地產博客 > 文亮語 返回
瀏覽人次:65419    回應:68
文亮語
蘇東坡對香港樓市啟示
 
湯文亮博士
紀惠集團行政總裁
2014年8月20日

  中秋節,講完月餅,梗係要講蘇東坡,在蘇東坡的時代,月餅還未流行,我記憶所及,月餅是朱元璋起義的時候用作通訊的工具,大家在中秋節的時候講蘇東坡,因為他曾經寫了一首非常出名的詞「水調歌頭」,明月幾時有,把酒問青天⋯⋯,蘇東坡寫水調歌頭的時候其實已經飲到酩酊大醉,又唔知點解,很多詩人,詞人,要飲到大醉才可以寫到好詩好詞。

  蘇東坡被貶官後,交往的人相對減少,在另一個中秋節,蘇東坡在黃州,見到賓客不多,有感而發又寫了一首詞,很奇怪,這首詞竟然會對香港樓市有所啓示,這首詞叫「西江月」,世事一場大夢,人生幾度新涼?夜來風葉已鳴廊,看取眉頭鬢上。酒賤常愁客少,月明多被雲妨。中秋誰與共孤光?把琖淒然北望。原來當晚蘇東坡準備了很多美酒,賓客不多,酒賤常愁客少,而這亦是香港細價樓將會面對的形勢,樓賤常愁客少,賤,在蘇東坡的「西江月」解作非常多的意思。

  最近香港樓市,細價樓大熱,呎價比中型單位還要高,不少地產商改則,一來可以符合政府多建單位的要求,二來又容易賣,兼賺得更多錢,但危機就隱藏在這些大道理,在未來一,兩年,政府會狂推土地,而無論大中小型地產商都會集中興建細價樓,而到那時候,樓宇的吸納量亦將會達到飽和,尤以細價樓為甚,結果,在供需互調的情況下,細價樓必然會出現顯著的跌幅,有心放售細價樓的業主便會發覺,那些有興趣的買家都唔知道去咗邊度,他們將會領會到酒賤常愁客少的意思。

  最不幸的就是買細價樓的業主有部份的財政並不充裕,如果低息環境持續還可,倘若美國加息,香港跟隨,那些小業主將會承受極大壓力,而且,那些財政不充裕的小業主,有部份首期何能是財務公司的貸款,而財務公司見樓市作出調整,必定會向小業主追收貸款,不得要領的話,唯有沒有小業主的物業,在變成銀主盤之後,將會以較大折讓出售,如果數量太多,將會對樓市做成衝擊。現在,其實沒有什麼可以做,最好辦法就是政府教育市民,細價樓的供應將會源源不絕,大家無謂在現階段搶購,但是政府千祈唔好在樓市下跌的時候取消SSD,因為將會產生龐大供應量,令致樓市加速下調。蘇東坡在寫完西江月之後,見到僕人再開多幾酲酒,激到差不多暈低,又見到那麼多美酒,咁少賓客,隨口叫僕人將多餘的酒煮豬肉,都幾好食。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. Oscar Lam 2014-08-20 09:10:08
博士對樓市未來的發展未感樂觀?
2. 施政失誤的結果 2014-08-20 09:44:40
細價樓呎價升是金管局施政失誤的結果,越大碼越不准借至令換大樓斷鏈。
3. 亮劍 2014-08-20 09:55:40
香港人口组合中以60後為主,因此在80年代尾,90年代初就係佢哋置產的高峰期,想當年我喺9O年代初首置果陣,我的同學、同事及同輩,有幾多个人有咁好彩,可得家人強勁火力支援?
因此當時大多数新楼楼盤,都会開 A及B類型单位,貪佢细细粒容易食。
開發商都係挑通眼眉之輩,因此「冧深」房價要就当時買家的收入水平,係共識。
隨著呢十多弍十年時光飛逝,我身邊唔少同輩的人工早已三级甚至十级跳,層楼換了幾轉,或者一变二、二变四, 現在呢班60後,其實好多人都已經供完最少一層楼,甚至就來供完第二第三層楼,咁他們的子女的置業能力,就绝對唔係单睇那班8~90後的收入水平,而係睇埋佢哋嘅老豆老母,有無實力同肯唔肯跌!!
香港其實不缺细碼楼,而持有呢D楼嘅業主,為数不少其實好想將名下那間幾佰呎换作900上。
但政府就係咁將D地去限呎限量,加埋打房政策骨子裡,係迫人上细碼貨,咁發展商為求去貨,將狂起火柴盒,那麼中小型楼就会於下一个週期,產生供過於求的態勢。
点解政府唔反思將D土地,用來起800~1200呎单位,然後鼓勵那些揸住400~600呎的60後小业主楼换楼?
咁一來可增加價格比較相宜的中小型2手供應。
二來可改善60後小业主的居住環境。
三來當换楼鏈啟動咗,那開發商旗下的土地资源就會被釋放。
在香港,一塊生地要变成楼宇,隨時係一个楼市週期,即拾幾弍拾年,現在政府大錯已成,下一波细價细码楼的伙数將會供過於求!
如今補救方法係開發商在起火柴盒果陣,請預留部份相連单位可於日後打通,以備之後將呢D单位作綑綁式銷售。
4. 估估下 2014-08-20 11:02:59
道指最多升到19000点爆,港股最多38000点爆,上證6000点爆,楼市最多再升兩成爆。(估估下)
还記得2007年8月中至11月中,短短三個月恒指足足升了12000点,在大牛市1個大利好因素就可以井噴爆升,有何不可,同樣升到頂点大壞因素,隋時斷裂式下跌。係人都知呀媽係女人,只是温故知新者。
2017股樓同爆煲。
5. AH-HO 2014-08-20 11:17:44
大家覺得為什麼新地要甘急賣天晉ⅢA?
跟宜家通常等到差不多落成先賣貨的情況好唔同。

--- quote ---

【經濟日報專訊】政府加快批預售,將軍澳天晉ⅢA昨獲批售樓紙,以28個月樓花期成為政府歷來批出最長樓花期的項目。示範單位今天曝光,本周內開價,月底可以開賣。

新地(00016)天晉ⅢA在今年4月申請售樓紙,僅4個月就獲「開綠燈」,發展商急速展開賣樓部署。資料顯示,項目預計2016年12月落成,距今樓花期尚餘28個月,成為預售樓花同意方案的新盤之中最長樓花期的樓盤,超過今年6月獲批預售的紅磡住宅項目「何文田山畔」、獲批時尚餘27個月樓花期的紀錄。

6. 大寶二寶 2014-08-20 12:18:21
隔離柯生話佢朋友個仔做醫生想係市區買個三房單位要成750萬都話樓價貴買吾起喎。

想上車可以買兩房㗎, 或想住三房想平D咪買大西北囉。 再一步步换大D或搬返市區囉。

吾通做醫生有特權或巴閉D一上車就要市區三房? 醫生都係普通人一個不過職業高尚D人工高過普通人D, 有咩咁了不起?置吾到业係自己心頭高啫。

共勉之, 哈哈!
7. To 6/F 2014-08-20 12:50:36
True. Heard about a case that a successful business man dislikes his daughter marrying a
doctor (not making a lot of money).
8. 順民 2014-08-20 13:28:44
為何細價樓如此受追捧?歸根究底就係僧多粥少。派粥的人眼見要吃粥的僧人眾多,一鍋粥肯定不夠派,故唯有將一個大碗轉成為兩或三個細碗去分派,令更多僧人可分到粥吃,僅此而已。就等如七十年代政府大舉興建公屋,當時每間公屋的面積全都是百多二百呎為主,但卻要一間住上整個家庭的五六口人,但唔係咁做又有何辦法?經過了三四十年的建屋努力,僧多粥少的情況無疑已有一點改善,但始終仍然是僧多粥少,仍沒有足夠條件去派大碗粥,這情況相信還會持續十年八載或更長時間不定。若現在說擔心細價樓(細碗粥)會供過於求,這又或未免有點過分樂觀吧,如果真的能達到供過於求,即係話香港的房屋問題已解決,梁振英的重中之重任務亦順利完成,真係咁簡單?
9. e_kam 2014-08-20 13:32:59
点解政府唔反思將D土地,用來起800~1200呎单位,然後鼓勵那些揸住400~600呎的60後小业主楼换楼?
This sounds logical but if you think more about it you will find it's not a good solution.
As you said, building a 800~1200呎单位 for 换楼 will free up 1 small unit only.  But the size of 800~1200呎单位 can actually build 3-4 small units.  Given there's shortage of residential units right now.  It's not a good solution.  I think Hk gov should go nuts building small 1-2 bedrooms 居屋 right now.  Let developers to build large and luxury units.  This will be the ultimate solution.  
10. 亮劍 2014-08-20 13:42:32
大寶二寶兄……柯生說:「一名出自草根階層,沒有父蔭可言的本地醫科生,24歲畢業之後,由實習期開始,在公立醫院為市民作醫療服務,首十年間共可以獲得薪津合共約港幣1千萬元,扣除收入稅款共約100萬元,平均每年的淨收入約為90萬元,計劃靠自己儲蓄首期(需要330萬)以購置一個位於九龍非豪宅區三房一廳的半舊單位 (樓齡約十年上下),市場現在的樓價約750萬元左右…………」

如果呢个医生有个中產老豆又如何?
例如那間 750万嘅3房,已神早供完,而業主一樣有個24歲嘅仔做倒医生,咁呢家人又可不可以咁玩?
首先沽出呢間3房。
再以原業主个人名FP買件同区兩房,當500万自住。
然後用阿仔名,買一間 600万嘅同区兩房,首期180万,其餘借7成按揭即 420万,分 25年供、按息計 2.50厘,每月供19K唔使,就算加上压測都係26K,以一名医生來說,卓卓有餘!
而如果一名医生認為佢要整翻間市区三房才合身份,咁等多幾年先楼換楼囉。
呢家的情況係,你要儲球幾兩球有困難、而且好耐,但喺某些人來講,大把方法变倒2M出來!
11. 大寶二寶 2014-08-20 13:47:41
回9

我比較 buy 亮劍兄嘅睇法。呢屆正苦就係缺乏長遠房屋政策,只懂得頭痛醫頭, 腳痛醫脚, 3D 政策迫哂D人買細價樓, 發展商就狂起細價楼。 過多幾年D人换吾到楼( 因冇貨供應斷左層)時又嘈,吾通到時狂起中價楼咩? 所以話呢班係九官, 毫無遠見,剩係識攞短期掌聲, 一点都不為過。

共勉之, 哈哈!
12. 小業主 2014-08-20 14:10:38
若果细價楼供應要等四五年才到位,就算將來要跌價,將來的尺價都跑勝大单位啦! 因為這幾位细位將跑特啦! 四互年後什麼世界邊個知?
13. 小業主 2014-08-20 14:10:49
若果细價楼供應要等四五年才到位,就算將來要跌價,將來的尺價都跑勝大单位啦! 因為這幾位细位將跑特啦! 四互年後什麼世界邊個知?
14. 小業主 2014-08-20 14:10:50
若果细價楼供應要等四五年才到位,就算將來要跌價,將來的尺價都跑勝大单位啦! 因為這幾位细位將跑特啦! 四互年後什麼世界邊個知?
15. 小業主 2014-08-20 14:12:54
若果细價楼供應要等四五年才到位,就算將來要跌價,將來的尺價都跑勝大单位啦! 因為這幾年细位將跑特啦! 四五年後什麼世界邊個知?
16. 大寶二寶 2014-08-20 14:36:39
回12 小業主兄
单位
似乎你吾明問題所在。 過多四,五年後, 呢幾年D細单位业主水漲船高, 人工又加左, 好自然想换大D或三房。 依家政策間接鼓勵D發展商狂起細单位, 咁到時边夠中價楼比細单位业主换楼?咁 到時咪又炒起中價楼? 唔通到時先算? 所以話正苦缺乏長遠房屋計劃, 真係吾知佢定真吾識定假吾識定係咋睇吾到。 因到時都吾知落左台未。

共勉之, 哈哈!
17. Tom 2014-08-20 14:54:56
上星期五招標地,可能會這兩天公佈結果,就此看看發展商對未來樓市的預期。
18. 行外人 2014-08-20 15:28:43
To 17F Tom

呢個價只可以係“執死雞”價,絕對不能反映對樓市的預期!
19. 蜕变中嘅懒人 2014-08-20 15:42:22
懶人根據自己嘅情況同願望,幫CY諗咗一招孔明草船借箭嘅計仔,現在因3D辣招、供應失衡、利之所在、人心所向,太多強者加入上車客隊伍追逐細價樓上車盤,令到價租齊升,草根階層叫苦連天,懶人3隻新界西小豬升完又升,升到由開心变担心,驚住CY忙完政改就嚟玩野,其實懶人真係好想趁現在賣咗3隻小肥豬,換間有大會所大泳池嘅大單位,奈何俾3D辣招同按揭限制、加埋壓力測試重重綁實,所以諗咗條舊橋,命名:減辣白居二試用庒草船借箭版,點攪作?

照舊版白居二,限量限時推出細樓換大樓3D減辣大優惠,俾有條件換樓嘅人申請,賣两間細樓買番一間中價樓優惠多啲,試行一年玩一期先,以觀後效再行檢討,如果行得通就可以即時多番啲現成細價樓應市,自然樓價回順,又可以燒焊駁番條向工換樓鏈,改善居住環境,行得通嘅話就會令各類樓價合理化,起少啲上車盤唔使遲啲泛濫冧價,改積起多啲中、大單位俾人upgrade,CY又可以着手令3D辣招慢慢消失完成歷史任務,民望即時坐直昇機,一舉十得,最好嗰下就係懶人可以得真所哉,三贏局面由此創造出嚟。

孔明草船借箭,CY減辣借樓,懶人妙計換樓,至於細節詳情,還望政府同專家諗掂佢,懶人無料到攪唔掂,sorry 先。
20. To 19 2014-08-20 15:54:44
正苦野整左就唔會走架啦, 只會越來越架床叠屋, 例如存保, 金融海嘯都過左幾年, 銀行啲錢多到數唔完, 要俾美國罰咁啲去, 都唔會撤啦, 奶奶令又係咁.
21. To 19 2014-08-20 16:18:16

可想而知, 哩壇怪胎一旦搞左出黎, 又係一單無盡孽緣嘅續集, 總之正苦嘅 party, 係唔會咁易 over 嘅.

越扶越貧委員會 開 會 討 論 退 休 保 障 研 究 報 告 。

蔡 海 偉 又 表 示 , 希 望 市 民 能 看 到 全 民 養 老 金 的 重 要 性 , 因 不 是 有 很 多 僱 員 能 夠 儲 蓄 足 夠 錢 應 付 退 休 生 活 。

22. To 16/F 2014-08-20 16:44:15
Heal the headache first. No other ways. The CE cannot guarantee his term of office can be extended.
23. 順民 2014-08-20 16:44:24

先要搞清楚政府的立場﹐ 政府責任係要幫助市民解決居住問題﹐ 而唔係為市民解決住得好﹐住得舒適或住得豪華呢個問題。現今社會最大的聲音係上唔到車﹐ 而唔係換唔到樓﹐ 咁叫府如何取捨  ﹖ 或有人認為只要讓現時住緊細樓的市民有機會換樓﹐再將細樓放售﹐ 從而可增加細樓供應 。但就如9樓所說﹐一個1200呎的大單位可建造3個400呎的細單位﹐這就是將一碗大碗粥分成三小碗可讓三個僧人吃的道理。條數唔係咁計咩 ﹖

24. Alan Pepper 2014-08-20 16:59:44
3D is like a water dam. Normally water (money) will flow in a river without obstruction, water will flow as it rains (hot money) and drought (liquwhen there isn't.

However, if the dam (3D) is set too high, without a flexible way to release the water (money) flow. Water will then accumulate to capacity, new water (money) cannot come in and will flow all over the place and damage the crops around them (people who actually need the water to live). The only way to solve this problem is to either build a bigger dam to increase capacity (find more land for people to buy), or release some water to stop flooding (lower some 3D to release some money to invest elsewhere) so it will not hurt the crops anymore.

If this is a good analogy, the government should lower the 3D so that some supplies will flow back into the system. Today the cost of releasing a property is much higher than retaining it. This is the problem.
25. Alan Pepper 2014-08-20 17:00:25
3D is like a water dam. Normally water (money) will flow in a river without obstruction, water will flow as it rains (hot money) and drought (liquwhen there isn't.

However, if the dam (3D) is set too high, without a flexible way to release the water (money) flow. Water will then accumulate to capacity, new water (money) cannot come in and will flow all over the place and damage the crops around them (people who actually need the water to live). The only way to solve this problem is to either build a bigger dam to increase capacity (find more land for people to buy), or release some water to stop flooding (lower some 3D to release some money to invest elsewhere) so it will not hurt the crops anymore.

If this is a good analogy, the government should lower the 3D so that some supplies will flow back into the system. Today the cost of releasing a property is much higher than retaining it. This is the problem.
26. 蜕变中嘅懒人 2014-08-20 17:14:58
TO 23樓 顺民兄
其實兄台都明白,想上車嘅人除咗希望有穩定居所,仲有希望自住物業可以升值嘅祁望,現在好明顯上車盤俾辣招鎖住,懶人想賣都圍唔到數,供應少再加上投資者狂搶,價急升租金水漲船高,無公屋無能力買樓嘅草根階層係租金犧牲品,等唔到供應大增嗰日,現在死頂上到車嗰班到時变負資產,因為上車盤太多令中、上價樓反變成罕有,聰明投資者眼明手快轉身,上車客魚貫成負資產,所以現在應該係時候着手利誘、應該係話換樓者蝕少啲,將現成上車盤釋放出市場回歸正常,成功嘅就唔使起咁多上車盤令樓宇種類失衡,造成他日好似搶上車盤咁搶大單位,呢種情況以前有過,應該唔難想象。
27. Alan Pepper 2014-08-20 17:18:20
SSD is like a dam with regulates water in 3 steps. The first dam is set at a high lever (20% in first year) then if that overflows it will go to a 2nd, lower dam (10% second year) and third dam until it reaches the other end of the river. This at least will release some water while not overflowing and damage the crops. But the other 2D has almost permanently stopped the flow of properties. 
28. Alan Pepper 2014-08-20 17:28:33
to 26.

Good point. Maybe the government should consider lowering the 3D for properties from 600sq ft. to 1000 sq. ft. Or 600 sq. ft. and up, or some sort of adjustment to the system to promote people with small flats to upgrade their homes? Obviously this is not well thought out, but brother and sisters here may give some input on this? What are the consequences of this for example. 

The reason is, people who complain about property prices are too high are first time buyers. If we can satisfy the first time buyers then maybe the society will have more harmony? 

If this happens, the ideal situation is people who own and live in a 500 sq. ft. flat will consider moving up to a 700 sq. ft. releasing the smaller flat for first time buyers. 

29. 順民 2014-08-20 18:04:36
懶人兄 ﹐在此處的人大都焦點於樓市及經濟問題﹐ 但梁政府則著重如何能實現大批供應達到人人可買樓做業主的目的﹐ 兩者是截然不同的﹐ 或可說是大家都不同路。在下是站在梁政府的立場來思考﹐ 意圖去測摸他的心意﹐ 以達到知己知彼﹐ 你也不妨可一試。返屋企﹐ 傾住咁多先。
30. 蜕变中嘅懒人 2014-08-20 18:10:39
懶人睇新聞話全民退休障計劃若實施,滿65歲嘅路人甲每個月有$3000蚊袋,懶人啱啱夠quali攞,開心到極,點知睇埋話要加税,咁咪即係喺我個左袋抆張紅底,俾番張$50蚊入我個右袋,蒲也麽!
31. 蜕变中嘅懒人 2014-08-20 18:25:21
TO 29樓 順民兄
兄台從CY角度諗,CY只要人人可買樓做業主,無疑係達到咗私利嘅政治目的,但完全妄顧民生係好離譜,做負資產業主係一種殘酷折磨,輕則信心盡失、重則家散人亡,97悪夢豈能淡忘,懶人係從整個樓市環境去諗,不過自私劣根性係有嘅,利己利人應該唔會俾人鬧黑心掛。
32. 大寶二寶 2014-08-20 18:47:10
回23 順民兄

我認為政府嘅責任只係要令到人人有屋住, 而吾係令到個個市民擁有自住楼。 依家似乎本末倒置, 既然要滿足上車客要求打壓楼價, 難保第日呢D上車者為求改善居住環境要求住大D住舒適D, 咁你正苦係咪要滿足埋呢D要求? 要知人性係貪得無厭。 咁到時吾夠大单位换楼点攪? 呢D都係民生現實問題。都係要解決㗎。

共勉之, 哈哈!
33. E_kam 2014-08-20 19:16:50
回32
要滿足中下價樓上車需求起居屋就ok. 無需要出3D. 
34. To 30 2014-08-20 19:19:59
懶人兄明察!
以前教育電視講故事, 有一對女人爭個 bb, 真假不能辨, 法官話, 咁不如斬開佢兩份, 一人拎一半返屋企, 親生母當然寧願送俾人都唔願生劏個 b, 至於惡毒婦人咯禾, 當然係不吃白不吃, 損人利己不利己之事做盡, 即管斬之哉, 真假由是分.
他日兩老若然袋番三幾千, 而子女提出相應俾少啲家用, 兩老也是無可無不可, 反正也是左袋入右袋, 乜野人一直努力搞哩啲混水摸魚大餐呢? 咪就係果啲厠身於社福系統漁利自肥嘅人囉.
唔知而家啲教育電視仲有冇咁有教育性呢?
35. To 32 2014-08-20 19:21:55
要人人有屋住, 但人人都嫌租貴買又貴, 要個人空間又唔要犧牲個人享受, 同父母住又哩樣果樣, 愛民如此嘅特衰正苦, 唔知理得邊樣. 父母有層供滿左嘅, 按番出黎幫個唔夠秤嘅細路上左車, 但父母都近退休過喎, 係咪個細路幫父母供埋? 他日一個浪 cum 埋黎, 個細路如何供兩間?
36. 大寶二寶 2014-08-20 19:34:48
回35

到時咪賣走兩老物业, 再申請特快上公屋囉。 唔係講笑㗎。

共勉之, 哈哈!
37. 蜕变中嘅懒人 2014-08-20 19:44:49
TO 36樓 大寶二寶兄
兄台講波咁勁,真係有道理,識走位至有糊食,啱嘅啱嘅。
共走之,哈哈。
38. To 36 2014-08-20 19:52:37
大二寶哥, 哩個 risk factor 同 contingency plan, 響向父母集資時, 肯定冇 disclose 過, 父母之於子女, 真係用心良苦矣. 
39. 大寶二寶 2014-08-20 20:12:10
回37 懶人兄

懶兄吾好取笑小弟喇。 懶兄嘅精靈多計, 小弟都不及拾份一。

共勉之, 哈哈!
40. 亮劍 2014-08-20 20:23:25
我嘗試以發展商的角度,去睇点解佢哋会去起D火柴盒。

自政府推出三爛蕉之後,除了首置上車客不受影響外,打擊係全面的,咁挑通眼眉嘅拒哋,是否要有應變計劃?
首先因為客路大幅收窄,由其係中大型单位,好難嘜个好價,仲要代客交印花稅,所以開發商会盡量拖延建屋進度自保。
第二因為唔知市場,如何解讀那些爛招,因此佢哋会在投地方面傾向保守,做足風險控制正路到卑。
第三那些大型項目,因為要做好多唔等使的工程,落成日期好多時多人兩年,風險大咗、銀碼唔细,咁当然保守D 啦,而呢D大棵蓆,一起手就过仟个单位,要是全部起晒某一類型单位,要是市場口味逆轉,真的賣到氣咳,真係蚀入肉都似,條数唔知点算。

CY 你做得初一,咁那些大型發展商,还會幫你政府搏老命去買地、换地、投她起楼,以德報怨?

你政府狂推限X地,焗開發商去起火柴盒,还有一個問題!
现在當2手市場有10个一房,5个兩房,5个三房及2个四房。
呢班业主其實好多人都希望更上一層樓,而市場上仲有2个買家想上車,但發展商又只能起得兩間屋。
咁如果你係政府,你会点批D土地???
唔好話仲係一房玩我呀!!
至於D地点來,其實揸喺大孖沙上的農地土儲,仲多过你政府呀,但望見你正苦班官,意圖或企圖限發展商,只做上車客生意,咁佢哋喺班友未瞓醒前,就去補地價,咪同班友儍埋一份?
41. E_kam 2014-08-20 21:17:22
HK average family size has drop down to 2.9 in 2012.  大家真係覺得大單位需求咁大? 其實對好多家庭兩房加工人房都已經好夠。當然起studio/劏房又係另一回事。
https://www.housingauthority.gov.hk/en/common/pdf/about-us/publications-and-statistics/HIF.pdf

42. 打工仔 Andy 2014-08-20 21:17:26
今日忙到一頭煙! 現在先有時間! 

其實大家既睇法到幾岩, 今時今日既後生仔, 未結婚都想自己搬出來住! 
所以細價樓租務市場, 實在有好多不同類型既租客! 

不過, 中型三房單位將來又的確需求會大增! 

所以自己將來有機會重組組合時, 都會留返現在自住的三房收租, 用兩件細合一件大自住!  
43. 打工仔 Andy 2014-08-20 21:20:17
To 40 亮劍兄

發展商計過的, 真係無死錯人! 哈哈! 
44. abc 2014-08-20 21:27:49
利誘投資者用兩間細單位呎數買大單位1間,免辣椒稅
45. 打工仔 Andy 2014-08-20 21:29:01
To 30 懶人兄

政府搞老年退休計劃唔係話唔好, 不過, 從小到大的香港人, 都是靠自己努力! 自己執生! 
現在突然改變到" 人人為我, 我為人人" 真係唔多習慣! 哈哈哈哈! 
46. 打工仔 Andy 2014-08-20 21:35:27
To 大寶二寶兄

現在d 後生仔, 一出來搵到d 錢就心頭好高! 
47. 蜕变中嘅懒人 2014-08-20 22:33:45
TO 各位兄台

懒人有個諗法,將來有大型會所嘅大單位會好吃香,理由係:1. 最近多限呎限量地,細單位將會太多,大單位會相對較少供應。2. 政府限制發水由30%減到10%,起大型會所發展商無着數,呢類屋苑會愈來愈少。3. 輿論開始針對私人會所地續期問题,私人會所數目將來會減少,其實買會藉費用不菲。

具有設備齊全大型會所嘅屋苑,若在港鐵上蓋,5、6年左右樓齡係懒人嘅尖吼士。幾年即5-7年應該有錢途。用2隻新界西小肥豬变现金,等17年左右補錢夫披買,係懒人現在嘅大計。
48. 蜕变中嘅懒人 2014-08-20 22:45:05
TO 45樓 打工仔兄
懒人覺得呢個全民退休民粹計劃對於有物業嘅中產階層無乜用,而且呢個係養懒人(唔係講我)計劃,打刼中產養民粹,佢地真係貪得無厭,如果要資產審查連幫補番少少都無埋,慘極,唔係俾唔起,係條氣唔順暢。
49. Oscar Lam 2014-08-20 22:52:23
47/f 懶人兄,
祝你早日願望成真!用二只小肥豬換一只大肥豬,不需補錢,仲要錢入袋。
50. 打工仔 Andy 2014-08-20 22:54:26
To 48 懶人兄

你講好岩! 我地交禁多稅, 又無乜福利! 依家仲要夾份供養人人父母! 真係......! 
51. 引刀一快 2014-08-20 22:57:47
懶人兄

我都同意大單位將來會吃香,我住慣大陸依傢喺香港覺得好擠逼,好似你咁幾間細換一間大係有道理。

52. 打工仔 Andy 2014-08-20 23:13:35
To 51 引刀兄

唔知係咪自己老老地, 我都開始喜歡內地! 
哈哈哈! 
53. 引刀一快 2014-08-20 23:22:56
大陸依傢嘅全民退休金,大城市高到嚇死人,好多人攞嘅錢同中産一樣多,咁落去再過十幾年,大陸嘅中産冇可能養得起呢筆開銷。
54. 引刀一快 2014-08-20 23:24:02
打工仔兄

我回應咗你前幾日嘅post,有冇miss咗呀?
55. 引刀一快 2014-08-20 23:27:29
大陸同香港,兩種唔同風格嘅生活感受,當香港人開始摒除偏見之後,就會感受到兩者互補嘅帶來嘅身心裨益。
56. 打工仔 Andy 2014-08-21 00:09:27
To 54 引刀兄

有睇到呀! 我有一間70平方的兩房在福田收緊租, 樓下是是吉之島, 08年入伙的新樓! 
我個租客是中產, 她已在南山買房, 
不過, 為近返工所以在福田租樓, 佢仲揸車車我地去午飯 ! 哈哈! 
57. 打工仔 Andy 2014-08-21 00:12:27
其實, 內地新一代中產既知識水平好高! 
內地將會愈來愈好! 
58. 引刀一快 2014-08-21 01:46:26
五千人仔,止唔止?
59. 引刀一快 2014-08-21 01:49:14
大陸吉之島喺上次衝擊之後,依傢全綫改作“永旺”,我同學話,咁就即係“永日王”咁解!
60. 打工仔 Andy 2014-08-21 08:52:07

To 58 引刀兄

我只收5.5K 淨收, 其他全是租客付,其實租平咗, 相同質素收6.5K!

不過準時交租就算了!

61. 打工仔 Andy 2014-08-21 08:54:38

To 59 引刀兄

又好似唔覺改咗名喎!下次上去留意下。

62. 引刀一快 2014-08-21 11:05:11
打工仔兄

睇嚟你間福田屋,唔止位置靚,座向、內裝都唔錯。AEON全綫改名有半年左右。
63. 打工仔 Andy 2014-08-21 11:43:30

To 62 引刀兄

是呀!原業主無被買來, 佢話用咗30幾萬人仔裝修(豪裝), 極高層!有大露台!佢

住咗一年, 2010年賺少少就賣咗比我, 因為當年開始打壓樓市, 佢好驚!但我唔識驚就接咗啦! 現在樓價上升咗差不多60 % 了!哈哈哈!

 

64. 引刀一快 2014-08-21 15:30:05
打工仔兄

福田高層好正,西南海風好勁,夏天唔駛開冷氣。
65. 引刀一快 2014-08-21 15:32:33
試下估價,入貨170萬,夠唔夠?
66. 打工仔 Andy 2014-08-21 15:36:48

To 引刀兄

嘩!你是否有水晶球的!! 差不多了!

 

67. 打工仔 Andy 2014-08-21 15:39:49
最高峯時相同低層單位成交過3M人仔!現在回了少!
68. 引刀一快 2014-08-21 18:25:27
打工仔兄

我都係試試啫,你都俾咗咁多資料咯。
依傢大陸樓係向下走,有啱嘅位置,睇定先,等到價位啱可以入多間喔!