地產博客 > 文亮語 返回
瀏覽人次:16722    回應:10
文亮語
一個人食飯的原因
 
湯文亮博士
紀惠集團行政總裁
2020年10月27日

  昨晚一個人食川菜時畀老友見到,佢問我點解一個人食晚飯,子女老婆都唔陪我,我話正好相反,我不要他們陪我,如果經常都是一家人食飯,傾計,家庭成員是不會進步,因為大家講來講去都是三幅被,久而久之,連思考能力都會下降,老友話我打橫嚟講,中國人社會,家庭聚會是很重要。

  我冇話唔重要,不過太多就會妨礙各家庭成員的發展,大家只是重複重覆某個話題,每一次答案也是差不多,後輩亦不敢質疑長輩,試問又如何會進步,甚至喪失了對事件的分析能力,所以,久唔久大家見下面,一起食飯就最好。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 久唔久大家見下面 2020-10-27 11:21:33
所以上個禮拜有位兄台話要同老人家住, 禾就話除左幫啲後生洗床單之外, 確實冇咩好做。
2. 洗床單 2020-10-27 13:21:04
1/F,不孝父母,畜牲不如。
3. 不孝父母 2020-10-27 17:08:19
奇哉怪也, 禾係洗床單果個, 何解你咁唔融洽咁唔為啲後生着想架, 得閒笑吓放鬆下啦。
4. 引刀一快 2020-10-28 03:25:18
一個人食飯,係一種享受,點菜純自我,邊食邊尋思,碟上每一件食物按自己心思順序入口,感受每一啖味道口感唔使陪人傾偈。
每個禮拜起碼一兩次,起碼。
5. 引刀一快 2020-10-28 04:11:07
以前,我屋企附近有間川菜館,服務比較差,老細唔多識做生意,不過,出品之佳,至今我喺廣州未揾到一家可以泊得住。其中兩味,可謂絕響:蒜泥腰片同梅菜扣肉
梅菜扣肉唔係客家菜咩?呢樣冇研究,梅菜扣肉係咪客家專利,不過呢間川菜館嘅扣肉,係攞花椒煮,肥肉之間冇夾芋頭粉葛,純肉,肥肉部分爽嫩合度,而且肥而不膩,肉質細緻唔攝牙,梅菜係外省鹹梅菜,鹹香不帶甜味,加上少量花椒,扣肉做到唔止唔腬,仲開胃呀。好多人話唔中意食花椒,不過我就係因為食過呢隻扣肉,先至愛上咗花椒。
至於蒜泥腰片,係一個涼拌菜,首先刀功一流,豬腰片出2-3mm厚度,每塊不少於人耳大小,火候一流,不生不老不縮剛熟,嫩而脆,白油加蒜泥一撈,每次必食三碟,間菜館執咗之後,遍尋不獲,後來去到成都,揾咗好多檔先有一間有腰片,無論刀功、火候、調味都唔係果皮。遲啲去都江堰,一定要再揾。
6. 引刀一快 2020-10-28 05:01:45
魚香肉絲,好耐冇食,圖中呢碟,垂涎欲滴,唯獨唔喜歡大粒辣椒乾。
7. 十一哥 2020-10-28 09:31:48
刀刀  做乜咁慘情…晝伏夜出…美癈山寨OO7冇糧出哩 !
8. 引刀一快 2020-10-28 11:36:41
慘得過十一仔咩,返唔到俄國述職,冇得飲俄妹啲甘露。
11. 向泛民说不 2020-10-29 11:31:20
引刀,与时并进啦,俄佬只有来中国述职。成日想去俄佬述职。

俄佬还不肯接受现实,不过这是一条不归路。
12. 引刀一快 2020-10-29 23:00:57
向飯,俄佬越來越肥係不爭嘅事實,分分鐘接收中國條一帶一路,到時夠力攞完內蒙攞東三省。
你繼續支持佢喇。