真,边句假,好难证实嘅,只喺一个人嘅理念同立场,己经代表咗好多嘢
49. 珍惜香港 2013-12-08 19:39:57
珍惜香港TO:亮剑、法子、Hongkong People(续)

其实我地冇一个针对紧果个寄生虫,不过佢已经先入为主,以小人之心去认为我地想楼市急升急跌去赚钱,又觉得我地响度以言托市。如果呢个博客真喺咁有影响力,话升就升,唱淡就跌,咁呢度嘅网主咪好容易发到猪头咁?我讲过好多次,机会喺唔会放过,但做人唔可以咁黑心。依家楼市咁严重供不应求嘅状态,未来十年都好难改善,要楼价大跌,香港经济一定喺出现咗严重嘅创伤甚至喺灾难,如果喺咁,冇一个人可以幸免。

但如果好似果个寄生虫咁讲,啲息加到定期做八厘供楼十几厘又会点?之前我问过无奈兄对香港仲有冇信心,咁多「如果」,咪乜都唔使做?仲有要注意嘅,喺港币同美元挂勾,而唔喺港币等於美元,你话「如果」啲嘢就会发生?莫讲美国巨债直迫廿万亿,有排唔使旨意加息,单睇香港自己嘅经济结构,又有乜条件加息?就算 P 要加,咁 P 加乜乜或者 P 减乜乜果个乜乜,都要睇楼按市场嘅供求嚟定。至於定期做八厘呢味嘢,就要睇下香港金融体系嘅核心,即喺个借贷炼,有冇条件俾到八厘息去你地果啲存款度,我唔敢话呢个喺天方夜谭,不过我只谂到两个可能性,一喺香港发现咗金矿钻石矿或者石油,二喺香港人口要跌一半,而剩低果一半要喺最有生产力果批。

所以果个井底寄生虫嘅神经刀,有时又可以引发我地分享多啲嘢,又真喺衰唔晒。对呢个死硬派,苦口婆心喺冇乜用嘅,倒不如好似我咁,借题分享一下心德,令多啲其他虚心正面嘅人获益仲好啦!
50. 法子 2013-12-08 20:12:18
谢谢各位前辈例如 Hong Kong People、BC、DC、珍惜香港、亮剑等在此留言,互相讨论。

让我在此不才多言几句。

第一:处境系由思维所带领。不满自己现况的,如果不改变思维,是改变不了处境。长期的成功,不会是因为好运。有两个例如,很多统计得到巨额奖金的人,经过数年追踪,很多都变得比得奖前更差。因为他们得到的并不是思维,而不是钱。又例如,富不过三代。也是一样原因,很多时,富二代得到的是钱(有些有学历),但始终得不到上一代的思维和态度,所以守不住财富。


第二:失败的人多会觉得原因不在自己,在别人、环境等。例如,买不到楼是因为这社会的楼价太高。原因不在自己。听到我咁讲,他们很自然的一句:「我一日做足12个钟,一个月揾得$xxxxx,点买楼吖?你话喇。」我就系等你呢句,做12个钟系好辛苦,但你把成功的最重要动作无做,想外判畀人。呢个动作就系「想办法」。


51. Hongkong People 2013-12-08 21:13:07
有时都要多谢寄生虫,他的存在,诱发我们留言的兴趣,希望其他小朋友收得倒一言半语,咁都算佢有D用。

我哋大家一齐努力,希望救得几多得几多,一两个冇得救,不要灰心。

法子: 不敢以前辈自居,小女子乃70后; 凭文字嘅功力,云师兄同亮剑师兄,先系我哋嘅前辈。
52. 法子 2013-12-08 22:58:52
这也许是寄生虫的功用,令我们多了留言,让更多人得著。

是大乘。
53. 法子 2013-12-08 23:00:24
原来 Hong Kong People 系师姐。失敬!
54. 法子 2013-12-08 23:03:17
在这网站认识了亮剑,有时会出来食饭。

他为人谨直,绝对是我前辈。
55. 寄生虫 2013-12-09 00:08:35
佢话喎:香港竟沦落到要靠房屋才 能至富,至富不需要读书和工作,只靠炒楼就能。
我就话:低税率退休要靠自己,物业投资都喺自力更生,年青时牺牲好多,没努力读书工作怎能上车。 
认同
佢咁讲:叫年青人努力读书只是满足地代佣金收入,又话地代为了有更多佣金收入叫人用未来钱推人落火坑前面好一大段又冇咗,而且这一段唔系同!你知唔知丑架!
总之你篇嘢作嘢致叻系你咯!好末!!真系笑死人!
56. 寄生虫 2013-12-09 00:33:23
段是我昨年在这网页,化身吾明身份与上善若水兄等心讲佛偈时乱作的,至今亦可在这用得着,嘻嘻
佛法说 一切法山心想生, 就是万事万物都是由心想生的, 事物不是由什麽别的事物构成的, 而是由想法,概念,信息,这些东西构成的, 人类内心最大障碍是妄想 分别 执着只要有妄想 分别 执着你就接触不到事实的真相, 危难现前灾难现前, 他们还是不知道, 说这是自然灾害, 实际是人心是可改变环境的, 就如社会上各阶层如有妄想 分别 执着那就难於和合了.
57. 珍惜香港 2013-12-09 01:44:11
珍惜香港TO:55/F 寄生虫

一时话我长篇大论,一时又话我写得太撮,cut 咗啲头尾同细节,你真喺好难服侍喎!不过咁,我已经包埋连结响每一句度,可以 click 入去睇,你大可以放心,啲读者喺唔会被误导咗嘅!至於最后点宠法呢样嘢,我冇谂过咁明显你都要问,不过如果你真喺唔明,就 click 入呢度自己睇啦!
58. 珍惜香港 2013-12-09 10:32:30
珍惜香港TO:47/F DC

好遗憾,阁下讲嘅嘢,的确喺事实。

唔少人好似果个寄生虫咁,见到啲嘢升,就觉得好快会跌,见到啲价高,就觉得喺泡沫。所谓危难,所谓灾难,就只喺用周期呢样嘢去解释咁简单?如果只喺狭窄咁聚焦楼价呢一样嘢,就真喺执著紧啲唔知乜嘅妄想罗!

香港唔喺一个自给自足嘅城市,赚取外汇嘅能力喺好重要,要养得起七百多万人,赚几多外汇至够?呢度已经百业衰亡,剩低嘅就只有金融地产旅游零售。庸梁上任之后,除咗因应民綷,将有潜质发展嘅医疗教育产业强拉落马之外,果四个剩低嘅支柱行业,冇一个未被打压过,尤其喺佢地赚取外汇果部份,更喺重点嘅打击对象。响庸梁嘅消极施政之下,阁下讲嘅现象,喺会加速咁发展。

中港融合,喺大趋势;富贵南下,贫者北上,亦在所难免。不过,我又唔觉得呢样嘢,有几悲哀。

一个城市冇咗竞争力,最终会被国家淘汰;一个人冇咗竞争力,最终亦会被社会淘汰。我唔太担心香港,因为中国要全面开放,都唔会喺呢十年,甚至廿年之内嘅事;内地嘅有钱人,会选择响香港置业,佢地内地搵钱,香港消费,就产生咗另一个流入外汇嘅渠道,对香港喺好事。不过果个寄生虫会好唔高兴,因为佢话果啲乜乜佛法,乜乜危难现前灾难现前果啲嘢,就好难对现罗!

而我地呢啲小蚁民,喺冇可能去左右时代呢个巨轮嘅;我地只可以顺势而行,用双手去创造自己嘅命运。响香港嘅年轻人,只要肯努力读书,就已经成功咗四份之一;加埋肯努力工作,就已经成功咗一半;再加埋肯先苦后甜,置业投资,就已经成功咗四份之三;剩低果四份之一,喺运气,不过如果你咁黑仔,就惟有认命啦!至於终日埋怨社会果啲发声嘅素求一族,佢地被社会淘汰,只喺迟早问题,呢啲人咎由自取,我地喺冇必要去同情佢地嘅。

首富话斋,政府喺应该俾年轻人有创富嘅机会,而唔喺向有能力嘅人开刀。香港最终喺要商人治港,唔可以共人治港错嘅政策喺唔会捱得耐嘅,我地要对香港有信心嘛!
59. 寄生虫 2013-12-09 15:05:23
假设我才刚刚大学毕业去就业,又假设非常幸运揾到份工月入三皮,现在目标想入五球自住货,五球对你们来说应不会是大想头可,亮剑的已有楼既朋友想五球换九球添,五球的目标好合理吖!系咪
又假设每月楼价以单式1%上升计,即是每月升咗5皮嘢,我又费事有人话受政苦宠可以一成首期首置买楼,就用回储楼价5成吧!都要储250万首期,仲末计以每年复式上升一成二计,有人可能马上就,哗!点会每年上升成几呀!但如果真系取消哂所有政府出的辣招,回复到97前的境况,可能成几已经是非常保守的升幅,请问大家以我的长进态度,可以何年何月才买到楼呢?
60. 博士 2013-12-09 16:08:46

我估计,香港楼市泡沫即将爆破,我班粉丝请继续落力唱好楼市,告诉香港市民楼市供应不足,越迟买越贵,因为我要高位出货,迟D楼贱𠴱阵,我会以白武士身份出来拯救楼市,发达low,嘻嘻!
61. 煲浪追浪 2013-12-09 16:11:09
其实早在曾生年代, 佢已经大大声叫人骑马追马,以战养战。 可惜香港地太多醒目仔。 重系自己以为系醒果下攞你命3000。 再呃下自己添,就到架哪!
62. 寄生虫 2013-12-09 16:15:47
首富话斋,政府喺应该俾年轻人有创富嘅机会,而唔喺向有能力嘅人开刀。香港最终喺要商人治港,唔可以共人治港错嘅政策喺唔会捱得耐嘅,我地要对香港有信心嘛!
唔知点解我睇你这段文,突然觉得是嗰啲挂红旗打黑旗嗰啲人既,可能近日睇多咗这些言论,多心咗!勿径
63. 亮剑 2013-12-09 16:36:16

非常幸运揾到份工月入三皮,现在目标想入五球自住货,五球对你们来说应不会是大想头可,

30 K就走去入件 5 M 首置,何只大想头?咁等同玩火先真,不过好彩你想去自杀,都无银行同你癫,除非你有父母支持首期,合理安排系入件 3 M 先!

亮剑的已有楼既朋友想五球换九球添,五球的目标好合理吖!系咪

我住嗰个区,细码货都要 5 M 起,我问过地代,呢几年入市嘅人,以换楼客同投资者为主,问唔中都有一两个上车客嘅,咁一系拒老豆老母科款俾首期,一系大陆或鬼佬客!

 

又假设每月楼价以单式1%上升计,即是每月升咗5皮嘢,我又费事有人话受政苦宠可以一成首期首置买楼,就用回储楼价5成吧!都要储250万首期,仲末计以每年复式上升一成二计-----

父母冇资助上件 5 M 已经要推出去打靶,更离晒普系五成首期,细个都有人教你睇餸食饭,政府都叫人唔好咁勇,如果上件 3 M 七成供 25 年,每月供 9 仟,在加上压力测试之后都唔使万叁,月供几成过唔过份?

 

有人可能马上就,!点会每年上升成几呀!但如果真系取消哂所有政府出的辣招,回复到97前的境况,可能成几已经是非常保守的升幅,请问大家以我的长进态度,可以何年何月才买到楼呢?

首期三成咁储一球又过唔过份呢?就算计埋楼价升几成,百叁好未?你要供楼每月要不要预半份粮先?咪七年罗!揾埋另一半夹份,四年咋!如果有人帮帮手几年就得啦!

 

64. 东 2013-12-09 16:42:31
To 59

真系睇唔过眼, 要出下声

你的例子, 月入三万的毕业生, 唔靠父母, 买500万, 仲要俾五成首期的人, 现实上会有呢种人吗?

如果果个人肯退一步, 远少少旧少少细少少, 买300万又点计呢?
三万, 一个月储2万, 两年有48万, 虽然勉强, 但借九成已经上到车啦

你要用咁极端例子, 不如叫佢买半山几亿豪宅, 然后话储十世都唔够算啦...
65. 法子 2013-12-09 20:37:38
亮剑、hong kong people、BC、东兄、浪兄,

我们真能向一条鱼解释在陆地上行走的感觉吗?

随它吧。有些物种生出来就叫人,有些物种生出来就叫象,有些物种生出来就叫虎。生态中,各有各的角色。

一切皆是道
半点不由人


66. 寄生虫 2013-12-09 21:46:31

 30 K就走去入件 5 M 首置,何只大想头?咁等同玩火先真,不过好彩你想去自杀,都无银行同你癫,除非你有父母支持首期,合理安排系入件 3 M 先!

都话咗系目标咯,点解又会比你解读成已储够首期可以马上向银行上会买楼既,唔好像用平时乱解读某人某官说咁喎!请你重新看我这篇文再回应吧!唔该!其他段回应咯,因你解读错哂嘛!

我住嗰个区,细码货都要 5 M 起,我问过地代,呢几年入市嘅人,以换楼客同投资者为主,问唔中都有一两个上车客嘅,咁一系拒老豆老母科款俾首期,一系大陆或鬼佬客!

 

父母冇资助上件 5 M 已经要推出去打靶,更离晒普系五成首期,细个都有人教你睇餸食饭,政府都叫人唔好咁勇,如果上件 3 M  七成供 25 年,每月供 9 仟,在加上压力测试之后都唔使万叁,月供几成过唔过份?


首期三成咁储一球又过唔过份呢?就算计埋楼价升几成,百叁好未?你要供楼每月要不要预半份粮先?咪七年罗!揾埋另一半夹份,四年咋!如果有人帮帮手几年就得啦!

 

67. Hongkong People 2013-12-09 22:44:48
对牛弹琴咁耐,我已经够皮啦!醒嘅小朋友收得倒就收啦!我无重覆又重覆,自己都觉烦!

不过睇倒各网友的回覆都几有趣味,亦有得著;大家努力啊!
68. 寄生虫 2013-12-10 09:53:56
乜你哋唔系好识教人买楼架咩!?我这条例子,对你们连日来理论理据而度身订造,又点解答不到之余还说是极端的例子呢!?