地產博客 > 敢說亮話 返回
瀏覽人次:16585    回應:16
敢說亮話
茶餐廳亂話(637)公務員唔好丟政府架
 
湯文亮博士
紀惠集團行政總裁
2020年2月14日

  今早去到茶餐廳。聽到有一客人話政府冇鬼用,現在新冠肺炎肆虐期間,未能為公務員提供足夠口罩,搞到公務員人心惶惶。老闆很奇怪,點解政府要為公務員提供口罩,公務員唔識得自己去買。現在當然是貴了很多,但如果由公務員自己買,除了可以即買即用,不用經政府有關部門分發,仲慳了不少行政費,公務員份糧應該包埋口罩費,什麼事都要政府做,就唔好自稱是全世界最優秀的公務員隊伍。老闆話茶餐廳也沒有供應口罩畀伙記,而事實上有一些派口罩的公司,例如東瀛遊,莎莎等,他們的員工也要自己買口罩,點解香港公務員唔可以自己買口罩。那位客人沒有回答,匆匆埋單走人。客人走了之後,水吧安哥對老闆話那位客人是公務員,老闆不屑地說,真丟架。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 那位客人 2020-02-14 10:32:54
冇人工加就是影響事氣,要減,要人大織法。
2. 真丟架 2020-02-14 10:39:59
我自己帶了半盒口罩放在辦公室寫字台上面,給有需要的同事自取,雖然車水杯薪,但係起碼都係一份心意。做人做事,凡事留有餘地。希望疫情快啲消失,共勉之。
3. 正氣 2020-02-14 11:44:11
香港人似縱坏的的小孩,整日吵闹,今次抗疫,国内坦然面对,齊心抗疫,互相帮助,相比之下,香港人自私的性格表露冇遗
4. 越淮而枳 2020-02-14 12:45:14
回歸後公務員已經唔係全世界最優秀嘅啦,佢地太過穩定、冗員太多、人工太高,簡直係人民公敵。今時今日好多公務員都唔敢話俾人知自己係公務員,升職睇表現(即馬房?),做嘢睇市民面色,既然人工包埋呢D,自我形象又低落,咁做到聖人嘅梗係冇幾多個。
5. 上下樑 2020-02-14 12:49:40
睇下D司局長,我都會調整對公務員團隊嘅期望。
6. 黃昏 2020-02-14 13:36:05
公墓園從來不優秀,只是呃人工的垃圾隊伍
7. Z 2020-02-14 13:36:19
大把set下電線,關下燈掣都幾萬一個月喇,呢D咁既山頭,自已友會爆比外人知嗎?
8. 真真薯片 2020-02-14 14:24:04
係深圳,企業想開工,先要有官員上門睇係防疫設施做得足唔足,有冇消毒液,仲要數你夠唔夠口罩派比員工,夠先準開工
9. 自已友會爆比外人知嗎? 2020-02-14 14:32:09
禾一直有個疑問, 為何公院使用率可以計出 120%?
10. 死氣沉沉 2020-02-14 16:14:34
「公墓園」應該改名為「私募員」
11. 路人B 2020-02-14 16:59:31
公院一間內科病房只可容50人, 走廊擺多幾張床, 窗口位都擺埋幾張, 夾夾埋埋變成60張床, 使用率就計出 120%囉 ! 
12. 使用率就計出 120%囉 ! 2020-02-14 18:16:33
係至好講
13. 湯瑪斯 2020-02-14 21:34:20
其實香港係一個好多元的地方。有奸商坐地起價發港難財,有藝人市民商人捐口罩派給弱勢社群。所以,你從這個角度看是香港人自私自利貪得無厭,你從另一角度看是香港人慷慨有善心樂意助人。不過有一個觀點是絕大部份香港人看法一致的:就是林鄭無能、無心、無腦!(如此無能之人,卻收取納稅人每月近三十七萬元薪酬!!!)
14. 路人B 2020-02-15 11:46:34
12樓一定係含家富貴 , 沒有入過公院留醫或探病 !
15. 沒有入過 2020-02-15 12:41:18
就係有才有疑問
16. 元朗真香港人 2020-02-15 15:29:55
13樓,林鄭可以生仔,但生唔出口罩。

香港八百萬人。要解决

!!!每天一千萬口罩需求。

現在,外面是買不到的。所以是商家,廠家的責任。

工聯會下星期開工,兄台不如報名做夜班。每個月可以多三百萬個,够香港用两三個小時。