【珍惜香港】呢篇留言，其實喺較早前我响
湯博士果邊留言嘅詳版。今次重複，喺因為同大家嘅分歧太大，所以真喺要強調一下。關於
長和系重組，本來冇諗過要寫啲乜嘢，而我亦覺得個 PICTURE 已經好清晰，冇乜嘢好寫。但呢度嘅反應，同坊間嘅一樣，都喺咁負面，實在令我感到太驚訝。就好似
梁隼話，長和系呢個動作，實際上，喺一個巨型嘅
散貨行為；連
湯博士都話，今次分拆
長地上市，即喺對大家講，
香港地產唔喺長和系嘅優質資產喎！
唔通一個
黃虫之患，真喺搞到大家 SHORT 咗？今次長和系重組，我完全唔覺得有乜嘢負面。尤其喺响樓市方面，首富根本冇睇淡後市，只喺認為地產呢盤生意嘅模式，
應該由進取，轉營為保本，喺對香港
樓市體質有信心嘅表現。人地都冇話要退，
就算喺退，都只喺退休果個退啫！我話過，首富講嘢，一定要睇 Original，睇足本。因為啲傳媒同學者，次次都將重點放响啲雞毛蒜皮度，關鍵嘢就 SKIP 哂。如果仲未睇過足本嘅，就唔好咁懶，CLICK 下面睇清楚先啦：
長和系重組記者會答問足本記者會裡面，有人問首富，點睇今年香港嘅樓市，佢話會
好安定，因為美國今年應該加唔到息，就算加都只會加好少。但呢個唔喺最重要，重點喺，
香港，今時唔同往日啦！以前，地價貴過建築費；今日，好多新界地方，
建築費仲貴過地價。佢冇再進一步解釋，但喺呢樣嘢，佢近年講過好多次，而今次講地產，對起樓之類嘅連提都唔想提，反而多次強調集團嘅
龐大租金收益。即喺話，
以發展商模式經營地產業務，已經過時，應該轉營至一個長線持有資產，以穩定租金回報為利潤嘅
保本經營模式。
營商之道，薄利嘅話，就要多銷。今時今日，做發展商，成本又高，毛利薄，量少，回報期又長，搞咁多嘢，都喺一次性賣咗去賺你果少少；倒不如
人地起，自己買，你起樓賺果啲，我俾埋你又點？長線收租賺番突啦！所以將來嘅
長地，會不斷購入優質資產，
多買少賣，以長線收租為主。呢種退休式嘅保本業務，同進取型企業管理模式截然不同，甚至喺相反，所以一定要分拆出嚟，先至唔會影響非地產業務嘅發展。
企業萌芽期間，以保本業務支持，無可厚非，但到企業發展成熟之後，呢種支持就會變成寵溺，令企業走下坡。將轉營至保本模式嘅地產業務，脫離成熟發展嘅非地產業務，本身就喺一個
順理成章嘅商業決定。而遷册，亦只不過喺基於技術考慮，一個
與時並進嘅普遍做法啫。將呢啲嘢，渲染成乜嘢對香港冇信心、睇淡樓市、撤資之類，根本就喺廢 UP。
我反而認為，
首富將地產業務分拆，轉營至保本經營模式，喺對香港有信心嘅表現。確認本地物業為優質資產，先至會長期持有，唔會因為現價嘅升跌，隨便變賣。因為
優質資產，喺睇價值，唔喺睇價錢；而物業嘅價值，就喺基於佢衍生
穩定、長期現金流嘅能力。
如果要搵一個比較中肯嘅撮要報導，可以睇
經濟日報呢段片。
其實人地年紀都唔細，整合企業，
為退休、為後人舖路，有乜咁出奇，何必諗得咁複雜？營商都要
與時並進，而香港嘅政治體制都喺一樣；到記者會最後，當然唔少得專誠留一段時間，同大家強調一下，一人一票選特首，喺佢同全港七百多萬人嘅意願，
千祈唔好原地踏步啦！
App下載
