地產博客 > 敢說亮話 返回
瀏覽人次:11043    回應:9
敢說亮話

茶餐廳亂話(1051)狀元

 

湯文亮博士

紀惠集團行政總裁
2021年7月21日

  今早去到茶餐廳,有客人請食早餐,因為他的兒子在DSE考得非常好成績,但沒有表示是否是狀元,這個唔重要,總之開心就可以。

  客人話佢個仔一直在第二梯隊的學校讀書,雖然成績很好,但自覺相比名校仍然差了一截,但在兩年前社運後,名校的流失率很高,佢個仔被獵入名校,當時已經劏雞還神,想唔到DSE考到咁好成績,其實,名校之所以成為名校,就是要在中學最後兩三年補充優質學生,而名校的本校生,大多數家境不俗,當家長發覺自己個仔跟唔上,就會將他們轉去外國讀書,名校亦歡迎,因為騰出的學位可以給第二梯隊學校的優質學生,這個程序不但汰弱留強,而且仲可以吸納更多實力強勁的學生,所以,在第二,甚至在第三梯隊就讀的學生,應隨時有準備成為名校生,機會是留給有準備的人。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 自醉 2021-07-21 11:47:37
值得高興,這是海上無魚蝦自大的道理,只是蝦永遠都變不了魚....  一隻蟹不如另一隻蟹呢!
2. 引刀一快 2021-07-21 13:22:10
去呢啲名校,不如去大灣區啲名校,保證閣下麟兒經歷高手環伺嘅身心歷練。
3. 向飯民说不 2021-07-21 13:33:43
物競天擇,恐龙最大又点,醉咗就醉咗,有D仲醉死咗。
4. 自醉 2021-07-21 14:16:17
引刀兄

不如考慮去山區名校就讀,唔知有資格入,仲隨時攞第一名,精神勝利法最高境界呢! 哈哈哈!
5. 望東樓 2021-07-21 14:57:43
呢個係好有名嘅「倖存者偏誤/謬誤」理論嘅例證。

身邊所見小朋友用自己學業實力拼入去嘅結局大致都唔錯,但靠外力入嘅一般下場都麻麻。最可憐果位係家境一般而以運動成績入某富貴名校,結果高不成低不就,最後去咗間美國二流。。。。

況且而家香港中學生越來越少,大學學位就越來越多。各大學神科為保名聲盡量收IB/GCE學生,乜大家無見到香港佔全球IB學生一個巴仙但就笠咗十個巴仙嘅所謂狀元再加探花。。。無數。
6. 一個巴仙 2021-07-21 15:25:50
記憶中 non-JUPAS 有 quota 的, 如果唔係人人移民再返黎倒貼大學, 真係唔知咩世界。
7. 元 2021-07-21 18:48:39
狀元…定撞完?

懂感恩父母,感恩祖先,感恩社會…

做人有基本人格…熱愛民族…

呢d“文化本能”都要教。

8. 望東樓 2021-07-21 22:42:57
"學友社學生輔導顧問吳寶城解釋,教資會每年會提供1.5萬個首年學士學位課程學額,但按過往統計實際上只有約1.2萬至1.25萬個經由聯招取錄"

9. 由聯招取錄 2021-07-22 10:21:19
廿年前十幾萬中五生得三萬可以上預科, 有萬五可以入大學, 大學多了 N 間, undergrad 還是萬五(??)