2024.04.21 初心（非凡篇） 2023.03.03 初心（生命篇） 2023.01.01 初心（抗疫篇） 2022.07.03 初心（特首篇） 2020.11.09 初心（序） 五、四、三、二、一 … 新年快乐！！ HAPPY NEW YEAR！！
自
2021 年起，每年元旦嘅零时零分，我【
珍惜香港 】都会准时响呢个专栏度，率先为大家献上新年祝愿，今年亦唔例外。其实我有啲好奇，究竟有冇朋友或网友，真喺会响度等我出文？我谂就算有，都只会喺果
寥寥几位 ，再加上香港现正步入复常，恐怕大家都已经出哂去庆祝。不过对我嚟讲，深夜出文，宁静，反而更啱气氛。
今日呢篇文章嘅主题，原本叫《初心（抗疫篇）》，属《
初心 》系列第三篇，早几个月前就已经想写。不过惰性作祟，拖下拖下，再加上当时风头火势，有啲嘢，你点写人地都唔会明，到一切明朗化之后，嚟一个马后炮反而仲好。结果拖到年底，就索性同《新年祝愿》夹埋一齐写。所以你地见上面个
PULL-DOWN ，都仲喺保留住（抗疫篇）呢个主题。
死守嘅意义 今次新冠疫情，足足持续咗三年，我见部份亲友，响早期就已经有抗疫疲劳，对呢只病毒嘅心态，由初期嘅恐惧，逐渐变成渴求，即喺坊间流行讲嘅所谓「
早中早享受 」。不过亦难怪嘅，因为三年，真喺好长，但呢种心态，其实都几危险。香港经历过
SARS 之后，港人传承咗对病毒嘅恐惧，所以响新冠疫情爆发初期，大家都好自律，自动自觉带口罩同保持社交距离，我地头四波之所以过到关，呢个可以话喺关键因素。但如果由得呢种「早中早享受」嘅心态传承落去，唔知几多年后，再有全新病毒来袭嘅话，到时候，都真喺几大镬。
面对疫情，我同我屋企人，截至今时今日，都仲喺行紧「死守模式」，即喺谢绝一切非必要嘅面对面应酬，除工作须要外，唔会响屋企以外用餐。社会上好似我呢类人，应该所余无几。记得半年前，我同朋友讲，话我呢种仲喺坚持紧防疫嘅死守派，将会成为被歧视嘅少数。当时佢地唔知我讲乜，直到三个月前，社会舆论热血沸腾，纷纷向政府施压要求复常，成个社会气氛就开始改变。你周遭嘅亲友，已经如常外出用餐，如常聚会，如常去外国旅游，而你就仲锁住自己响个窝居度故步自封。人地约你出嚟食饭，你拒绝，再约，再拒绝，你拒绝多几次，人地嘅反应就会喺：使唔使呀？！
信不信由你，
我呢方面嘅预言 ，好少唔应验。其实我用「歧视」一词，唔喺最准确，且恐怕会得罪唔少朋友，但我又真喺谂唔到有更贴切嘅词语喎。因为呢种歧视，跟一般人嘅理解唔同，对方唔会觉得自己歧视你，甚至反而认为喺你歧视紧佢地添，你话大唔大镬？记得曾经同朋友讲开我坚持死守嘅原因，我话，只不过喺保护自身同屋企人啫，你估我得到乜嘢回应？佢话，咁你可能认为果啲冇死守嘅人，冇保护好自己同屋企人啦！真喺吹胀。所以我奉劝各位死守一族，千祈唔好谈及自己点解要死守，你讲乜都死。如果你话，因为屋企有个八十几岁嘅老人家，又或者半岁嘅小 B 之类，人地会点谂？呢个世界，又唔喺净得你有老人家同小 B，其他人都觉得冇问题，唔通你嘅就矜贵啲？所以自此以后，每当我拒绝人地嘅邀请果阵，都会解释话，自己仲想继续保持「新冠处男」嘅身份，所以唔方便外出。你咁讲，人地极其量只觉得你有怪癖，亦冇嘢可以再追问你。
其实，我坚持死守，仲有一个好重要嘅意义，就喺保住自己抗疫嘅初心，免得家人同下一代，沦入「
早中早享受 」嘅心态，所以死守本身，亦可以话喺一种修为。宏观事物，变幻从无间断，守得住初心嘅人，先至有能力以坚定嘅基础标准，睇穿当中嘅因果关系。可惜呢种人，往往都喺好孤独。周遭嘅人心陆续变质，佢见证著呢啲变化嘅因果关系，但无奈有啲嘢，喺注定咗要发生，惟一可以做嘅，就喺独善其身。
初心喺不变基石 可能你地会话，呢个世界，喺不断进步，人心都喺一样，所谓初心，只不过喺墨守成规嘅借口啫！咁我想反问大家，你地究竟用乜嘢标准，去衡量果啲所谓改变，喺进步，定喺退步？会促进发展，定喺带嚟灾难？我嘅答案好简单，呢个标准，咪就喺初心罗！正确嘅初心，喺承拓住一切改变嘅不变基石，坚守著初心之下嘅改变，先至会带嚟进步同持续发展。
正如我响《
特首篇 》里面指出，
保障受治者嘅生命同财产 ，就喺法治嘅初心，即喺法治嘅基础同底线。无论社会点样进步，法律制度如何演变，呢件基石，绝对唔可以动摇。所以五年前
潘晓颖被杀案 ，至今凶手依然逍遥法外，一定喺法治问题，唔喺政治问题。呢个基础原则，唔会因为发生过啲乜嘢反修例事件、乜嘢黑暴事件而有所改变，分别只不过喺变咗质嘅人心啫。正如台湾
韩国瑜 ，选佢做市长又喺你，公投炒佢鱿又喺你；再回带睇返当年英国公投通过脱欧，
瞓完一觉就话后悔 ；今日你 BUY
卓慧思减税 ，举佢上台，到佢嚟真要减税果阵，
你就拉返佢落嚟 ，可谓成也减税，败也减税。其实响我眼中，韩国瑜、脱欧、卓慧思，基础本质上冇乜点变过，变嘅，都喺果同一堆人嘅心。不过，你地呢班花生友，
唔好净喺识得笑人地 ，你地自己咪又喺咁。
就睇 CY，
施政后期搞到左中右不讨好 ，结果黯然离任，但下台后响
FACEBOOK 度出下 POST，摇身一变，就成为咗蓝营嘅宠儿。佢狠批果啲乜协、乜果日报、乜港电台之类，雷厉风行。不过大家似乎已经唔记得咗，2014 年占中事件，正正就喺响佢任期内发生，当时班乜协乜报乜电台，点样洗脑啲年轻学生，已经喺众所周知，而佢响占中事件后嘅余下任期内，对呢班团体同机构，都喺无能为力。由 2014 年占中发展至 2019 年黑暴事件，毒害咗整整一个中学年代嘅年轻人，CY 自己都喺责无旁贷。大家唔好误会，特首都有佢苦衷同难处，我唔怪佢。不过，佢对自己下一届政府嘅言论，就似乎唔太体谅啦。
所以我对前两任特首嘅睇法，喺唔会就个别事件或政策而改变，因为我嘅著眼点，
喺佢地最致命嘅要害 ，而呢啲要害，喺直接由佢地作为特首嘅初心衍生出嚟，上至施政，下至一言一行，表露无遗。正如林郑后期嘅公开言论，
可以咁冇 HEART ，当然唔喺因为佢就嚟卸任，至於点解，就留返俾各位自己思考。
中国抗疫嘅初心 真喺唔好意思，越扯越远添。讲返抗疫，原来身为「
死守一族 」，的确可以体会到好多嘢。唔单止微观嘅人心，同社会气氛嘅变化，甚至连宏观嘅国际关系，都可以感应得到。上年年初，一众海外媒体，
包括纽约时报、经济学人等 ，纷纷发文狠批中国嘅「
动态清零 」防疫政策，讲成喺冷酷自私、自我封锁、拖垮世界经济等。外人用咁嘅眼光睇我地嘅国家，跟上文提到我地死守派面对嘅果种「
歧视 」，喺唔喺好类似？佢地咪一样喺果种反应：
使唔使呀 ？！所以话，就算我内地朋友唔够你多，睇嘅内地资讯唔够你广，我都比你了解中国点解要行「
动态清零 」，唔喺因为乜嘢红粉、乜嘢盲撑，而喺简单呢四个字，「感同身受」罗！
呢个世界，喺充满假象，同无数谬误。记得响《
缘结．天玑 》一文里面，我话过，
要用心体会，从最基础方面去了解 。用心体会，即喺就算你同对方嘅性格好唔同，甚至完全相反，都要有能力做到感同身受。而所谓最基础方面嘅意思，就喺对方响果件事物里面，最基层不变嘅理念，亦即喺对方嘅初心。中国抗疫嘅初心，其实好简单，正如习主席响佢《
新年贺词 》里面话，要最大限度保护人民生命安全同身体健康。呢个绝对喺惟一，别无其他，但唔知点解，好多人总喺要将咁简单同顺理成章嘅事情复杂化，喺都要加啲阴谋论，例如话乘机闭关锁国，永久同世界脱勾等。再唔喺，就捞埋哂坊间盛传中共内部果啲乜叉官场八卦嘢入去。就好似二十大里面，
胡前主席被带走事件 ，啲花生友都唔知睇得几开心，个个当哂自己喺福尔摩斯。我话呢啲花边嘢，影响唔到宏观大局，完全冇兴趣。跟住就即刻俾人寸我唔了解中国，盲撑习主席喎！真喺无言。其实胡前主席有出席二十大，仲坐响习主席旁边，已经代表咗好多嘢，唔使再谂多。你地究竟想就呢件事，证明啲乜？
不如我打个比喻，你喺一名投资者，你会凭乜嘢，去考虑买一间上市公司嘅股票？你买咗一只股票，我问你，点解对呢间公司咁有信心？你话睇过哂佢嘅往绩同未来大计，前景应该几好。跟住我再问，你有冇派探子，查过呢间公司内部果啲办公室政治？有冇搵人访问过果度啲员工，钟唔钟意佢地嘅管理层？你知唔知道有人话，现任个 CEO，同前任 CEO，关系唔太好？跟住你话，现任 CEO 做咗十年啦，前任十年前已经退咗休，呢啲嘢，知嚟做乜？吓？你连啲咁紧要嘅嘢都唔关心，就走去买人地嘅股票，乜原来你投资，咁盲目架？！
我同佢地讲，中国喺唔会闭关锁国，阿爷亦好清楚，躺平只喺时间问题，而我亦特别指出，清零，先至喺最难，躺平，㩒个掣就得。当时佢地唔知我讲乜，直到最近，内地「
新十条 」出台，跟著国家以排山倒海之势，极速躺平，全球哗然，可谓叹为观止。呢次世界各地，惊到想死，
齐齐收紧对中港嘅入境限制 ，咦？佢地唔喺个个早就躺哂平咩？惊乜？你地班花生友，俾人呃咗啦！阿爷话，最后，我话事！如果到今时今日，你地都仲未摸清，阿爷究竟搞乜，
咁就算你有好多内地朋友，睇足哂所有内地资讯 ，你对内地政策嘅了解，都仲喺好贫乏。其实，坚持三年「
动态清零 」，就喺为咗今日呢一战做准备，目的喺造就一系列成熟嘅地利同人和，储足条件以最短时间，同最少影响，极速与病毒共存。天时一到，所谓，万事俱备，只欠东风。咁究竟东风，即喺个天时，喺乜嘢？春运罗！
过气大师之阿茂整饼 讲返香港，旧年二月份，第五波疫情大爆发，
医疗系统崩溃 。记得当时我同朋友吹水，话其实香港嘅医疗质素，
都仲喺响世界前列 ，即刻俾人寸爆，不过我都懒得去解释，有阵时，
风头火势 ，你讲乜人地都听唔入耳。事实上，
第五波喺政府低估咗变种病毒嘅传播力 ，以致后知后觉，响冇足够准备下，确诊人数成支火箭咁急升，乜嘢医疗系统，都注定要崩溃。但世人总喺钟意将啲似样但又唔同嘅事物混为一谈，尤其喺啲政客，将医护界嘅人手不足，
讲到完全喺医生嘅保护主义问题 。其实所谓人手不足，
主要喺指公营医疗系统 ，公立医院来者不拒，不论贫富，都喺收你一百几十，你肯等就得。平嘢，又点会有人珍惜，用得唔好嘥嘛！医生工作量大，压力大，又得唔到市民嘅尊重，储足资历自然就转职去私营机构。呢个喺恶性循环，所以公营医疗人手不足，喺注定嘅，永远冇办法解决。
早前卢局长透露，政府正研究立法要求合资格医护人员，
响公营医疗机构服务一定年期 。久违嘅「
过气大师 」响 FACEBOOK 专页出文，
取笑卢局长阿茂整饼 ，留唔住反而推走人才。过气大师果然人如其名，落得连最基本嘅因果关系都搞唔清。不过我亦好想知道，公营医疗响坚持低收费又来者不拒嘅服务条件下，大师究竟有乜嘢妙计，可以解决长期人手短缺嘅问题，冇嘅话，就唔该出少句声。其实，卢局长呢铺虽然算唔上喺上策，但都只喺冇办法中嘅办法，够胆做啲咁唔讨好嘅决定，我反而几欣赏。讲到阿茂整饼，我记得大师在位果阵，
曾经话向全港打工仔嘅强积金户口，注资六千蚊喎 ！结果当然喺被围攻，嗱嗱嗱，呢只先至喺真正嘅阿茂整饼！
如果你问我，点睇【
卢宠茂 】局长，我会话，自阿超上任以嚟，我期待佢「
超人嘅能力 」，至今仲未见到，不过我认为，到目前为止，佢最大嘅功绩，就喺委任咗卢宠茂呢位医务卫生局局长，因为卢局长喺我见港府现届官员里面，最亮丽嘅一位。我之所以能够俾到佢咁高嘅评价，喺基於我对佢嘅充分了解，完全睇通哂佢嘅基础理念。你地可能会问，我凭乜嘢咁了解佢？好简单，因为呢个人，永远将自己一切真实谂法，写哂响块睑度，你睇佢讲嘢，喺好舒服，冇需要阴谋论，亦唔使谂多，佢同
城府深嘅阿超 ，完全喺两类人。所以阿超真喺要保住呢只头马，唔好啲好嘢就第一个弹出嚟宣布，衰嘢就留返俾下属顶。
话说卢局长，曾被封为「
医卫局战狼 」，无他嘅，佢认为啱嘅，就要一步做到底，绝不怠慢，唔啱嘅话，就直斥其非，一分面都唔会俾。既然要做自己认为正确嘅事情，
当然唔会为咗讨好边个就退缩 ，响佢眼中，
官僚 ，完全唔会喺阻力，而香港政府，就正正需要呢一种人。
就好似废免针纸败诉事件 ，NO PROBLEM，
叫老细修例罗 ！
你闹佢输打赢要咩 ？佢真喺话知你，做到嘢就得啦！最近，
有四个月大 B 女接受换心手术 ，由内地死亡幼儿摘取心脏，到运抵香港儿童医院手术室，都只喺用咗唔够三个钟，当中究竟要通过几多关卡同阻力？只要有一丝官僚，个 B 就喺咁先。不过，
有唔知乜医学友 ，批评话呢个喺唔好先例喎，佢直头懒得同你拗，
你某医生代表乜水 ？讲真，如果今届医卫局局长，唔喺卢宠茂，唔知个 B 女嘅命运，将会喺点？
卢局长嘅抗疫初心 你可能会问，我凭乜嘢知道，呢单嘢一定喺局长嘅功劳？原来早响
2019 年 ，卢宠茂已经积极推动紧呢样嘢，不过，当时港大医学院院长梁某，
就送咗只猪心肝俾传媒 ，话希望日后人类可以利用科技，去创造器官治疗疾病喎！我唔可以武断，梁某究竟有乜居心，但未来科技，讲就好听，圈下粉就得。未来归未来，今日归今日，你今日要救人，等到你果啲未来科技 READY，恐怕 B 女已经卖咗蛋。
讲到圈粉，原来另一位梁某，都有几多粉丝。话说三个月前，
即喺我上面话 ，社会舆论热血沸腾要求复常果阵，呢位医管局前行政总裁，
响 FACEBOOK 公开发文 ，引用第五波第二期嘅数据，达至新冠死亡率同流感相若嘅结论，仲配以《复常之路》为题。其实佢呢个 POST，我第一眼望落去，就已经觉得好唔妥。佢引用果个时期，喺响保守嘅防疫政策环境之下嘅数据，一旦复常，到时个死亡率，仲会喺一样咩？仲有，梁某话哂都喺一个有影响力嘅公众人物，如果市民真喺如佢所讲，当正新冠喺流感，佢地真喺会连疫苗都唔再打，因为有好多市民，从来都唔去打流感针。咁就算你响自己个 POST 下面，加返个括弧备注，呼吁一下啲人打针，有 Q 用？
所以唔难理解，点解卢局长咁光火，
隔日就出咗篇长文去反驳 ，只梁某自己唔反省，
仲好寸人地拖复常后腿 。不过好奇怪，我有唔少朋友撑梁某，话佢专业，反而卢局长篇长文，有理有据，从多角度分析，点解大家绝对唔可以视新冠为流感，但就俾佢地讲成喺垃圾，又话人地玩文革式批斗之类。我知道社会上有啲人，将卢局长标签成红粉，话佢乜叉都唔做，坐响度等阿爷指示。我为局长讲几句公道说话啫，就俾人话我红粉爱红粉，
又一个吹胀 。我埋解，大家都好渴望复常，但喺有啲嘢，唔可以太过份。
依我所见，卢局长绝对唔喺红粉，佢由始至终，都坚守著同一个理念，呢个喺佢自己嘅理念，亦即喺佢抗疫嘅初心。只要大家心水够清，就会留意到，佢几乎每次，都话要睇住个医疗系统做嘢，
最近果次都一样 ，唔单止为
体恤前线医护人员嘅努力同付出 ，仲有，如果香港嘅医疗系统崩溃，除新冠病人外，其他市民嘅生命同健康，都会受到威胁。所以，医疗系统嘅压力，先至喺本地最贴地同重要嘅参数，就算有乜嘢科学期刊，乜嘢专家，乜嘢研究或统计数据，话新冠死亡率已经降至零，但香港嘅医疗系统，都仲喺因为新冠疫情爆发而崩溃，咁呢个所谓「零」，又有乜嘢意义？
最近，有内地专家话，可以将 Omicron，当成感冒一样平常心看待，就连钟南山都话，新冠肺炎，应该改名为「
新冠感冒 」喎！
但局长仍然坚持 ，新冠非流感嘅睇法，由此可见，佢绝对唔喺一件红粉。咁唔通局长抗疫嘅初心，本来就喺错嘅？
定喺已经不合时宜 ？非也！我想再反问一下大家，香港公营医疗系统，
低收费、来者不拒 ，呢个服务条件，改唔改得先？
年轻护理嘅故事 我认识一位年轻人，佢中学毕业后加入咗
青航计划 ，响一间安老院舍任职护理员。可能因为佢喺院舍惟一嘅男护理，除咗照顾工作之外，有院友患病，佢都会被拣中去陪诊，即喺负责带病人出入医院，同陪伴诊症。如果须要入院，佢会等到院友屋企人嚟到，或者成功入住病房为止。所以佢可以话喺医院急症室嘅常客，一等就几个钟到近十个钟不等，院舍只会俾佢补钟，唔会有加班费。随著港府於十二月逐渐
放宽防疫措施 ，香港嘅
单日新冠确诊数字与日俱增 ，安老院舍陆续出现
疫情大爆发 。佢果间院舍，当然亦唔例外，最先两位员工确诊，跟著就开始有老人家阳咗。
正当外面步入复常，大家普天同庆，难得相聚饮酒作乐，三五知己睇世界杯，
庆祝阿根廷夺冠果阵 ，换嚟嘅，原来就喺佢地嘅战时状态。院舍员工、院友陆续确诊，一个又一个员工告病假隔离，人手严重短缺，而佢几乎隔日就要带确诊者入院，全副保护衣长时间待响急症室嘅新冠确诊区。某星期二早上，又一位院友阳咗，但呢位老人家冇屋企人过嚟，结果佢响确诊区度由朝早十点陪到第日凌晨两点，午餐晚餐都冇食，返到屋企瞓唔够两粒钟又要起身返工。跟住个星期五，佢终於确诊，无他嘅，确诊区喎！保护衣又唔喺太空衣，除非你唔呼吸。
虽然喺意料中事，但佢就错过咗星期六嘅考试，屋企又有位八十几岁嘅祖母。当日香港嘅确诊数字，
突破两万宗 ，可能因为人手紧绌，迟迟未有接送到隔离中心嘅安排，结果家居隔离，响自己睡房渡过咗一个孤寂嘅圣诞节。佢好快康复，第五日就完成咗隔离，终於可以复常啦！不过，佢嘅所谓复常，只不过喺返番入去个战场度啫，同坊间所理解嘅复常，当然喺天渊之别。错过咗嘅试，可以补考返，但佢个八十几岁嘅祖母，就确诊咗。
所以唔难理解，点解呢个行业流失量咁大，尤其喺依家啲年轻人，宠惯咗嘅新一代，点会拣呢一行。佢有好多同学、同事，都捱唔住离咗职。作为医护界最基层，薪酬低、待遇薄，但就承担著非常嘅责任，而社会又点样看待佢地？有冇尊重过佢地嘅付出？好多人将自己嘅父母送入老人院，以为俾钱就尽咗做仔女嘅责任，平日不闻不问，出咗事就大声投诉。最近，见卢局长不时挂响口边，
话香港嘅医疗系统，正在承受著沉重压力 ，呼吁市民庆祝之余不忘防疫，你地会唔会觉得佢扫兴？会唔会质疑佢喺咪又想收紧政策？
公立医院急症室爆满 ，医管局呼吁非紧急病人，考虑到普通科门诊或私家诊所就诊，唔知道又有几多人肯合作？
响整整三年嘅抗疫过程中，医护界角色举足轻重，卢局长有句说话，令我印象深刻。佢话，
只有医疗复常，先至喺真正嘅复常 。我想请问各位，当你地为阿根廷队举柸，
庆祝人地夺冠果阵 ，有冇顺便为香港嘅医护人员，举多柸？有嘅话，请留个言，我为你再干一柸。
心之歌 响呢个元旦日凌晨，夜阑人静嘅此时此刻，我想同大家分享一首《
瑟鲁之歌 》（
テルーの呗 ）。呢首喺 2006 年
宫崎骏 长子
宫崎吾朗 执导嘅动画电影《
地海传说 》嘅插曲，歌词话说曾被质疑跟诗人
萩原朔太郎 一首题为《
心 》（
こころ ）嘅诗作非常相似，而歌中亦对「心」作出咗多次提问，可以话喺一首《心之歌》。《瑟鲁之歌》主要分三节，总结为无法休息嘅老鹰、无人抚摸嘅花朵、及无话可说嘅同行。
随著中港两地走向复常，我相信 2023 年，一切将会好起嚟，不过我都喺跟大家分享咗呢首带孤寂同悲伤嘅歌曲。我想讲嘅喺，响好多人见唔到嘅复常背后，有一班医护人员，佢地无法休息、无人关心、亦无话可说，而我地嘅普天同庆，就喺用佢地嘅痛苦换返嚟。冇佢地嘅牺牲，我地无法复常，虽然我地未必睇得见佢地，但绝对唔可以反咬佢地喺复常嘅绊脚石。
记得响《
缘结．天玑 》一文里面，我话有时会反问自己，
写咁多嘢，究竟为乜 ？就好似《
初心 》序章尾段咁讲，
呢条问题嘅答案，就喺我出文嘅初心 。写文的确喺一个几孤独嘅过程，《初心》系列已经写到第三篇，究竟有几多人，明白我个中心意？世界嘅巨变、社会嘅巨变，令到好多人嘅「心」变咗质。无论任何国家、任何地区，一旦大部份人嘅「心」变黑咗嘅话，仲有乜嘢前途可言？《瑟鲁之歌》词中反覆提问，将心比喻成乜嘢好呢？呢个亦喺我想俾大家反思嘅问题，你地会将自己嘅心，比喻成乜嘢？不如简单啲，各位可以做个小测试，就五年前
潘晓颖被杀一事 ，如果今日潘妈又走出嚟为个女再讨公道嘅话，请问你地发自内心嘅第一个反应，会喺乜嘢？
最后我祝各位，身体健康，心想事成，平安快乐。亦祝愿广大祖国同胞，尤其喺我地香港人，充满期昐地走向复常，为此兴高采烈之时，勿忘初心！
《
瑟鲁之歌 .....（点击播放 ） 》》》
在近黄昏的云层上 夕暗迫る云の上 
App下载
