地產博客 > 文亮語 返回
瀏覽人次:37556    回應:42
文亮語

王弼點解會被人窒

 

湯文亮博士

紀惠集團行政總裁
2016年1月19日

  上星期六,明報替莊太量,林少揚,王弼和我搞了一個講座,同場加插湯文亮會客室現場版,反應尚算熱烈,雖然全場五百座位最後仍然爆滿,但相比大半年前,我與王弼一次急就章講座,只需10小時便全場爆滿,理由很簡單,就是當時市道暢旺,現在市況惡劣,一般投資者都喜歡在市道暢旺時多參加講座,從而了解投資策略,希望多賺一些,其實是錯誤,在市況惡劣時更加要參加,或者可以避免不必再損失。

  當日,三位學者都準備充足,只是聽他們任何一個人講就已經值回票價,我講的可以不聽,王弼講人民幣貶值,並且預期貶值會繼續下去,在王弼講時,我已經有留意到有觀眾不大同意,我認為那些人可能買了人民幣債券或者Accumulator而有所損失,但想唔到在會客室的環節時,有觀眾直指王弼,表明唔同意他對人民幣貶值的睇法,仲話,只要國家一個政策,人民幣立刻可以止跌回升,到此,全場人都愕然,因為,到來聽講的是相當有水準,知道國家用政策來控制市場,就變成計劃經濟,自由市場如果可以用政策搞掂,還有什麼好討論,而且,我覺得他是聽眾,可自行分析王弼所講的理由,毋需即時駁斥王弼,這並不是一個研討會,那人逞一時之快,但嚇窒了王弼,以為有人找他麻煩,我觀人入微,叫弼哥放心,那人外冷內熱,口硬心軟,不會找人麻煩,本來,講座是相當成功,因為那件事嚇窒王弼,唔知道以後會不會再演講。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. JCheung 2016-01-19 10:01:46
當曰我坐在那位人兄後面,只見那人突然起身發表偉論,但情緒激動,聽不到他想說甚麼,以為自已去咗維園添!
自已也有不少人仔,也不想貶值,但分析要兩面睇,多留意相反意見、分析,才有進步!

這樣,也明白為何網上有人狂鬧博士的細價樓爆煲!!
2. 阿發 2016-01-19 10:28:02
我睇完上文之後感覺好似當年那些層壓式、種金之市民,可能佢不能接受現實,不能接受其他意見。
3. 新抱仔 2016-01-19 10:43:52
看來相當精彩呢!可惜有工作行不開,沒去到。王兄身經百戰,希望他可繼續分享吧!
4. littlemun 2016-01-19 11:04:32
面對咁波濤洶湧既股市都依然有斬獲,試問一個維園呀伯又點能夠嚇得窒王弼兄呢!
5. 無奈 2016-01-19 11:05:09
純基於個人利益而作出分析,不客觀,有時會嚴重失去理性,支持弼兄!雖然我地對樓市睇法相異。
6. 占士 2016-01-19 11:31:16

相信弼兄被人窒得多了,面皮會不斷加厚,以後在遇到相同情況也就處之泰然了

7. Desmond 2016-01-19 11:42:04
如果該觀衆已有自已見解及既定立場,根本就無需花錢去聽講座。
8. 無奈 2016-01-19 11:46:59
6樓占士兄,加分。經一事,長一皮。
9. 占士 2016-01-19 11:52:02

無奈兄,謝老師加分!

10. 老C 2016-01-19 12:33:57
施永青<am730>

上周五公布的,反映香港二手市場樓價走勢的中原城市領先指數,已跌至134.41點,按周跌1.05%,跌幅明顯擴大。這個指數其實已連跌了九個星期,期間共跌了5.4%。如果連同之前的跌幅,這個指數已從去年9月份的高位146.92點下跌了8.5%。跌勢看來已經形成,市場的心態已經逆轉。

很可惜,特區政府似乎對市勢的轉變敏感度不足。當市場已開始擔心樓價的跌勢可能失控的時候,特區政府卻還在擔心樓價很快又會掉頭上升,堅持拒絕檢討之前訂定的遏抑樓市的干預措施。若然政府未能及時醒覺,香港可能需要再付一次比八萬五還要更沉重的代價。
同類的代價,董建華年代已付過一次。當時,亞洲金融風暴已令香港的樓市出現根本性的改變,已由牛市變成熊市,但政府仍堅持八萬五的每年建屋目標不變,結果跌勢一發不可收拾,樓價先後跌了七成,跌勢持續了六年,大量小業主變成了負資產,社會失去了消費意欲與投資能力,通縮的惡性循環令經濟久久沒法跳出困境。希望梁振英政府不要重蹈覆轍。
其實,眼前的形勢遠比亞洲金融風暴年代惡劣。當年,受影響的主要是中國以外的亞太地區,中國的經濟卻依然動力十足,對香港多少有點裨益。但今次卻遇著中國的經濟開始出現下行的壓力,而歐洲與日本更是一池死水,QE了這麼久都未見有復甦跡象。即使是最有苗頭的美國,現在亦開始擔心,未必可以獨善其身。
以2016年頭半個月金融市場的表現來看,市場的根基看來極之不穩固,小小波動就很快會產生蝴蝶效應,投資者已信心動搖,連原先形勢最好的美國,股市也一跌再跌。道瓊斯指數已跌破一萬六千點。市場瀰漫著一片悲觀情緒。
美國的經濟好轉,原先就是靠QE的偉哥效應換來的,基礎並不鞏固。若然股市下跌,很容易產生負面的連鎖反應。美國的企業大都已面向全球,當全球的經濟受惠於美元充斥時,這些企業就能盈利。但現在美元開始回流美國,世界將轉向不景,美國企業亦很難維持原有的盈利水平,股價下跌在所難免。
現在看來,聯儲局真是不應該加息。把美元引回美國有甚麼好呢?美國根本不需要這麼多的美元。美元是國際貨幣,流回美國只會凸顯一國發行太多貨幣的弊端,令美國經濟百病叢生。
以現時全球股市的表現來看,聰明錢已預期世界的經濟要走下坡。現時油價已跌破30美元一桶,這是否意味著世界可能要走向通縮?在這種大環境下,香港的樓市真是易跌難升。
中原城市領先指數,嚴格來說並非真正領先市場,它只是比差餉物業估價署的樓價指數領先罷了。上周五發表的指數,所反映的其實只是去年12月21日至27日的市況,還未反映今年初全球股市大跌的悲觀情緒。因此可以預期,隨後公布的指數,跌幅將會進一步擴大。政府應及時根據新的形勢修訂抑市策略,出手太遲會錯失時機。因為,一旦市場出現非理性恐懼,局勢就不易扭轉。
11. 真真薯片 2016-01-19 12:49:34
其實同買左嘉湖個師奶差唔多者
12. 真真薯片 2016-01-19 14:15:49
老施又屈老董, 老董只係講八萬五, 佢從來冇落實過八萬五, 因為佢從來冇提供過一年八萬五個單位, 老董時代既大量價應係港英時期賣既地, 同老董冇關, 但係所有香港人仲認為 “97年因為老董推八萬五所以樓市暴跌” 香港人其實需要睇腦科醫生
13. 123 2016-01-19 15:31:02
香港人個腦袋冇病老董時代提出八萬五係政府政策是實質影響當時的樓市如果冇問題就不需後來的孫九招去穩定市場
14. 蓄芳待來年 2016-01-19 15:53:10
老董當年有個惡策,叫「首次置業貸款」,送左一班實力不足嘅年青人去死。老董一句「我都叫我d孫仔去買樓」,聽完慈祥長者嘅說話我就跳上車。份工穩定,一直供冇問題,直到有一日,樓價跌左40%,有間永世都吾會再幫襯嘅銀行,叫渣打,話我負資產,要抬錢去補差價。借得「首置」,又邊有幾十萬傍身吖,悽慘下場可想而知。
老董年代,我輩初出社會嘅後生,一開波就企了在破産邊緣。老董話自己清廉,都係受害者,後來先知佢間東方海外暴升嘅市值。
老董從冇為政策失當負過責,講完就算。今時今日仲有多好人為佢面上貼金,真的無言以對......
恨老董,但並冇將責任全推在佢身上。係自己當年心急、不自量力,係自己當日耳仔軟,係自己冇眼光揀左渣打......
寄語所有初出社會嘅年輕人,有人幫你上車,吾一定係好事,即使你「量力而為」亦吾一定吾會出事,撞正渣打呢d PK,吾係一句「天意」就可以釋懷。一切都要靠自己,慢慢來,比較快!正如收租佬貎似笨,吾及陸東、王弼搶眼,但20年之後,你會睇到你同收租佬嘅差距。
15. 蓄芳待來年 2016-01-19 15:59:24
少少補充:
陸東王弼萬中無一,吾係個個可以做到,但收租佬,只要你有恆心,一定可以做到。
收租佬吾夠耀眼?咁你可以參考一下博士嘅成就。
共勉之!
16. peter2 2016-01-19 16:03:38
May Dr Tong or fellow reader elaborate why Mr Wong thinks RMB should depreciate continuously? thanks!
17. 2011年開始 2016-01-19 16:11:30
渣打在前期都帮過我唔少,但是最近都部署同他分手
18. 蓄芳待來年 2016-01-19 16:37:04
講開老董,不吐不快。不同意12樓 真真師兄/師姐之觀點。
投資升跌從來講「預期」,去年三四月,股市樓市超升,原因?因為預期個市有排升,八九月風向一轉,跌到依家,原因?因為預期個市有排跌。
八萬五的確冇落實過,但提出過,更成公佈過成為政策,成為左影響大家「預期」嘅實質因素。
老董任內的確好多嘢冇落實過,乜港物港,最終得個講字,笑話至今。當年有個老友聽完老董講話要搞中藥港,於是仆去讀中醫,而放棄左當時未算發達嘅美容事業。
老董冇害人?係,因為害左佢都吾知,吾係點叫老懵懂?
好怕在上者亂來,一個政策可以影響/唆擺一個人一二十年,人生有幾多個十年、二十年?
原諒小弟發了長篇牢騷,保證只此一次,哈哈!
19. 無奈 2016-01-19 17:15:23
好難講八萬五正確與否,至少提出嘅時候無勿人話唔對,當時樓價亦係高得嚇人。

現在還沒有人講政府嘅八萬六唔對,甚至睇死佢做唔到添。

什麼時候有人會話八萬六唔對呢?

問題出在哪裡?
20. Tony lam 2016-01-19 17:15:40
世界從來冇自由市場、只係用乜型式去操控啫、嗬突就印銀纸找數叫QE、爛數就改名叫sub prime包起佢連毛帶屎塞比D散仔、定時定候做戲叫議息會議、其實一早排練、永冇甩轆、冇得爆肚。
人仔上落、阿爺点會怕佢跌、係怕佢唔跌、只係想表演得好好睇睇、跌得嚟要睇落似市場力量、整色整水都好似托吓咁、跌係無可奈何咁先入戲嘛!
21. 神算 2016-01-19 17:30:20
無奈兄,

所以梁英都醒,一早講定政府冇責任樓市只升不跌,盡力管理市場人士期望,雖然最後大跌都係會照賴政府。
22. 望東樓 2016-01-19 17:47:00
查實有少少瞪嘉湖個師奶唔抵,佢明比人擺上枱。個記者咬住佢唔放。
23. 占士 2016-01-19 18:30:30
我也是「首次置業貸款」上車,當時的確是剛需!
24. Tony lam 2016-01-19 20:51:26
市道高低都有人賺蝕,低潮先至容易賺大錢、Hi嘢都唔大鑊、高潮好多時係戥人高興、重係瀬大嘢嘅伏筆。
而家個個都好專業咁在理論加資訊中穿梭、唔覺意就比理論同資訊牽住走、chok到迷失咗基本、唔信自己嘅常識直覺。
25. 無奈 2016-01-19 20:58:12
21神算兄,政府見過鬼怕黑,不易輕易漏口風。
現屆政府應吸取了前朝教訓,應該有準備出招,不過就未必有效就真,跌這幾個巴仙還未到心中的價位吧。
國經濟不穩,加息恐怕是非常大的錯誤,個人認為加息只是根據聖誕節前的消費結果,恐怕快將原形畢露,全世界都在靜觀其變,你認為如何?
26. 打工仔 Andy 2016-01-19 22:34:21
弼哥口才了得, 唔怕! ! 
27. 蓄芳待來年 2016-01-19 23:16:29
剛與一班大陸客食完飯,嘥左几支lafite (下次都係飲孖蒸算了,浪費好酒)。
肯出席係因為想了解國內有米人士想法。有收穫,人仔眨值,佢哋第一念頭就係將存款變成香港磚頭,佢地話咁做最保險。問原因,佢哋話話之二三四線城市點死,阿爺絕對吾會俾四個城市死,一北京,二上海,三深圳,四香港。
聽完感覺很大鑊,要在香港達成財務自由嘅理想,又遙遠了一步。就係唔明白,佢哋將人仔變成港紙or美金就ok啦,何必多一重手續要變成磚頭?

28. 打工仔 Andy 2016-01-19 23:37:09
待年來兄

既係話, 係香港, 要買買買! 哈哈哈!
29. 蓄芳待來年 2016-01-19 23:51:46
打工仔兄:
問題係,我未ready,要個市再跌,先可以二開四。忽然發現有一班競爭者強過自己,個心並吾舒服。
以為A股冧,班友已經死哂,港人港地終可實現,結果呢?都市換血過程持續中。
30. 無奈 2016-01-19 23:58:39
之前2日都見到有大陸客睇樓,其中一個還問子女在港上學問題。
31. 占士 2016-01-20 09:02:01

來年兄,因為這些人是硬好!

32. littlemun 2016-01-20 11:22:59
待年來兄,你班內地富豪朋友想買來保值的應該是起碼過二千萬元的豪宅吧!

睇黎你既二開四計劃可能係以億元做單位!
33. 蓄芳待來年 2016-01-20 13:01:54
To 32樓:
師兄真識講笑,小弟只係一個基層小市民,一個一心追求「財務自由」嘅小市民。
搵幾多先叫夠呢?個人定義很簡單:以後吾工作但有收入又夠生活。
工作、搵錢並吾係我興趣,坦白講,個人對追求財富並吾熱衷,人生苦短,有時間,我寧願陪仔女玩、去旅行。
昨晚飯局班同胞並吾算富豪級,只係比一般人有錢少少而已。但就係咁先至驚,如果富豪來買香港樓,我視之為投資,但一班中產走過來買,我視之為入侵,來搶我土地。
國內富豪有幾多會過來香港定居?但呢班中產會,起碼佢哋都想將仔女送過來。我諗,呢個先係佢哋打算將人仔存款變成香港磚頭嘅原因。
34. CD ROM 2016-01-20 13:04:54
待年來兄, 我係第1次聽到無斷供都要被call loan.................

另外借首置, 唔係銀行借的話, 咁樣call loan只能call bank mortgage 果1 part對嗎?
35. CD ROM 2016-01-20 13:11:53
深圳同事聽到嘉湖呎價已猛叫我入貨, 佢地話呢個價龍華都買唔到樓啦~~~~!!!

一放BSD, 佢地是但放間深圳樓已經夠係新界西入貨, 仲要租金回報%係隨時深圳的一個double~~~

如果想上車果d 3M左近既單位睇中的話, 都唔好期望可以跌多幾多, 記得你仲有1年12萬左右既租金成本...
36. 西門吹雪 2016-01-20 13:49:18

CD rom兄~無斷供都要被call loan架~~不過唔常見~~渣打咁大間銀行就更小見~~通常都係銀行覺得你唔係好掂先CALL~~

03年我道聽途說有細行CALL 自己員工TIM AR。可能間行知自己唔惦,自己員工就更加唔惦啦~哈~

37. 蓄芳待來年 2016-01-20 14:08:50
To CD 兄:
係,當時銀行追佢自己果part。仲記得當日個經理一直強調會面係「善意提醒」,係佢哋工作日常routine,我只係被抽中,協助佢哋了解客戶需要,並吾係真係懷疑我供吾起or 要追數,假得佢吖!
可能係細數目,在我問親戚借左30萬擺入供樓戶口後,佢以後再冇煩我,但從此以後我bad list左佢。吾係佢,我根本吾使欠親戚人情。那段日子,真切體會到,求人有幾難。
38. 引刀一快 2016-01-20 17:15:48
To 33樓 蓄芳待來年兄


請問兄台口中的中産,以何種形式來港定居?
39. 蓄芳待來年 2016-01-20 17:36:10
中港一家親,先走資,後走人,途徑合法,你吹佢唔脹。
40. 蓄芳待來年 2016-01-20 17:38:35
講起往事,再分享一件:
當時有個同事見層樓跌成咁,吾想再供落去供死會,於是走去同銀行講,結果待遇同小弟有天淵之別,佢間行反而求佢供落去,並提供各種協助。邊間行就無謂開名,費事幫佢賣廣告。
但從此知道,邊間銀行可靠,邊間會當客戶係partner。
睇下今日渣打個市值縮水到咩地步,就知道趕客有乜下場。
講開又講,今日渣打股價極具吸引力,問題係,佢有無能力派息俾股東呢?收租佬同收息佬慨念係一樣的,哈哈!
41. CD ROM 2016-01-20 20:02:07
待年來兄,人情難還在無得量化,唯有閒時多送出一点,以望日後收回自用。

西門兄,吹雪長居男神榜前列,有氣勢!!!
42. 引刀一快 2016-01-21 12:12:59
CD ROM兄

就係無從量化,所以先叫人情,亦因爲無從量化,來往之間嘅技巧,堪稱藝術。