地產博客 > 文亮語 返回
瀏覽人次:44467    回應:41
文亮語

每週指數巡禮(38)晨光第一線

 

湯文亮博士

紀惠集團行政總裁
2014年5月17日

  昨晚中原指數出結果的時候,大部份關心香港地產的人士,就算當中有一些看淡樓市,他們亦預測到指數會上升,當然,那些看淡樓市的人說法有多少不同,他們會說,樓價會上升,然後大跌,其實,他們已經開始轉口風,不過,又唔想其他人說他們轉口風,所以推出這個先升後跌論,一般來說,他們的做法叫做跌落地執番渣沙,最奇怪的不是中原指數上升,而是在報章不斷出現劈價,蝕讓聲不絕之下上升,我相信那些執筆人很難自圓其說,不過,亦沒有什麼所謂,大家都是胡亂說說而已。

  其實,香港樓市早已作好準備,枕戈待發,在DSD及BSD辣招推出一年多的影響下,樓價雖然停滯不前,但購買力早已凝聚,只要一個激發點,樓價便會重拾升軌,我估計,中原指數在暑假結束之前便會破頂,但亦不需要大驚小怪,只要上升5點,便可破頂,而新DSD若果發揮其威力,破頂如食蛋糕一件而已,昨晚中原指數收市報118.86,升0.74,我相信是一輪升浪前奏,但我亦希望升勢不要太過急速,否則,惹起官員反感就唔底,慢慢上升便可以,而官員們亦毋需大驚小怪,若非在辣招影響下樓價早已破頂又再破頂。

  或者會有人很奇怪,點解今次咁多人睇到中原指數會上升,其實無它,上升跡象太過明顯,在過去幾年,政府用盡了所有方法,但樓價依然不跌,現在除了再收緊銀行貸款外,政府亦答應不再出辣招,甚至開始減辣,就算IMF都叫香港政府在兩三年內撤招,否則,樓價下跌會影響香港經濟,銀行貸款,家庭負擔等,更加會做成惡性循環,有IMF指示,政府不想但亦要考慮撤招,甚至付諸行動,否則,新DSD就不會出台,而正因為如此,市民心目中亦認定政府開始撤招,辣招黑暗時代開始過去,而IMF忠告與及新DSD就好似晨光第一線,光度雖然微弱但在黑暗當中特別容易令人察覺得到,雖然,我唔知道今次的晨光第一線會不會變成樓市曙光,但最少都給小業主一些希望,這點比實則效用還緊要,如果市民對樓市不存在希望,就算政府放寬所有辣招都於事無補,或者我可以這樣說,希望才是小業主的晨光第一線。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 亮劍 2014-05-17 09:26:51
如果您喺lB或PB任職中高層,咁您好大可能要定期申報及更新您嘅投資組合,每次買賣要限期申報或申請,而買入股票後,又要有禁售期限制,面對咁鬼麻煩的規矩,好多呢類銀行的職員,如果剩倒錢,都會走去買多一兩層楼收租做保值,咁做只係以免自己或佢嘅伴侶有銀身痕,但一時大意在做完買賣後唔記得報,引致收警告信或被纳令辭職。
但有咗DSD之後,呢班人唯有買地產股或存人仔保本,佢哋真係俾政府呢个DSD殺得应!
2. 就請你加入特首辦! 2014-05-17 11:51:27
口痕.........
話說有條友同CY 講...個樓市冇得落,係因為....
美國QE印太多$, 令資產升值, 港元跟美元貶值同低息, 個個有D$嘅去買樓收租都好過存銀行.
自由行帶動租金全線上升,令工資水平+失業率都升埋, 賺多咗收入高咗又走去買樓.
政府大搞基建同住屋争工人影響建住屋進度.....
CY 話:    係咩???     點解冇人同我講嘅???
嗱!...CY 你先大放風話出完辣招後,必冧三成,等D人一來唔敢置業,
再令部份貪心"信徒"放咗層自住樓,博第日低位買返,增加二手市場供應.(點知唔work)
第二步再搞冧自由行,令香港經濟轉差同時令失業率上升,咁咪多D人供唔起樓同少D人買樓,焗住斷供,令樓市冧下去, (仲未知work 唔work)
然後,將趕緊工嘅基建工程唔好趕了,放返D建築工人去住房嗰邊, 揾個大型D嘅工程話要延誤,天災人禍做理由都好,總之延得一時得一時, 反正蝕嘅又唔係你嘅$, DT派少D糖咪得囉!庫房大把!
洗晒咪加利得稅囉,趕走部份外資!令失業率上升,到時睇吓仲有冇人去買樓.
CY 聽完就話:     超正! 就請你加入特首辦!

3. 亮劍 2014-05-17 12:26:18
舊年年底如果你去問任何一個財演、经济学家、磚家、地代、政府高官,在2014年以下呢兩樣嘢边樣会升……

香港楼價vs美国十年期债息。

記得只能弍選一!

奇怪嗎?8/2 投資定律又生效!
4. 亮劍 2014-05-17 12:45:22

舊文重貼 亮劍 2012-11-01

什麼是打白條?

是政府收购农民公粮,没有现钱给付,开一张欠条给个人,以后有钱会给付,如果没有钱,有可能泡汤。

机关、事业单位没有现钱兑付,开给个人的一张欠条,以后有可能兑付,也有可能无能力兑付。

中國地區政府做過嘅嘢,現在美國已經做咗或做緊,而在可見之將來,不但唔會收歛節制,這些白條只會打得更多,做得更狼死!

試看美國中產生活方式,首先在偏遠地區買間花園洋房,內附有泳池,然後買一兩架大馬力食油怪,再每日揸粒幾兩粒鐘上下班----

咁攪法人均水資源、能源及各式各樣資源會少嗎?

美國在這十多弍拾年,大半國民豐衣足食,而美國各總統極之唔希望佢嘅國民生活質素大幅倒退先係死症。

當所有國家唔掂嗰陣都要厲行節約,勒緊褲頭,美國就可以打白條、開行印鈔機同將資產負債表無限擴張,講得通嗎?

港元同美金掛鉤,香港嘅貨幣供應會水漲船高,各式各樣資產會緊隨急漲,民不聊生!

但脫鉤會將問題解決嗎?就當你香港實施負責任嘅財經法案,以免市民承受通貨膨脹之苦,咁美國嘅投資者就可大模大樣,大手大腳用印刷得來嘅白條買進你「相對平價」嘅資產,可能有人話白條有美國政府照嘅,唔使驚!

但今日值一萬元購買力嘅白條,叁拾年後只能買倒隻雞,咁同打刧有何分別?

我好希望我講錯,但如果幾拾年後每次買樓都係講緊每呎 1 M 2 M,咁呢個世界會變成點?

美國國民有今日咁風光,是杖著係呢個世界唯一軍事強國及可任印銀紙權吃老本,衰啲講即係靠鎗桿子同銀紙,加上食腦對付唔同敵人、朋友及對手。

對擁有資源嘅國家,順美者昌,否則玩到你家破人亡!

對盟國態度,亦要唯佢馬首是瞻,聽教聽話,否則三大評級公司日日寫到你國家各項債務變成垃圾!

對潛在競爭者,圍堵、打擊、唱衰及用高幾班嘅金融智識攪鬼你,等你崛都崛唔起,免得你同佢爭乜爭物。

世界唔少發展中國家嘅人民,都希望過美國式中產生活,但地球有限資源點分配?價高者得或力强者勝請弍選一,但無論你揀乜,通貨膨脹係一定發生嘅!

薪水當然有得升,但追倒通脹算你好彩!

人總會死,無謂強求,但如果你唔喺你識行識走嗰陣,揾夠錢並將之轉成各式各樣,足以隨通脹上升嘅資產,臨老真係惨到無倫,好不幸印出來嘅公仔紙包括各國貨幣都唔算。

仲有唔好旨意任何政府同你嘅下一代會幫倒手,分分鐘佢哋仲窮過你,唔使你幫佢哋要偷笑,算執倒!

5. 亮劍 2014-05-17 12:54:20

舊文重貼-----亮劍 外資在港存款及固定資產投資應有上萬億,港元一旦同美元脫鉤,外資肥仔囉,存款先殺你一浸,再賣物業殺多你一浸,蓆捲港人一二千億,無難度!

香港政府立即解決好多難題:-

樓價 - 跌硬

銀行水浸 -變高息搶存款

自由行遊客 - 失蹤

水貨客 - 無晒

貧富懸殊 - 變均貧

庫房錢多唔知點派 - 變連年赤字,大家無交嘈

6. 仲有冇得升 2014-05-17 13:25:00

下面呀球哥好似好淡wor

7. 小業主 2014-05-17 13:39:35
其實樓价吾使點升,keep 住哩個水平多一兩年,我估計就開始有賣左自住樓既人出黎cut loss, 哩班人一出現,樓市應該進入last rally 既階段。
8. to 5/f 2014-05-17 17:01:39
好希望見到香港向呢個方向進發,人與人可能會和諧d
9. 點解 2014-05-17 19:08:43

咁靜

10. To 8 /F On 9 人 2014-05-17 21:38:55
你講緊就係著名既「黃子華魚蛋論」囉!

================


各位,你明唔明白,我哋今時今日嘅香港係處於咩狀態?我哋買串魚蛋都咁㗎嘞!

做咩呀?做咩大家買串魚蛋(一樣)咁多錢,佢串魚蛋多我兩粒㗎?
我唔要你比番兩粒我,我要你攞走佢果兩粒!大家少兩粒,咁就公平呀!

做乜佢有甜醬我冇呀?
我唔要你比甜醬我,我要你舔走佢果啲甜醬!大家都唔甜,咁就公平呀!

做咩佢又無咗甜醬,又無咗兩粒,佢仲食得咁開心呀?唔公平!
咁點先公平呀?大家都唔開心囉!大家食得好仆街咁囉!

11. To 8 /F On 9 人 2014-05-17 21:41:52
另外想講,部份心地唔好80後或更後生果批,經常在各大論壇挑起無樓者仇恨情緒,目的顯然而見:

部分後生一代聲討地產霸權,要求香港政府調整樓市,其實並非令他們有即時「上車」的可能,只是想令本身已置業之業主折墮淪為「負資產」。
12. 潛水型炸彈 2014-05-17 22:10:03



[ 本帖最後由 潛水型炸彈 於 2014-5-1 02:16 AM 編輯 ]

所以我連圖都一早劃埋比班後生一代睇,希望佢地知道定位同埋set個向上游之目標⋯

香港財富金字塔(地產版)
http://finance.discuss.com.hk/viewthread.php?tid=23218671

少部份無知愚民根本唔知,政府專玩數字遊戲,"入息中位數"統計竟然包括埋「全港公屋租戶」,除公屋隱形暴發戶例外,鑑硬將班窮人入息拉埋來計,再用呢個「中位數」來比較現時樓價,普遍公屋租戶梗係冇實際需要買樓啦,計來把L?

後生新一代咪日日都被政府洗腦,佢地自己又唔肯用個腦就遷怒於現時業主,嗌生嗌死要政府出辣招幫手打壓樓價…都唔肯花時間/努力晌工作中向社會上層游去…

[ 本帖最後由 潛水型炸彈 於 2014-5-16 10:57 AM 使用 編輯 ]

因此我成日話,只要少數人買得起樓,樓價就有支持,窮人買唔起對市場冇影響
好多淡友以為自己低收入,身邊朋友都低收入,樓價就唔合理,應該大跌,什至期望政府會出手推冧經濟幫自己上車
其實樓災原因,不外乎戰爭瘟疫金融風暴,令大量人失去財富和工作,其餘理由都係雜料


13. raygrrr 2014-05-17 23:01:18
to 亮劍:
睇咗你昨日的買股票方法,更加令我信服閣下的投資水平,李生話,人係30歲後最緊要睇點樣管理自己的資產,重要性遠大於工作帶來的收益,閣下對這幾天的股市有什麼睇法?我傾向相信,在股民對最近股票剛剛的升勢中,正處於半信半疑中,但基金已經開始低調入貨,我對短中期股市睇好而且現在是入市的時候:)
14. 哈哈 2014-05-18 01:56:59
我覺得如果100萬業主/投資者要同政府/你地口中既廢青/低下層鬥,業主係必輸無疑!
15. 哈哈 2014-05-18 01:57:01
我覺得如果100萬業主/投資者要同政府/你地口中既廢青/低下層鬥,業主係必輸無疑!
16. to 12/f 2014-05-18 02:07:31
社會上所謂既中層,祇係最上層既奴隸,政府既犧牲者,最下層既供應給者!

向上流根本是夢
17. 笑爆咀 2014-05-18 06:22:48

樓市風雲:錯沽物業 買回非賭博 - 何熊輝

■筆者認為,回購錯沽的物業,可能仍是合適決定。 資料圖片

第二季二手樓市不但跌不下,反而在不少區份有用家搵盤入市,加上政府在辣招上有小動作,延長換樓買家沽舊居的期限,雖是小恩小惠,但已給市場一個正面訊號,有助增加買家入市信心。


市場一直認為整個樓市會因發展商開盤策略而主導大市浮沉,但現時好像不同,原因是近期開售的大型新盤大多在偏遠地區,就算加優惠減價開盤,市區大型二手屋苑樓價亦變動不大。


近期市區二手屋苑缺盤情況明顯,用家不會要求業主大幅減價才入市,成交明顯較快,對發展商而言,二手屋苑銷情好轉,反令即將開售的新盤減價壓力紓緩,二手樓有市,一手樓亦應不會太差,樓價要跌一成以上機會已不高。

樓價大跌機會不高
筆者認識一位業主,兩年前因看淡樓市,將自住樓沽出然後轉租,他原先想法是希望樓價下調兩成後,回購沽出的同屋苑同類型單位,但兩年後今日,剛完成一個兩年期租約,業主加租成半,但樓價仍企穩,他只好續租。而早前有一個投資界老手,以高價回購他早年沽出的一個物業,單看這單交易他虧了本,但他仍看好物業升值潛質,決定回購,因此除非看淡前景,否則回購錯沽的物業,可能仍是合適決定。


18. 笑爆咀 2014-05-18 06:30:07
" raygrrr 2014-05-17 23:01:18
to 亮劍:
睇咗你昨日的買股票方法,更加令我信服閣下的投資水平,李生話,人係30歲後最緊要睇點樣管理自己的資產,重要性遠大於工作帶來的收益,閣下對這幾天的股市有什麼睇法?我傾向相信,在股民對最近股票剛剛的升勢中,正處於半信半疑中,但基金已經開始低調入貨,我對短中期股市睇好而且現在是入市的時候:)"

是!跟住係"升到你唔信",再之後"升到你迷信"。今次恒指要過4
萬先見頂。大家不要選股,長揸盈富,直等4萬。

可能我太早說出來,現在說出來,又會引來大多數人的笑罵,但這是良好的信號。
19. 蜕变中嘅懶人 2014-05-18 07:57:42

TO笑爆咀兄

懒人剛剛請教完亮劍兄、又用心睇埋各位大哥大姐有關股票嘅意見,剛啱笑爆咀兄話會見四萬,陳四萬?講真定講笑?我係股市盲毛,因為輸到双目失明,啱啱企圖睜開眼睇吓股市,奌知越南嗰边反華暴亂,北鬧凍拉拉啲華人嚟BBQ,今日又話大游行,真係嚇親,請笑爆咀兄再分析吓,真係唔講得笑,不過喺呢度講股票會唔會阻住分析樓市正题呢?

20. 笑爆咀 2014-05-18 08:20:07
真!但你要看清我講的具體操作。

1. full paid 買盈富,買了提出來,記住轉名,每年收兩次息。好多人唔明白"提出來"的重要性,覺得放在 broker 度方便些,這正是問題所在。

2. 當中唔好"出出入入",until 4萬點。
21. 大寶二寶 2014-05-18 09:59:19
回20 笑爆咀兄

請教, 如果股市去到四萬点, 甘到時 CCL 會係幾多? 仲有要等幾耐?

共勉之, 哈哈!
22. 蜕变中嘅懶人 2014-05-18 10:38:24

多謝笑爆咀兄

呢次經大哥一點明晒,即係同夫披買樓長租出去收租一樣,然後又瞌番埋對眼,其間股價升跌漆黑一片,等到四萬點鬧鐘一响,擘大眼即沽奪利,妙計。


23. 笑爆咀 2014-05-18 10:51:10
回22,

你 get 得好快。好似收租咁。

而且提咗出嚟,令到自己"唔太方便買",就無咁易"做傻事。情況好似買樓咁。
24. 大寶二寶 2014-05-18 12:37:10
吾知經边路高人指点, 爆咀兄進修完D思路吾同哂喎,轉返做好友乎?

共勉之, 哈哈!
25. 笑爆咀 2014-05-18 13:25:47
回21

雖然我都睇好 CCL,但係嚟緊幾年,恒指可以從2萬2升4萬,但 CCL 只會從120升到170左右就會盡。
26. 笑爆咀 2014-05-18 13:27:51
回24

風清揚
27. 亮劍 2014-05-18 14:16:14
笑爆咀兄冇見一排,唔知点解你的頻度,会調較到同我差不多,你講唔知点選股就買盈富,真的說出小弟嘅心底話。
我呢幾年說过多次,小投資者死喺股埸中最致命的原因,係汰強留弱,同投資基本法強調要汰弱留強剛剛相反,咁長玩的話,輸係应該、贏你好彩!
現在恒生指數選秀標準,係汰舊換新、汰弱留強、 物競天擇、適者生存……正正符合本人的投資理念!
笑兄又提出恒生指數会升到4万,呢度小弟亦有同感,根據法子兄衡平價理論,1.6 倍就会到頂爆破,而現在恒指衡平價係25872……哈哈!_
法子兄再後叫我「你最好加一句,咁1.6咪就係4萬1囉!」
28. 大寶二寶 2014-05-18 14:49:47
回25

HSI 我就吾識睇,不過CCL我相信會升上170。 多謝分享。

共勉之, 哈哈!
29. 大寶二寶 2014-05-18 15:08:13
回26

我應該稱呼你為爆咀師兄。 我也是華山派第十二代第子, 有機會定要好好同你切磋, 切磋。

共勉之, 哈哈!
30. 引刀一快 2014-05-18 21:02:48
我覺得,我應該叫你做“新笑爆咀”兄,我亦大膽建議你用“新笑爆咀”作爲筆名,舊嘅笑爆咀....................................................
31. 笑爆咀 2014-05-18 21:43:18
只怕新不如舊
32. 笑爆咀 2014-05-18 21:44:03
只怕新不如舊
33. 大寶二寶 2014-05-18 21:56:47
回32 新笑爆咀兄

忽然詩癮又起:

去年今日此欄中
爆咀笑聲双映紅
爆咀不知何處去
換來A貨笑春風!

熱烈欢迎新爆咀兄。

共勉之, 哈哈!
34. 笑爆咀 2014-05-18 22:19:01
大寶兄果然風雅!
35. 蜕变中嘅懶人 2014-05-18 22:34:34

回32 新笑爆咀兄

我亦贪玩送首詩俾新笑爆咀兄,新一定好過舊,請笑納。

新歡艷壓舊時人

笑語輕颦喜若嗔

爆竹連聲傳韻事

咀角含春泛红暈

36. 笑爆咀 2014-05-18 22:57:15
懶人兄,好詩!
37. CH 2014-05-19 00:02:13
懶人兄好勁!
38. 大寶二寶 2014-05-19 00:57:43
懶人兄果然才高八斗, 深藏不露。

共勉之, 哈哈!
39. 引刀一快 2014-05-19 03:18:46
不如,叫“笑爆新咀”吖嗱!
40. 笑爆咀 2014-05-19 08:39:25
我沒有各位的文彩,我也學小陽師姐貼上歌詞,但是送給梁振英的,你的房策不管用:

*雷雨要爆發每每瞬息間
 平靜不可掩飾巨浪會翻
 仍苦苦支撐是捨不得
 我恨你抹角轉彎

41. To 4/F 2014-05-19 10:33:58
Exactly, brother. Almost the whole world are working for USA and supporting their borrowed
living. Sadly, most people aspire to be an American.