地產博客 > 文亮語 返回
瀏覽人次:65561    回應:66
文亮語

在晴朗的一天出發訪問

 

湯文亮博士

紀惠集團行政總裁
2015年2月11日

  今早8點半要到商台做一小時訪問,節目名稱叫「在晴朗的一天出發」,在我記憶中,這個節目以前由俞琤負責直播,節目名稱是山口百惠的一首歌名,是商台的皇牌節目,所以,我要認真一些,整理有關資料,否則,被主持人問到口啞啞就唔好。

  當我細讀幾百個回應時,發覺「雲在清天水在甁」留言,說他在2010年早已發表文章,指財務公司前景亮麗,如果我早一點參考雲兄的意見,如今已經是收割的時候。有心水清網友知道紀惠的前身是財務公司,在七十年代尾持有放債人牌照,不過,我們持牌的目的是為了取得H按,當時,外資銀行從本港大銀行取得同業拆息,然後加1至2個%轉借到小型財務機構,其中一個要求就是一定要持有放債人牌照,當時的發牌制度比現在嚴謹得多,所以,有網友說我不懂得財務公司運作我唯有苦笑。當年,我為了要保著這個牌曾經力戰過江龍Alan Bond阿倫奔達,亦可能是情意結緣故,現在紀惠持有幾層當時叫奔達中心的力寶中心。如果2010年我做財務公司,借錢給人買樓,今日,那些向我借錢的人賺大錢,我就賺小錢,其實,我亦是做財務公司,借錢給自己買樓,連他們的大份都賺埋,斷估我都沒有做錯,況且,做收租佬的聲明始終比做財仔好,當利率協議取消後,我們已經將放債人牌照交回給政府,不過,我仍然知道財務公司如何運作,如果有需要,明天就可以開檔做財務公司。

  有網友質疑我說有一萬二千個四按物業的準確性,他指出,每年只有五千多個小型住宅單位成交,就算全部都變成四按物業,都要等兩年多時間,我的說法實在有嘩眾取寵之嫌,我很奇怪,成交量與四按物業沒有直接關係,就算沒有成交,一樣可以有四按物業,我相信大家明白,如果有時間,請收聽「在晴朗的一天出發」。

  還有一件事,有邊位網友可以說出誰是最大租霸。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 博士Fan 2015-02-11 08:15:42

公屋戶,個個都俾租霸

長毛月入十幾萬都仲可以霸住間屋,唔係世紀租霸係乜?

2. 博士Fan 2015-02-11 08:27:19

公屋戶:

-永久死約,你自己唔走,冇人可以趕你走!長毛就係最好例子!

-經常免租,仲可以唔交租,唔交租業主仲會關心你,係咪住得唔開心?有乜需要等等..

-屋企漏水,要維修,全包!有乜好得過打個電話就有人黎整?

-唔夠住?可以申請換大d?換到你夠住為止!

-冇入息證明?唔緊要!你做唔做野,有冇收入都好,我都會俾你住到過世!

-業主加租?我地唔夠食喎,樓下個車位都要$2500,仲有我要養架BENZ,好大開支架!

-重建?你搵到間新屋俾我,有埋搬屋津貼,有人同我搬埋我咪搬囉...

 

請問公屋戶唔係世紀租霸係乜?

3. 占士 2015-02-11 09:04:59

英政府是最大的租霸。他們利用武力的優勢,用不平等條約向清政府租借地方,經歷了3個朝代,並持續地在香港獲得了巨大的利益。

4. 亮劍 2015-02-11 09:11:53
湯博士喺在晴朗的一天出發 澄清話……細價楼升多三到六個月之後就會爆,咁極之合理喎。
例如沙一395,呢家平均做 430 穿梭機,那麼幾個月後,當呢D楼上到 55X,咁見頂插水有乜奇?
5. wah 2015-02-11 09:20:15
趕住出門口冇聽哂,博士講嘅4按10按似乎係指轉按,正常人市好供唔起會賣,冇理由成份按偈轉去財仔度。
Btw, mortgage agreement 係all moneies,多數要銀行同意先可以揾人做2按...枋間d財仔2按其實係h 人p loan 借...
6. 蜕变中嘅懒人 2015-02-11 09:28:09
懒人心中嘅租霸定義係:
1. 擅長利用租務條例灰色地帶。
2. 長期唔交租覇住業主物業。
3. 勒索業主補償金。
4. 形勢失利即逃之夭夭。

以下係選項:
1. 精神虐待折磨業主。
2. 飽嘗着數後仲刑毀業主物業。
至於何謂最大?如何可以達致最大?覇住最多物最耐都唔交租俾業主?

答案係唔係:被租覇覇佔嘅係一個小島,租覇覇咗100年後還番物業都無交過租。
租霸係.........。業主係...........。
諗落都唔多符合自己定義,當無答過。

7. 聽眾 2015-02-11 09:29:07
突然殺出個施生,施生表達清晰,高下立見。。
8. 聽眾 2015-02-11 09:33:13
表達清晰又使乜澄清?

連有經驗既主持人都唔明佢篇文講乜,睇黎博士要檢討下自己既表達能力。。
9. 大寶二寶 2015-02-11 09:39:33
博士話三至六個月內上升見頂,之後慢慢回落15 - 20%,到出年CCL 大约去返120。

係之前講得唔清楚?改口風?抑或我地誤解咗?

假設依家 CCL136 再升一成去到150,之後回落兩成去返120。即係大約等於依家價錢跌一成,大家自己執生!

共勉之,哈哈!
10. 占士 2015-02-11 09:46:52

懶人兄,其實業主已經換了兩手,現在是中華人民共和國。租霸不但不交1個仙金,還要大業主派多些親戚過來搞旺個市,但一有任何問題還要罵業主呀!哈哈哈

11. 占士 2015-02-11 09:55:56


大寶兄,如果真的是 三至六個月內上升見頂,之後慢慢回落15 - 20%,到出年CCL 大約去返120 相信很多投資者都有這個心理準備。


但很多時候,市場不會按你的期望而走的。



12. 房產有價 2015-02-11 09:58:23
博士,我覺得係公屋富戶是最大租霸。佢地明明已經買左私樓,但係依然霸住間公屋唔放返出黎囉
13. 博士Fan 2015-02-11 10:05:46
博士問緊最大租霸喎?如果連英國政府都計埋講到咁大。

不如話人類啦?我地喺地球咁耐,對地球啲個大業主貢獻都冇,越霸越多大自然地方。。。又唔環保。。
14. 中女社社長 2015-02-11 10:18:13
有冇人有重溫?
15. 占士 2015-02-11 10:20:44

朋友,地球就是大地。大地是人類的母親呀!人類是她的兒女! 並非租客與業主的關係呀!哈哈哈

16. Bill 2015-02-11 10:26:44
公屋富戶係最大租霸。
17. 湯老板今次甩大牙了 2015-02-11 10:35:08

一向是樓市大好友的紀惠集團行政總裁湯文亮,連日發表唱淡樓市的惹火言論,替一眾財務公司「倒米」,他預測細價樓將於3至6個月內「爆煲」,由於財務公司(俗稱「財仔」)達1200間,推算市場最少有1.2萬個四按物業,勢將引發危機;又透露已有不少財務公司部署追數(Call Loan),日後銀主盤湧現,樓價將下跌。然而,有財務公司的負責人反駁,目前四按物業數量及金額極少,難以觸發樓市「爆煲」。

湯文亮:追數潮殺到

第一信用(08215)主席冼國林回應說,行內真正有物業按揭生意的財務公司僅100間,估計涉及四按的細價樓不足100宗,「點會迫爆個市吖」。靄華押業(01319)主席陳啟豪表示,三按案例為數不多,四按更是絕無僅有,平均1000宗生意只有1宗;未見財務公司部署追數行動,即使有也只是個別例子。

因細價樓「爆煲」言論惹起迴響的湯文亮昨天再在網誌撰文,直斥財務公司嚴重影響樓市,推高細價樓,並指財務公司已得悉危機,並停止接受轉按。他預期,當業主被財務公司收樓、物業變成銀主盤,將陸續在市面湧現,拖累樓價下跌,故不少財務公司已部署追數行動。他預告今天將再就有關議題發文。

冼國林接受查詢時笑稱:「湯生係資深投資者,但絕對唔係資深財務專家。」據湯文亮稱,全港有1200家持牌財務公司,以每家有10宗四按計,全數淪為銀主盤便有1.2萬伙流出市場,理論上樓市「實爆」。但冼國林直指此數字出錯,說湯文亮不了解行情。因行內約有900家財務公司並不活躍,當中約有400家是證券行用作股票孖展業務用途,實際經營樓按生意的僅約100家,較活躍的亦不過30至40家,行內最大的5家公司極少涉足四按,不排除細公司有做,但涉及金額極少,難以觸發樓市「爆煲」。

陳啟豪同意暫未有見財務公司部署追數,說現時本港樓市發展健康,即使出現收樓也只是個別例子。他透露靄華曾出信收樓的案例只有兩宗,截至2014年3月底止,該公司新造按揭抵押貸款為197宗。該兩宗收樓案例牽涉金額只佔總按揭貸款1%至2%。

以細價樓四按而言,冼國林說「保守估計都唔知有無100單」,與湯文亮描繪的1.2萬宗相距甚遠,「我在財務界都熟,肯定係行內人喇,知道唔關事,佢(湯文亮)仲講到3個月會爆煲。佢唔係行家,純粹聽見有四按,就以為細價樓實爆。純粹係講㗎啫。」

陳啟宗:無可能爆煲

恒隆地產(00101)董事長陳啟宗更直言細價樓「絕對無可能爆煲」,因為香港平均樓按比率並非很高,而金管局「一有風吹草動已經叫人小心」,亦可要求銀行收緊放貸,但他不評論政府應否再推「辣招」。

陳啟宗說現時只有細價樓及豪宅樓價爆升,只要土地供應增加,樓價自然會回落。

另外,環亞物業拍賣昨天拍賣元朗朗屏邨3座一個有法院令的公屋單位,實用面積381方呎,底價178萬元,最後搶高18%至210萬元連地價易手,呎價5512元。土地註冊處資料顯示,該公屋於2013年抵押予一家財務公司承造20萬元貸款,本金及利息分12期攤還,年息高達30厘。

同時閱讀
18. 無名 2015-02-11 10:38:52
邊個係最大既租霸都唔知 唔怪得會質疑博士 可笑可笑!
19. 師奶仔 2015-02-11 10:42:06

(1)請問有無邊條 link 可以聽番博士的專訪呀?

(2) 租霸? 仲要最大?
除左公屋富戶外, 以[租]來講, 都算係. 即使佢有交租, 又或者係富戶租, 但佢地有足夠收入去租私樓, 可惜他們卻 ''丫'' 住層公屋, 死霸爛霸, 唔俾人上樓囉.

次一層來講, 其他公屋戶好多都收入微簿, 叫佢地點樣可以搬私樓呢?

反而, 未來的租霸? 
現在太多人排隊上樓, 好多都唔係真的收入咁少, 有些寧願做細份D工,都駁上樓.
公屋輪候冊裡, 有廿幾萬, 裡副好多水份. 呢D 都叫做  '' 準租霸'' !!
20. 大寶二寶 2015-02-11 10:58:59
回11 占士兄

這個是博士的預測,不是我的期望。同意當大家有同一預期時,市場通常都唔會走法一致,如果唔係边會有人贏錢有人輸錢。所以我地要隨機應變,隨市場環境改變而改變策略。

共勉之,哈哈!

21. 打工仔 Andy 2015-02-11 11:56:20

其實, 要知外面d人是否水緊, 經濟開始轉差, 不防留意下一些貴價商品既價格走勢,

例如, 二手勞力士的價格, 有否因為多咗人賣錶令二手價格下跌, 由其是熱門錶款的價格, 江湖救急等錢洗!

22. 朗晴 2015-02-11 12:03:39
我估計有好多FP居屋業主(但未補地價.)為幫仔女比首期,會按比財仔,(因不能按比銀行).
以現時居屋最低三四百万計,按比財仔借一球比仔女買樓,咁間居屋變銀主盤機會有多高呢?
啊仔買間4球首置上車借足九成又有按保包尾,咁埋層樓風險有幾高呢?(對銀主而言)
23. 打工仔 Andy 2015-02-11 12:07:26
的士牌上翻>7M, 要爆, 可能的士牌爆先!
24. 物業初哥 2015-02-11 12:29:19
To 23 打工仔兄

的士牌都要做按揭,依家牌價係史上新高,加息真係死得
25. Small Potato 2015-02-11 12:37:24
租霸- 應該係D業主死練住層吾肯放租個D!
26. Small Potato 2015-02-11 12:39:23
25. Small Potato 2015-02-11 12:37:24
租霸- 應該係D業主死練住層"樓"吾肯放租個D!
27. Small Potato 2015-02-11 12:40:28
25. Small Potato 2015-02-11 12:37:24
租霸- 應該係D業主死練住層"樓"吾肯放租個D!
28. 占士 2015-02-11 13:29:36
To 20樓  大寶兄,謝謝您的回復! 也就是說我們 不能不理預測不能太信預測,對市場不寄予太大期望,當市場偏離我們的預期時,就適當地調整策略,順勢而行 對吧?



 



29. 打工仔 Andy 2015-02-11 13:48:59

To 23初哥兄

正是, 我一路有留意的士牌價走勢及成交量, 與樓價作比較。

30. 師奶仔 2015-02-11 13:49:00
 "還有一件事,有邊位網友可以說出誰是最大租霸。"

登登登登.....

我知道喇 !!
跟博士書中所言一樣, 自己租番俾自己. 即業主係自己, 租客又係自己.
租番自己層樓嚟住的都係自己.
呢世都唔搬, 業主搬到邊, 租客又跟到去邊, 成為最大租霸, 兼唔俾錢, 要業主幫手換電器, 搞裝修的, 仲唔係?

簡單D 講, 住番自己屋的人(自住樓的), 才是租霸!!
賴死都唔走! 業主又迫唔走租客, 無計仔.
兼且執達吏都無法子抬走租客, 仲唔係[最大租霸]!!? 

哈哈!
31. 打工仔 Andy 2015-02-11 14:01:59
32. 羊年賀歲猛片 -- 博士末日預言 2015-02-11 14:19:06

羊年賀歲猛片 -- 博士末日預言

我買左花生、爆谷等博士做男主角好耐啦....

快d爆....

快d爆....

快d爆....

等我做白武士掃平貨呀......

33. 大寶二寶 2015-02-11 14:45:45
回28 占士兄

師兄太客氣了。呢個平台可愛之處係集思廣益,有不同的意見,理性討論,可以查找自己不足嘅地方。我係好友,但唔係盲目嘅好友。依家市況變幻莫測,有以前淡友忽然間變咗好友,又有好友一夜間瞓醒覺變咗谈友。少D分析力同EQ 都嚇嚫。

面对呢D奇異現象,依家都係摸石過河,吸收眾網友師兄師姊嘅意見,再加分析市况,調整策略,唔好比片面嘅假像影响。當然,幾時都要居安思危,小心駛得萬年船也。

另外,对於租管問題,個人覺得不大可能推出,懶兄你嘅租管血淚史相信己變成歷史,唔會重演。原因喺由建議、立法、推出起碼最少都一年半載,仲未計垃圾會實有人反对。假設都幸運地通過埋,攪得黎都出年喇,離供應到位同加息潮開始都差唔多時間到,仲攪黎做咩?

假設到時樓價開始回落,加埋租管,樓市唔霖至奇,边個揹得起呢隻穫。要知一行租管起碼冇三、五、七年都唔使旨意會撤銷,到時点收科?

共勉之,哈哈!
34. 想做閒人 2015-02-11 16:31:47
to: 30. 師奶仔
同意,但有些人會賣了自住樓,不做此"租霸".
35. 掹車邊80後 2015-02-11 17:44:25
我都覺得自己係最大租霸, 因為出租管我都唯有用呢招
36. CD ROM 2015-02-11 18:13:11
先講 "晴朗" , 偶然渣車返工既時候會聽, 已經係陳志雲年代... 我真心覺得佢既層次比其他主持高出太多, 希望遲D有其他人跟他擦出多點火花~~~ 

今日身在大陸, 等陣回程聽番先~~~
37. Small Potato 2015-02-11 19:51:59
3/F 占士兄, 係個年代, 呢D應該係"弱肉強食" 無計!
38. 蜕变中嘅懒人 2015-02-11 20:43:00
各位師兄師姐,租霸己消失多年,係歷史時代代表人物,代表一個時代一群人嘅狀態,好似燧人氏、伏犧氏、神農氏,唔係一個人,可能嘟根本唔係人,因為租覇特點係無乜人性,佢性格最突出之處係一定盡量唔交租、揾着數、揾咗着數之後仲要攪破壞。

咁無人性仲要最大,即終極無人性,懒人諗嚟種怪物無理由现在仲有,除非有科學家利用dna技術令佢重生,呢個科學家唔係政府啩?

39. 引刀一快 2015-02-11 20:54:42
最大嘅租霸,咪就係大英帝國囉!租借香港咁鬼耐,幾時交過租俾中國吖。
40. 打工仔 Andy 2015-02-11 22:12:31
懶人兄
我本來既睇法同你一樣, 不過現在有d人既守法意識薄弱, 真係話唔埋, 小心d好! 
41. 多嘴街 2015-02-11 22:36:14

我想起啦,博士好似很久亦是好近比過料,租霸就是偉大的自住業主我哋,一世租自己樓。

明天就開故噢!?

42. 打工仔 Andy 2015-02-11 22:54:22
最大租霸? 我會估是香港賽馬會! 

我估馬會只需比少少象徵式租金, 但係霸地極多, 

跑馬地馬場, 又有跑馬地會所地, 沙田馬場, 仲有雙魚河會所! 
43. 打工仔 Andy 2015-02-11 22:56:30
將馬會搬去東涌, 咪有大把地囉! 
44. 蜕变中嘅懒人 2015-02-11 23:06:38
TO 42樓 打工仔兄
兄台嘅答案錯咗,得0分。
馬會捐咁多錢,做咁多公益,多過應付租金,所以唔係租霸。
快啲再揾参考書温習吓。

45. 打工仔 Andy 2015-02-11 23:34:28
懶人兄

我都係斷估! 哈哈哈! 
46. Marie 2015-02-12 00:03:41
佢今日講嘅同我尋日推算差不多,都係先嘩衆取寵博上報,跟住要睇下政府同金管點樣回,然後比佢盡揭底牌……最後當然政府一定比佢大倒,任由魚肉,個市因為疑慮盡消再瘋狂地爆上!

-首先,用一個震撼性嘅標題加上佢嘅地位,去引起傳媒廣泛報導。

-大家爭相討論,傳媒不斷放大財仔問題嘅影響力跟樓市下跌(爆煲)對普羅大眾(尤其近年上車人士)的災難性影響。

-然後,就會有若干傳媒或某些有心人走出來暗(明)示政府/金管不應干預市場,否則銀行唔掂、小市民受害、整體經濟受拖累云云等嚇破膽言論;亦會有一些最近上了車的人響傳媒面前預先哭喪,話好驚變負資產,被銀行call loan,講到似層層好似真係已爆煲甘。

-政府/金管感到四方八面嘅壓力,最后都係選擇乜都唔做,免得最後被千夫所指,寧願眼白白睇住樓市"爆升";其實博士一早睇死啲官最後一定會有"唔做唔錯"嘅心態,所以就用輿論壓力逼啲官自揭佢地膽怯嘅底牌。

-最後,底牌開了,當然冇料到啦,數月後樓市亦當然不會"爆煲",而是繼續爆升,連消帶打將政府干預這個長期顧慮都一拼消滅埋,"揭政府底牌"就是這一著的重點及厲害之處。

-名節呢樣嘢,唉.....認真?!便輸鳥。

-三個月之後,大家便知道什麼人輸了,什麼人(鬼)贏了。

總結:    最近個市可能會因為博士呢篇文章而成交有些放慢或者有若干業主會冇以前企得甘硬,放盤亦有可能會上升,AA會乘機不斷call業主恐慌性賣樓,個市然後會靜同淡一陣子,所以我說這一段"靜"的日子會是一個好好嘅入市機會,因為大家三個月之後都睇穿了政府/金管最後都係冇料到嘅時候,啲錢餓一排又再報復式入市,所以未來一年個市反而會因為少左政府/金管干預這個主要後顧之憂而更加瘋癲 (因為呢篇爆煲大作將政府/金管最後條under都除埋,原來甘短嘅....肉酸豬囉!),以後樓市嘅升勢只會更加持久和有力
47. 銀主盤爆煲 財仔快 call loan 2015-02-12 03:49:27
48. 細價樓三至六個月後見頂 2015-02-12 03:50:17
49. 蜕变中嘅懒人 2015-02-12 04:51:59
懒人係財經盲毛、對於財務公司運作,九竅只通一竅,人人話財仔做二按無契在手,無可能收樓變銀主盤,但係亦有路邊報導話:

有業主直接放契向細財仔1借錢,細財仔1向細財仔2班水,細財仔2向細財仔3班水,細財仔3向大財仔班水,大財仔將收集嘅一揸樓契緄綁向銀行以商業貸款形式借;

又或者多個細财仔以樓契向同一大財仔班水,同樣,大財仔將收集嘅一揸樓契緄綁向銀行以商業貸款形式借,细財仔除樓按多數無乜其他業,直接同銀行借嘅將會俾塵得淋新例廹倉,而大財仔就有其他生意業務罩住無問题,博士所謂12000單4按會唔會包理呢渣大財仔緄綁契呢?

部分细財仔除樓按多數無乜其他業,直接同銀行借嘅將會俾塵得淋新例廹倉,博士口中步置追数中嘅財仔,會唔會就係呢啲少數直接同銀行掛鈎嘅放贷人呢?博士今次最終嘅目的係唔係警告塵得淋新例廹倉唔好迫得咁急,以引致樓市震盪,又警告正苦唔好同時出口術或步處出招双重震盪,引發環環相扣嘅樓市連鎖反应倒下呢?

以上段嚿估情況係唔係博士孤注一擲押上名聲,用旱天雷方式去救市嘅終極目的呢?到現在仲係一個謎!
50. NN 2015-02-12 07:14:00
最大租霸 -- 公屋住戶.....尤其係富戶
51. 大寶二寶 2015-02-12 07:20:08
回懶兄

冇人話陳得淋會向財仔埋手,唔通博士收到風?依家按形勢係博士獻計叫陳得淋向財仔郁手,以防樓市爆煲多D喎。你嘅担心似乎多咗D。

共勉之,哈哈!
52. 蜕变中嘅懒人 2015-02-12 08:10:33
回孖寶兄,早上好
陳得淋話嘅1800億中要向齋做樓按商業貸款
財仔埋手,要相關銀行追數,博士仔郁財仔太勁太快太狠令財仔急急追客仔數引發樓市爆煲喎,加上正苦唔生性乱出術,你話會點呢吓?
53. 大寶二寶 2015-02-12 08:19:36
回懶兄

早呀! 果1,800億係講銀行借比空殼公司作循環貸款用,資金唔准用黎抄賣。似乎同財仔冇咩関係噃。有理解錯誤請指正。

共勉之,哈哈!
54. 蜕变中嘅懒人 2015-02-12 08:21:28
仲有以公司名義齋樓按商業貸款嗰啲一樣要打屁股,齊齊哈爾掟中、大價樓,大煲。
55. 蜕变中嘅懒人 2015-02-12 08:27:38
空壳公司借錢只做有關買賣樓而無其他業務,一律當繞過金管局有關樓按條例,一樣打屁股。
56. 蜕变中嘅懒人 2015-02-12 08:33:14
總之,唔理係乜公司定財仔,以商業贷款形式借錢齋做樓買賣、而貸款额超过一般樓按规定就係疑犯,洗定8月15。
57. 大寶二寶 2015-02-12 08:57:24
回懶兄

大寶受教。
58. 占士 2015-02-12 17:10:45

To 33大寶兄,謝謝您的詳盡回復!同意,集思廣益,理性討論非常重要!另外,百花齊放,百家爭鳴也是這平臺的特色。所以,雖然自己平時都是雜務纏身,不過都儘量抽時間上來看看。

我不好定義自己是好友或淡友,您可以當我是好中有淡吧 對於租管,作為有物業放租的業主當然不想政府推出,並同意短期內不可能推出。不過如果將來真的有機會推出的,自己也要為此作出準備。

59. 細價樓三至六個月後見頂(足本) 2015-02-13 10:34:08
60. 打工仔 Andy 2015-02-13 11:18:57

To 59/F

Thanks !

61. 引刀一快 2015-02-13 11:24:05
打工仔兄

你睇到59樓有嘢咩?點解我淨係睇到白板嘅?連無法顯示嘅標志都冇。
62. 打工仔 Andy 2015-02-13 11:28:43

引刀兄

59樓係博士只有聲音足本訪問, 可能內地連接不到!

63. 引刀一快 2015-02-13 11:49:47
打工仔兄

明解,返去先聽。不過好奇怪,一般block咗都會有標識,今次睇到白板。
今次過年前未必有時間去深圳,不過我尋日同廣州嘅AA傾偈,原來廣州呢排有多少成交量,因爲早前限購,開發商起咗好多公寓,依傢傾銷,23000一方,同區二手樓,好殘都28000過外,週邊就銷情好差。
64. 打工仔 Andy 2015-02-13 13:18:41

引刀兄

收到!

65. CD ROM 2015-02-13 13:58:43
建議師兄係以深圳會展為中心, 以30mins步程去行下~~~~

個邊D發展快到無朋友, 尋日眼見高過京基100果棟大廈都差唔多平頂~~~ 果邊都有幾多半新樓唔錯, 師兄可以去尋下寶~~~
66. 打工仔 Andy 2015-02-13 14:07:51

To CD ROM 兄

從會展中心行不到30分鐘, 就回到福田家中了!哈哈!