地產博客 > 敢說亮話 返回
瀏覽人次:18098    回應:1
敢說亮話

茶餐廳亂話(953)王瑞杰不是不接任,是劈炮

 

湯文亮博士

紀惠集團行政總裁
2021年4月10日

  有很多人講其他人的事就眉飛色舞,多多意見,輪到佢就叫人唔好講,其實,要別人唔好講自己,首先自己唔好講別人是非。

  今早去到茶餐廳,見到老闆成日望住個門口,好似等人,原來老闆真係等一個星加坡客人,問下佢點解李顯龍接任人突然拒絕接任,星架坡官方報道,王瑞杰自己話太老,已經60歲,唔做得幾多年,這些報道,你信就係,唔信就唔係,特朗普同拜登一定唔信。

  有客人叫老闆唔使等,明知有人問王瑞杰單嘢,星架坡客人一定唔會嚟,明早或者有機會,我認為問都冇用,九成九九星架坡人都唔知,就算知都唔會講,講香港就唔同,立刻眉飛色舞,老闆話又係,不過,王瑞杰又點解唔接任,我估計都是與疫情有關,星架坡沒有天然資源,好似一間兼做旅遊的零售舖頭,這兩瓣在疫情中受到重創,在疫情開始時,已經與美國互換600億美元票據,即是叫美國幫佢印銀紙,之後仲印了幾多,大家就唔知道,如果疫情仲要持續一段時間,星架坡經濟會進一步下降,做國家元首就會很辛苦,王瑞杰並不是不接任,而是劈炮。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 乜春 2021-04-10 15:29:29
新加坡並唔係無天然資源,佢唯一並且係最重要天然資源就係地理位置優勢。新加坡位處馬六甲海峽咽喉,幾乎係世上所有由西向東或由東向西商船必經之地;一定要去新加坡補給同畀佢賺港口服務費。

不過自從中國提出要喺泰國地峽開鑿一條運河,如果成事,將來大部分商船都唔使繞道新加坡,對佢黎講係好大威脅!哈哈