地产博客 > 文亮言 返回
浏览人次:24003    回应:16
文亮言

当勇武和理非割席,就可以锄价

 

汤文亮博士

纪惠集团行政总裁
2019年10月14日

  有钟意玩社运老友带了一份手信到公司,我知道他无事不登,况且我近日很忙,於是话:除了政治,有什么诉求?原来老友打算买楼,当然亦打算锄价但现在佢觉得那些物业代理锄佢多过锄业主,明明形势不佳,指数连续下跌7个星期,仲话指数未反映9月中美国减息。言下之意,即是楼价有机会调头回升。老实说,连阿茂都知,就算美国减息,最多令香港唔会加息,这又怎可以算是好消息?社运的负面因素连提都唔提。老实说,现在买楼唔锄价,就对唔住老祖宗,所以专程问我怎样锄价。

  锄价是博大精深学问,是物业投资的文艺复兴。要锄价,首先要了解对手,但今次我先要了解老友。原来玩社运可以玩到买楼,我以为只得锋哥一个,原来大有人在。咁样情况,楼市应该很难跌。因为除了玩社运人士可以买楼之外,老对手在这几个月开了很多OT,随时可以够交首期,因宜产生了不少购买力。而且中美贸易战缓和,楼市有机会回稳。打算买楼的人唔好锄得太狠,否则又会失去一个机会。

  言归正传,究竟如何了解对手?简单来说,如果是单一业主,就要睇对方是否等钱用。如果唔等,即是佢唔打算卖楼,俾到价都唔会卖,明知买唔到,不妨锄得深一些,玩下佢都好。如果对方等钱用,就应该俾个合理价,低市价少少都可以,当做白武士。如果是几个人合股,就要睇他们是否齐上齐落,抑或各自爬山。如果由开始各人夹钱买楼供楼都是数目分明,共同进退,代表他们兄弟同心,很难锄价,不过这些例子不多。

  在物业投资市场上,很多时都是几个人夹钱买楼。当中一定有一个牵头人,对楼市前景睇得非常好。借用社运的说法,他就是勇武者,其他入股人士就是和理非,很多时那些和理非对夹钱的事都爱理不理。他们会对勇武者话,既然一定赚钱,不如在赚钱之后扣回他们应该夹的钱,结果勇武者就要背了条大数。虽然话勇武者和理非核爆都唔会割席,但唔夹钱就一定会割席,认清形势,买家就可以锄价,有机会买到平嘢。

  林郑叫和理非和勇武者割席。我觉得佢真的是不清楚形势,她应该叫勇武者同和理非割席,而事实上和理非搵勇武者老衬,社运开始至今接近4个月,拉了接近2,400人,九成是勇武者。因为在前面冲锋陷阱的是勇武者,和理非只是在后面插科打诨。和理非不但危险性不高,而且仲企在道德高地,对人讲是他们不和勇武者割席,勇武者的确人如其名,好似吕布一样,有勇无谋。

 
 
我要回应
我的称呼
回应 / 意见
验证文字
 
回应 / 留言规则
  1. 禁止撰写粗言秽语、诽谤、渲染色情暴力或人身攻击的言论;
  2. 禁止以名称/昵称/绰号/同音字等批评或映射任何人士、机构、公司;
  3. 禁止发布有关招聘、推销、广告等内容;
  4. 禁止公开任何个人资料(如电话号码、电邮地址、即时通讯帐号等)。

敬请留言者自律。本网站保留删除/堵截任何留言的权利。

会员登入
登入ID 或 网名
密码
1. 真真薯片 2019-10-14 11:10:52
警察开左超过3个月OT, 人工双倍,楼价跌左两成,问亲朋戚友借少少,随时真系上到楼,如果之后社运结束楼价升返,真系一铺上岸
2. 暴徒不等於勇武者 2019-10-14 11:20:00
"勇武者"是褒义词, 暴徒们绝对配不起, 请汤博士转用"暴徒"或其他眨义词形容词, 谢谢!
3. O 2019-10-14 12:05:45
社运大佬就金腰带了, 可怜D热血后生仔做炮灰。
5. 鸟5 2019-10-14 12:52:56
过年后 失业率及标㗎噃 仲有过咗年 低价品从故 大规模哥窿喎 执平嘢不如等楼主盘 美孚去到一万都冇人买 我个人认为未上车先祈唔好上车上车先祈唔好上车 楼市瓜咗
6. Fisherman 2019-10-14 13:01:01
To 2F
到今时今日,九成九传媒人士都非常客气地称呼他(她)们是示威者,何必强人所难,
公道自在人心,不是铺天盖地的文宣改变得了。
7. MT 2019-10-14 13:20:30
开几个月OT就够钱俾首期,有无咁多钱呀,警员人工三万几,当佢连续三个月出双粮都系多十万啫,帮办人工六、七万,三个月多廿万都唔够俾首期㗎。
8. 引刀一快 2019-10-14 15:31:42
吕布唔系有勇无谋,曹操肯杀佢,就系忌咗佢嘅粗中有细,同曹操一样满肚密圈。曹操手下武将,个个忠心耿耿,于禁咁嘅人已经叫做最差㗎喇,又点容得下吕布呢。
杀丁原,系因为睇到新老板出手同潜力,杀董卓,系男性本能,吕布同荀攸、程昱果啲比,当然系唔及,同曹孙刘三个比,只系明显输俾曹操一个啫。

9. 暴徒不等於勇武者 2019-10-14 16:09:30
To 6/F
讲得有道理, 无谓难为汤博士, 多谢指点
10. 鸟5 2019-10-14 17:02:04
示威,暴徒。两者向法律其实好清楚。。系指行为。 根本就系暴徒。。乜9野和理非啫。。 你又睇下千5千到法官。。 只有律师千到啲当时人就得。。
11. 鸟5 2019-10-14 17:06:54
而家D人好得意,人多就觉得岩。。向法律上一万人 ,违例泊车就一万张告票唔会冇事。。 人多就合法我理解唔系法律。。。 啲人当咗律师系法官,律师话得就得啦。傻仔。。。 最后律师费你畀 监又系你坐㗎咋喎
12. 鸟5j 2019-10-14 17:10:04
香港开埠以嚟,印像中未有法官坐过监,律师就大把...
13. 引刀一快 2019-10-14 18:01:38
鸟5兄

的确,人多做唔代表法律,不过,人多做就唔系人错,系社会嘅错。
呢铺陆续有来,有人唔想佢停,而且似乎唔止一边。
14. 大乡里 2019-10-14 18:07:29
治国如烹小鲜,烹小鲜要有主调,乜调味都兼顾无取舍,只能煑出一团乱局.

越舍越得,年青学生暴徒,不要同情,舍之越狠,冶乱越快.


15. 识编剧 2019-10-14 21:19:20


在香港,最开心就是香港街头见到勇武者的蒙面黑衣人飞毛腿替身扮相表演,此是未来新电视台电影明星......香港导演真识编剧.



16. 鸟5 2019-10-14 21:52:50
15F, 香港电影入面好少侮辱警队,因为有Law... 其实唔系好多人留意... 呢样又觉得系好事
17. 鸟5 2019-10-14 21:57:37
而家参与暴力人数 系小咗 。。不过就极端咗 。。呢个系正常 自然现象, 以小打大通常都系不对称 战术 ,极端啲... 平常心啲会睇到... 等啦