今早去到茶餐廳，大家都講昨日中美會談前火併，毫無疑問，美國布林肯與沙利文絕對沒有想到中國王毅與楊潔箎有此反應，一時之間都唔知怎樣回應，會場的事，大家睇視頻已經唔知睇過幾多次，但有一個現象，就是在中美會談之後，全世界好似失了聲，股市反應又不是太差，道指跌兩百幾點，恒指夜期反升一百。
在中美會談之前，英國加拿大澳洲分別在議會提案譴責中國在新疆對維吾維族人施行種族滅絕，大家玩到唔知幾開心，打別人個仔一定開心，由於中國一直忍讓，美國以為中國不敢反抗，既然一班馬仔都可以玩，美國更加玩大d，故此出現布林肯在開會前先講會議是關於新疆，台灣，香港的問題，但被楊潔箎一輪反擊，已經是失失慌，三場會議過去，所有美國的馬仔，什麼五眼聯盟，日韓印等，全部都沒有幫手譴責中國，甚至選擇不出聲，估計在今次會議之後，再沒有國家夠膽在國會提案譴責中國，美國以為今次攞威變成失威，並且失去馬仔對他的信心，廣東人叫偷雞唔到蝕渣米。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
唔敢出聲是驚站錯邊呀
App下載
