昨晚食飯時，老婆問我試過罷工未，我話從未試過罷工，因為罷完工日後再返工就會同老闆面左左，始終都要辭職，如果條件不合，不如索性辭職，老闆認為如果值得，就會用高薪再聘請，如果老闆認為不合，咁就拜拜。
我讀大學時，在最後一年，教授授以畢業錦囊，每個同學都唔同，我的是千祈唔好罷工，就算要罷工，都要揀適合季節，旺季當然唔好，即使得償所願，日後老闆一有機會一定會炒魷，淡季也唔好，老闆心情唔靚，罷工即是自投羅網，所以，適合罷工的季節的確不多。
國泰人罷工犯了兩個大忌，首先在最旺的時候罷工，而且罷了很多次，每次資方都不得不屈服，在罷工之後大家面左左，其實已經很難繼續合作，但國泰人又唔走，一間勞資雙方終日面左左的公司又怎會做得好，資方有機會就會大刀闊斧，炒晒那班經常罷工的伙計，既然知道遲早會被炒，罷工的同事一定要早日作出打算，今次國泰大炒魷，其實就是大報復，罷工的人已被勝利矇騙，唔知道今次是國泰的帝國反擊戰。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
App下載
揀適合季節，旺季當然唔好，